Image may be NSFW.
Clik here to view.
ដោយ សូត សុខប្រាថ្នា RFA 2016-08-13
អយ្យការអមសាលាដំបូងខេត្តកំពង់ធំ ចេញថ្លែងការណ៍មួយកាលពីថ្ងៃទី១១ ខែសីហា ដោយលើកឡើងថា ពួកគេថ្កោលទោសយ៉ាងដាច់អហង្ការចំពោះទង្វើល្មើសច្បាប់របស់ជនឆ្លៀតឱកាសមួយចំនួន ដែលបានប្រើប្រាស់ឈ្មោះស្ថាប័នតុលាការខេត្តកំពង់ធំ ដើម្បីបម្រើផលប្រយោជន៍ដោយល្មើសច្បាប់។ សេចក្ដីថ្លែងការណ៍នេះ ធ្វើឡើងក្រោយពេលមានការចោទប្រកាន់ពីពលរដ្ឋនៅស្រុកស្ទឹងត្រង់ ខេត្តកំពង់ចាម ថាមានមន្ត្រីតុលាការយកប្រាក់ពួកគាត់ជាថ្នូរការដោះលែងមនុស្ស និងគ្រឿងចក្រមួយគ្រឿងដែលបានផ្សព្វផ្សាយតាមអាស៊ីសេរី កាលពីថ្ងៃទី៩ ខែសីហា។
សេចក្ដីថ្លែងការណ៍កម្រាស់ ៣ទំព័រដែលបានបកស្រាយអំពីដំណើររឿងពាក់ព័ន្ធនឹងការចោទប្រកាន់មន្ត្រីតុលាការនៅខេត្តកំពង់ធំ ថាបានជំរិតយកប្រាក់ពីពលរដ្ឋមួយគ្រួសាររស់នៅខេត្តកំពង់ចាម កាលពីថ្ងៃទី២ និងថ្ងៃទី៣ ខែសីហា។
ក្នុងលិខិតបញ្ជាក់ថា ដំបូងឡើយអយ្យការអមសាលាដំបូងខេត្តបានចាត់ការលើសំណុំរឿងកាប់រានហ៊ុមព័ទ្ធ និងឈូសឆាយដីព្រៃដោយគ្មានការអនុញ្ញាតកាលពីថ្ងៃទី២ ខែសីហា។ សំណុំរឿងនេះ បញ្ជូនពីជំនាញផ្នែករដ្ឋបាលព្រៃឈើកំពង់ថ្ម ដោយមានការឃាត់ខ្លួនជនសង្ស័យម្នាក់ឈ្មោះ ថន ចាន់ធី និងគ្រឿងចក្រមួយគ្រឿង។ ក្រោយការស៊ើបអង្កេតបឋមរបស់អយ្យការអមសាលាដំបូងខេត្តកំពង់ធំ កំណត់អត្តសញ្ញាណជនល្មើសពិតប្រាកដ គឺឈ្មោះ ថុល ភេទប្រុស។ ចំណែកឈ្មោះ ថន ចាន់ធី គឺគ្រាន់តែជាម្ចាស់គ្រឿងចក្រដែលគេជួលយកទៅភ្ជួរដីព្រៃប៉ុណ្ណោះ។ ក្នុងរឿងនេះ ឈ្មោះ ថន ចាន់ធី គ្មានភស្តុតាងស៊ីចង្វាក់ក្នុងការចូលរួមប្រព្រឹត្តបទល្មើសនោះទេ ទើបអយ្យការអមសាលាដំបូងសម្រេចឱ្យពលរដ្ឋរូបនេះមានសេរីភាពវិញ។
ចំណែកការចោទប្រកាន់ថា មានស្ត្រីពីរនាក់ដោយអះអាងថា ជាមន្ត្រីតុលាការ និងជំនួយការរបស់ព្រះរាជអាជ្ញាធរខេត្តកំពង់ធំ បានយកប្រាក់ពីអ្នកស្រី ហាន យាន ជាម្ដាយលោក ថន ចាន់ធី ជាថ្នូរការដោះលែងកូនអ្នកស្រី និងគ្រឿងចក្រនោះ អយ្យការអមសាលាដំបូងបានច្រានចោល និងថ្កោលទោសចំពោះករណីនេះ។
សេចក្ដីថ្លែងការណ៍ដដែលបញ្ជាក់ស្ត្រីថា ឈ្មោះ វណ្ណរី ដែលពលរដ្ឋអះអាងថា យកប្រាក់ពីពួកគាត់ ២លានរៀលជាថ្នូរដោះលែងមនុស្ស និងគ្រឿងចក្រ ពុំមែនជាមន្ត្រីតុលាការឡើយ ប៉ុន្តែគាត់ជាមន្ត្រីបម្រើការងារនៅសាលាខេត្តកំពង់ធំ។ ជាមួយគ្នានេះ កាលពីថ្ងៃទី១០ កក្កដា តុលាការបានអញ្ជើញអ្នកស្រី វណ្ណរី មកសាកសួរ ដោយស្ត្រីរូបនេះទទួលស្គាល់ថា មានទំនាក់ទំនងជាមួយក្រុមគ្រួសារលោក ថន ចាន់ធី ប៉ុន្តែគាត់បដិសេធថា មិនបានទារប្រាក់ចំនួន ២លានរៀលពីពលរដ្ឋដូចការចោទប្រកាន់ទេ តែអ្នកស្រីបញ្ជាក់ថា ជាការតបស្នងនៅពេលបានជួបកូនដែលអាជ្ញាធរឃុំខ្លួននៅស្នងការខេត្ត ម្ដាយលោក ចាន់ធី បានជូនប្រាក់ទៅអ្នកស្រី វណ្ណរី ១លានរៀល ហើយប្រាក់នេះ គាត់បានទៅចែកជូនប៉ូលិសយាម និងយកទៅទិញអាហារ។
ចំណែកស្ត្រីម្នាក់ទៀតដែលបានទទួលយកប្រាក់ ៤ពាន់ដុល្លារ តាមភ្នាក់ងារផ្ទេរប្រាក់វីង (wing) ដោយអះអាងថា ជាជំនួយការរបស់លោក អ៊ិត សុធា ជាព្រះរាជអាជ្ញាខេត្តកំពង់ធំ នោះ គឺក្រុមគ្រួសារជនសង្ស័យមិនបានស្គាល់អត្តសញ្ញាណឡើយ ហើយខាងអយ្យការអមសាលាដំបូងយល់ថា ជាឧបាយកលឆបោកតែម្ដង ពីព្រោះលោក អ៊ិត សុធា មានតែក្រឡាយបញ្ជីម្នាក់គត់ និងមានមន្ត្រីកិច្ចសន្យាមួយចំនួនសុទ្ធតែប្រុស។ ពួកគេថែមទាំងថ្កោលទោសចំពោះអំពើបែបនេះ និងស៊ើបអង្កេតរកជនឆ្លៀតឱកាសដើម្បីយកមកផ្ដន្ទាទោសតាមផ្លូវច្បាប់ទៀតផង។
ទោះជាយ៉ាងនេះក្ដី ពលរដ្ឋនៅស្រុកស្ទឹងត្រង់ ខេត្តកំពង់ចាម អ្នកស្រី ហាន យាន មានប្រសាសន៍ថា ប្រាក់ ២លានរៀល អ្នកស្រីបានទទួលវិញហើយនៅថ្ងៃទី១២ សីហា។ បន្ថែមពីនេះ ព្រះរាជអាជ្ញាបានកោះហៅអ្នកស្រីទៅជួបថ្ងៃដដែលនេះ អាចជាការប្រគល់គ្រឿងចក្រឱ្យគាត់វិញ ប៉ុន្តែអ្នកស្រីសុំពន្យារពេល ពីព្រោះមានបញ្ហាមធ្យោបាយធ្វើដំណើរ។ អ្នកស្រីចង់ឱ្យតុលាការស្វែងរកជនខិលខូចដើម្បីយកប្រាក់ ៤ពាន់ដុល្លារត្រឡប់មកវិញ៖ «ខ្ញុំចង់បានអ៊ីចឹងដែរ ចង់បានប្រាក់ត្រឡប់មកវិញ បើមិនបានទាំងអស់ក៏បានពាក់កណ្ដាលដែរ»។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា លោក សន ជ័យ មើលឃើញថា មន្ត្រីរាជការសាធារណៈមិនត្រូវពាក់ព័ន្ធរឿងប្រាក់ដែលយកពីអ្នកនេះទៅចែកអ្នកនោះ ព្រោះវាអាចប្រឈមបទល្មើសវិតិក្រម។ លោកបន្តថា សេចក្ដីថ្លែងការណ៍របស់តុលាការ គឺចង់បង្ហាញភាពស្អាតស្អំរបស់ខ្លួន ហើយលោកចង់ឃើញការឆ្លើយតបបែបនេះ ក្លាយជាការអនុវត្តជាក់ស្ដែងក្នុងប្រព័ន្ធយុត្តិធម៌។ លោកថា ដើម្បីចង់បានភាពស្អាតស្អំ គឺទាមទារឱ្យតុលាការស្វែងរកជនឆ្លៀតឱកាសដែលប្រើប្រាស់មធ្យោបាយតាមរយៈទូរស័ព្ទឆ្លងឆ្លើយជាមួយពលរដ្ឋរងគ្រោះ និងភ្នាក់ងារផ្ទេរប្រាក់យកមកផ្ដន្ទាទោស។ លេខទូរស័ព្ទដែលអ្នកស្រី ហាន យាន បានទាក់ទង និងផ្ទេរប្រាក់ឱ្យនោះ គឺលេខ ០៩៧ ២២២ ៩១០៦ ប៉ុន្តែលេខទូរស័ព្ទនេះហៅមិនចូលឡើយ៕
Clik here to view.
ដោយ សូត សុខប្រាថ្នា RFA 2016-08-13
អយ្យការអមសាលាដំបូងខេត្តកំពង់ធំ ចេញថ្លែងការណ៍មួយកាលពីថ្ងៃទី១១ ខែសីហា ដោយលើកឡើងថា ពួកគេថ្កោលទោសយ៉ាងដាច់អហង្ការចំពោះទង្វើល្មើសច្បាប់របស់ជនឆ្លៀតឱកាសមួយចំនួន ដែលបានប្រើប្រាស់ឈ្មោះស្ថាប័នតុលាការខេត្តកំពង់ធំ ដើម្បីបម្រើផលប្រយោជន៍ដោយល្មើសច្បាប់។ សេចក្ដីថ្លែងការណ៍នេះ ធ្វើឡើងក្រោយពេលមានការចោទប្រកាន់ពីពលរដ្ឋនៅស្រុកស្ទឹងត្រង់ ខេត្តកំពង់ចាម ថាមានមន្ត្រីតុលាការយកប្រាក់ពួកគាត់ជាថ្នូរការដោះលែងមនុស្ស និងគ្រឿងចក្រមួយគ្រឿងដែលបានផ្សព្វផ្សាយតាមអាស៊ីសេរី កាលពីថ្ងៃទី៩ ខែសីហា។
សេចក្ដីថ្លែងការណ៍កម្រាស់ ៣ទំព័រដែលបានបកស្រាយអំពីដំណើររឿងពាក់ព័ន្ធនឹងការចោទប្រកាន់មន្ត្រីតុលាការនៅខេត្តកំពង់ធំ ថាបានជំរិតយកប្រាក់ពីពលរដ្ឋមួយគ្រួសាររស់នៅខេត្តកំពង់ចាម កាលពីថ្ងៃទី២ និងថ្ងៃទី៣ ខែសីហា។
ក្នុងលិខិតបញ្ជាក់ថា ដំបូងឡើយអយ្យការអមសាលាដំបូងខេត្តបានចាត់ការលើសំណុំរឿងកាប់រានហ៊ុមព័ទ្ធ និងឈូសឆាយដីព្រៃដោយគ្មានការអនុញ្ញាតកាលពីថ្ងៃទី២ ខែសីហា។ សំណុំរឿងនេះ បញ្ជូនពីជំនាញផ្នែករដ្ឋបាលព្រៃឈើកំពង់ថ្ម ដោយមានការឃាត់ខ្លួនជនសង្ស័យម្នាក់ឈ្មោះ ថន ចាន់ធី និងគ្រឿងចក្រមួយគ្រឿង។ ក្រោយការស៊ើបអង្កេតបឋមរបស់អយ្យការអមសាលាដំបូងខេត្តកំពង់ធំ កំណត់អត្តសញ្ញាណជនល្មើសពិតប្រាកដ គឺឈ្មោះ ថុល ភេទប្រុស។ ចំណែកឈ្មោះ ថន ចាន់ធី គឺគ្រាន់តែជាម្ចាស់គ្រឿងចក្រដែលគេជួលយកទៅភ្ជួរដីព្រៃប៉ុណ្ណោះ។ ក្នុងរឿងនេះ ឈ្មោះ ថន ចាន់ធី គ្មានភស្តុតាងស៊ីចង្វាក់ក្នុងការចូលរួមប្រព្រឹត្តបទល្មើសនោះទេ ទើបអយ្យការអមសាលាដំបូងសម្រេចឱ្យពលរដ្ឋរូបនេះមានសេរីភាពវិញ។
ចំណែកការចោទប្រកាន់ថា មានស្ត្រីពីរនាក់ដោយអះអាងថា ជាមន្ត្រីតុលាការ និងជំនួយការរបស់ព្រះរាជអាជ្ញាធរខេត្តកំពង់ធំ បានយកប្រាក់ពីអ្នកស្រី ហាន យាន ជាម្ដាយលោក ថន ចាន់ធី ជាថ្នូរការដោះលែងកូនអ្នកស្រី និងគ្រឿងចក្រនោះ អយ្យការអមសាលាដំបូងបានច្រានចោល និងថ្កោលទោសចំពោះករណីនេះ។
សេចក្ដីថ្លែងការណ៍ដដែលបញ្ជាក់ស្ត្រីថា ឈ្មោះ វណ្ណរី ដែលពលរដ្ឋអះអាងថា យកប្រាក់ពីពួកគាត់ ២លានរៀលជាថ្នូរដោះលែងមនុស្ស និងគ្រឿងចក្រ ពុំមែនជាមន្ត្រីតុលាការឡើយ ប៉ុន្តែគាត់ជាមន្ត្រីបម្រើការងារនៅសាលាខេត្តកំពង់ធំ។ ជាមួយគ្នានេះ កាលពីថ្ងៃទី១០ កក្កដា តុលាការបានអញ្ជើញអ្នកស្រី វណ្ណរី មកសាកសួរ ដោយស្ត្រីរូបនេះទទួលស្គាល់ថា មានទំនាក់ទំនងជាមួយក្រុមគ្រួសារលោក ថន ចាន់ធី ប៉ុន្តែគាត់បដិសេធថា មិនបានទារប្រាក់ចំនួន ២លានរៀលពីពលរដ្ឋដូចការចោទប្រកាន់ទេ តែអ្នកស្រីបញ្ជាក់ថា ជាការតបស្នងនៅពេលបានជួបកូនដែលអាជ្ញាធរឃុំខ្លួននៅស្នងការខេត្ត ម្ដាយលោក ចាន់ធី បានជូនប្រាក់ទៅអ្នកស្រី វណ្ណរី ១លានរៀល ហើយប្រាក់នេះ គាត់បានទៅចែកជូនប៉ូលិសយាម និងយកទៅទិញអាហារ។
ចំណែកស្ត្រីម្នាក់ទៀតដែលបានទទួលយកប្រាក់ ៤ពាន់ដុល្លារ តាមភ្នាក់ងារផ្ទេរប្រាក់វីង (wing) ដោយអះអាងថា ជាជំនួយការរបស់លោក អ៊ិត សុធា ជាព្រះរាជអាជ្ញាខេត្តកំពង់ធំ នោះ គឺក្រុមគ្រួសារជនសង្ស័យមិនបានស្គាល់អត្តសញ្ញាណឡើយ ហើយខាងអយ្យការអមសាលាដំបូងយល់ថា ជាឧបាយកលឆបោកតែម្ដង ពីព្រោះលោក អ៊ិត សុធា មានតែក្រឡាយបញ្ជីម្នាក់គត់ និងមានមន្ត្រីកិច្ចសន្យាមួយចំនួនសុទ្ធតែប្រុស។ ពួកគេថែមទាំងថ្កោលទោសចំពោះអំពើបែបនេះ និងស៊ើបអង្កេតរកជនឆ្លៀតឱកាសដើម្បីយកមកផ្ដន្ទាទោសតាមផ្លូវច្បាប់ទៀតផង។
ទោះជាយ៉ាងនេះក្ដី ពលរដ្ឋនៅស្រុកស្ទឹងត្រង់ ខេត្តកំពង់ចាម អ្នកស្រី ហាន យាន មានប្រសាសន៍ថា ប្រាក់ ២លានរៀល អ្នកស្រីបានទទួលវិញហើយនៅថ្ងៃទី១២ សីហា។ បន្ថែមពីនេះ ព្រះរាជអាជ្ញាបានកោះហៅអ្នកស្រីទៅជួបថ្ងៃដដែលនេះ អាចជាការប្រគល់គ្រឿងចក្រឱ្យគាត់វិញ ប៉ុន្តែអ្នកស្រីសុំពន្យារពេល ពីព្រោះមានបញ្ហាមធ្យោបាយធ្វើដំណើរ។ អ្នកស្រីចង់ឱ្យតុលាការស្វែងរកជនខិលខូចដើម្បីយកប្រាក់ ៤ពាន់ដុល្លារត្រឡប់មកវិញ៖ «ខ្ញុំចង់បានអ៊ីចឹងដែរ ចង់បានប្រាក់ត្រឡប់មកវិញ បើមិនបានទាំងអស់ក៏បានពាក់កណ្ដាលដែរ»។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា លោក សន ជ័យ មើលឃើញថា មន្ត្រីរាជការសាធារណៈមិនត្រូវពាក់ព័ន្ធរឿងប្រាក់ដែលយកពីអ្នកនេះទៅចែកអ្នកនោះ ព្រោះវាអាចប្រឈមបទល្មើសវិតិក្រម។ លោកបន្តថា សេចក្ដីថ្លែងការណ៍របស់តុលាការ គឺចង់បង្ហាញភាពស្អាតស្អំរបស់ខ្លួន ហើយលោកចង់ឃើញការឆ្លើយតបបែបនេះ ក្លាយជាការអនុវត្តជាក់ស្ដែងក្នុងប្រព័ន្ធយុត្តិធម៌។ លោកថា ដើម្បីចង់បានភាពស្អាតស្អំ គឺទាមទារឱ្យតុលាការស្វែងរកជនឆ្លៀតឱកាសដែលប្រើប្រាស់មធ្យោបាយតាមរយៈទូរស័ព្ទឆ្លងឆ្លើយជាមួយពលរដ្ឋរងគ្រោះ និងភ្នាក់ងារផ្ទេរប្រាក់យកមកផ្ដន្ទាទោស។ លេខទូរស័ព្ទដែលអ្នកស្រី ហាន យាន បានទាក់ទង និងផ្ទេរប្រាក់ឱ្យនោះ គឺលេខ ០៩៧ ២២២ ៩១០៦ ប៉ុន្តែលេខទូរស័ព្ទនេះហៅមិនចូលឡើយ៕