Image may be NSFW.
Clik here to view.
ff
មាស សុខជា ភ្នំពេញ ប៉ុស្តិ៍ Wed, 17 August 2016
ភ្នំពេញៈ ឆ្លើយតបទៅនឹងការចោទប្រកាន់ដែលថាសមាជិកសភាអូស្ត្រាលីដើមកំណើត ខ្មែរលោក ហុង លីម ប្រមាថកម្ពុជា និងព្រះមហាក្សត្រតាមរយៈការហៅរបបដែលដឹកនាំដោយគណបក្សប្រជាជន បច្ចុប្បន្នថាជា «របបតិរច្ឆាន» សមាជិកសភាអូស្រ្តាលីរូបនេះបានបកស្រាយថាលោកមិនបានប្រមាថប្រទេស របស់លោក និងព្រះមហាក្សត្ររបស់លោកទេតែផ្ទុយទៅវិញលោកនាយករដ្ឋមន្រ្តី ហ៊ុន សែន ខ្លួនឯងគឺជាអ្នកប្រមាថ។
ថ្លែងនៅក្នុងសន្និសីទកាសែតមួយ នៅអូស្រ្តាលីដែលបង្ហោះជាវីដេអូខ្លីបកាលពីម្សិលមិញលោក ហុង លីម បានច្រានចោលការចោទប្រកាន់ពីគណបក្សប្រជាជនដែលថាលោកប្រមាថប្រទេស កម្ពុជា និងគ្រួសាររាជវង្សបន្ទាប់ពីលោកបានលើកឡើងថារបបបច្ចុប្បន្នដែល ដឹកនាំដោយគណបក្សប្រជាជនជារបបតិរច្ឆាន។ ដោយសំដៅទៅការបណ្តេញប្រជាជនចេញពីផ្ទះសម្បែង ដីធ្លី ការបាញ់ប្រជាជន ការបំផ្លាញធនធានធម្មជាតិដូចជាការបំផ្លាញព្រៃឈើ ការបំផ្លាញរ៉ែ...។
លោក ហុង លីម បានបញ្ជាក់ថា ចំណុចទាំងអស់នេះគឺជាភ័ស្តុតាងអាចនាំមេដឹកនាំរបបបច្ចុប្បន្នទៅ តុលាការព្រហ្មទណ្ឌអន្តរជាតិ (ICC)។
លោក លីម ថ្លែងទៀតថា លោកមិនបានប្រមាថកម្ពុជា ប្រជាជន និងព្រះមហាក្សត្រទេផ្ទុយទៅវិញលោកនាយករដ្ឋមន្រ្តី ហ៊ុន សែន គឺជាអ្នកប្រមាថព្រះមហាក្សត្រដោយលោកចង្អុលបង្ហាញថារដ្ឋាភិបាលរបស់ លោក ហ៊ុន សែន បានប៉ុនប៉ងចាត់ចំណាត់ការទៅលើគណបក្សសង្គ្រោះជាតិដែលជាគណបក្ស ប្រឆាំងដោយចោទប្រកាន់ថាក្លែងបន្លំស្នាមមេដៃប្រជាជននៅក្នុងញត្តិ ដាក់ថ្វាយទៅព្រះមហាក្សត្រនរោត្តម សីហមុនី ដែលសុំឲ្យព្រះអង្គជួយព្រះរាជអន្តរាគមន៍ដោះលែងសកម្មជនសិទ្ធិមនុស្ស អ្នកនយោបាយដែលត្រូវបានឃុំខ្លួនបន្ទាប់ពីព្រះមហាក្សត្រអនុញ្ញាត ឲ្យរដ្ឋាភិបាលពិនិត្យទៅលើញត្តិដែលលោក ហុង លីម លើកឡើងថាព្រះមហាក្សត្រសម្រេចដូចនេះគឺមានន័យថាព្រះមហាក្សត្រចង់ ឲ្យរដ្ឋាភិបាលដោះស្រាយបញ្ហានេះ។
លោកក៏បានប្រាប់លោក ហ៊ុន សែន ផងដែរមិនឲ្យភ្ជាប់ខ្លួនឯងទៅព្រះមហាក្សត្រទេដោយចាត់ទុកថា សកម្មភាពបែបនេះជាការមើលងាយ និងប្រមាថព្រះមហាក្សត្រហើយថាលោក ហ៊ុន សែន គួរតែទុកឲ្យព្រះមហាក្សត្រសម្រេចដោះស្រាយបញ្ហាដល់ប្រជាជន។
លោក បន្តថា៖ «ខ្ញុំបានប្រើពាក្យរបបតិរច្ឆាន។ ឥឡូវនេះពួកគេមួលបង្កាច់ [ខ្ញុំ] ខ្ញុំគិតថា [យើង] ត្រូវតែបំភ្លឺ [ពាក្យនេះ] ឲ្យច្បាស់ពីព្រោះ [ប្រជាជន] ដែលរស់នៅរាជធានីភ្នំពេញដឹងថា តើនរណាដែលខ្ញុំចង់និយាយសំដៅទៅថាជា តិរច្ឆាន»។
លោក លីម បន្ថែមថា៖ «យើងធ្លាប់ដឹងរួចហើយមេរបស់ពួកគេ [ហ៊ុន សែន] បានគំរាមលុបបំបាត់អ្នករាជានិយមហើយចង់បង្កើតសាធារណរដ្ឋប្រសិនបើ ព្រះបរមរតនកោដ្ឋ នរោត្តម សីហនុ មិនយល់ព្រមចុះហត្ថលេខាតាមអ្វីដែលពួកគេចង់»។
លោកបន្តថា៖ «ពួកគេចោទប្រកាន់ខ្ញុំថាប្រមាថប្រទេសរបស់ខ្លួន ប្រមាថប្រជាជនកម្ពុជា ប្រមាថព្រះមហាក្សត្រ ចាត់ទុកខ្លួនឯងជាស្តេច»។
«បុរសនេះជាបុរសអាក្រក់។ ប្រមាថព្រះមហាក្សត្រថាគ្មាននរណាខ្លាំងជាងគាត់»។
ដោយ ធ្វើការប្រៀបធៀបព្រះមហាក្សត្រខ្មែរទៅនឹងព្រះមហាក្សត្រនៅប្រទេសថៃ លោក ហុង លីម បានបន្ថែមថាលោក ហ៊ុន សែន ដែលប្រមាថព្រះមហាក្សត្រដូចនេះប្រសិនបើនៅប្រទេសថៃវិញនឹងត្រូវ ជាប់ពន្ធនាគាររយៈពេល ២០ ឆ្នាំ។
ឆ្លើយតបនឹងការហាមឃាត់មិនឲ្យ ត្រឡប់ចូលប្រទេសកំណើតដោយរដ្ឋាភិបាលរបស់លោក ហ៊ុន សែន សមាជិកសភាអូស្រ្តាលីរូបនេះបញ្ជាក់ថាលោកនឹងត្រឡប់ទៅប្រទេស កម្ពុជាដែលជាប្រទេសកំណើតរបស់លោកវិញ បើទោះបីជាលោកត្រូវបានហាមប្រាមមិនឲ្យត្រឡប់ទៅវិញក៏ដោយប៉ុន្តែ លោក លីម មិនបានបញ្ជាក់ពីកាលបរិច្ឆេទជាក់លាក់ណាមួយនៃការមកលេងប្រទេស កំណើតរបស់លោកទេ។
ប៉ុន្តែអ្នកនាំពាក្យរដ្ឋាភិបាលលោក ផៃ ស៊ីផាន បានហៅលោក ហុង លីម ថាជាមនុស្សឆ្កួតដែលហៅរបបរបស់ប្រទេសកម្ពុជាថាជារបបតិរច្ឆាន។
លោក ផៃ ស៊ីផាន នៅតែចោទប្រកាន់លោក ហុង លីម ថាប្រមាថប្រជាជនទាំងអស់ដែលរស់នៅក្នុងប្រទេសកម្ពុជាដោយលោកអះអាង ថារបបកម្ពុជាបច្ចុប្បន្នត្រូវបានបង្កើតឡើងដោយរដ្ឋធម្មនុញ្ញ កម្ពុជា។ «របបនេះ [យើង] និយាយអំពីរដ្ឋធម្មនុញ្ញដែលបានចែង។ នៅពេលពួកគេប្រមាថរបបនេះពួកគេប្រមាថទាំងអស់គ្នា»។
ពាក់ព័ន្ធ នឹងការចោទប្រកាន់ដែលថារដ្ឋាភិបាលបានបណ្តេញប្រជាជនចេញពីផ្ទះ សំបែង និងដីធ្លី បាញ់ប្រជាជន និងបំផ្លាញធនធានជាតិ លោក ផៃ ស៊ីផាន បានឆ្លើយតបថាបញ្ហាទាំងនេះមិនអាចហៅជារបបទេប៉ុន្តែទាំងអស់នេះ គឺជាសកម្មភាព។
អ្នកវិភាគនយោបាយលោក អ៊ូ វីរៈ ប្រធានវេទិកាអនាគតមិនបានចាត់ទុកការហៅរបស់លោក ហុង លីម ដែលថារបបបច្ចុប្បន្នជារបបតិរច្ឆានថាជាការប្រមាថប្រជាជនកម្ពុជា ទាំងមូលទេដោយថ្លែងថាលោក ហុង លីម គ្រាន់តែសំដៅទៅរដ្ឋាភិបាលដែលកាន់អំណាច។ ប៉ុន្តែលោក វីរៈ បានបន្ថែមថាលោកមិនពេញចិត្តនឹងការហៅរបស់លោក លីម ទេ។
លោក បន្តថា៖ «ខ្ញុំមើលទៅបញ្ហានេះគួរជារឿងធម្មតាហើយទុកវានៅឲ្យឆ្ងាយហើយ យើងត្រឡប់មកនិយាយអំពីបញ្ហាជាតិ។ ការវាយប្រហារគ្នាទៅវិញទៅមកវាគ្មានអត្ថប្រយោជន៍អ្វីសម្រាប់ជាតិ ទេ»។ «ខ្ញុំមិនគាំទ្រការលើកឡើង [របស់លោក ហុង លីម] ប៉ុន្តែខ្ញុំមិនគាំទ្រការឆ្លើយតបរបស់រដ្ឋាភិបាល និងការហាមប្រាម [លោក លីម] មិនឲ្យចូលប្រទេសនោះទេ។ វាមិនត្រឹមត្រូវ គាត់មានសញ្ជាតិខ្មែររដ្ឋធម្មនុញ្ញរបស់យើងគាំទ្រ។ យើងមិនអាចហាមប្រាមអ្នកដែលមានសញ្ជាតិខ្មែរមិនឲ្យចូលប្រទេសរបស់ យើងបានទេ។ វាខុសច្បាប់។ វាជាការបញ្ចេញមតិ»៕ PS
Clik here to view.
ffមាស សុខជា ភ្នំពេញ ប៉ុស្តិ៍ Wed, 17 August 2016
ភ្នំពេញៈ ឆ្លើយតបទៅនឹងការចោទប្រកាន់ដែលថាសមាជិកសភាអូស្ត្រាលីដើមកំណើត ខ្មែរលោក ហុង លីម ប្រមាថកម្ពុជា និងព្រះមហាក្សត្រតាមរយៈការហៅរបបដែលដឹកនាំដោយគណបក្សប្រជាជន បច្ចុប្បន្នថាជា «របបតិរច្ឆាន» សមាជិកសភាអូស្រ្តាលីរូបនេះបានបកស្រាយថាលោកមិនបានប្រមាថប្រទេស របស់លោក និងព្រះមហាក្សត្ររបស់លោកទេតែផ្ទុយទៅវិញលោកនាយករដ្ឋមន្រ្តី ហ៊ុន សែន ខ្លួនឯងគឺជាអ្នកប្រមាថ។
ថ្លែងនៅក្នុងសន្និសីទកាសែតមួយ នៅអូស្រ្តាលីដែលបង្ហោះជាវីដេអូខ្លីបកាលពីម្សិលមិញលោក ហុង លីម បានច្រានចោលការចោទប្រកាន់ពីគណបក្សប្រជាជនដែលថាលោកប្រមាថប្រទេស កម្ពុជា និងគ្រួសាររាជវង្សបន្ទាប់ពីលោកបានលើកឡើងថារបបបច្ចុប្បន្នដែល ដឹកនាំដោយគណបក្សប្រជាជនជារបបតិរច្ឆាន។ ដោយសំដៅទៅការបណ្តេញប្រជាជនចេញពីផ្ទះសម្បែង ដីធ្លី ការបាញ់ប្រជាជន ការបំផ្លាញធនធានធម្មជាតិដូចជាការបំផ្លាញព្រៃឈើ ការបំផ្លាញរ៉ែ...។
លោក ហុង លីម បានបញ្ជាក់ថា ចំណុចទាំងអស់នេះគឺជាភ័ស្តុតាងអាចនាំមេដឹកនាំរបបបច្ចុប្បន្នទៅ តុលាការព្រហ្មទណ្ឌអន្តរជាតិ (ICC)។
លោក លីម ថ្លែងទៀតថា លោកមិនបានប្រមាថកម្ពុជា ប្រជាជន និងព្រះមហាក្សត្រទេផ្ទុយទៅវិញលោកនាយករដ្ឋមន្រ្តី ហ៊ុន សែន គឺជាអ្នកប្រមាថព្រះមហាក្សត្រដោយលោកចង្អុលបង្ហាញថារដ្ឋាភិបាលរបស់ លោក ហ៊ុន សែន បានប៉ុនប៉ងចាត់ចំណាត់ការទៅលើគណបក្សសង្គ្រោះជាតិដែលជាគណបក្ស ប្រឆាំងដោយចោទប្រកាន់ថាក្លែងបន្លំស្នាមមេដៃប្រជាជននៅក្នុងញត្តិ ដាក់ថ្វាយទៅព្រះមហាក្សត្រនរោត្តម សីហមុនី ដែលសុំឲ្យព្រះអង្គជួយព្រះរាជអន្តរាគមន៍ដោះលែងសកម្មជនសិទ្ធិមនុស្ស អ្នកនយោបាយដែលត្រូវបានឃុំខ្លួនបន្ទាប់ពីព្រះមហាក្សត្រអនុញ្ញាត ឲ្យរដ្ឋាភិបាលពិនិត្យទៅលើញត្តិដែលលោក ហុង លីម លើកឡើងថាព្រះមហាក្សត្រសម្រេចដូចនេះគឺមានន័យថាព្រះមហាក្សត្រចង់ ឲ្យរដ្ឋាភិបាលដោះស្រាយបញ្ហានេះ។
លោកក៏បានប្រាប់លោក ហ៊ុន សែន ផងដែរមិនឲ្យភ្ជាប់ខ្លួនឯងទៅព្រះមហាក្សត្រទេដោយចាត់ទុកថា សកម្មភាពបែបនេះជាការមើលងាយ និងប្រមាថព្រះមហាក្សត្រហើយថាលោក ហ៊ុន សែន គួរតែទុកឲ្យព្រះមហាក្សត្រសម្រេចដោះស្រាយបញ្ហាដល់ប្រជាជន។
លោក បន្តថា៖ «ខ្ញុំបានប្រើពាក្យរបបតិរច្ឆាន។ ឥឡូវនេះពួកគេមួលបង្កាច់ [ខ្ញុំ] ខ្ញុំគិតថា [យើង] ត្រូវតែបំភ្លឺ [ពាក្យនេះ] ឲ្យច្បាស់ពីព្រោះ [ប្រជាជន] ដែលរស់នៅរាជធានីភ្នំពេញដឹងថា តើនរណាដែលខ្ញុំចង់និយាយសំដៅទៅថាជា តិរច្ឆាន»។
លោក លីម បន្ថែមថា៖ «យើងធ្លាប់ដឹងរួចហើយមេរបស់ពួកគេ [ហ៊ុន សែន] បានគំរាមលុបបំបាត់អ្នករាជានិយមហើយចង់បង្កើតសាធារណរដ្ឋប្រសិនបើ ព្រះបរមរតនកោដ្ឋ នរោត្តម សីហនុ មិនយល់ព្រមចុះហត្ថលេខាតាមអ្វីដែលពួកគេចង់»។
លោកបន្តថា៖ «ពួកគេចោទប្រកាន់ខ្ញុំថាប្រមាថប្រទេសរបស់ខ្លួន ប្រមាថប្រជាជនកម្ពុជា ប្រមាថព្រះមហាក្សត្រ ចាត់ទុកខ្លួនឯងជាស្តេច»។
«បុរសនេះជាបុរសអាក្រក់។ ប្រមាថព្រះមហាក្សត្រថាគ្មាននរណាខ្លាំងជាងគាត់»។
ដោយ ធ្វើការប្រៀបធៀបព្រះមហាក្សត្រខ្មែរទៅនឹងព្រះមហាក្សត្រនៅប្រទេសថៃ លោក ហុង លីម បានបន្ថែមថាលោក ហ៊ុន សែន ដែលប្រមាថព្រះមហាក្សត្រដូចនេះប្រសិនបើនៅប្រទេសថៃវិញនឹងត្រូវ ជាប់ពន្ធនាគាររយៈពេល ២០ ឆ្នាំ។
ឆ្លើយតបនឹងការហាមឃាត់មិនឲ្យ ត្រឡប់ចូលប្រទេសកំណើតដោយរដ្ឋាភិបាលរបស់លោក ហ៊ុន សែន សមាជិកសភាអូស្រ្តាលីរូបនេះបញ្ជាក់ថាលោកនឹងត្រឡប់ទៅប្រទេស កម្ពុជាដែលជាប្រទេសកំណើតរបស់លោកវិញ បើទោះបីជាលោកត្រូវបានហាមប្រាមមិនឲ្យត្រឡប់ទៅវិញក៏ដោយប៉ុន្តែ លោក លីម មិនបានបញ្ជាក់ពីកាលបរិច្ឆេទជាក់លាក់ណាមួយនៃការមកលេងប្រទេស កំណើតរបស់លោកទេ។
ប៉ុន្តែអ្នកនាំពាក្យរដ្ឋាភិបាលលោក ផៃ ស៊ីផាន បានហៅលោក ហុង លីម ថាជាមនុស្សឆ្កួតដែលហៅរបបរបស់ប្រទេសកម្ពុជាថាជារបបតិរច្ឆាន។
លោក ផៃ ស៊ីផាន នៅតែចោទប្រកាន់លោក ហុង លីម ថាប្រមាថប្រជាជនទាំងអស់ដែលរស់នៅក្នុងប្រទេសកម្ពុជាដោយលោកអះអាង ថារបបកម្ពុជាបច្ចុប្បន្នត្រូវបានបង្កើតឡើងដោយរដ្ឋធម្មនុញ្ញ កម្ពុជា។ «របបនេះ [យើង] និយាយអំពីរដ្ឋធម្មនុញ្ញដែលបានចែង។ នៅពេលពួកគេប្រមាថរបបនេះពួកគេប្រមាថទាំងអស់គ្នា»។
ពាក់ព័ន្ធ នឹងការចោទប្រកាន់ដែលថារដ្ឋាភិបាលបានបណ្តេញប្រជាជនចេញពីផ្ទះ សំបែង និងដីធ្លី បាញ់ប្រជាជន និងបំផ្លាញធនធានជាតិ លោក ផៃ ស៊ីផាន បានឆ្លើយតបថាបញ្ហាទាំងនេះមិនអាចហៅជារបបទេប៉ុន្តែទាំងអស់នេះ គឺជាសកម្មភាព។
អ្នកវិភាគនយោបាយលោក អ៊ូ វីរៈ ប្រធានវេទិកាអនាគតមិនបានចាត់ទុកការហៅរបស់លោក ហុង លីម ដែលថារបបបច្ចុប្បន្នជារបបតិរច្ឆានថាជាការប្រមាថប្រជាជនកម្ពុជា ទាំងមូលទេដោយថ្លែងថាលោក ហុង លីម គ្រាន់តែសំដៅទៅរដ្ឋាភិបាលដែលកាន់អំណាច។ ប៉ុន្តែលោក វីរៈ បានបន្ថែមថាលោកមិនពេញចិត្តនឹងការហៅរបស់លោក លីម ទេ។
លោក បន្តថា៖ «ខ្ញុំមើលទៅបញ្ហានេះគួរជារឿងធម្មតាហើយទុកវានៅឲ្យឆ្ងាយហើយ យើងត្រឡប់មកនិយាយអំពីបញ្ហាជាតិ។ ការវាយប្រហារគ្នាទៅវិញទៅមកវាគ្មានអត្ថប្រយោជន៍អ្វីសម្រាប់ជាតិ ទេ»។ «ខ្ញុំមិនគាំទ្រការលើកឡើង [របស់លោក ហុង លីម] ប៉ុន្តែខ្ញុំមិនគាំទ្រការឆ្លើយតបរបស់រដ្ឋាភិបាល និងការហាមប្រាម [លោក លីម] មិនឲ្យចូលប្រទេសនោះទេ។ វាមិនត្រឹមត្រូវ គាត់មានសញ្ជាតិខ្មែររដ្ឋធម្មនុញ្ញរបស់យើងគាំទ្រ។ យើងមិនអាចហាមប្រាមអ្នកដែលមានសញ្ជាតិខ្មែរមិនឲ្យចូលប្រទេសរបស់ យើងបានទេ។ វាខុសច្បាប់។ វាជាការបញ្ចេញមតិ»៕ PS