Image may be NSFW.
Clik here to view.
Shaun Turton and ម៉ិច ដារ៉ា ភ្នំពេញប៉ុស្តិ៍ Thu, 5 May 2016
ភ្នំពេញៈ ខណៈបុរសបីនាក់ត្រូវប្រឈមមុខនឹងតុលាការកាលពីថ្ងៃទី ២៨ ខែមេសាពាក់ព័ន្ធនឹងករណីវាយប្រហារយ៉ាងព្រៃផ្សៃទៅលើតំណាងរាស្រ្តគណបក្សប្រឆាំងពីររូបនៅខាងក្រៅរដ្ឋសភាកាលពីឆ្នាំមុនឯកសារផ្លូវការបានបញ្ជាក់ថាចុងចោទគឺជាសមាជិកនៃកងអង្គរក្សរបស់លោកនាយករដ្ឋមន្រ្តី ហ៊ុន សែន ហើយភ័ស្តុតាងបន្ថែមបង្ហាញនូវការពាក់ព័ន្ធដោយកងអង្គរក្សនេះ។
ម៉ៅ ហឿង អាយុ ៣៤ ឆ្នាំ សូត វន្នី អាយុ ៤៥ ឆ្នាំ ឆាយ សារិទ្ធ អាយុ ៣៣ ឆ្នាំត្រូវបាននាំចូលសវនាការសាលាដំបូងរាជធានីភ្នំពេញកាលពីថ្ងៃទី ២៨ ខែមេសាពីបទបង្កហិង្សាដោយចេតនាមានស្ថានទម្ងន់ទោស និងបំផ្លាញទ្រព្យសម្បត្តិពាក់ព័ន្ធនឹងការវាយប្រហារទៅលើតំណាងរាស្រ្តគណបក្សសង្គ្រោះជាតិ ២ រូបគឺលោក ញ៉យ ចំរើន និងលោក គង់ សភា កាលពីថ្ងៃទី ២៦ តុលា ឆ្នាំ ២០១៥។
ខណៈកាលពីពេលមុនគ្រាន់តែត្រូវបានកំណត់អត្តសញ្ញាណថាជា «ទាហាន» ហើយបើទោះជាកងអង្គរក្សបានបង្ហាញយ៉ាងច្បាស់មិនទទួលស្គាល់ពួកគេក៏ដោយ ក៏ឯកសារផ្លូវការដែលចុះហត្ថលេខាដោយអាជ្ញាធរ និងឃើញដោយកាសែតភ្នំពេញប៉ុស្តិ៍បង្ហាញថាបុរសទាំងបីនាក់នេះគឺជាសមាជិក «កងអង្គរក្ស»។
នៅពេលទាក់ទងកាលពីថ្ងៃទី ២៧ ខែមេសាប្រធានកងអង្គរក្សលោកឧត្តមសេនីយ៍ឯក ហ៊ីង ប៊ុនហៀង ពីដំបូងបានថ្លែងជាដដែលៗបដិសេធថាមិនមានការពាក់ព័ន្ធពីកងអង្គរក្សនោះទេ។ ប៉ុន្តែនៅពេលភ្នំពេញប៉ុស្តិ៍ជម្រាបថាបានឃើញឯកសារដែលបញ្ជាក់អំពីអង្គភាពរបស់បុរសទាំងបីនាក់នោះលោកបានប្រាប់អ្នកកាសែតថា «កុំបំផ្លើស» ពីមុនពេលលោកលើកមូលហេតុចំពោះទង្វើរបស់ជនសង្ស័យទាំងបីនាក់នោះថាដោយសារមានការវាយប្រហារពាក្យសម្តីដោយជនរងគ្រោះ។
Image may be NSFW.
Clik here to view.
លោក ប៊ុនហៀង បានថ្លែងថា៖ «ពួកគេឈឺចាប់... តំណាងរាស្រ្តបានជេរថ្នាក់ដឹកនាំគណបក្សរបស់ពួកគេ»។ «.... វាជាសិទ្ធិនៅក្នុងលទ្ធិប្រជាធិបតេយ្យទៅវិញទៅមក»។
ខណៈមានបុរសតែបីនាក់ត្រូវបានចោទប្រកាន់ចំពោះការវាយប្រហារនេះរូបភាពវីដេអូនៃការវាយប្រហារបង្ហាញថាយ៉ាងហោចណាស់មានមនុស្សដល់ ១៦ នាក់បានវាយប្រហារទាត់ធាក់ទៅលើតំណាងរាស្រ្តបន្ទាប់ពីតំណាងរាស្រ្តត្រូវបានអូសចេញពីឡាននៅខាងក្រៅរដ្ឋសភា។
Content image - Phnom Penh Post
អ្នកនាំពាក្យក្រសួងមហាផ្ទៃលោក ខៀវ សុភ័គកាលពីថ្ងៃទី ២៧ ខែមេសាបានច្រានចោលចំពោះសំណួរអំពីជនសង្ស័យដទៃៗទៀត។ «អ្វីដែលសំខាន់បំផុតនោះគឺថាយើងបានបញ្ជូនរបាយការណ៍សំណុំរឿងនេះទៅតុលាការហើយយើងមានជនល្មើសបីនាក់ដែលមកសារភាព»។ «រហូតមកដល់ពេលនេះតុលាការមិនបានបញ្ជាឲ្យក្រសួងធ្វើអ្វីផ្សេងទៀតទេ»។
ដោយសុំមិនបញ្ចេញឈ្មោះអ្នកសង្កេតការណ៍បរទេសម្នាក់ដែលធ្វើការឲ្យអង្គការអន្តរជាតិមួយក្នុងប្រទេសកម្ពុជាដែលបានតាមដានសំណុំរឿងនេះបានថ្លែងថាវាមានការងឿងឆ្ងល់ថាតើអ្នកវាយប្រហារច្រើនជាងនេះនឹងត្រូវនាំយកទៅកាត់ទោសឬអត់? ពួកគេបានថ្លែងថា៖ «មន្រ្តីរដ្ឋាភិបាលពេញចិត្តដែលនេះជាសំណុំរឿងបិទពួកគេមានជនសង្ស័យបីនាក់»។
នៅជិតទន្លេបាសាក់ក្នុងក្រុងតាខ្មៅ ខេត្តកណ្តាលគឺជាមូលដ្ឋានមួយដែលប្រើប្រាស់ដោយកងអង្គរក្សរបស់លោកនាយករដ្ឋមន្រ្តី។ បើតាមម្ចាស់ក្រុមហ៊ុនជួលរថយន្តដែលសម្ភាសដោយវិទ្យុអាស៊ីសេរីបានឲ្យដឹងថាវាគឺពីទីនេះដែលបុរសទាំងនោះត្រូវបានដឹកទៅរដ្ឋសភានៅថ្ងៃវាយប្រហារ។
រូបថតថ្មីមួយដែលផ្សព្វផ្សាយនៅលើប្រព័ន្ធផ្សព្វផ្សាយសង្គមបន្ទាប់ពីនោះបង្ហាញថាមានបុរសប្រហែល ៣០ នាក់នៅក្នុងផ្លូវចូលមូលដ្ឋាននេះ។ មនុស្សជាង ១០ នាក់កំពុងរង់ចាំនៅខាងក្រោយរថយន្តពណ៌ខៀវរីឯអ្នកដទៃទៀតចូលទៅក្នុងឡានវ៉ែន។ វីដេអូបង្ហាញបុរសម្នាក់ដែលស្លៀកពាក់ដូចគ្នាបានចូលរួមនៅក្នុងជម្លោះនោះដោយទាញលោក ចំរើន ពីរថយន្តត្រូវគេជឿថាជាជនសង្ស័យឈ្មោះ ម៉ៅ ហឿង ដែលបានវាយចុងក្រោយគេទៅលើតំណាងរាស្រ្តដែលដួលនៅនឹងដី។ បុរសនោះបន្ទាប់មកបានចាប់ផ្តើមយកទូរស័ព្ទមកតេ។
លោក Phil Robertson អនុប្រធានអង្គការឃ្លំាមើលសិទ្ធិមនុស្សប្រចាំអាស៊ីបានថ្លែងថា៖ «ច្បាស់ណាស់អ្នកវាយប្រហារមួយចំនួនសម្របសម្រួលដោយអាយកូម និងទូរស័ព្ទដៃជាមួយមនុស្សដែលមិនស្ថិតនៅក្នុងកន្លែងតវ៉ា»។
នៅយប់មុនការវាយប្រហារលោកនាយករដ្ឋមន្រ្តី ហ៊ុន សែន បន្ទាប់ពីជួបការតវ៉ាក្នុងអំឡុងដំណើរទស្សនកិច្ចរបស់លោកទៅប្រទេសបារាំងបានព្រលយអំពីបាតុកម្មតបតដែលនឹងកើតឡើងនៅកម្ពុជា។ មនុស្សប្រហែល ២០០០ នាក់បាននាំគ្នាទៅរដ្ឋសភាកាលពីថ្ងៃទី ២៦ តុលា និងបានទាមទារឲ្យបណ្តេញលោក កឹម សុខា ចេញពីតំណែងអនុប្រធានទី ១ រដ្ឋសភា។
លោក ហ៊ុន សែន បានថ្លែងថា៖ «ប្រសិនបើអ្នកលេង កុំខឹងប្រសិនបើអ្នកខឹង កុំលេងប្រសិនបើថ្ងៃស្អែក ពួកគេលេងនៅភ្នំពេញ កុំខឹងពួកគេ»។
វាគឺដោយសារតែបាតុកម្មតបតដែលធ្វើឲ្យមានការវាយប្រហារទៅលើតំណាងរាស្រ្តគណបក្សសង្គ្រោះជាតិ។
លោកនាយករដ្ឋមន្រ្តី និងឥស្សរជននៃគណបក្សប្រជាជនដទៃទៀតបានថ្កោលទោសចំពោះអំពើហិង្សានេះយ៉ាងឆាប់រហ័សហើយបានប្រកាសថាបាតុកម្មដែលជាការសម្តែងនូវ «ឆន្ទៈរបស់ប្រជាជន» មិនជាប់ពាក់ព័ន្ធនឹងអំពើហិង្សានេះទេ។
កាលពីខែវិច្ឆិកាឆ្នាំមុន ភ្នំពេញ ប៉ុស្តិ៍ បានផ្សាយថា ប្រធានកិត្តិយសនៃក្រុមយុវជនដែលបានដឹកនាំការតវ៉ាគឺសហព័ន្ធយុវជនសេនានាគដែលមានសម្ព័ន្ធនឹងគណបក្សប្រជាជន (YFS) គឺលោកឧត្តមសេនីយ៍ត្រី ឌៀង សារុន ដែលជាមេបញ្ជាការរងនៃអង្គភាពអង្គរក្ស។ មេបញ្ជាការជាន់ខ្ពស់រូបនេះដែលមិនអាចទាក់ទងសុំការអត្ថាធិប្បាយបានកាលពីថ្ងៃទី ២៧ ខែមេសាគឺជាប្រធានមូលដ្ឋាននៅក្រុងតាខ្មៅផងដែរដែលគេស្គាល់ថាជាមូលដ្ឋានពោងលឿងដែលគេបានថតរូបទាហានកំពុងឡើងលើឡាន។
ម្ចាស់សេវារថយន្តជួលដែលបានសម្ភាសដោយវិទ្យុអាស៊ីសេរីដែលភ្នំពេញប៉ុស្តិ៍មិនអាចទាក់ទងបានបានឲ្យដឹងថាគាត់បានជួលរថយន្តចំនួន ១០ គ្រឿងក្នុងតម្លៃ ៤០ ដុល្លារក្នុងមួយគ្រឿងដើម្បីដឹកបុរសពីមូលដ្ឋានពោងលឿងទៅរដ្ឋសភានៅថ្ងៃ ២៦ ខែតុលា។ លោកថ្លែងថារថយន្តមួយគ្រឿងដឹកមនុស្សប្រហែល ១៨ នាក់។
ម្ចាស់ក្រុមហ៊ុនដែលសុំមិនបញ្ចេញឈ្មោះនោះបានថ្លែងថា៖ «ពួកគេទាំងអស់គ្នាជាទាហានប្រុសអាយុក្រោម ៣០ ឆ្នាំ»។
ពេលដែលភ្នំពេញប៉ុស្តិ៍ចុះទៅក្រុងតាខ្មៅនៅថ្ងៃបន្ទាប់ក្រោយពីការវាយប្រហារដើម្បីសម្ភាសក្រុមគ្រួសាររបស់ជនសង្ស័យ លោក វន្នី គេបានប្រាប់អ្នកយកព័ត៌មានឲ្យទៅសុំការអនុញ្ញាតពីមេបញ្ជាការរបស់គាត់ «បងរុន» ជាឈ្មោះហៅក្រៅសម្រាប់ឈ្មោះ សារុន ហើយត្រូវបានគេបង្វែរឲ្យទៅកាន់មូលដ្ឋានពោងលឿង។
មន្ត្រីដែនដីម្នាក់បញ្ជាក់កាលពីសប្តាហ៍មុនថាជនសង្ស័យយ៉ាងហោចណាស់ម្នាក់ទៀតលោក ឆាយ សារិទ្ធ គឺជាកូនចៅរបស់លោក សារុន។
លោក តិច ប៊ុណ្ណា មេភូមិសំរោងទី ២ ក្បែរនោះដែលគ្រួសាររបស់លោក សារិទ្ធ ស្នាក់នៅថ្លែងថា៖ «លោក ឌៀង សារុន ជាម្ចាស់ និងជាអ្នកគ្រប់គ្រងនៅមូលដ្ឋាននេះ។ លោក សារិទ្ធបានធ្វើការនៅមូលដ្ឋានអស់ប្រហែល ១០ ឆ្នាំហើយ។ គាត់ជាមនុស្សស្លូត ចិត្តល្អ និងមានទំនាក់ទំនងល្អក្នុងសង្កាត់។ យើងមិនដឹងថាហេតុអ្វីបានជាគាត់វាយតំណាងរាស្រ្តទេ?»។
ក្នុងចម្លើយសារភាពប្រាប់នគរបាលដែលភ្នំពេញប៉ុស្តិ៍បានមើលឃើញបានឲ្យដឹងថាជនសង្ស័យទាំងបីនាក់បានអះអាងថាពួកគេបានដើរទៅចូលរួមបាតុកម្មបន្ទាប់ពីពួកគេបានឮអំពីបាតុកម្មខណៈដែលពួកគេនៅក្បែរនោះ។
ទោះជាយ៉ាងណារូបថតដែលថតបាននៅថ្ងៃនោះបានបង្ហាញឲ្យឃើញថាលោក ឆាយ សារិទ្ធ និងលោក ម៉ៅហឿង ស្ថិតនៅជួរមុខក្នុងបាតុកម្មក្បែរមេដឹកនាំ YFS ក្នុងនោះមានលោក ឌៀង សារ៉ាន អនុប្រធាន YFS ដែលជាកូនប្រុសលោក ឌៀង សារុន ផងដែរ។
លោក ហឿង បានកាន់បាដាដែលសរសេរថា៖ «យើងត្រូវរក្សាស្ថិរភាព និងសន្តិសុខនៅថ្ងៃនេះ។ លោក សារិទ្ធ ដែលពាក់មួកពណ៌ក្រហម ស្បែកជើងក្រហម ក្រមាពណ៌ខៀវ រុំចង្កេះបានហែបាតុកម្មនៅមុខហ្វូងមនុស្សដោយថែមទាំងលើក និងក្តាប់ដៃទៀតផង»។
បុរសដែលទទួលស្គាល់ថាជាមិត្តរួមការងារក្នុងចម្លើយរបស់ពួកគេបានឲ្យដឹងថាពួកគេបានទៅខ្លោងទ្វារខាងត្បូងរដ្ឋសភាបន្ទាប់ពីបាតុកម្មហើយមនុស្សជុំវិញពួកគេគឺជាអ្នករត់ម៉ូតូឌុប និងអ្នករត់ម៉ូតូកង់បី។
ពួកគេបានអះអាងថា ពួកគេបានវាយប្រហារបន្ទាប់ពីបុរសក្នុងរថយន្តដែលពួកគេថាមិនស្គាល់ជាតំណាងរាស្រ្តនោះបានជេរប្រមាថពួកគេហើយបានហៅពួកគេថាជា «យួន» និង «អាយ៉ងយួន»។ នេះជាមូលហេតុដែលបានលើកឡើងដោយមន្រ្តីជាន់ខ្ពស់ និងលោកនាយករដ្ឋមន្រ្តី ហ៊ុន សែន ផងដែរ។
ប៉ុន្តែលោក សភា និងលោក ចំរើន បានបដិសេធដាច់ខាតចំពោះការរៀបរាប់ពីហេតុការណ៍បែបនេះ។
ក្នុងបទសម្ភាសមួយជាមួយនឹងអង្គការឃ្លាំមើលសិទ្ធិមនុស្សពីក្នុងមន្ទីរពេទ្យនៅទីក្រុងបាងកកតំណាងរាស្រ្តទាំងពីរបានរំឭកថារថយន្តរបស់ខ្លួនត្រូវបានសន្តិសុខបញ្ជាឲ្យទៅច្រកទ្វារខាងត្បូងដែលជាទ្វារកម្រនឹងប្រើប្រាស់។ ពេលបើកទៅដល់ផ្លូវលោក សភា ឃើញបុរសម្នាក់ដែលពាក់មួកក្រហមដែលកំពុងនិយាយអាយកូមដែលលោកកំណត់អត្តសញ្ញាណកាលពីថ្ងៃទី ២៧ ខែមេសាថាមានឈ្មោះ ឆាយ សារិទ្ធ។
លោក សភា បន្ថែមថា៖ «គាត់បានដើរពីស្ថានទូតអូស្ត្រាលី។ គាត់ទាញកញ្ចក់មុខចុះហើយចាប់ក្រវាត់កខ្ញុំទាញខ្ញុំចេញពីរថយន្តហើយចាប់ផ្តើមវាយមកលើរូបខ្ញុំ។ មុនពេលគេទាញខ្ញុំចេញមានបាតុករម្នាក់ដែលកាន់អាយកូមសួរអ្នកបើកបររបស់ខ្ញុំពីឈ្មោះខ្ញុំ។ អ្នកបើកបរឆ្លើយថាខ្ញុំឈ្មោះ គង់ សភា។ បន្ទាប់មកមនុស្សម្នាក់ដែលខ្ញុំបានឮតាមអាយកូមបាននិយាយថាវាយវាឲ្យខ្លាំង»។
លោក ប៊ុនហៀង ប្រធានអង្គភាពអង្គរក្សកាលពីថ្ងៃទី ២៧ ខែមេសាថ្លែងថាលោកមិនបានដឹងពីរូបថតដែលថតបានពីក្នុងមូលដ្ឋានទេប៉ុន្តែលោកមិនបារម្ភទេ។ លោកបាននិយាយថា ៖ «អ្នកណានិយាយអ្វីយើងមិនឈឺក្បាលទេ»។
ទោះបីជាយ៉ាងណាប្រភពដែលទាក់ទងជាប្រចាំ និងដឹងស៊ីជ្រៅពីកងយោធពលខេមរភូមិន្ទបាននិយាយថាពួកគេត្រូវបានជូនដំណឹងដោយប្រភពកងយោធពលខេមរភូមិន្ទម្នាក់ថាមេបញ្ជាការជាន់ខ្ពស់ដឹងថារូបថតបែកធ្លាយពីខាងក្នុងអង្គភាពអង្គរក្ស និងរូបផ្សេងទៀតដែលបង្ហាញជនសង្ស័យលោក សារិទ្ធ ពាក់ឯកសណ្ឋានក្រោយពីមានការវាយប្រហារមកលើតំណាងរាស្រ្តនោះ។
អ្នកនាំពាក្យក្រសួងការពារជាតិលោក ឈុំ សុជាតិ កាលពីថ្ងៃទី ២៧ ខែមេសាបានលើកឡើងថារូបថតពីក្នុងមូលដ្ឋានតាខ្មៅដែលលោកបានអះអាងថាលោកមិនបានដឹងនោះអាចជារូបថតក្លែងក្លាយ។ «ពេលខ្លះរូបភាពអាចភាន់ច្រឡំហើយយើងមិនដឹងទេ។ វាអាចជារូបកាត់តហ្វូតូសបដើម្បីប្រឌិតរឿង»។ លោកបន្ថែមថាបើជនសង្ស័យទាំងបីពិតជាអង្គរក្សនោះ «វាជាបញ្ហាបុគ្គលមិនមែនជាបញ្ហាអង្គភាពទេ»។
លោក Paul Chamber សាស្ត្រាចារ្យទំនាក់ទំនងអន្តរជាតិនៅសាកលវិទ្យាល័យឈៀងម៉ៃរបស់ប្រទេសថៃដែលបានស្រាវជ្រាវពីការគ្រប់គ្រងរបស់លោកនាយករដ្ឋមន្រ្តី ហ៊ុន សែន ទៅលើកម្លាំងយោធាកម្ពុជាបានឱ្យដឹងថានោះមិនអាចទេ។
លោកថ្លែងតាមអ៊ីមែលថា៖ «អង្គរក្សធ្វើសកម្មភាពក្រោមការត្រួតពិនិត្យផ្ទាល់ខ្លួនរបស់លោក ហ៊ុន សែន ដូច្នេះវាអាចណាស់ដែលសកម្មភាពអ្វីក៏ដោយគឺជាការឆ្លុះបញ្ចាំងពីបំណងរបស់អង្គនីតិប្រតិបត្តិនេះ»៕ PS/TK
រាយការណ៍បន្ថែមៈ Daniel Nass
Clik here to view.
Shaun Turton and ម៉ិច ដារ៉ា ភ្នំពេញប៉ុស្តិ៍ Thu, 5 May 2016
ភ្នំពេញៈ ខណៈបុរសបីនាក់ត្រូវប្រឈមមុខនឹងតុលាការកាលពីថ្ងៃទី ២៨ ខែមេសាពាក់ព័ន្ធនឹងករណីវាយប្រហារយ៉ាងព្រៃផ្សៃទៅលើតំណាងរាស្រ្តគណបក្សប្រឆាំងពីររូបនៅខាងក្រៅរដ្ឋសភាកាលពីឆ្នាំមុនឯកសារផ្លូវការបានបញ្ជាក់ថាចុងចោទគឺជាសមាជិកនៃកងអង្គរក្សរបស់លោកនាយករដ្ឋមន្រ្តី ហ៊ុន សែន ហើយភ័ស្តុតាងបន្ថែមបង្ហាញនូវការពាក់ព័ន្ធដោយកងអង្គរក្សនេះ។
ម៉ៅ ហឿង អាយុ ៣៤ ឆ្នាំ សូត វន្នី អាយុ ៤៥ ឆ្នាំ ឆាយ សារិទ្ធ អាយុ ៣៣ ឆ្នាំត្រូវបាននាំចូលសវនាការសាលាដំបូងរាជធានីភ្នំពេញកាលពីថ្ងៃទី ២៨ ខែមេសាពីបទបង្កហិង្សាដោយចេតនាមានស្ថានទម្ងន់ទោស និងបំផ្លាញទ្រព្យសម្បត្តិពាក់ព័ន្ធនឹងការវាយប្រហារទៅលើតំណាងរាស្រ្តគណបក្សសង្គ្រោះជាតិ ២ រូបគឺលោក ញ៉យ ចំរើន និងលោក គង់ សភា កាលពីថ្ងៃទី ២៦ តុលា ឆ្នាំ ២០១៥។
ខណៈកាលពីពេលមុនគ្រាន់តែត្រូវបានកំណត់អត្តសញ្ញាណថាជា «ទាហាន» ហើយបើទោះជាកងអង្គរក្សបានបង្ហាញយ៉ាងច្បាស់មិនទទួលស្គាល់ពួកគេក៏ដោយ ក៏ឯកសារផ្លូវការដែលចុះហត្ថលេខាដោយអាជ្ញាធរ និងឃើញដោយកាសែតភ្នំពេញប៉ុស្តិ៍បង្ហាញថាបុរសទាំងបីនាក់នេះគឺជាសមាជិក «កងអង្គរក្ស»។
នៅពេលទាក់ទងកាលពីថ្ងៃទី ២៧ ខែមេសាប្រធានកងអង្គរក្សលោកឧត្តមសេនីយ៍ឯក ហ៊ីង ប៊ុនហៀង ពីដំបូងបានថ្លែងជាដដែលៗបដិសេធថាមិនមានការពាក់ព័ន្ធពីកងអង្គរក្សនោះទេ។ ប៉ុន្តែនៅពេលភ្នំពេញប៉ុស្តិ៍ជម្រាបថាបានឃើញឯកសារដែលបញ្ជាក់អំពីអង្គភាពរបស់បុរសទាំងបីនាក់នោះលោកបានប្រាប់អ្នកកាសែតថា «កុំបំផ្លើស» ពីមុនពេលលោកលើកមូលហេតុចំពោះទង្វើរបស់ជនសង្ស័យទាំងបីនាក់នោះថាដោយសារមានការវាយប្រហារពាក្យសម្តីដោយជនរងគ្រោះ។
Image may be NSFW.
Clik here to view.
លោក ប៊ុនហៀង បានថ្លែងថា៖ «ពួកគេឈឺចាប់... តំណាងរាស្រ្តបានជេរថ្នាក់ដឹកនាំគណបក្សរបស់ពួកគេ»។ «.... វាជាសិទ្ធិនៅក្នុងលទ្ធិប្រជាធិបតេយ្យទៅវិញទៅមក»។
ខណៈមានបុរសតែបីនាក់ត្រូវបានចោទប្រកាន់ចំពោះការវាយប្រហារនេះរូបភាពវីដេអូនៃការវាយប្រហារបង្ហាញថាយ៉ាងហោចណាស់មានមនុស្សដល់ ១៦ នាក់បានវាយប្រហារទាត់ធាក់ទៅលើតំណាងរាស្រ្តបន្ទាប់ពីតំណាងរាស្រ្តត្រូវបានអូសចេញពីឡាននៅខាងក្រៅរដ្ឋសភា។
Content image - Phnom Penh Post
អ្នកនាំពាក្យក្រសួងមហាផ្ទៃលោក ខៀវ សុភ័គកាលពីថ្ងៃទី ២៧ ខែមេសាបានច្រានចោលចំពោះសំណួរអំពីជនសង្ស័យដទៃៗទៀត។ «អ្វីដែលសំខាន់បំផុតនោះគឺថាយើងបានបញ្ជូនរបាយការណ៍សំណុំរឿងនេះទៅតុលាការហើយយើងមានជនល្មើសបីនាក់ដែលមកសារភាព»។ «រហូតមកដល់ពេលនេះតុលាការមិនបានបញ្ជាឲ្យក្រសួងធ្វើអ្វីផ្សេងទៀតទេ»។
ដោយសុំមិនបញ្ចេញឈ្មោះអ្នកសង្កេតការណ៍បរទេសម្នាក់ដែលធ្វើការឲ្យអង្គការអន្តរជាតិមួយក្នុងប្រទេសកម្ពុជាដែលបានតាមដានសំណុំរឿងនេះបានថ្លែងថាវាមានការងឿងឆ្ងល់ថាតើអ្នកវាយប្រហារច្រើនជាងនេះនឹងត្រូវនាំយកទៅកាត់ទោសឬអត់? ពួកគេបានថ្លែងថា៖ «មន្រ្តីរដ្ឋាភិបាលពេញចិត្តដែលនេះជាសំណុំរឿងបិទពួកគេមានជនសង្ស័យបីនាក់»។
នៅជិតទន្លេបាសាក់ក្នុងក្រុងតាខ្មៅ ខេត្តកណ្តាលគឺជាមូលដ្ឋានមួយដែលប្រើប្រាស់ដោយកងអង្គរក្សរបស់លោកនាយករដ្ឋមន្រ្តី។ បើតាមម្ចាស់ក្រុមហ៊ុនជួលរថយន្តដែលសម្ភាសដោយវិទ្យុអាស៊ីសេរីបានឲ្យដឹងថាវាគឺពីទីនេះដែលបុរសទាំងនោះត្រូវបានដឹកទៅរដ្ឋសភានៅថ្ងៃវាយប្រហារ។
រូបថតថ្មីមួយដែលផ្សព្វផ្សាយនៅលើប្រព័ន្ធផ្សព្វផ្សាយសង្គមបន្ទាប់ពីនោះបង្ហាញថាមានបុរសប្រហែល ៣០ នាក់នៅក្នុងផ្លូវចូលមូលដ្ឋាននេះ។ មនុស្សជាង ១០ នាក់កំពុងរង់ចាំនៅខាងក្រោយរថយន្តពណ៌ខៀវរីឯអ្នកដទៃទៀតចូលទៅក្នុងឡានវ៉ែន។ វីដេអូបង្ហាញបុរសម្នាក់ដែលស្លៀកពាក់ដូចគ្នាបានចូលរួមនៅក្នុងជម្លោះនោះដោយទាញលោក ចំរើន ពីរថយន្តត្រូវគេជឿថាជាជនសង្ស័យឈ្មោះ ម៉ៅ ហឿង ដែលបានវាយចុងក្រោយគេទៅលើតំណាងរាស្រ្តដែលដួលនៅនឹងដី។ បុរសនោះបន្ទាប់មកបានចាប់ផ្តើមយកទូរស័ព្ទមកតេ។
លោក Phil Robertson អនុប្រធានអង្គការឃ្លំាមើលសិទ្ធិមនុស្សប្រចាំអាស៊ីបានថ្លែងថា៖ «ច្បាស់ណាស់អ្នកវាយប្រហារមួយចំនួនសម្របសម្រួលដោយអាយកូម និងទូរស័ព្ទដៃជាមួយមនុស្សដែលមិនស្ថិតនៅក្នុងកន្លែងតវ៉ា»។
នៅយប់មុនការវាយប្រហារលោកនាយករដ្ឋមន្រ្តី ហ៊ុន សែន បន្ទាប់ពីជួបការតវ៉ាក្នុងអំឡុងដំណើរទស្សនកិច្ចរបស់លោកទៅប្រទេសបារាំងបានព្រលយអំពីបាតុកម្មតបតដែលនឹងកើតឡើងនៅកម្ពុជា។ មនុស្សប្រហែល ២០០០ នាក់បាននាំគ្នាទៅរដ្ឋសភាកាលពីថ្ងៃទី ២៦ តុលា និងបានទាមទារឲ្យបណ្តេញលោក កឹម សុខា ចេញពីតំណែងអនុប្រធានទី ១ រដ្ឋសភា។
លោក ហ៊ុន សែន បានថ្លែងថា៖ «ប្រសិនបើអ្នកលេង កុំខឹងប្រសិនបើអ្នកខឹង កុំលេងប្រសិនបើថ្ងៃស្អែក ពួកគេលេងនៅភ្នំពេញ កុំខឹងពួកគេ»។
វាគឺដោយសារតែបាតុកម្មតបតដែលធ្វើឲ្យមានការវាយប្រហារទៅលើតំណាងរាស្រ្តគណបក្សសង្គ្រោះជាតិ។
លោកនាយករដ្ឋមន្រ្តី និងឥស្សរជននៃគណបក្សប្រជាជនដទៃទៀតបានថ្កោលទោសចំពោះអំពើហិង្សានេះយ៉ាងឆាប់រហ័សហើយបានប្រកាសថាបាតុកម្មដែលជាការសម្តែងនូវ «ឆន្ទៈរបស់ប្រជាជន» មិនជាប់ពាក់ព័ន្ធនឹងអំពើហិង្សានេះទេ។
កាលពីខែវិច្ឆិកាឆ្នាំមុន ភ្នំពេញ ប៉ុស្តិ៍ បានផ្សាយថា ប្រធានកិត្តិយសនៃក្រុមយុវជនដែលបានដឹកនាំការតវ៉ាគឺសហព័ន្ធយុវជនសេនានាគដែលមានសម្ព័ន្ធនឹងគណបក្សប្រជាជន (YFS) គឺលោកឧត្តមសេនីយ៍ត្រី ឌៀង សារុន ដែលជាមេបញ្ជាការរងនៃអង្គភាពអង្គរក្ស។ មេបញ្ជាការជាន់ខ្ពស់រូបនេះដែលមិនអាចទាក់ទងសុំការអត្ថាធិប្បាយបានកាលពីថ្ងៃទី ២៧ ខែមេសាគឺជាប្រធានមូលដ្ឋាននៅក្រុងតាខ្មៅផងដែរដែលគេស្គាល់ថាជាមូលដ្ឋានពោងលឿងដែលគេបានថតរូបទាហានកំពុងឡើងលើឡាន។
ម្ចាស់សេវារថយន្តជួលដែលបានសម្ភាសដោយវិទ្យុអាស៊ីសេរីដែលភ្នំពេញប៉ុស្តិ៍មិនអាចទាក់ទងបានបានឲ្យដឹងថាគាត់បានជួលរថយន្តចំនួន ១០ គ្រឿងក្នុងតម្លៃ ៤០ ដុល្លារក្នុងមួយគ្រឿងដើម្បីដឹកបុរសពីមូលដ្ឋានពោងលឿងទៅរដ្ឋសភានៅថ្ងៃ ២៦ ខែតុលា។ លោកថ្លែងថារថយន្តមួយគ្រឿងដឹកមនុស្សប្រហែល ១៨ នាក់។
ម្ចាស់ក្រុមហ៊ុនដែលសុំមិនបញ្ចេញឈ្មោះនោះបានថ្លែងថា៖ «ពួកគេទាំងអស់គ្នាជាទាហានប្រុសអាយុក្រោម ៣០ ឆ្នាំ»។
ពេលដែលភ្នំពេញប៉ុស្តិ៍ចុះទៅក្រុងតាខ្មៅនៅថ្ងៃបន្ទាប់ក្រោយពីការវាយប្រហារដើម្បីសម្ភាសក្រុមគ្រួសាររបស់ជនសង្ស័យ លោក វន្នី គេបានប្រាប់អ្នកយកព័ត៌មានឲ្យទៅសុំការអនុញ្ញាតពីមេបញ្ជាការរបស់គាត់ «បងរុន» ជាឈ្មោះហៅក្រៅសម្រាប់ឈ្មោះ សារុន ហើយត្រូវបានគេបង្វែរឲ្យទៅកាន់មូលដ្ឋានពោងលឿង។
មន្ត្រីដែនដីម្នាក់បញ្ជាក់កាលពីសប្តាហ៍មុនថាជនសង្ស័យយ៉ាងហោចណាស់ម្នាក់ទៀតលោក ឆាយ សារិទ្ធ គឺជាកូនចៅរបស់លោក សារុន។
លោក តិច ប៊ុណ្ណា មេភូមិសំរោងទី ២ ក្បែរនោះដែលគ្រួសាររបស់លោក សារិទ្ធ ស្នាក់នៅថ្លែងថា៖ «លោក ឌៀង សារុន ជាម្ចាស់ និងជាអ្នកគ្រប់គ្រងនៅមូលដ្ឋាននេះ។ លោក សារិទ្ធបានធ្វើការនៅមូលដ្ឋានអស់ប្រហែល ១០ ឆ្នាំហើយ។ គាត់ជាមនុស្សស្លូត ចិត្តល្អ និងមានទំនាក់ទំនងល្អក្នុងសង្កាត់។ យើងមិនដឹងថាហេតុអ្វីបានជាគាត់វាយតំណាងរាស្រ្តទេ?»។
ក្នុងចម្លើយសារភាពប្រាប់នគរបាលដែលភ្នំពេញប៉ុស្តិ៍បានមើលឃើញបានឲ្យដឹងថាជនសង្ស័យទាំងបីនាក់បានអះអាងថាពួកគេបានដើរទៅចូលរួមបាតុកម្មបន្ទាប់ពីពួកគេបានឮអំពីបាតុកម្មខណៈដែលពួកគេនៅក្បែរនោះ។
ទោះជាយ៉ាងណារូបថតដែលថតបាននៅថ្ងៃនោះបានបង្ហាញឲ្យឃើញថាលោក ឆាយ សារិទ្ធ និងលោក ម៉ៅហឿង ស្ថិតនៅជួរមុខក្នុងបាតុកម្មក្បែរមេដឹកនាំ YFS ក្នុងនោះមានលោក ឌៀង សារ៉ាន អនុប្រធាន YFS ដែលជាកូនប្រុសលោក ឌៀង សារុន ផងដែរ។
លោក ហឿង បានកាន់បាដាដែលសរសេរថា៖ «យើងត្រូវរក្សាស្ថិរភាព និងសន្តិសុខនៅថ្ងៃនេះ។ លោក សារិទ្ធ ដែលពាក់មួកពណ៌ក្រហម ស្បែកជើងក្រហម ក្រមាពណ៌ខៀវ រុំចង្កេះបានហែបាតុកម្មនៅមុខហ្វូងមនុស្សដោយថែមទាំងលើក និងក្តាប់ដៃទៀតផង»។
បុរសដែលទទួលស្គាល់ថាជាមិត្តរួមការងារក្នុងចម្លើយរបស់ពួកគេបានឲ្យដឹងថាពួកគេបានទៅខ្លោងទ្វារខាងត្បូងរដ្ឋសភាបន្ទាប់ពីបាតុកម្មហើយមនុស្សជុំវិញពួកគេគឺជាអ្នករត់ម៉ូតូឌុប និងអ្នករត់ម៉ូតូកង់បី។
ពួកគេបានអះអាងថា ពួកគេបានវាយប្រហារបន្ទាប់ពីបុរសក្នុងរថយន្តដែលពួកគេថាមិនស្គាល់ជាតំណាងរាស្រ្តនោះបានជេរប្រមាថពួកគេហើយបានហៅពួកគេថាជា «យួន» និង «អាយ៉ងយួន»។ នេះជាមូលហេតុដែលបានលើកឡើងដោយមន្រ្តីជាន់ខ្ពស់ និងលោកនាយករដ្ឋមន្រ្តី ហ៊ុន សែន ផងដែរ។
ប៉ុន្តែលោក សភា និងលោក ចំរើន បានបដិសេធដាច់ខាតចំពោះការរៀបរាប់ពីហេតុការណ៍បែបនេះ។
ក្នុងបទសម្ភាសមួយជាមួយនឹងអង្គការឃ្លាំមើលសិទ្ធិមនុស្សពីក្នុងមន្ទីរពេទ្យនៅទីក្រុងបាងកកតំណាងរាស្រ្តទាំងពីរបានរំឭកថារថយន្តរបស់ខ្លួនត្រូវបានសន្តិសុខបញ្ជាឲ្យទៅច្រកទ្វារខាងត្បូងដែលជាទ្វារកម្រនឹងប្រើប្រាស់។ ពេលបើកទៅដល់ផ្លូវលោក សភា ឃើញបុរសម្នាក់ដែលពាក់មួកក្រហមដែលកំពុងនិយាយអាយកូមដែលលោកកំណត់អត្តសញ្ញាណកាលពីថ្ងៃទី ២៧ ខែមេសាថាមានឈ្មោះ ឆាយ សារិទ្ធ។
លោក សភា បន្ថែមថា៖ «គាត់បានដើរពីស្ថានទូតអូស្ត្រាលី។ គាត់ទាញកញ្ចក់មុខចុះហើយចាប់ក្រវាត់កខ្ញុំទាញខ្ញុំចេញពីរថយន្តហើយចាប់ផ្តើមវាយមកលើរូបខ្ញុំ។ មុនពេលគេទាញខ្ញុំចេញមានបាតុករម្នាក់ដែលកាន់អាយកូមសួរអ្នកបើកបររបស់ខ្ញុំពីឈ្មោះខ្ញុំ។ អ្នកបើកបរឆ្លើយថាខ្ញុំឈ្មោះ គង់ សភា។ បន្ទាប់មកមនុស្សម្នាក់ដែលខ្ញុំបានឮតាមអាយកូមបាននិយាយថាវាយវាឲ្យខ្លាំង»។
លោក ប៊ុនហៀង ប្រធានអង្គភាពអង្គរក្សកាលពីថ្ងៃទី ២៧ ខែមេសាថ្លែងថាលោកមិនបានដឹងពីរូបថតដែលថតបានពីក្នុងមូលដ្ឋានទេប៉ុន្តែលោកមិនបារម្ភទេ។ លោកបាននិយាយថា ៖ «អ្នកណានិយាយអ្វីយើងមិនឈឺក្បាលទេ»។
ទោះបីជាយ៉ាងណាប្រភពដែលទាក់ទងជាប្រចាំ និងដឹងស៊ីជ្រៅពីកងយោធពលខេមរភូមិន្ទបាននិយាយថាពួកគេត្រូវបានជូនដំណឹងដោយប្រភពកងយោធពលខេមរភូមិន្ទម្នាក់ថាមេបញ្ជាការជាន់ខ្ពស់ដឹងថារូបថតបែកធ្លាយពីខាងក្នុងអង្គភាពអង្គរក្ស និងរូបផ្សេងទៀតដែលបង្ហាញជនសង្ស័យលោក សារិទ្ធ ពាក់ឯកសណ្ឋានក្រោយពីមានការវាយប្រហារមកលើតំណាងរាស្រ្តនោះ។
អ្នកនាំពាក្យក្រសួងការពារជាតិលោក ឈុំ សុជាតិ កាលពីថ្ងៃទី ២៧ ខែមេសាបានលើកឡើងថារូបថតពីក្នុងមូលដ្ឋានតាខ្មៅដែលលោកបានអះអាងថាលោកមិនបានដឹងនោះអាចជារូបថតក្លែងក្លាយ។ «ពេលខ្លះរូបភាពអាចភាន់ច្រឡំហើយយើងមិនដឹងទេ។ វាអាចជារូបកាត់តហ្វូតូសបដើម្បីប្រឌិតរឿង»។ លោកបន្ថែមថាបើជនសង្ស័យទាំងបីពិតជាអង្គរក្សនោះ «វាជាបញ្ហាបុគ្គលមិនមែនជាបញ្ហាអង្គភាពទេ»។
លោក Paul Chamber សាស្ត្រាចារ្យទំនាក់ទំនងអន្តរជាតិនៅសាកលវិទ្យាល័យឈៀងម៉ៃរបស់ប្រទេសថៃដែលបានស្រាវជ្រាវពីការគ្រប់គ្រងរបស់លោកនាយករដ្ឋមន្រ្តី ហ៊ុន សែន ទៅលើកម្លាំងយោធាកម្ពុជាបានឱ្យដឹងថានោះមិនអាចទេ។
លោកថ្លែងតាមអ៊ីមែលថា៖ «អង្គរក្សធ្វើសកម្មភាពក្រោមការត្រួតពិនិត្យផ្ទាល់ខ្លួនរបស់លោក ហ៊ុន សែន ដូច្នេះវាអាចណាស់ដែលសកម្មភាពអ្វីក៏ដោយគឺជាការឆ្លុះបញ្ចាំងពីបំណងរបស់អង្គនីតិប្រតិបត្តិនេះ»៕ PS/TK
រាយការណ៍បន្ថែមៈ Daniel Nass