Image may be NSFW.
Clik here to view.
ដោយ សាន សែល RFA 2016-08-28
សមាគមគ្រឹះស្ថានឧត្ដមសិក្សាកម្ពុជា ប្រកាសជំហរគាំទ្រសាលារៀន និងសាកលវិទ្យាល័យហ្សាម៉ាន់ (Zaman) ដែលជាសមាជិកមួយរបស់ខ្លួន។ ការបង្ហាញជំហររបស់សមាគមនេះ ខណៈរដ្ឋាភិបាលកម្ពុជា នឹងពិភាក្សាលើសំណើរបស់រដ្ឋាភិបាលទួរគី (Turkey) សុំបិទសាលាហ្សាម៉ាន់។
ស្ថានទូតនៃប្រទេសទួរគី ប្រចាំកម្ពុជា បានធ្វើសន្និសីទសារព័ត៌មានកាលពីពេលកន្លងទៅ ដោយចោទប្រកាន់សាលាហ្សាម៉ាន់ ចំៗថា សាលានេះមានជាប់ពាក់ព័ន្ធនឹងបណ្ដាញភេរវកម្មដែលប៉ុនប៉ងផ្ដួលរំលំរដ្ឋាភិបាលទួរគី។
ទោះបីជាយ៉ាងណា តំណាងសាលាហ្សាម៉ាន់ តែងបដិសេធការចោទប្រកាន់នេះ ដោយអះអាងថា ខ្លួនស្អាតស្អំ មិនដូចការលើកឡើងរបស់រដ្ឋាភិបាលទីក្រុងអង់ការ៉ា (Ankara) នោះទេ។
សេចក្ដីថ្លែងការណ៍របស់សមាគមគ្រឹះស្ថានឧត្ដមសិក្សាកម្ពុជា ចុះកាលបរិច្ឆេទនៅថ្ងៃទី២៧ សីហា បញ្ជាក់ថា សំណើរបស់ភាគីទួរគី គ្មានភស្តុតាងច្បាស់លាស់។ ស្ថាប័ននេះអះអាងថា សាលាហ្សាម៉ាន់ គឺកំពុងប្រតិបត្តិការស្របតាមច្បាប់កម្ពុជា ដើម្បីបណ្ដុះបណ្ដាលសិស្សនិស្សិតនៅកម្ពុជា។
កាលពីថ្ងៃទី២៣ សីហា ក្រុមហ៊ុនហ្សាម៉ាន់ ដែលគ្រប់គ្រងគ្រឹះស្ថានសិក្សាហ្សាម៉ាន់ ប្រកាសដែរថា ខ្លួននឹងស្វែងរកយុត្តិធម៌តាមនីតិវិធី ព្រោះការចោទប្រកាន់នេះមានគោលបំណងបង្ខូចកេរ្តិ៍ឈ្មោះរបស់ក្រុមហ៊ុន ហើយទទូចឲ្យរដ្ឋាភិបាលទួរគី បញ្ចេញភស្តុតាងជាក់លាក់ជុំវិញការចោទប្រកាន់។
សាលាអន្តរជាតិហ្សាម៉ាន់ ក៏បានអំពាវនាវឲ្យសិស្សានុសិស្ស និងអាណាព្យាបាល កុំឲ្យព្រួយបារម្ភចំពោះការចោទប្រកាន់នេះ។
សមាគមគ្រឹះស្ថានឧត្ដមសិក្សាកម្ពុជា សង្កត់ធ្ងន់ថា អង្គភាពរបស់ខ្លួននឹងនៅគាំទ្រសាលាហ្សាម៉ាន់ ទោះស្ថិតក្នុងស្ថានភាពណាក៏ដោយ៕
Clik here to view.
ដោយ សាន សែល RFA 2016-08-28
សមាគមគ្រឹះស្ថានឧត្ដមសិក្សាកម្ពុជា ប្រកាសជំហរគាំទ្រសាលារៀន និងសាកលវិទ្យាល័យហ្សាម៉ាន់ (Zaman) ដែលជាសមាជិកមួយរបស់ខ្លួន។ ការបង្ហាញជំហររបស់សមាគមនេះ ខណៈរដ្ឋាភិបាលកម្ពុជា នឹងពិភាក្សាលើសំណើរបស់រដ្ឋាភិបាលទួរគី (Turkey) សុំបិទសាលាហ្សាម៉ាន់។
ស្ថានទូតនៃប្រទេសទួរគី ប្រចាំកម្ពុជា បានធ្វើសន្និសីទសារព័ត៌មានកាលពីពេលកន្លងទៅ ដោយចោទប្រកាន់សាលាហ្សាម៉ាន់ ចំៗថា សាលានេះមានជាប់ពាក់ព័ន្ធនឹងបណ្ដាញភេរវកម្មដែលប៉ុនប៉ងផ្ដួលរំលំរដ្ឋាភិបាលទួរគី។
ទោះបីជាយ៉ាងណា តំណាងសាលាហ្សាម៉ាន់ តែងបដិសេធការចោទប្រកាន់នេះ ដោយអះអាងថា ខ្លួនស្អាតស្អំ មិនដូចការលើកឡើងរបស់រដ្ឋាភិបាលទីក្រុងអង់ការ៉ា (Ankara) នោះទេ។
សេចក្ដីថ្លែងការណ៍របស់សមាគមគ្រឹះស្ថានឧត្ដមសិក្សាកម្ពុជា ចុះកាលបរិច្ឆេទនៅថ្ងៃទី២៧ សីហា បញ្ជាក់ថា សំណើរបស់ភាគីទួរគី គ្មានភស្តុតាងច្បាស់លាស់។ ស្ថាប័ននេះអះអាងថា សាលាហ្សាម៉ាន់ គឺកំពុងប្រតិបត្តិការស្របតាមច្បាប់កម្ពុជា ដើម្បីបណ្ដុះបណ្ដាលសិស្សនិស្សិតនៅកម្ពុជា។
កាលពីថ្ងៃទី២៣ សីហា ក្រុមហ៊ុនហ្សាម៉ាន់ ដែលគ្រប់គ្រងគ្រឹះស្ថានសិក្សាហ្សាម៉ាន់ ប្រកាសដែរថា ខ្លួននឹងស្វែងរកយុត្តិធម៌តាមនីតិវិធី ព្រោះការចោទប្រកាន់នេះមានគោលបំណងបង្ខូចកេរ្តិ៍ឈ្មោះរបស់ក្រុមហ៊ុន ហើយទទូចឲ្យរដ្ឋាភិបាលទួរគី បញ្ចេញភស្តុតាងជាក់លាក់ជុំវិញការចោទប្រកាន់។
សាលាអន្តរជាតិហ្សាម៉ាន់ ក៏បានអំពាវនាវឲ្យសិស្សានុសិស្ស និងអាណាព្យាបាល កុំឲ្យព្រួយបារម្ភចំពោះការចោទប្រកាន់នេះ។
សមាគមគ្រឹះស្ថានឧត្ដមសិក្សាកម្ពុជា សង្កត់ធ្ងន់ថា អង្គភាពរបស់ខ្លួននឹងនៅគាំទ្រសាលាហ្សាម៉ាន់ ទោះស្ថិតក្នុងស្ថានភាពណាក៏ដោយ៕
