ក្រុមស៊ីឈ្នួលថោកទាបមនុស្សកំពុងមានទុក្ខរួមទាំងខ្មែរមួយនគរផងវាបែជាទូរស័ព្ទសួររឿងលុយទៅវិញ? ~Reader
(ថ្ងៃទី 27 កក្កដា 2016, ម៉ោង 10:50:AM) | ដោយ: មុនីរាជCEN
ភ្នំពេញ: ព្រះតេជគុណ ប៊ុត ប៊ុនតិញ សមាជិកគណៈកម្មការ រៀបចំបុណ្យសពលោក បណ្ឌិត កែម ឡី បានបាត់ព្រះកាយភ្លាមៗ ពីកន្លែងពិធីបុណ្យសព ក្រោយពីសព ត្រូវបានបញ្ចុះរួចរាល់ នៅស្រុកកំណើត កាលពីថ្ងៃទី២៤ ខែកក្កដា ឆ្នាំ២០១៦។ ការបាត់ព្រះកាយរបស់ព្រះអង្គ ប៊ុនតិញ គឺបានធ្វើឲ្យមានការភ្ញាក់ផ្អើល។ មជ្ឈដ្ឋាននានា បានដាក់ការសង្ស័យថា ព្រះអង្គ បានបាត់ព្រះកាយ ដោយនាំយកលុយបុណ្យ មួយចំនួនទៅជាមួយ និងខ្លះទៀតថា ការបាត់ព្រះកាយ គឺដោយសារអាជ្ញាធរ មានសមត្ថកិច្ច តាមចាប់។
តើមានអ្វីខ្លះ ដែលជាបញ្ហា នៅពីក្រោយការដឹកនាំ រៀបចំចាត់ចែង ពិធីបុណ្យសព និងបញ្ហាពាក់ព័ន្ធ ជាមួយលុយកាក់ នៃចំណូលបានមកពីបុណ្យសព លោក កែម ឡី ឬមួយក៏ដូចពាក្យស្លោក មួយឃ្លា បានពោលថា គោដំបៅខ្នង ក្អែកហើររំលង រំសាយកន្ទុយ។
បើតាមប្រភពព័ត៌មាន ច្បាស់ការណ៍ ពីមនុស្សស្និទ្ធជាមួយ ព្រះតេជគុណ ប៊ុត ប៊ុនតិញ បានឲ្យដឹងថា ព្រះតេជគុណ បានកិបកេងលុយបុណ្យសព ហើយព្រះអង្គ ប៊ុត ប៊ុនតិញ មិនបានរត់ភៀសខ្លួន ទៅណាទេ។ ប៉ុន្តែព្រះអង្គ កំពុងតែលាក់ព្រះកាយ នៅកន្លែងសុវត្ថិភាពមួយ គេចពីការតាមឃ្លាំមើល របស់សមត្ថកិច្ច។
ទាក់ទងការចោទប្រកាន់នេះ ព្រះតេជគុណ ប៊ុត ប៊ុនតិញ បានបដិសេធថា ព្រះអង្គមិនបានពាក់ព័ន្ធ រឿងលុយកាក់បុណ្យសព លោកបណ្ឌិត កែម ឡី នោះទេ។
ពាក់ព័ន្ធព័ត៌មាន យកលុយបុណ្យសពនេះ ព្រះតេជគុណ បានប្រាប់អ្នកកាសែតថា ព្រះអង្គ សូមអត់ធ្វើអត្ថាធិប្បាយ ពីព្រោះអត់មានព័ត៌មាន ហើយព្រះអង្គ មិនមែនជាមនុស្ស ដើរបញ្ចុះបញ្ចូលឲ្យគេ បាត់បង់សេចក្តីសុខ សុភមង្គលគ្រួសារគេ រឿងអស់នឹងអត់ធ្វើអត្ថាធិប្បាយកើត ពីព្រោះមិនមែនជាឆន្ទៈ និងចេតនារបស់ព្រះអង្គ។
ព្រះអង្គ បញ្ជាក់ថា “ចាប់ពីការចាប់ផ្តើម ធ្វើពិធីបុណ្យ គឺយើងមិនដែល ទៅរាប់លុយ គឺធ្វើកិច្ចការយ៉ាងណា ឲ្យការធ្វើបុណ្យលោក បណ្ឌិត កែម ឡី បានចប់ ដោយមានការចូលរួម ពីអ្នកគាំទ្រលោក កែម ឡី ឲ្យបានច្រើន ហើយរឿងលុយកាក់ មិនទទួលព័ត៌មានទេ។ ...ហើយបើទាក់ទងរឿង ផ្ញើលុយកាក់ យើងរុញឲ្យគេដាក់កុងធនាគារ ឬក៏ទាក់ទងជាមួយប្រពន្ធ លោកបណ្ឌិត កែម ឡី ផ្ទាល់។ អាត្មាអត់ដឹងថា រឿងលុយអ្នកកាន់ អ្នកណាទទួល គឺអត់ដឹងទេ”។
ព្រះអង្គ បានបញ្ជាក់ថា “មិនមែនបាត់ខ្លួនអាត្មា ដោយមានការបាត់បង់លុយទេ ទាល់តែអ្នកស្រី ប៊ូ រចនា បានគាត់ដឹងរឿងនឹងច្បាស់ រឿងបាត់លុយ បាត់កាក់ ទាល់តែញោម ប៊ូ រចនា ដែលជាខ្សែស្រឡាយទី១ មានសិទ្ធិស្របច្បាប់ ក្នុងការគ្រប់គ្រងថវិកា ជំនួយពីពុទ្ធបរិស័ទ”។
អ្នកស្រី ប៊ូ រចនា ប្រពន្ធសពលោក បណ្ឌិត កែម ឡី មិនអាចសុំការអត្ថាធិប្បាយបានទេ ដោយទូរស័ព្ទចូល មិនមានអ្នកទទួល។
ជុំវិញព័ត៌មានថា ប៉ូលិសតាមចាប់ ព្រះតេជគុណ ប៊ុត ប៊ុនតិញ លោកនាយឧត្តមសេនីយ៍ ខៀវ សុភ័គ អ្នកនាំពាក្យ ក្រសួងមហាផ្ទៃ បានបដិសេធ ថាមិនមានហេតុផលណា ដែលសមត្ថកិច្ច ត្រូវការតាមរកព្រះអង្គនោះទេ។ បើមានការគំរាមណាមួយ ដល់ព្រះអង្គ សូមនិមន្តទៅប៉ុស្តិ៍នគរបាលណា ដែលនៅក្បែរព្រះអង្គ ដើម្បីទទួលបានការការពារ។
សូមម្រាបថា សពលោកបណ្ឌិត កែម ឡី បានធ្វើការបញ្ចុះ នៅស្រុកកំណើតរបស់គាត់ ដែលស្ថិតនៅក្នុងភូមិអង្គតាកុប ឃុំលាយបូ ស្រុកត្រាំកក់ ខេត្តតាកែវ កាលពីវេលាម៉ោង ប្រមាណជា ១១ ព្រឹក ថ្ងៃទី២៥ ខែកក្កដា ឆ្នាំ២០១៦។ សពបានហែរចេញចេញពី វត្តពោធិ៍យារាម ហៅវត្តចាស់ ស្ថិតនៅសង្កាត់ជ្រោយចង្វារ ខណ្ឌជ្រោយចង្វារ ទៅខេត្តតាកែវ ដែលជាស្រុកកំណើត របស់លោកបណ្ឌិត កែម ឡី។
សពលោកបណ្ឌិត កែម ឡី បានតម្កល់ទុក នៅវត្តពោធិ៍យារាម ហៅវត្តចាស់ អស់រយៈ១៤ថ្ងៃ គឺបន្ទាប់ពី ឃាតករបាញ់សម្លាប់ នៅក្នុងស្តារម៉ាត ស្ថាននីយប្រេងឥន្ធនៈ កាល់តិច ស្តុបបូកគោ កាលពីព្រឹកថ្ងៃទី១០ ខែកក្កដា ឆ្នាំ២០១៦។ ភា្លមៗ សមត្ថកិច្ច បានតាមចាប់ខ្លួនឃាតករបាន៕N/S