Image may be NSFW.
Clik here to view.
ដោយ អ៊ុំ រង្សី RFA 2016-07-22
កម្មករជិត ១០០នាក់ នៅរោងចក្រ ជុងហ្វៃ (Chung Fai) ស្ថិតនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ នៅថ្ងៃទី២២ កក្កដា បាននាំគ្នាតវ៉ានៅខាងមុខសាលាដំបូងរាជធានីភ្នំពេញ ដើម្បីពន្លឿនឲ្យស្ថាប័ននេះចេញដីកាការពារទ្រព្យសម្បត្តិក្នុងរោងចក្រក្រោយថៅកែរត់ចោលដោយមិនព្រមដោះស្រាយសំណង និងប្រាក់អត្ថប្រយោជន៍ឲ្យពួកគេ។
កម្មករនៅរោងចក្ររោងចក្រតម្បាញជុងហ្វៃ អះអាងថា ថៅកែបានរត់ចោល និងបានព្យាយាមដឹកសម្ភារៈចេញ ខណៈថៅកែរោងចក្រនេះមិនទាន់បានដោះស្រាយសំណង និងប្រាក់អត្ថប្រយោជន៍ការងារឲ្យពួកគេមុននឹងបិទទ្វាររោងចក្រនោះឡើយ។
តំណាងកម្មកររោងចក្រជុងហ្វៃ កញ្ញា ឌី ដាឡែន ថ្លែងនៅថ្ងៃទី២២ កក្កដា ថា រាល់ថ្ងៃកម្មករដែលភាគច្រើនជាស្រីៗ បានដាក់វេនគ្នាយាមសម្ភារៈ និងឧបករណ៍ក្នុងរោងចក្រខ្លាចក្រែងមានជនឆ្លៀតឱកាសលួចទ្រព្យសម្បត្តិក្នុងរោងចក្រដែលពុំមានសង្វាក់ផលិតកម្ម។ កញ្ញាបន្តថា ក្នុងការយាមនេះ កម្មករចំណាយពេលវេលាយូរ និងព្រួយបារម្ភពីសុវត្ថិភាពផ្ទាល់ខ្លួន។ កញ្ញាបញ្ជាក់ថា ក្រៅពីស្នើឲ្យសាលាដំបូងចេញដីកាការពារទ្រព្យសម្បត្តិរោងចក្រ កម្មករក៏ទាមទារឲ្យឲ្យថៅកែដោះស្រាយប្រាក់ខែជូនពួកគេឲ្យបានឆាប់ផងដែរ៖ «កម្មករពួកខ្ញុំមិនចង់បានទ្រព្យសម្បត្តិរោងចក្រនោះទេ ចង់បានតែប្រាក់ខែពួកខ្ញុំ និងចង់ឲ្យថៅកែរោងចក្រចូលខ្លួនមកដោះស្រាយបញ្ហានេះប៉ុណ្ណោះ»។
តំណាងកម្មករម្នាក់ទៀត លោកស្រី ទ្រេស សំរ៉ស់ អះអាងថា ពួកគេបានដាក់ញត្តិទៅសាលាដំបូងតាំងពីថ្ងៃទី១៨ ខែកក្កដា តែមិនទាន់មានការឆ្លើយតបណាមួយពីតុលាការ។ លោកស្រីទទូចឲ្យតុលាការត្រូវតែពន្លឿនដោះស្រាយបញ្ហានេះឲ្យបានឆាប់ ព្រោះពួកគេពុំមានទំនុកចិត្តនោះទេ ដោយសាររោងចក្រនេះពុំមានសង្វាក់ផលិតកម្មទៀតទេ ហើយថៅកែនិងថ្នាក់ដឹកនាំជាជនជាតិចិន ក៏បាត់មុខអស់ហើយដែរ៖ «គឺចង់ឲ្យគាត់ចេញដីកាការពាររោងចក្រឲ្យឆាប់មក ព្រោះពួកខ្ញុំពិបាកជីវភាពណាស់ ហើយពួកខ្ញុំយល់ថា បើតុលាការផ្ដល់ដីកាការពារមកពួកខ្ញុំមានភាពកក់ក្ដៅខ្លាំង។ ពួកខ្ញុំមិនចំណាយពេលវេលាយូរទៀតនោះទេ»។
វិទ្យុអាស៊ីសេរី មិនអាចទាក់ទងប្រធានរដ្ឋបាលរោងចក្រជុងហ្វៃ លោក ជា សុជាតិ និងអ្នកស្រី ស៊ លីនណា ចៅក្រមនៃសាលាដំបូងរាជធានីភ្នំពេញ ដែលកាន់រឿងក្តីរោងចក្រជុងហ្វៃ ដើម្បីឆ្លើយបំភ្លឺជុំវិញបញ្ហានេះបានទេ នៅថ្ងៃទី២២ ខែកក្កដា។
ប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា សោកស្ដាយចំពោះក្រុមនិយោជក ដែលតែងរត់ចោលកម្មករ និងបិទរោងចក្រទាំងមិនបានដោះស្រាយសំណងជូនកម្មករ។ លោកស្នើឲ្យ តុលាការគួរតែពង្រឹងច្បាប់ចំពោះថៅកែរោងចក្រឲ្យបានប្រសើរជាងនេះ ដើម្បីកុំឲ្យកម្មករកម្ពុជា បន្តរងគ្រោះដោយសារបញ្ហានេះ៖ «សូមឲ្យអ្នកវិនិយោគ ទាំងអស់ គាត់ត្រូវតែហ៊ានបង្ហាញនៅការតម្កល់លុយរបស់ខ្លួននៅក្នុងធនាគារ ជាតិ ហើយរដ្ឋក៏ត្រូវតែបង្ហាញថា នៅពេលដែលរោងចក្របិទទ្វា រដ្ឋត្រូវតែយកលុយហ្នឹងមកទូទាត់ ឬបង្ហាញឲ្យកម្មករបានដឹង ឧទាហរណ៍ថា ទូទាត់ទៅត្រូវសងកម្មករ ត្រូវតែសងកម្មករ ព្រោះកម្មករគាត់ចងបានតែអ្វីដែលជារបស់គាត់ប៉ុណ្ណោះ»។
ក្រៅពីស្នើឲ្យសាលាដំបូងចេញដីកាការពារទ្រព្យសម្បត្តិរោងចក្រ ក្រុមកម្មករក៏បានស្នើឲ្យដោះស្រាយបញ្ហាចំនួន ៥ចំណុចទៀតដែរ ក្នុងនោះមានដូចជា ទាមទារឲ្យក្រុមហ៊ុនសងប្រាក់ឈ្នួលចុងក្រោយចាប់ពីខែមិថុនា ប្រាក់អតីតភាពការងារ ប្រាក់ជំងឺចិត្ត ដែលក្រុមហ៊ុនយកលេសអត់មានការងារធ្វើ។ កម្មករក៏ស្នើសុំឲ្យក្រុមហ៊ុនគោរពសេចក្ដីប្រកាសរបស់ក្រសួងការងារ ចំពោះការផ្ដល់ប្រាក់ខែគោលឲ្យកម្មករគ្រប់ចំនួន។
ក្រុមកម្មករប្រកាន់ជំហរទៅធ្វើកូដកម្មនៅខាងមុខ សាលាដំបូងរាជធានីភ្នំពេញ និងបន្តហែញត្តិទៅកាន់ផ្ទះលោកនាយករដ្ឋមន្ត្រី ហ៊ុន សែន ប្រសិនបើគ្មានដំណោះស្រាយពីថៅកែរោងចក្រដោះស្រាយប្រាក់ខែ និងប្រាក់អត្ថប្រយោជន៍ឲ្យកម្មករជិត ២០០នាក់ មុននឹងរោងចក្របិទទ្វារនោះទេ៕
Clik here to view.
ដោយ អ៊ុំ រង្សី RFA 2016-07-22
កម្មករជិត ១០០នាក់ នៅរោងចក្រ ជុងហ្វៃ (Chung Fai) ស្ថិតនៅភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ នៅថ្ងៃទី២២ កក្កដា បាននាំគ្នាតវ៉ានៅខាងមុខសាលាដំបូងរាជធានីភ្នំពេញ ដើម្បីពន្លឿនឲ្យស្ថាប័ននេះចេញដីកាការពារទ្រព្យសម្បត្តិក្នុងរោងចក្រក្រោយថៅកែរត់ចោលដោយមិនព្រមដោះស្រាយសំណង និងប្រាក់អត្ថប្រយោជន៍ឲ្យពួកគេ។
កម្មករនៅរោងចក្ររោងចក្រតម្បាញជុងហ្វៃ អះអាងថា ថៅកែបានរត់ចោល និងបានព្យាយាមដឹកសម្ភារៈចេញ ខណៈថៅកែរោងចក្រនេះមិនទាន់បានដោះស្រាយសំណង និងប្រាក់អត្ថប្រយោជន៍ការងារឲ្យពួកគេមុននឹងបិទទ្វាររោងចក្រនោះឡើយ។
តំណាងកម្មកររោងចក្រជុងហ្វៃ កញ្ញា ឌី ដាឡែន ថ្លែងនៅថ្ងៃទី២២ កក្កដា ថា រាល់ថ្ងៃកម្មករដែលភាគច្រើនជាស្រីៗ បានដាក់វេនគ្នាយាមសម្ភារៈ និងឧបករណ៍ក្នុងរោងចក្រខ្លាចក្រែងមានជនឆ្លៀតឱកាសលួចទ្រព្យសម្បត្តិក្នុងរោងចក្រដែលពុំមានសង្វាក់ផលិតកម្ម។ កញ្ញាបន្តថា ក្នុងការយាមនេះ កម្មករចំណាយពេលវេលាយូរ និងព្រួយបារម្ភពីសុវត្ថិភាពផ្ទាល់ខ្លួន។ កញ្ញាបញ្ជាក់ថា ក្រៅពីស្នើឲ្យសាលាដំបូងចេញដីកាការពារទ្រព្យសម្បត្តិរោងចក្រ កម្មករក៏ទាមទារឲ្យឲ្យថៅកែដោះស្រាយប្រាក់ខែជូនពួកគេឲ្យបានឆាប់ផងដែរ៖ «កម្មករពួកខ្ញុំមិនចង់បានទ្រព្យសម្បត្តិរោងចក្រនោះទេ ចង់បានតែប្រាក់ខែពួកខ្ញុំ និងចង់ឲ្យថៅកែរោងចក្រចូលខ្លួនមកដោះស្រាយបញ្ហានេះប៉ុណ្ណោះ»។
តំណាងកម្មករម្នាក់ទៀត លោកស្រី ទ្រេស សំរ៉ស់ អះអាងថា ពួកគេបានដាក់ញត្តិទៅសាលាដំបូងតាំងពីថ្ងៃទី១៨ ខែកក្កដា តែមិនទាន់មានការឆ្លើយតបណាមួយពីតុលាការ។ លោកស្រីទទូចឲ្យតុលាការត្រូវតែពន្លឿនដោះស្រាយបញ្ហានេះឲ្យបានឆាប់ ព្រោះពួកគេពុំមានទំនុកចិត្តនោះទេ ដោយសាររោងចក្រនេះពុំមានសង្វាក់ផលិតកម្មទៀតទេ ហើយថៅកែនិងថ្នាក់ដឹកនាំជាជនជាតិចិន ក៏បាត់មុខអស់ហើយដែរ៖ «គឺចង់ឲ្យគាត់ចេញដីកាការពាររោងចក្រឲ្យឆាប់មក ព្រោះពួកខ្ញុំពិបាកជីវភាពណាស់ ហើយពួកខ្ញុំយល់ថា បើតុលាការផ្ដល់ដីកាការពារមកពួកខ្ញុំមានភាពកក់ក្ដៅខ្លាំង។ ពួកខ្ញុំមិនចំណាយពេលវេលាយូរទៀតនោះទេ»។
វិទ្យុអាស៊ីសេរី មិនអាចទាក់ទងប្រធានរដ្ឋបាលរោងចក្រជុងហ្វៃ លោក ជា សុជាតិ និងអ្នកស្រី ស៊ លីនណា ចៅក្រមនៃសាលាដំបូងរាជធានីភ្នំពេញ ដែលកាន់រឿងក្តីរោងចក្រជុងហ្វៃ ដើម្បីឆ្លើយបំភ្លឺជុំវិញបញ្ហានេះបានទេ នៅថ្ងៃទី២២ ខែកក្កដា។
ប្រធានសម្ព័ន្ធសហជីពចលនាកម្មករ លោក ប៉ាវ ស៊ីណា សោកស្ដាយចំពោះក្រុមនិយោជក ដែលតែងរត់ចោលកម្មករ និងបិទរោងចក្រទាំងមិនបានដោះស្រាយសំណងជូនកម្មករ។ លោកស្នើឲ្យ តុលាការគួរតែពង្រឹងច្បាប់ចំពោះថៅកែរោងចក្រឲ្យបានប្រសើរជាងនេះ ដើម្បីកុំឲ្យកម្មករកម្ពុជា បន្តរងគ្រោះដោយសារបញ្ហានេះ៖ «សូមឲ្យអ្នកវិនិយោគ ទាំងអស់ គាត់ត្រូវតែហ៊ានបង្ហាញនៅការតម្កល់លុយរបស់ខ្លួននៅក្នុងធនាគារ ជាតិ ហើយរដ្ឋក៏ត្រូវតែបង្ហាញថា នៅពេលដែលរោងចក្របិទទ្វា រដ្ឋត្រូវតែយកលុយហ្នឹងមកទូទាត់ ឬបង្ហាញឲ្យកម្មករបានដឹង ឧទាហរណ៍ថា ទូទាត់ទៅត្រូវសងកម្មករ ត្រូវតែសងកម្មករ ព្រោះកម្មករគាត់ចងបានតែអ្វីដែលជារបស់គាត់ប៉ុណ្ណោះ»។
ក្រៅពីស្នើឲ្យសាលាដំបូងចេញដីកាការពារទ្រព្យសម្បត្តិរោងចក្រ ក្រុមកម្មករក៏បានស្នើឲ្យដោះស្រាយបញ្ហាចំនួន ៥ចំណុចទៀតដែរ ក្នុងនោះមានដូចជា ទាមទារឲ្យក្រុមហ៊ុនសងប្រាក់ឈ្នួលចុងក្រោយចាប់ពីខែមិថុនា ប្រាក់អតីតភាពការងារ ប្រាក់ជំងឺចិត្ត ដែលក្រុមហ៊ុនយកលេសអត់មានការងារធ្វើ។ កម្មករក៏ស្នើសុំឲ្យក្រុមហ៊ុនគោរពសេចក្ដីប្រកាសរបស់ក្រសួងការងារ ចំពោះការផ្ដល់ប្រាក់ខែគោលឲ្យកម្មករគ្រប់ចំនួន។
ក្រុមកម្មករប្រកាន់ជំហរទៅធ្វើកូដកម្មនៅខាងមុខ សាលាដំបូងរាជធានីភ្នំពេញ និងបន្តហែញត្តិទៅកាន់ផ្ទះលោកនាយករដ្ឋមន្ត្រី ហ៊ុន សែន ប្រសិនបើគ្មានដំណោះស្រាយពីថៅកែរោងចក្រដោះស្រាយប្រាក់ខែ និងប្រាក់អត្ថប្រយោជន៍ឲ្យកម្មករជិត ២០០នាក់ មុននឹងរោងចក្របិទទ្វារនោះទេ៕
