Image may be NSFW.
Clik here to view.
ដោយ សូត សុខប្រាថ្នា RFA 2016-08-14
ប្រជាពលរដ្ឋនៅឃុំសណ្ដាន់ ស្រុកសណ្ដាន់ ខេត្តកំពង់ធំ បារម្ភថាតំបន់ដីដែលពលរដ្ឋទាមទារកាន់កាប់ នឹងធ្លាក់លើដៃអ្នកមានប្រាក់ ឬឈ្មួញ មិនមែនបានទៅលើក្រុមហ៊ុនសម្បទានសេដ្ឋកិច្ចឈ្មោះ ស៊ី.អ.ស៊ី.ខេ (CRCK) ឡើយ។ ការលើកឡើងនេះ ក្រោយពេលពួកគាត់ឃើញតំបន់ដីជាច្រើនហិកតារ ត្រូវបានមនុស្សមកពីតំបន់ផ្សេងទន្ទ្រានយកដាំស្វាយចន្ទី ខណៈពួកគេធ្លាប់ប្រាប់ពលរដ្ឋថាជាដីក្រុមហ៊ុន។ អាជ្ញាធរស្រុកសណ្ដាន់ ថានឹងចុះស្រាវជ្រាវលើករណីនេះ។
ប្រជាពលរដ្ឋនៅឃុំសណ្ដាន់ ស្នើឲ្យអាជ្ញាធរជួយបង្ហាញតម្លាភាពចំពោះបញ្ហាដីធ្លីដែលពួកគាត់កំពុងងឿងឆ្ងល់។ ពលរដ្ឋលើកឡើងថា ដំបូងឡើយកាលពីឆ្នាំ២០១៥ មានមនុស្សមួយក្រុមចូលទៅឈូសឆាយដីព្រៃតំបន់ព្រៃតាធឹក ដែលជាដីសហគមន៍ពីមុនមក។
កាលណោះ ពេលយកគ្រឿងចក្រចូលឈូសឆាយ ពួកគេបញ្ជាក់ថាជាដីក្រុមហ៊ុន ស៊ី.អ.ស៊ី.ខេ (CRCK) ហើយរារាំងមិនឲ្យពលរដ្ឋចូលកាន់កាប់ឡើយ ប៉ុន្តែនៅចុងខែកក្កដា ឆ្នាំ២០១៦ បែរជាមានបុគ្គលមកពីតំបន់ផ្សេងប្រើកម្មករដាំស្វាយចន្ទីទៅវិញ។
ពលរដ្ឋនៅភូមិឈូក ឃុំសណ្ដាន់ លោក សិត សេង មានប្រសាសន៍ថា ដីដែលប្រជាពលរដ្ឋទាមទារកាន់កាប់ប្រមាណ ១០ហិកតារនៅចំណុចព្រៃតាធឹក ត្រូវបានគេយកទៅដាំស្វាយចន្ទីកាលពីចុងខែកក្កដា។ លោកបន្តថា ដំបូងឡើយ ដីតំបន់នោះ ខាងក្រុមហ៊ុនមិនឲ្យពលរដ្ឋចូលកាន់កាប់ឡើយ ដោយអះអាងថាជាដីក្រុមហ៊ុន ស៊ី.អ.ស៊ី.ខេ វិនិយោគពីរដ្ឋទុកសម្រាប់ដាំកៅស៊ូ ប៉ុន្តែបែរជាមានបុគ្គលឯកជនមកពីតំបន់ផ្សេងកាន់កាប់ជំនួស៖ «ប្រជាពលរដ្ឋឆ្ងល់ថា ហេតុអីប្រជាជនដងខ្នោះនៅកន្លែងនោះមិនបាន បែរជាបានទៅប្រជាជនគេផ្សេង។ ប្រជាជនឆ្ងល់តែប៉ុណ្ណេះទេ»។
លោកឲ្យដឹងទៀតថា នៅពេលថ្មីៗនេះ ប្រជាពលរដ្ឋ ១៥គ្រួសារដែលមានបញ្ហាដីធ្លីជាមួយក្រុមហ៊ុន ស៊ី.អ.ស៊ី.ខេ លើទំហំដីជាង ២០ហិកតារ និងដីពីរកន្លែងផ្សេងទៀតដោយមិនដឹងចំនួនពិតប្រាកដ ហើយពលរដ្ឋបានស្នើសុំអាជ្ញាធរជួយដោះស្រាយ ឬដោះដូរដីតំបន់ផ្សេងជូនពួកគាត់ ប៉ុន្តែអាជ្ញាធរស្រុកធ្លាប់បញ្ជាក់ថា ពួកគាត់មិនមានគោលការណ៍ដោះស្រាយជូនពលរដ្ឋទាំងនេះឡើយ ព្រោះការចូលទៅកាន់កាប់ដីរបស់អ្នកភូមិធ្វើឡើងដោយខុសច្បាប់។
ទាក់ទងបញ្ហានេះ អភិបាលស្រុកសណ្ដាន់ លោក ឡង គីសឺង មានប្រសាសន៍ថា លោកនៅមិនទាន់ទទួលបានព័ត៌មានស្ដីពីការគ្រប់គ្រងតំបន់ដីក្រុមហ៊ុន ស៊ី.អ.ស៊ី.ខេ ដោយបុគ្គលឯកជនឡើយ។ តែយ៉ាងនេះក្តី លោកនឹងស្រាវជ្រាវអំពីបញ្ហានេះ៖ «បើសិនមានឯកជន បានទៅយកដីប្រជាពលរដ្ឋ ខ្ញុំនឹងឲ្យកម្លាំងស្រុកទៅសួរនាំគាត់។ អត់មានឯកជនទៅមានទីតាំងក្នុងដីក្រុមហ៊ុនទេ»។
ក្រុមហ៊ុន ស៊ី.អ.ស៊ី.ខេ ជាក្រុមហ៊ុនវៀតណាម មួយដែលត្រូវបានរាជរដ្ឋាភិបាលផ្តល់សិទ្ធិវិនិយោគដីសម្បទានសេដ្ឋកិច្ចសម្រាប់ដាំកៅស៊ូលើទំហំដីជាង ៦ពាន់ហិកតារ កាលពីឆ្នាំ២០១០។ ក្រុមហ៊ុននេះមានភាពចម្រូងចម្រាសដោយសារផ្ទៃដីមួយចំនួនប៉ះពាល់ដីស្រែចម្ការរបស់ប្រជាពលរដ្ឋ ព្រមទាំងមានសេចក្តីរាយការណ៍ជាច្រើនពីបណ្ដាញការពារព្រៃឡង់ ថាក្រុមហ៊ុនមួយនេះបានកាប់ឈើនៅក្រៅតំបន់ដីសម្បទានរបស់ខ្លួនទៀតផង។
ទោះបីជាយ៉ាងណាក៏ដោយ មន្ត្រីសម្របសម្រួលអង្គការការពារសិទ្ធិមនុស្សលីកាដូ (LICADHO) ខេត្តកំពង់ធំ លោក ញូង សាមឿន មានប្រសាសន៍ថា ជាជំហានដំបូង ពលរដ្ឋត្រូវស៊ើបឲ្យកាន់តែច្បាស់បន្ថែមទៀតអំពីបញ្ហានេះ ហើយដាក់ពាក្យបណ្ដឹងទៅអាជ្ញាធរឲ្យជួយអន្តរាគមន៍។ លោកបន្តថា ប្រសិនបើដីនោះជាដីក្រុមហ៊ុន ហើយត្រូវបានកាន់កាប់ដោយឈ្មួញ ឬអ្នកមានប្រាក់បន្តទៀត គឺជារឿងខុសច្បាប់។ ជាងនេះទៀត អាជ្ញាធរត្រូវស៊ើបអង្កេតបញ្ហានេះឲ្យបានច្បាស់លាស់ ជៀសវាងដីរបស់ពលរដ្ឋធ្លាប់កាន់កាប់ ឬជាដីសហគមន៍របស់ពួកគាត់ ត្រូវធ្លាក់ទៅដៃឯកជន ឬអ្នកមានប្រាក់ដោយយកឈ្មោះក្រុមហ៊ុនជាបង្អែក៕
Clik here to view.
ដោយ សូត សុខប្រាថ្នា RFA 2016-08-14
ប្រជាពលរដ្ឋនៅឃុំសណ្ដាន់ ស្រុកសណ្ដាន់ ខេត្តកំពង់ធំ បារម្ភថាតំបន់ដីដែលពលរដ្ឋទាមទារកាន់កាប់ នឹងធ្លាក់លើដៃអ្នកមានប្រាក់ ឬឈ្មួញ មិនមែនបានទៅលើក្រុមហ៊ុនសម្បទានសេដ្ឋកិច្ចឈ្មោះ ស៊ី.អ.ស៊ី.ខេ (CRCK) ឡើយ។ ការលើកឡើងនេះ ក្រោយពេលពួកគាត់ឃើញតំបន់ដីជាច្រើនហិកតារ ត្រូវបានមនុស្សមកពីតំបន់ផ្សេងទន្ទ្រានយកដាំស្វាយចន្ទី ខណៈពួកគេធ្លាប់ប្រាប់ពលរដ្ឋថាជាដីក្រុមហ៊ុន។ អាជ្ញាធរស្រុកសណ្ដាន់ ថានឹងចុះស្រាវជ្រាវលើករណីនេះ។
ប្រជាពលរដ្ឋនៅឃុំសណ្ដាន់ ស្នើឲ្យអាជ្ញាធរជួយបង្ហាញតម្លាភាពចំពោះបញ្ហាដីធ្លីដែលពួកគាត់កំពុងងឿងឆ្ងល់។ ពលរដ្ឋលើកឡើងថា ដំបូងឡើយកាលពីឆ្នាំ២០១៥ មានមនុស្សមួយក្រុមចូលទៅឈូសឆាយដីព្រៃតំបន់ព្រៃតាធឹក ដែលជាដីសហគមន៍ពីមុនមក។
កាលណោះ ពេលយកគ្រឿងចក្រចូលឈូសឆាយ ពួកគេបញ្ជាក់ថាជាដីក្រុមហ៊ុន ស៊ី.អ.ស៊ី.ខេ (CRCK) ហើយរារាំងមិនឲ្យពលរដ្ឋចូលកាន់កាប់ឡើយ ប៉ុន្តែនៅចុងខែកក្កដា ឆ្នាំ២០១៦ បែរជាមានបុគ្គលមកពីតំបន់ផ្សេងប្រើកម្មករដាំស្វាយចន្ទីទៅវិញ។
ពលរដ្ឋនៅភូមិឈូក ឃុំសណ្ដាន់ លោក សិត សេង មានប្រសាសន៍ថា ដីដែលប្រជាពលរដ្ឋទាមទារកាន់កាប់ប្រមាណ ១០ហិកតារនៅចំណុចព្រៃតាធឹក ត្រូវបានគេយកទៅដាំស្វាយចន្ទីកាលពីចុងខែកក្កដា។ លោកបន្តថា ដំបូងឡើយ ដីតំបន់នោះ ខាងក្រុមហ៊ុនមិនឲ្យពលរដ្ឋចូលកាន់កាប់ឡើយ ដោយអះអាងថាជាដីក្រុមហ៊ុន ស៊ី.អ.ស៊ី.ខេ វិនិយោគពីរដ្ឋទុកសម្រាប់ដាំកៅស៊ូ ប៉ុន្តែបែរជាមានបុគ្គលឯកជនមកពីតំបន់ផ្សេងកាន់កាប់ជំនួស៖ «ប្រជាពលរដ្ឋឆ្ងល់ថា ហេតុអីប្រជាជនដងខ្នោះនៅកន្លែងនោះមិនបាន បែរជាបានទៅប្រជាជនគេផ្សេង។ ប្រជាជនឆ្ងល់តែប៉ុណ្ណេះទេ»។
លោកឲ្យដឹងទៀតថា នៅពេលថ្មីៗនេះ ប្រជាពលរដ្ឋ ១៥គ្រួសារដែលមានបញ្ហាដីធ្លីជាមួយក្រុមហ៊ុន ស៊ី.អ.ស៊ី.ខេ លើទំហំដីជាង ២០ហិកតារ និងដីពីរកន្លែងផ្សេងទៀតដោយមិនដឹងចំនួនពិតប្រាកដ ហើយពលរដ្ឋបានស្នើសុំអាជ្ញាធរជួយដោះស្រាយ ឬដោះដូរដីតំបន់ផ្សេងជូនពួកគាត់ ប៉ុន្តែអាជ្ញាធរស្រុកធ្លាប់បញ្ជាក់ថា ពួកគាត់មិនមានគោលការណ៍ដោះស្រាយជូនពលរដ្ឋទាំងនេះឡើយ ព្រោះការចូលទៅកាន់កាប់ដីរបស់អ្នកភូមិធ្វើឡើងដោយខុសច្បាប់។
ទាក់ទងបញ្ហានេះ អភិបាលស្រុកសណ្ដាន់ លោក ឡង គីសឺង មានប្រសាសន៍ថា លោកនៅមិនទាន់ទទួលបានព័ត៌មានស្ដីពីការគ្រប់គ្រងតំបន់ដីក្រុមហ៊ុន ស៊ី.អ.ស៊ី.ខេ ដោយបុគ្គលឯកជនឡើយ។ តែយ៉ាងនេះក្តី លោកនឹងស្រាវជ្រាវអំពីបញ្ហានេះ៖ «បើសិនមានឯកជន បានទៅយកដីប្រជាពលរដ្ឋ ខ្ញុំនឹងឲ្យកម្លាំងស្រុកទៅសួរនាំគាត់។ អត់មានឯកជនទៅមានទីតាំងក្នុងដីក្រុមហ៊ុនទេ»។
ក្រុមហ៊ុន ស៊ី.អ.ស៊ី.ខេ ជាក្រុមហ៊ុនវៀតណាម មួយដែលត្រូវបានរាជរដ្ឋាភិបាលផ្តល់សិទ្ធិវិនិយោគដីសម្បទានសេដ្ឋកិច្ចសម្រាប់ដាំកៅស៊ូលើទំហំដីជាង ៦ពាន់ហិកតារ កាលពីឆ្នាំ២០១០។ ក្រុមហ៊ុននេះមានភាពចម្រូងចម្រាសដោយសារផ្ទៃដីមួយចំនួនប៉ះពាល់ដីស្រែចម្ការរបស់ប្រជាពលរដ្ឋ ព្រមទាំងមានសេចក្តីរាយការណ៍ជាច្រើនពីបណ្ដាញការពារព្រៃឡង់ ថាក្រុមហ៊ុនមួយនេះបានកាប់ឈើនៅក្រៅតំបន់ដីសម្បទានរបស់ខ្លួនទៀតផង។
ទោះបីជាយ៉ាងណាក៏ដោយ មន្ត្រីសម្របសម្រួលអង្គការការពារសិទ្ធិមនុស្សលីកាដូ (LICADHO) ខេត្តកំពង់ធំ លោក ញូង សាមឿន មានប្រសាសន៍ថា ជាជំហានដំបូង ពលរដ្ឋត្រូវស៊ើបឲ្យកាន់តែច្បាស់បន្ថែមទៀតអំពីបញ្ហានេះ ហើយដាក់ពាក្យបណ្ដឹងទៅអាជ្ញាធរឲ្យជួយអន្តរាគមន៍។ លោកបន្តថា ប្រសិនបើដីនោះជាដីក្រុមហ៊ុន ហើយត្រូវបានកាន់កាប់ដោយឈ្មួញ ឬអ្នកមានប្រាក់បន្តទៀត គឺជារឿងខុសច្បាប់។ ជាងនេះទៀត អាជ្ញាធរត្រូវស៊ើបអង្កេតបញ្ហានេះឲ្យបានច្បាស់លាស់ ជៀសវាងដីរបស់ពលរដ្ឋធ្លាប់កាន់កាប់ ឬជាដីសហគមន៍របស់ពួកគាត់ ត្រូវធ្លាក់ទៅដៃឯកជន ឬអ្នកមានប្រាក់ដោយយកឈ្មោះក្រុមហ៊ុនជាបង្អែក៕
