ប្រាសាទជ្រុងជាប្រាសាទតូចមួយ ដែលស្ថិតនៅគ្រប់ជ្រុងលើបរិវេណកំពែងប្រាសាទអង្គរធំ កាច់ជ្រុងនៃទន្លេអុំ ប្របដោយព្រៃព្រឹក្សាបៃតងខ្ចីគ្រប់រដូវ។ ជ្រុងខាងលិច គឺស័ក្ដិសមជាទីឋានសម្រាប់គយគន់ព្រះសូរិយាហៀបនឹងអស្ដង្គត។ សម្រាប់ភ្ញៀវទេសចរដែលប្រាថ្នាទស្សនាពន្លឺដ៏ស្រទន់នៃព្រះសូរិយាពេញភ្នែក ពួកគេគួរតែធ្វើដំណើរដោយថ្នើរជើង ឬកង់ ម៉ូតូ ចូលតាមខ្លោងទ្វារផ្នែកខាងត្បូងនៃប្រាសាទអង្គរធំ រួចបត់ខាងឆ្វេងដៃបណ្ដោយទន្លេអុំ ទៅទិសខាងលិចរហូតដល់កន្លែងកាច់ជ្រុងនៃកំពែងប្រាសាទចម្ងាយប្រមាណ ៣ គីឡូម៉ែត្រ។
↧
