Image may be NSFW.
Clik here to view.
ភ្នំពេញប៉ុស្តិ៍ មាស សុខជា and ឃុត សុភចរិយា Tue, 9 August 2016
ភ្នំពេញៈ គណបក្សប្រឆាំងបានប្រកាសចូលរួមក្នុងយុទ្ធនាការថ្ងៃចន្ទពណ៌ខ្មៅខណៈដែលអាជ្ញាធរបានឃាត់ខ្លួនសកម្មជនដីធ្លីម្នាក់ដែលកំពុងធ្វើយុទ្ធនាការ «ថ្ងៃចន្ទពណ៌ខ្មៅ» កាលពីម្សិលមិញដើម្បីទាមទារឲ្យដោះលែងសកម្មជនសិទ្ធិមនុស្ស អគ្គលេខាធិការ គ.ជ.ប និងអ្នកទោស «មនសិការ»ផ្សេងទៀតរួមទាំងទាមទារឲ្យមានការវែកមុខ និងចាប់ខ្លួនអ្នកនៅពីក្រោយខ្នងការសម្លាប់លោកបណ្ឌិត កែម ឡី មកផ្ដន្ទាទោសតាមច្បាប់។
ថ្លែងទៅកាន់អ្នកគាំទ្រនៅទីស្នាក់ការកណ្តាលគណបក្សសង្គ្រោះជាតិកាលពីម្សិលមិញនៅក្នុងខណ្ឌមានជ័យលោក អេង ឆៃអ៊ាង តំណាងរាស្រ្ត និងជាអ្នកនាំពាក្សគណបក្សសង្គ្រោះជាតិបានប្រកាសថាគណបក្សសង្គ្រោះជាតិនឹងចូលរួមជាមួយយុទ្ធនាការថ្ងៃចន្ទពណ៌ខ្មៅនៅគ្រប់ទីកន្លែងជាមួយមនុស្សដទៃទៀតដោយគិតចាប់ពីថ្ងៃចន្ទសប្តាហ៍នេះតទៅ។
លោក ឆៃអ៊ាង និយាយថា៖ «យើងនឹងជួបជុំគ្នាជារៀងរាល់ថ្ងៃចន្ទនៅទីស្នាក់ការកណ្តាល [គណបក្សសង្គ្រោះជាតិ] មួយថ្ងៃហើយថាបើមានបងប្អូនប្រុសស្រីណាដែលពាក់អាវខ្មៅសូមមកចូលរួមជាមួយយើងនៅទីនេះដើម្បីឲ្យយើងបង្ហាញនូវគំនិតរបស់យើងដើម្បីស្វែងរកដំណោះស្រាយឱ្យទម្លាក់ចោលការចោទប្រកាន់ទៅលើសកម្មជនសិទ្ធិមនុស្សមន្ត្រីគណៈកម្មាធិការជាតិរៀបចំការបោះឆ្នោត និងសកម្មជនរបស់ [គណបក្សសង្គ្រោះជាតិ] ដែលពួកគាត់ត្រូវបានចាប់ដាក់ពន្ធនាគារ»។
លោកថា៖«ដូច្នេះ [យើង] សូមអំពាវនាវដល់បងប្អូនទាំងអស់ឲ្យមកចូលរួមនៅរៀងរាល់ថ្ងៃចន្ទ»។
អ្នកនាំពាក្សរដ្ឋាភិបាលលោក ផៃ ស៊ីផាន បានឱ្យដឹងថាការចូលរួមរបស់គណបក្សសង្គ្រោះជាតិជាមួយនឹងយុទ្ធនាការថ្ងៃចន្ទពណ៌ខ្មៅគឺគ្មានអ្វីចម្លែកនោះទេព្រោះយុទ្ធនាការរបស់គណបក្សនេះត្រូវបានរៀបចំដោយអ្នកផ្តើមគំនិតគឺលោក អ៊ូ វីរៈ លោក ប៉ា ងួន ទៀង និង លោក កែម ឡី។
លោក ស៊ីផាន បានឱ្យដឹងថា៖ «អ្នកទាំងពីរនោះជា [បុគ្គល] ដែលមាននិន្នាការជាមួយលោក កឹម សុខា ចាប់តាំងពីពួកគេ [បានធ្វើការ] នៅមជ្ឈមណ្ឌលសិទ្ធិមនុស្សកម្ពុជាជាមួយគ្នាមកម្ល៉េះគឺវាមិនមានអ្វីចម្លែកសម្រាប់យើងនោះទេ។
លោកបន្ថែមថាការប្រកាសរបស់គណបក្សសង្គ្រោះជាតិក្នុងការចូលរួមជាមួយយុទ្ធនាការថ្ងៃចន្ទពណ៌ខ្មៅគឺ «ដើម្បីស្វែងរកកម្លាំងរបស់សាធារណជនឲ្យប្រឆាំងទៅនឹងរដ្ឋាភិបាលតែប៉ុណ្ណោះ»។
នៅពេលសួរថា តើរដ្ឋាភិបាលនឹងហាមឃាត់យុទ្ធនាការថ្ងៃចន្ទពណ៌ខ្មៅនេះទេ លោក ស៊ីផាន បានថ្លែងថា រដ្ឋាភិបាលនឹងរង់ចាំមើលសកម្មភាពនេះជាមុនសិន។
កាលពីម្សិលមិញសកម្មជនដីធ្លីដែលភាគច្រើនមកពីខេត្តកោះកុង និងបុរីកីឡាបាននាំគ្នាកាន់បដា និងរូបថតលោកបណ្ឌិត កែម ឡី ដើរចេញពីតំបន់បុរីកីឡាក្នុងគោលបំណងឆ្ពោះទៅកាន់តុលាការសាលាឧទ្ធរណ៍ដើម្បីគាំទ្រ និងអំពាវនាវឲ្យតុលាការនេះដាក់មោឃភាពនីតិវិធីតុលាការលើករណីលោក នី ចរិយា អគ្គលេខាធិការ គ.ជ.ប និង ថ្នាក់ដឹកនាំសំខាន់ៗបួនរូបនៃសមាគមសិទ្ធិមនុស្ស អាដហុក។ ប៉ុន្តែក្បួនដង្ហែដើរមិនទាន់បានប៉ុន្មានម៉ែត្រផងក៏ត្រូវបានកម្លាំងនគរបាលខណ្ឌ៧មករាជាច្រើននាក់ធ្វើការរារាំង និងចាប់ដកហូត និងហែកចោលនូវបដា និងរូបថតរបស់លោក បណ្ឌិតកែម ឡី ដែលនាំឲ្យអ្នកភូមិកាន់តែខឹងសម្បាហើយនាំគ្នាស្រែកតវ៉ាប្រឆាំងទៅនឹងចំណាត់ការនេះ។
ក្រោយពេលមានការស្រែកតវ៉ាកាន់តែខ្លាំងក្រុមកម្លាំងនគរបាលទាំងនោះបានចាប់ឃាត់ខ្លួនអ្នកស្រី ស ស៊ន [ម៉ោង ៩:៣០ នាទីព្រឹក] ដែលស្លៀកសម្លៀកបំពាក់ពណ៌ខ្មៅដាក់លើរថយន្តហើយដឹកទៅកាន់អធិការដ្ឋាននគរបាលខណ្ឌ៧មករាដើម្បីសាកសួរ។
នៅវេលាម៉ោង ៤:១៥ នាទីរសៀលអ្នកស្រីត្រូវបានសមត្ថកិច្ចដោះលែងឲ្យវិលត្រឡប់មកផ្ទះវិញបន្ទាប់ពីគាត់បានយល់ព្រមផ្តិតមេដៃលើកិច្ចសន្យាបញ្ឈប់ការចូលរួមសកម្មភាពក្នុង «យុទ្ធនាការថ្ងៃចន្ទពណ៌ខ្មៅ»។
ទោះជាបែបក្ដីអ្នកស្រីបានអះអាងថាអ្នកស្រីនឹងនៅតែបន្តនូវសកម្មភាពនេះរហូតដល់មានការដោះលែងមន្ត្រីសិទ្ធិមនុស្ស និងមន្ត្រី គជប បើទោះបីជាអ្នកស្រីត្រូវចាប់ខ្លួនដាក់ពន្ធនាគារក៏ដោយ។
អ្នកស្រីបញ្ជាក់ថា៖ «ក្នុងអំឡុងពេលនៃការឃាត់ខ្លួនមន្ត្រីតុលាការម្នាក់បានលើកយកមាត្រា ៥២២ និង មាត្រា ៥២៣ នៃច្បាប់ក្រមព្រហ្មទណ្ឌមកគំរាមខ្ញុំថាតាមអំណាចនៃមាត្រាទាំងពីរនេះខ្ញុំអាចនឹងត្រូវផ្តន្ទាទោសឲ្យជាប់ពន្ធនាគារពី ៥ ខែទៅ ៨ ខែ និងពិន័យជាប្រាក់ពីមួយលានទៅពីរលានរៀល»។
ជាមួយគ្នានេះដែរកាលពីល្ងាចថ្ងៃចន្ទម្សិលមិញសកម្មជនដីធ្លីនៅសហគមន៍បឹងកក់ក៏បាននាំគ្នារៀបចំយុទ្ធនាការថ្ងៃចន្ទពណ៌ខ្មៅនេះដែរដោយបាននាំគ្នាពូនដីសាងជាផ្នូរសពរបស់លោកបណ្ឌិត កែម ឡី ដោយមានការដាក់តាំងលម្អនូវភ្លើងទៀន និងផ្កាឈូកកម្រងផ្កាព្រមទាំងអ្នកចូលរួមត្រូវពាក់អាវខ្មៅដែលមានរូបលោក កែម ឡី នៅពីមុខផង។
អ្នកស្រី ទេព វន្នី ដែលជាអ្នកដឹកនាំកម្មវិធីនេះបាននិយាយថា៖ «យុទ្ធនាការថ្ងៃចន្ទពណ៌ខ្មៅសប្ដាហ៍ទី ១៤ នេះគឺយើងធ្វើដើម្បីស្វែងរកយុត្តិធម៌ឲ្យលោកបណ្ឌិត កែម ឡី ផង និងដើម្បីទាមទារឲ្យមានការដោះលែងសកម្មជនសិទ្ធិមនុស្ស ៤ នាក់ និង គជប ម្នាក់ និងអ្នកទោសមនសិការ ១៧ នាក់ផ្សេងទៀត»។
បើតាមអ្នកស្រី វន្នី នៅក្នុងពិធីនោះក៏មានកម្លាំងសមត្ថកិច្ចជាច្រើនត្រូវបានដាក់ពង្រាយដើម្បីឃ្លាំមើល និងរារាំងការដង្ហែក្បួនចេញពីកន្លែងរៀបចំពិធីផងដែរ៕ NS
Clik here to view.
ភ្នំពេញប៉ុស្តិ៍ មាស សុខជា and ឃុត សុភចរិយា Tue, 9 August 2016
ភ្នំពេញៈ គណបក្សប្រឆាំងបានប្រកាសចូលរួមក្នុងយុទ្ធនាការថ្ងៃចន្ទពណ៌ខ្មៅខណៈដែលអាជ្ញាធរបានឃាត់ខ្លួនសកម្មជនដីធ្លីម្នាក់ដែលកំពុងធ្វើយុទ្ធនាការ «ថ្ងៃចន្ទពណ៌ខ្មៅ» កាលពីម្សិលមិញដើម្បីទាមទារឲ្យដោះលែងសកម្មជនសិទ្ធិមនុស្ស អគ្គលេខាធិការ គ.ជ.ប និងអ្នកទោស «មនសិការ»ផ្សេងទៀតរួមទាំងទាមទារឲ្យមានការវែកមុខ និងចាប់ខ្លួនអ្នកនៅពីក្រោយខ្នងការសម្លាប់លោកបណ្ឌិត កែម ឡី មកផ្ដន្ទាទោសតាមច្បាប់។
ថ្លែងទៅកាន់អ្នកគាំទ្រនៅទីស្នាក់ការកណ្តាលគណបក្សសង្គ្រោះជាតិកាលពីម្សិលមិញនៅក្នុងខណ្ឌមានជ័យលោក អេង ឆៃអ៊ាង តំណាងរាស្រ្ត និងជាអ្នកនាំពាក្សគណបក្សសង្គ្រោះជាតិបានប្រកាសថាគណបក្សសង្គ្រោះជាតិនឹងចូលរួមជាមួយយុទ្ធនាការថ្ងៃចន្ទពណ៌ខ្មៅនៅគ្រប់ទីកន្លែងជាមួយមនុស្សដទៃទៀតដោយគិតចាប់ពីថ្ងៃចន្ទសប្តាហ៍នេះតទៅ។
លោក ឆៃអ៊ាង និយាយថា៖ «យើងនឹងជួបជុំគ្នាជារៀងរាល់ថ្ងៃចន្ទនៅទីស្នាក់ការកណ្តាល [គណបក្សសង្គ្រោះជាតិ] មួយថ្ងៃហើយថាបើមានបងប្អូនប្រុសស្រីណាដែលពាក់អាវខ្មៅសូមមកចូលរួមជាមួយយើងនៅទីនេះដើម្បីឲ្យយើងបង្ហាញនូវគំនិតរបស់យើងដើម្បីស្វែងរកដំណោះស្រាយឱ្យទម្លាក់ចោលការចោទប្រកាន់ទៅលើសកម្មជនសិទ្ធិមនុស្សមន្ត្រីគណៈកម្មាធិការជាតិរៀបចំការបោះឆ្នោត និងសកម្មជនរបស់ [គណបក្សសង្គ្រោះជាតិ] ដែលពួកគាត់ត្រូវបានចាប់ដាក់ពន្ធនាគារ»។
លោកថា៖«ដូច្នេះ [យើង] សូមអំពាវនាវដល់បងប្អូនទាំងអស់ឲ្យមកចូលរួមនៅរៀងរាល់ថ្ងៃចន្ទ»។
អ្នកនាំពាក្សរដ្ឋាភិបាលលោក ផៃ ស៊ីផាន បានឱ្យដឹងថាការចូលរួមរបស់គណបក្សសង្គ្រោះជាតិជាមួយនឹងយុទ្ធនាការថ្ងៃចន្ទពណ៌ខ្មៅគឺគ្មានអ្វីចម្លែកនោះទេព្រោះយុទ្ធនាការរបស់គណបក្សនេះត្រូវបានរៀបចំដោយអ្នកផ្តើមគំនិតគឺលោក អ៊ូ វីរៈ លោក ប៉ា ងួន ទៀង និង លោក កែម ឡី។
លោក ស៊ីផាន បានឱ្យដឹងថា៖ «អ្នកទាំងពីរនោះជា [បុគ្គល] ដែលមាននិន្នាការជាមួយលោក កឹម សុខា ចាប់តាំងពីពួកគេ [បានធ្វើការ] នៅមជ្ឈមណ្ឌលសិទ្ធិមនុស្សកម្ពុជាជាមួយគ្នាមកម្ល៉េះគឺវាមិនមានអ្វីចម្លែកសម្រាប់យើងនោះទេ។
លោកបន្ថែមថាការប្រកាសរបស់គណបក្សសង្គ្រោះជាតិក្នុងការចូលរួមជាមួយយុទ្ធនាការថ្ងៃចន្ទពណ៌ខ្មៅគឺ «ដើម្បីស្វែងរកកម្លាំងរបស់សាធារណជនឲ្យប្រឆាំងទៅនឹងរដ្ឋាភិបាលតែប៉ុណ្ណោះ»។
នៅពេលសួរថា តើរដ្ឋាភិបាលនឹងហាមឃាត់យុទ្ធនាការថ្ងៃចន្ទពណ៌ខ្មៅនេះទេ លោក ស៊ីផាន បានថ្លែងថា រដ្ឋាភិបាលនឹងរង់ចាំមើលសកម្មភាពនេះជាមុនសិន។
កាលពីម្សិលមិញសកម្មជនដីធ្លីដែលភាគច្រើនមកពីខេត្តកោះកុង និងបុរីកីឡាបាននាំគ្នាកាន់បដា និងរូបថតលោកបណ្ឌិត កែម ឡី ដើរចេញពីតំបន់បុរីកីឡាក្នុងគោលបំណងឆ្ពោះទៅកាន់តុលាការសាលាឧទ្ធរណ៍ដើម្បីគាំទ្រ និងអំពាវនាវឲ្យតុលាការនេះដាក់មោឃភាពនីតិវិធីតុលាការលើករណីលោក នី ចរិយា អគ្គលេខាធិការ គ.ជ.ប និង ថ្នាក់ដឹកនាំសំខាន់ៗបួនរូបនៃសមាគមសិទ្ធិមនុស្ស អាដហុក។ ប៉ុន្តែក្បួនដង្ហែដើរមិនទាន់បានប៉ុន្មានម៉ែត្រផងក៏ត្រូវបានកម្លាំងនគរបាលខណ្ឌ៧មករាជាច្រើននាក់ធ្វើការរារាំង និងចាប់ដកហូត និងហែកចោលនូវបដា និងរូបថតរបស់លោក បណ្ឌិតកែម ឡី ដែលនាំឲ្យអ្នកភូមិកាន់តែខឹងសម្បាហើយនាំគ្នាស្រែកតវ៉ាប្រឆាំងទៅនឹងចំណាត់ការនេះ។
ក្រោយពេលមានការស្រែកតវ៉ាកាន់តែខ្លាំងក្រុមកម្លាំងនគរបាលទាំងនោះបានចាប់ឃាត់ខ្លួនអ្នកស្រី ស ស៊ន [ម៉ោង ៩:៣០ នាទីព្រឹក] ដែលស្លៀកសម្លៀកបំពាក់ពណ៌ខ្មៅដាក់លើរថយន្តហើយដឹកទៅកាន់អធិការដ្ឋាននគរបាលខណ្ឌ៧មករាដើម្បីសាកសួរ។
នៅវេលាម៉ោង ៤:១៥ នាទីរសៀលអ្នកស្រីត្រូវបានសមត្ថកិច្ចដោះលែងឲ្យវិលត្រឡប់មកផ្ទះវិញបន្ទាប់ពីគាត់បានយល់ព្រមផ្តិតមេដៃលើកិច្ចសន្យាបញ្ឈប់ការចូលរួមសកម្មភាពក្នុង «យុទ្ធនាការថ្ងៃចន្ទពណ៌ខ្មៅ»។
ទោះជាបែបក្ដីអ្នកស្រីបានអះអាងថាអ្នកស្រីនឹងនៅតែបន្តនូវសកម្មភាពនេះរហូតដល់មានការដោះលែងមន្ត្រីសិទ្ធិមនុស្ស និងមន្ត្រី គជប បើទោះបីជាអ្នកស្រីត្រូវចាប់ខ្លួនដាក់ពន្ធនាគារក៏ដោយ។
អ្នកស្រីបញ្ជាក់ថា៖ «ក្នុងអំឡុងពេលនៃការឃាត់ខ្លួនមន្ត្រីតុលាការម្នាក់បានលើកយកមាត្រា ៥២២ និង មាត្រា ៥២៣ នៃច្បាប់ក្រមព្រហ្មទណ្ឌមកគំរាមខ្ញុំថាតាមអំណាចនៃមាត្រាទាំងពីរនេះខ្ញុំអាចនឹងត្រូវផ្តន្ទាទោសឲ្យជាប់ពន្ធនាគារពី ៥ ខែទៅ ៨ ខែ និងពិន័យជាប្រាក់ពីមួយលានទៅពីរលានរៀល»។
ជាមួយគ្នានេះដែរកាលពីល្ងាចថ្ងៃចន្ទម្សិលមិញសកម្មជនដីធ្លីនៅសហគមន៍បឹងកក់ក៏បាននាំគ្នារៀបចំយុទ្ធនាការថ្ងៃចន្ទពណ៌ខ្មៅនេះដែរដោយបាននាំគ្នាពូនដីសាងជាផ្នូរសពរបស់លោកបណ្ឌិត កែម ឡី ដោយមានការដាក់តាំងលម្អនូវភ្លើងទៀន និងផ្កាឈូកកម្រងផ្កាព្រមទាំងអ្នកចូលរួមត្រូវពាក់អាវខ្មៅដែលមានរូបលោក កែម ឡី នៅពីមុខផង។
អ្នកស្រី ទេព វន្នី ដែលជាអ្នកដឹកនាំកម្មវិធីនេះបាននិយាយថា៖ «យុទ្ធនាការថ្ងៃចន្ទពណ៌ខ្មៅសប្ដាហ៍ទី ១៤ នេះគឺយើងធ្វើដើម្បីស្វែងរកយុត្តិធម៌ឲ្យលោកបណ្ឌិត កែម ឡី ផង និងដើម្បីទាមទារឲ្យមានការដោះលែងសកម្មជនសិទ្ធិមនុស្ស ៤ នាក់ និង គជប ម្នាក់ និងអ្នកទោសមនសិការ ១៧ នាក់ផ្សេងទៀត»។
បើតាមអ្នកស្រី វន្នី នៅក្នុងពិធីនោះក៏មានកម្លាំងសមត្ថកិច្ចជាច្រើនត្រូវបានដាក់ពង្រាយដើម្បីឃ្លាំមើល និងរារាំងការដង្ហែក្បួនចេញពីកន្លែងរៀបចំពិធីផងដែរ៕ NS