Image may be NSFW.
Clik here to view.
ដោយ ប្រាជ្ញ ចេវ RFA 2016-08-20
គណៈកម្មាធិការជាតិរៀបចំការបោះឆ្នោត (គ.ជ.ប) ស្វាគមន៍ជំហររបស់បក្សប្រឆាំងដែលប្រកាសប្ដឹងជនបរទេសដែលមានអត្តសញ្ញាប័ណ្ណខ្មែរខុសច្បាប់ ទៅ គ.ជ.ប និងតុលាការ។ ចំណែកគណបក្សសង្គ្រោះជាតិថា ការស្វាគមន៍របស់ គ.ជ.ប ពេលនេះ ជាសញ្ញាណល្អមួយចំពោះដំណើរការនៃការចុះឈ្មោះបោះឆ្នោត និងការបោះឆ្នោតនៅពេលខាងមុខ។
ខណៈការចុះឈ្មោះបោះកាន់តែខិតចូលមកដល់ដែលនឹងចាប់ផ្ដើមនៅខែកញ្ញា ខាងមុខ គណបក្សសង្គ្រោះជាតិ បង្ហាញការយកចិត្តទុកជំរុញលើដំណើរការនៃការបោះឆ្នោតឲ្យកាន់តែប្រសើរឡើង។
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា ថ្លែងថា ពលរដ្ឋគ្រប់រូប ឬគណបក្សនយោបាយមានសិទ្ធិប្ដឹងតវ៉ា ឬប្ដឹងជំទាស់ចំពោះដំណើរការនៃការចុះឈ្មោះបោះឆ្នោត ក្រោយពេលបិទបញ្ជីចុះឆ្នោតដំបូង។ លោកបញ្ជាក់ថា នេះជាការចូលរួមល្អមួយដើម្បីធានាបាននូវបញ្ជីបោះឆ្នោតដែលមានលក្ខណៈល្អប្រសើរ៖ «ការបោះឆ្នោតមួយដែលមានតម្លាភាព មិនអាចកាត់ផ្ដាច់បានពីការចូលរួមរបស់អ្នកសង្កេតការណ៍នៃគណបក្សនយោបាយ ឬហៅថា ភ្នាក់ងារគណបក្ស និងអ្នកសង្កេតការណ៍ជាតិ អន្តរជាតិបាននោះទេ អ៊ីចឹង គ.ជ.ប ស្វាគមន៍»។
នៅក្នុងសេចក្ដីប្រកាសព័ត៌មានចុះថ្ងៃទី១៨ ខែសីហា គណបក្សសង្គ្រោះជាតិ ថានឹងពឹងពាក់មេធាវីដើម្បីរៀបចំពាក្យបណ្ដឹងប្ដឹងជនបរទេសដែលប្រើប្រាស់អត្តសញ្ញាណប័ណ្ណសញ្ជាតិខ្មែរខុសច្បាប់យកទៅចុះឈ្មោះបោះឆ្នោតទៅ គ.ជ.ប និងតុលាការ។ ក្រុមសមាជិកសភាគណបក្សសង្គ្រោះជាតិ គ្រោងស្នើទៅក្រសួងយុត្តិធម៌ សុំឲ្យផ្ដល់នូវបញ្ជីឈ្មោះជនបរទេសដែលទទួលបានបានសញ្ជាតិខ្មែរតាមរយៈសញ្ជាតូបនីយកម្មត្រឹមត្រូវតាមច្បាប់។
ដោយចំពោះគណបក្សប្រជាជនកម្ពុជា មិនបានបង្ហាញសកម្មភាពរបស់ខ្លួន ក្នុងដំណើរការនៃការចុះឈ្មោះបោះឆ្នោតនៅឡើយទេ។ អ្នកនាំពាក្យគណបក្សប្រជាជនកម្ពុជា លោក សុខ ឥសាន និយាយថា រដ្ឋាភិបាលដែលគ្រប់គ្រងដោយគណបក្សប្រជាជនកម្ពុជា កំពុងធ្វើលើរឿងទាំងនេះហើយ៖ «គណបក្សប្រជាជន ជាគណបក្សកាន់អំណាច ដូច្នេះមិនបាច់អីវែងឆ្ងាយទេ ដូច្នេះបញ្ហាហ្នឹងមិនបាច់គណបក្សសង្គ្រោះជាតិ ធ្វើ ក៏គណបក្សប្រជាជន និងរាជរដ្ឋាភិបាលធ្វើដែរ»។
គណបក្សនឹងស្នើសុំទៅក្រសួងមហាផ្ទៃ ដើម្បីស្រាវជ្រាវ និងចាត់វិធានការចំពោះការអត្តសញ្ញាណប័ណ្ណសញ្ជាតិខ្មែរដោយខុសច្បាប់។ សេចក្ដីប្រកាសព័ត៌មានដដែល ថានឹងសហការជាមួយក្រសួងមហាផ្ទៃ ក្នុងការផ្ដល់ឈ្មោះជនបរទេសដែលបានទទួលអត្តសញ្ញាណប័ណ្ណសញ្ជាតិខ្មែរដោយខុសច្បាប់។
ទាក់ទងរឿងនេះដែរ នៅចុងសប្ដាហ៍នេះ រដ្ឋាភិបាល បានបង្ហាញរបាយការណ៍ ថាជនអន្តោប្រវេសន៍វៀតណាម ប្រើប្រាស់ឯកសាររដ្ឋបាលមិនប្រក្រតីមានជាង ៩ម៉ឺននាក់។ អគ្គនាយកនៃអគ្គនាយកដ្ឋានអន្តោប្រវេសន៍ លោក សុខ ផល ថ្លែងក្នុងពិធីប្រជុំផ្សព្វផ្សាយរបាយការណ៍បូកសរុបជំហានដំបូងស្ដីពីការគ្រប់គ្រងជនបរទេសអន្តោប្រវេសន៍ នៅថ្ងៃសុក្រ ទី១៩ ព្រមាននឹងបញ្ជូនអ្នកទាំងនោះទៅប្រទេសកំណើតវិញ និងទប់ស្កាត់មិនឲ្យពួកគេយកឯកសារមិនប្រក្រតីនោះទៅចុះឈ្មោះបោះឆ្នោតឡើយ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ស្នើទៅក្រសួងមហាផ្ទៃ ធ្វើរឿងនេះឲ្យបានមុនការចុះឈ្មោះឆ្នោតដើម្បីធានាថា បញ្ជីឈ្មោះបោះឆ្នោតមានសុក្រឹតភាព។ លោកឲ្យដឹងទៀតថា ក្នុងពេលចុះឈ្មោះឆ្នោត គណបក្សសង្គ្រោះជាតិ នឹងពង្រាយភ្នាក់ងារទូទាំងប្រទេសជាង ៣.០០០នាក់ដើម្បីឃ្លាំមើល៖ «ភ្នាក់ងារហ្នឹងគាត់សង្កេតមើល បើសិនមានភាពមិនប្រក្រតីនៃឯកសារណាមួយ គាត់អាចជជែកជាមួយប្រធានក្រុមការងារចុះឈ្មោះបោះឆ្នោត ហើយបើឃើញមានភាពមិនប្រក្រតី ហ្នឹងដាក់ពាក្យបណ្ដឹងជំទាស់ទៅ»។
ការចុះឈ្មោះបោះឆ្នោតនឹងចាប់ផ្ដើមពីដើមខែកញ្ញា ដល់ចុងខែវិច្ឆិកា សម្រាប់ការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ នៅក្នុងឆ្នាំ២០១៧ និងបោះឆ្នោតជ្រើសតាំងតំណាងរាស្ត្រនៅឆ្នាំ២០១៨។ ក្រៅពីគណបក្សសង្គ្រោះជាតិ គេមិនទាន់ឃើញគណបក្សនយោបាយណាផ្សេងទៀតប្រកាសតាមដាននៃដំណើរការនេះនៅឡើយទេ។ សង្គមស៊ីវិលធ្វើការងារទាក់ទងការបោះឆ្នោតស្នើឲ្យគ្រប់គណបក្សនយោបាយ ចូលរួមសង្កេតការណ៍នៃដំណើរការចុះឈ្មោះបោះឆ្នោត៕
Clik here to view.
ដោយ ប្រាជ្ញ ចេវ RFA 2016-08-20
គណៈកម្មាធិការជាតិរៀបចំការបោះឆ្នោត (គ.ជ.ប) ស្វាគមន៍ជំហររបស់បក្សប្រឆាំងដែលប្រកាសប្ដឹងជនបរទេសដែលមានអត្តសញ្ញាប័ណ្ណខ្មែរខុសច្បាប់ ទៅ គ.ជ.ប និងតុលាការ។ ចំណែកគណបក្សសង្គ្រោះជាតិថា ការស្វាគមន៍របស់ គ.ជ.ប ពេលនេះ ជាសញ្ញាណល្អមួយចំពោះដំណើរការនៃការចុះឈ្មោះបោះឆ្នោត និងការបោះឆ្នោតនៅពេលខាងមុខ។
ខណៈការចុះឈ្មោះបោះកាន់តែខិតចូលមកដល់ដែលនឹងចាប់ផ្ដើមនៅខែកញ្ញា ខាងមុខ គណបក្សសង្គ្រោះជាតិ បង្ហាញការយកចិត្តទុកជំរុញលើដំណើរការនៃការបោះឆ្នោតឲ្យកាន់តែប្រសើរឡើង។
អ្នកនាំពាក្យគណៈកម្មាធិការជាតិរៀបចំការបោះឆ្នោត លោក ហង្ស ពុទ្ធា ថ្លែងថា ពលរដ្ឋគ្រប់រូប ឬគណបក្សនយោបាយមានសិទ្ធិប្ដឹងតវ៉ា ឬប្ដឹងជំទាស់ចំពោះដំណើរការនៃការចុះឈ្មោះបោះឆ្នោត ក្រោយពេលបិទបញ្ជីចុះឆ្នោតដំបូង។ លោកបញ្ជាក់ថា នេះជាការចូលរួមល្អមួយដើម្បីធានាបាននូវបញ្ជីបោះឆ្នោតដែលមានលក្ខណៈល្អប្រសើរ៖ «ការបោះឆ្នោតមួយដែលមានតម្លាភាព មិនអាចកាត់ផ្ដាច់បានពីការចូលរួមរបស់អ្នកសង្កេតការណ៍នៃគណបក្សនយោបាយ ឬហៅថា ភ្នាក់ងារគណបក្ស និងអ្នកសង្កេតការណ៍ជាតិ អន្តរជាតិបាននោះទេ អ៊ីចឹង គ.ជ.ប ស្វាគមន៍»។
នៅក្នុងសេចក្ដីប្រកាសព័ត៌មានចុះថ្ងៃទី១៨ ខែសីហា គណបក្សសង្គ្រោះជាតិ ថានឹងពឹងពាក់មេធាវីដើម្បីរៀបចំពាក្យបណ្ដឹងប្ដឹងជនបរទេសដែលប្រើប្រាស់អត្តសញ្ញាណប័ណ្ណសញ្ជាតិខ្មែរខុសច្បាប់យកទៅចុះឈ្មោះបោះឆ្នោតទៅ គ.ជ.ប និងតុលាការ។ ក្រុមសមាជិកសភាគណបក្សសង្គ្រោះជាតិ គ្រោងស្នើទៅក្រសួងយុត្តិធម៌ សុំឲ្យផ្ដល់នូវបញ្ជីឈ្មោះជនបរទេសដែលទទួលបានបានសញ្ជាតិខ្មែរតាមរយៈសញ្ជាតូបនីយកម្មត្រឹមត្រូវតាមច្បាប់។
ដោយចំពោះគណបក្សប្រជាជនកម្ពុជា មិនបានបង្ហាញសកម្មភាពរបស់ខ្លួន ក្នុងដំណើរការនៃការចុះឈ្មោះបោះឆ្នោតនៅឡើយទេ។ អ្នកនាំពាក្យគណបក្សប្រជាជនកម្ពុជា លោក សុខ ឥសាន និយាយថា រដ្ឋាភិបាលដែលគ្រប់គ្រងដោយគណបក្សប្រជាជនកម្ពុជា កំពុងធ្វើលើរឿងទាំងនេះហើយ៖ «គណបក្សប្រជាជន ជាគណបក្សកាន់អំណាច ដូច្នេះមិនបាច់អីវែងឆ្ងាយទេ ដូច្នេះបញ្ហាហ្នឹងមិនបាច់គណបក្សសង្គ្រោះជាតិ ធ្វើ ក៏គណបក្សប្រជាជន និងរាជរដ្ឋាភិបាលធ្វើដែរ»។
គណបក្សនឹងស្នើសុំទៅក្រសួងមហាផ្ទៃ ដើម្បីស្រាវជ្រាវ និងចាត់វិធានការចំពោះការអត្តសញ្ញាណប័ណ្ណសញ្ជាតិខ្មែរដោយខុសច្បាប់។ សេចក្ដីប្រកាសព័ត៌មានដដែល ថានឹងសហការជាមួយក្រសួងមហាផ្ទៃ ក្នុងការផ្ដល់ឈ្មោះជនបរទេសដែលបានទទួលអត្តសញ្ញាណប័ណ្ណសញ្ជាតិខ្មែរដោយខុសច្បាប់។
ទាក់ទងរឿងនេះដែរ នៅចុងសប្ដាហ៍នេះ រដ្ឋាភិបាល បានបង្ហាញរបាយការណ៍ ថាជនអន្តោប្រវេសន៍វៀតណាម ប្រើប្រាស់ឯកសាររដ្ឋបាលមិនប្រក្រតីមានជាង ៩ម៉ឺននាក់។ អគ្គនាយកនៃអគ្គនាយកដ្ឋានអន្តោប្រវេសន៍ លោក សុខ ផល ថ្លែងក្នុងពិធីប្រជុំផ្សព្វផ្សាយរបាយការណ៍បូកសរុបជំហានដំបូងស្ដីពីការគ្រប់គ្រងជនបរទេសអន្តោប្រវេសន៍ នៅថ្ងៃសុក្រ ទី១៩ ព្រមាននឹងបញ្ជូនអ្នកទាំងនោះទៅប្រទេសកំណើតវិញ និងទប់ស្កាត់មិនឲ្យពួកគេយកឯកសារមិនប្រក្រតីនោះទៅចុះឈ្មោះបោះឆ្នោតឡើយ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ ស្នើទៅក្រសួងមហាផ្ទៃ ធ្វើរឿងនេះឲ្យបានមុនការចុះឈ្មោះឆ្នោតដើម្បីធានាថា បញ្ជីឈ្មោះបោះឆ្នោតមានសុក្រឹតភាព។ លោកឲ្យដឹងទៀតថា ក្នុងពេលចុះឈ្មោះឆ្នោត គណបក្សសង្គ្រោះជាតិ នឹងពង្រាយភ្នាក់ងារទូទាំងប្រទេសជាង ៣.០០០នាក់ដើម្បីឃ្លាំមើល៖ «ភ្នាក់ងារហ្នឹងគាត់សង្កេតមើល បើសិនមានភាពមិនប្រក្រតីនៃឯកសារណាមួយ គាត់អាចជជែកជាមួយប្រធានក្រុមការងារចុះឈ្មោះបោះឆ្នោត ហើយបើឃើញមានភាពមិនប្រក្រតី ហ្នឹងដាក់ពាក្យបណ្ដឹងជំទាស់ទៅ»។
ការចុះឈ្មោះបោះឆ្នោតនឹងចាប់ផ្ដើមពីដើមខែកញ្ញា ដល់ចុងខែវិច្ឆិកា សម្រាប់ការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ នៅក្នុងឆ្នាំ២០១៧ និងបោះឆ្នោតជ្រើសតាំងតំណាងរាស្ត្រនៅឆ្នាំ២០១៨។ ក្រៅពីគណបក្សសង្គ្រោះជាតិ គេមិនទាន់ឃើញគណបក្សនយោបាយណាផ្សេងទៀតប្រកាសតាមដាននៃដំណើរការនេះនៅឡើយទេ។ សង្គមស៊ីវិលធ្វើការងារទាក់ទងការបោះឆ្នោតស្នើឲ្យគ្រប់គណបក្សនយោបាយ ចូលរួមសង្កេតការណ៍នៃដំណើរការចុះឈ្មោះបោះឆ្នោត៕