Image may be NSFW.
Clik here to view.
ដោយ ថា កិត្យា RFA 2016-08-07
សាលាដំបូងរាជធានីភ្នំពេញ សម្រេចឃុំខ្លួនមន្ត្រីក្រឡាបញ្ជីតុលាការកំពូលម្នាក់ឈ្មោះ វ៉ាត វិសិដ្ឋ ក្នុងពន្ធនាគារជាបណ្ដោះអាសន្ន ពាក់ព័ន្ធនឹងអំពើពុករលួយ។ ការសម្រេចឃុំខ្លួននេះ បន្ទាប់ពីសាកសួរពេញមួយថ្ងៃនៅថ្ងៃទី៧ ខែសីហា ក្រោយពីទទួលសំណុំរឿងនេះពីអង្គភាពប្រឆាំងអំពើពុករលួយ។ មន្ត្រីសង្គមស៊ីវិលយល់ថា ចំណាត់ការលើមន្ត្រីតុលាការដែលជាប់ពាក់ព័ន្ធនឹងរឿងអំពើពុករលួយនេះ ហាក់នៅតិចតួចនៅឡើយ។
សំណុំរឿងមន្ត្រីក្រឡាបញ្ជីតុលាការកំពូល លោក វ៉ាត វិសិដ្ឋ ជាប់ពាក់ព័ន្ធនឹងអំពើពុករលួយនេះ ត្រូវបានសាលាដំបូងរាជធានីភ្នំពេញ ចាត់ការយ៉ាងមមាញឹកនៅថ្ងៃអាទិត្យ ទី៧ សីហា នេះ។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា បានឲ្យដឹងតាមបណ្ដាញទំនាក់ទំនងតេឡេក្រាម (Telegram) នៅល្ងាចថ្ងៃទី៧ សីហា ថា ក្រោយពីសួរចម្លើយ និងពិភាក្សាដេញដោលចំពោះមុខរួច ចៅក្រមស៊ើបសួរនៃសាលាដំបូងរាជធានីភ្នំពេញ លោក រស់ ពិសិដ្ឋ បានសម្រេចឃុំខ្លួនបណ្ដោះអាសន្នជនត្រូវចោទឈ្មោះ វ៉ាត វិសិដ្ឋ ពីបទវីតិក្រម និងបទរំលោភអំណាចតាមបញ្ញត្តិមាត្រា៥៩២ មាត្រា៥៩៣ នៃក្រមព្រហ្មទណ្ឌ មាត្រា៣២ និងមាត្រា៣៥ នៃច្បាប់ប្រឆាំងអំពើពុករលួយ។
ទោះបីជាយ៉ាងណា លោក លី សុផាណា និងប្រធានអង្គភាពប្រឆាំងអំពើពុករលួយ លោក ឱម យ៉ិនទៀង នៅពុំទាន់បានបញ្ជាក់ថា តើលោក វ៉ាត វិសិដ្ឋ បានប្រព្រឹត្តអំពើពុករលួយទាក់ទងនឹងរឿងអ្វីនោះទេ។
មាត្រា៥៩២ នៃក្រមព្រហ្មទណ្ឌ ចែងថា វីតិក្រម គឺជាអំពើរបស់អ្នករាជការសាធារណៈ ឬពលរដ្ឋទទួលអាណត្តិសាធារណៈដោយការបោះឆ្នោតដែលទី១ ទាមទារ ឬទទួលជាសិទ្ធិ ជាពន្ធ ជាអាករនូវចំនួនប្រាក់ដែលខ្លួនបានដឹងថាមិនត្រូវបង់ ឬលើសពីចំនួនដែលគេត្រូវបង់។ ទី២ យល់ព្រមក្រោមរូបភាពណាមួយ និងដោយមូលហេតុណាមួយក៏ដោយ ធ្វើការលើកលែង ឬលោះលាចំពោះការបង់ពន្ធ ឬអាករដែលខ្លួនដឹងថាខុសច្បាប់។
មាត្រា៥៩៣ ចែងថា បទវីតិក្រមត្រូវផ្ដន្ទាទោសដាក់ពន្ធនាគារពី ២ឆ្នាំទៅ ៥ឆ្នាំ និងពិន័យជាប្រាក់ ៤លានរៀលទៅ ១០លានរៀល។
មន្ត្រីក្រឡាបញ្ជីតុលាការកំពូល លោក វ៉ាត វិសិដ្ឋ ត្រូវបានអង្គភាពប្រឆាំងអំពើពុករលួយ បញ្ជូនមកសាលាដំបូងរាជធានីភ្នំពេញ នៅព្រឹកថ្ងៃទី៧ ខែសីហា បន្ទាប់ពីអង្គភាពប្រឆាំងអំពើពុករលួយ បានសម្រេចឃាត់ខ្លួនពាក់ព័ន្ធនឹងករណីពុករលួយកាលល្ងាចថ្ងៃសុក្រ ទី៥ សីហា។
នាយកប្រតិបត្តិអង្គការតម្លាភាពអន្តរជាតិប្រចាំនៅកម្ពុជា លោក ព្រាប កុល បង្ហាញការស្វាគមន៍ចំពោះចំណាត់ការរបស់អង្គភាពប្រឆាំងអំពើពុករលួយ ដែលចាត់ការទៅលើមន្ត្រីប្រព្រឹត្តអំពើពុករលួយ។ ទោះជាយ៉ាងណា លោកនៅតែរិះគន់ថា ករណីប្រព្រឹត្តអំពើពុករលួយក្នុងប្រព័ន្ធតុលាការ នៅតែមានច្រើនទៀត ដែលអង្គភាពប្រឆាំងអំពើពុករលួយ និងមន្ត្រីមានសមត្ថកិច្ចត្រូវចាត់ការបន្ត៖ «ករណីដែលមន្ត្រីតុលាការប្រព្រឹត្តអំពើពុករលួយនេះ ខ្ញុំគិតថាមិនមានអីភ្ញាក់ផ្អើល ឬមានមន្ទិលសង្ស័យនោះទេ ព្រោះថា ក្នុងករណីពុករលួយវាមានច្រើនណាស់។ ការចាប់មន្ត្រីមួយនេះ គ្រាន់តែជាជំហានទីមួយដែលអង្គភាពប្រឆាំងអំពើពុករលួយបានកសាងសំណុំឯកសារមានភស្តុតាង និងមានឯកសារជាការប្តឹងផ្តល់អីទៅ ចាប់បាន។ ប៉ុន្តែខ្ញុំគិតថា ក្នុងករណីពុករលួយទូទៅនៅមានករណីច្រើនទៀត»។
នាយកប្រតិបត្តិអង្គការតម្លាភាពអន្តរជាតិប្រចាំនៅកម្ពុជា រូបនេះ ឲ្យដឹងដែរថា តាមការសិក្សាស្រាវជ្រាវកន្លងមក រាប់តាំងពីឆ្នាំ២០១១ ដល់ឆ្នាំ២០១៦ នេះ ប្រជាពលរដ្ឋនៅតែយល់ឃើញថា ប្រព័ន្ធតុលាការកម្ពុជា នៅតែពុករលួយខ្លាំងជាងគេទាំងអស់។ លោកបន្ថែមថា ប្រជាពលរដ្ឋគឺចង់ឃើញវិធានការរបស់រដ្ឋាភិបាល ធ្វើការកែទម្រង់ប្រព័ន្ធតុលាការឲ្យបានស៊ីជម្រៅ ជាពិសេសការលុបបំបាត់អំពើពុករលួយនៅក្នុងវិស័យតុលាការ៕
Clik here to view.
ដោយ ថា កិត្យា RFA 2016-08-07
សាលាដំបូងរាជធានីភ្នំពេញ សម្រេចឃុំខ្លួនមន្ត្រីក្រឡាបញ្ជីតុលាការកំពូលម្នាក់ឈ្មោះ វ៉ាត វិសិដ្ឋ ក្នុងពន្ធនាគារជាបណ្ដោះអាសន្ន ពាក់ព័ន្ធនឹងអំពើពុករលួយ។ ការសម្រេចឃុំខ្លួននេះ បន្ទាប់ពីសាកសួរពេញមួយថ្ងៃនៅថ្ងៃទី៧ ខែសីហា ក្រោយពីទទួលសំណុំរឿងនេះពីអង្គភាពប្រឆាំងអំពើពុករលួយ។ មន្ត្រីសង្គមស៊ីវិលយល់ថា ចំណាត់ការលើមន្ត្រីតុលាការដែលជាប់ពាក់ព័ន្ធនឹងរឿងអំពើពុករលួយនេះ ហាក់នៅតិចតួចនៅឡើយ។
សំណុំរឿងមន្ត្រីក្រឡាបញ្ជីតុលាការកំពូល លោក វ៉ាត វិសិដ្ឋ ជាប់ពាក់ព័ន្ធនឹងអំពើពុករលួយនេះ ត្រូវបានសាលាដំបូងរាជធានីភ្នំពេញ ចាត់ការយ៉ាងមមាញឹកនៅថ្ងៃអាទិត្យ ទី៧ សីហា នេះ។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា បានឲ្យដឹងតាមបណ្ដាញទំនាក់ទំនងតេឡេក្រាម (Telegram) នៅល្ងាចថ្ងៃទី៧ សីហា ថា ក្រោយពីសួរចម្លើយ និងពិភាក្សាដេញដោលចំពោះមុខរួច ចៅក្រមស៊ើបសួរនៃសាលាដំបូងរាជធានីភ្នំពេញ លោក រស់ ពិសិដ្ឋ បានសម្រេចឃុំខ្លួនបណ្ដោះអាសន្នជនត្រូវចោទឈ្មោះ វ៉ាត វិសិដ្ឋ ពីបទវីតិក្រម និងបទរំលោភអំណាចតាមបញ្ញត្តិមាត្រា៥៩២ មាត្រា៥៩៣ នៃក្រមព្រហ្មទណ្ឌ មាត្រា៣២ និងមាត្រា៣៥ នៃច្បាប់ប្រឆាំងអំពើពុករលួយ។
ទោះបីជាយ៉ាងណា លោក លី សុផាណា និងប្រធានអង្គភាពប្រឆាំងអំពើពុករលួយ លោក ឱម យ៉ិនទៀង នៅពុំទាន់បានបញ្ជាក់ថា តើលោក វ៉ាត វិសិដ្ឋ បានប្រព្រឹត្តអំពើពុករលួយទាក់ទងនឹងរឿងអ្វីនោះទេ។
មាត្រា៥៩២ នៃក្រមព្រហ្មទណ្ឌ ចែងថា វីតិក្រម គឺជាអំពើរបស់អ្នករាជការសាធារណៈ ឬពលរដ្ឋទទួលអាណត្តិសាធារណៈដោយការបោះឆ្នោតដែលទី១ ទាមទារ ឬទទួលជាសិទ្ធិ ជាពន្ធ ជាអាករនូវចំនួនប្រាក់ដែលខ្លួនបានដឹងថាមិនត្រូវបង់ ឬលើសពីចំនួនដែលគេត្រូវបង់។ ទី២ យល់ព្រមក្រោមរូបភាពណាមួយ និងដោយមូលហេតុណាមួយក៏ដោយ ធ្វើការលើកលែង ឬលោះលាចំពោះការបង់ពន្ធ ឬអាករដែលខ្លួនដឹងថាខុសច្បាប់។
មាត្រា៥៩៣ ចែងថា បទវីតិក្រមត្រូវផ្ដន្ទាទោសដាក់ពន្ធនាគារពី ២ឆ្នាំទៅ ៥ឆ្នាំ និងពិន័យជាប្រាក់ ៤លានរៀលទៅ ១០លានរៀល។
មន្ត្រីក្រឡាបញ្ជីតុលាការកំពូល លោក វ៉ាត វិសិដ្ឋ ត្រូវបានអង្គភាពប្រឆាំងអំពើពុករលួយ បញ្ជូនមកសាលាដំបូងរាជធានីភ្នំពេញ នៅព្រឹកថ្ងៃទី៧ ខែសីហា បន្ទាប់ពីអង្គភាពប្រឆាំងអំពើពុករលួយ បានសម្រេចឃាត់ខ្លួនពាក់ព័ន្ធនឹងករណីពុករលួយកាលល្ងាចថ្ងៃសុក្រ ទី៥ សីហា។
នាយកប្រតិបត្តិអង្គការតម្លាភាពអន្តរជាតិប្រចាំនៅកម្ពុជា លោក ព្រាប កុល បង្ហាញការស្វាគមន៍ចំពោះចំណាត់ការរបស់អង្គភាពប្រឆាំងអំពើពុករលួយ ដែលចាត់ការទៅលើមន្ត្រីប្រព្រឹត្តអំពើពុករលួយ។ ទោះជាយ៉ាងណា លោកនៅតែរិះគន់ថា ករណីប្រព្រឹត្តអំពើពុករលួយក្នុងប្រព័ន្ធតុលាការ នៅតែមានច្រើនទៀត ដែលអង្គភាពប្រឆាំងអំពើពុករលួយ និងមន្ត្រីមានសមត្ថកិច្ចត្រូវចាត់ការបន្ត៖ «ករណីដែលមន្ត្រីតុលាការប្រព្រឹត្តអំពើពុករលួយនេះ ខ្ញុំគិតថាមិនមានអីភ្ញាក់ផ្អើល ឬមានមន្ទិលសង្ស័យនោះទេ ព្រោះថា ក្នុងករណីពុករលួយវាមានច្រើនណាស់។ ការចាប់មន្ត្រីមួយនេះ គ្រាន់តែជាជំហានទីមួយដែលអង្គភាពប្រឆាំងអំពើពុករលួយបានកសាងសំណុំឯកសារមានភស្តុតាង និងមានឯកសារជាការប្តឹងផ្តល់អីទៅ ចាប់បាន។ ប៉ុន្តែខ្ញុំគិតថា ក្នុងករណីពុករលួយទូទៅនៅមានករណីច្រើនទៀត»។
នាយកប្រតិបត្តិអង្គការតម្លាភាពអន្តរជាតិប្រចាំនៅកម្ពុជា រូបនេះ ឲ្យដឹងដែរថា តាមការសិក្សាស្រាវជ្រាវកន្លងមក រាប់តាំងពីឆ្នាំ២០១១ ដល់ឆ្នាំ២០១៦ នេះ ប្រជាពលរដ្ឋនៅតែយល់ឃើញថា ប្រព័ន្ធតុលាការកម្ពុជា នៅតែពុករលួយខ្លាំងជាងគេទាំងអស់។ លោកបន្ថែមថា ប្រជាពលរដ្ឋគឺចង់ឃើញវិធានការរបស់រដ្ឋាភិបាល ធ្វើការកែទម្រង់ប្រព័ន្ធតុលាការឲ្យបានស៊ីជម្រៅ ជាពិសេសការលុបបំបាត់អំពើពុករលួយនៅក្នុងវិស័យតុលាការ៕
