Image may be NSFW.
Clik here to view.
ដោយ យាង សុជាមេត្តា RFA 2016-09-24
ឯកអគ្គរដ្ឋទូតជប៉ុន ប្រចាំកម្ពុជា ជិតផុតអាណត្តិ លោក យូជិ គូម៉ាម៉ារ៉ូ (Yuji Kumamaru) ចង់ឃើញគណៈកម្មាធិការជាតិរៀបចំការបោះឆ្នោត (គ.ជ.ប) បន្តសហការជាមួយសហគមន៍អន្តរជាតិ ដើម្បីធ្វើយ៉ាងណាឲ្យការបោះឆ្នោតសម្រេចជោគជ័យក្នុងពេលខាងមុខ។
ការថ្លែងដូចនេះ ធ្វើឡើងនៅក្នុងជំនួបរវាងលោក យូជិ គូម៉ាម៉ារ៉ូ ជាមួយប្រធាន និងអនុប្រធាន គ.ជ.ប លោក ស៊ិក ប៊ុនហុក និងលោក គួយ ប៊ុនរឿន នៅទីស្ដីការ គ.ជ.ប កាលពីរសៀលថ្ងៃទី២៣ ខែកញ្ញា។
សេចក្តីប្រកាសព័ត៌មានរបស់ គ.ជ.ប ឲ្យដឹងថា នៅក្នុងជំនួបនោះ លោក យូជិ គូម៉ាម៉ារ៉ូ បានលើកឡើងថា ក្នុងអាណត្តិបំពេញការងាររបស់លោកនៅកម្ពុជា លោកបានចូលរួមផ្តល់យោបល់លើការកែទម្រង់ការបោះឆ្នោតនៅកម្ពុជា តាំងពីដើមទីរហូតមកដល់ដំណាក់កាលនៃការចុះឈ្មោះបោះឆ្នោតតាមប្រព័ន្ធកុំព្យូទ័រឆ្នាំ២០១៦ នេះ។ លោកកត់សម្គាល់ថា ការចុះឈ្មោះបោះឆ្នោតកំពុងប្រព្រឹត្តទៅល្អ បើទោះជាមានបញ្ហាបច្ចេកទេសខ្លះនៅតំបន់មួយចំនួនក៏ដោយ ប៉ុន្តែលោកជឿជាក់ថា គ.ជ.ប នឹងធ្វើការដោះស្រាយបានចំពោះបញ្ហាទាំងនោះ។ លោក យូជិ គូម៉ាម៉ារ៉ូ ក៏បានអរគុណ គ.ជ.ប ដែលបានសហការល្អជាមួយជប៉ុន សហភាពអឺរ៉ុប និងជំនាញការជប៉ុន ប្រចាំនៅ គ.ជ.ប ហើយលោកសង្ឃឹមថា កិច្ចសហប្រតិបត្តិការល្អនេះ នឹងបន្តមានរហូតដល់ការបោះឆ្នោតសម្រេចបានជោគជ័យ។
លោក យូជិ គូម៉ាម៉ារ៉ូ បានមកបំពេញបេសកកម្មការទូតនៅកម្ពុជា តាំងពីខែមីនា ឆ្នាំ២០១៣ និងត្រូវចប់អាណត្តិនៅក្នុងខែកញ្ញា ឆ្នាំ២០១៦ នេះ។ ថ្លែងក្នុងលិខិតចំហទៅកាន់ប្រជាជាតិខ្មែរ កាលពីថ្ងៃទី១៦ កញ្ញា លោក យូជិ គូម៉ាម៉ារ៉ូ ចង់ឃើញកម្ពុជា អាចដោះស្រាយបញ្ហាដែលនៅសេសសល់ពីសង្គ្រាមរ៉ាំរ៉ៃ និងបោះជំហានបន្តិចម្តងៗឆ្ពោះទៅកាន់ការរួបរួមគ្នារវាងប្រជាជន និងប្រជាជន និងមានស្ថិរភាពជានិរន្តរ៍ រួមជាមួយនឹងការអភិវឌ្ឍទាំងសេដ្ឋកិច្ច សង្គម និងនយោបាយ៕
Clik here to view.
ដោយ យាង សុជាមេត្តា RFA 2016-09-24
ឯកអគ្គរដ្ឋទូតជប៉ុន ប្រចាំកម្ពុជា ជិតផុតអាណត្តិ លោក យូជិ គូម៉ាម៉ារ៉ូ (Yuji Kumamaru) ចង់ឃើញគណៈកម្មាធិការជាតិរៀបចំការបោះឆ្នោត (គ.ជ.ប) បន្តសហការជាមួយសហគមន៍អន្តរជាតិ ដើម្បីធ្វើយ៉ាងណាឲ្យការបោះឆ្នោតសម្រេចជោគជ័យក្នុងពេលខាងមុខ។
ការថ្លែងដូចនេះ ធ្វើឡើងនៅក្នុងជំនួបរវាងលោក យូជិ គូម៉ាម៉ារ៉ូ ជាមួយប្រធាន និងអនុប្រធាន គ.ជ.ប លោក ស៊ិក ប៊ុនហុក និងលោក គួយ ប៊ុនរឿន នៅទីស្ដីការ គ.ជ.ប កាលពីរសៀលថ្ងៃទី២៣ ខែកញ្ញា។
សេចក្តីប្រកាសព័ត៌មានរបស់ គ.ជ.ប ឲ្យដឹងថា នៅក្នុងជំនួបនោះ លោក យូជិ គូម៉ាម៉ារ៉ូ បានលើកឡើងថា ក្នុងអាណត្តិបំពេញការងាររបស់លោកនៅកម្ពុជា លោកបានចូលរួមផ្តល់យោបល់លើការកែទម្រង់ការបោះឆ្នោតនៅកម្ពុជា តាំងពីដើមទីរហូតមកដល់ដំណាក់កាលនៃការចុះឈ្មោះបោះឆ្នោតតាមប្រព័ន្ធកុំព្យូទ័រឆ្នាំ២០១៦ នេះ។ លោកកត់សម្គាល់ថា ការចុះឈ្មោះបោះឆ្នោតកំពុងប្រព្រឹត្តទៅល្អ បើទោះជាមានបញ្ហាបច្ចេកទេសខ្លះនៅតំបន់មួយចំនួនក៏ដោយ ប៉ុន្តែលោកជឿជាក់ថា គ.ជ.ប នឹងធ្វើការដោះស្រាយបានចំពោះបញ្ហាទាំងនោះ។ លោក យូជិ គូម៉ាម៉ារ៉ូ ក៏បានអរគុណ គ.ជ.ប ដែលបានសហការល្អជាមួយជប៉ុន សហភាពអឺរ៉ុប និងជំនាញការជប៉ុន ប្រចាំនៅ គ.ជ.ប ហើយលោកសង្ឃឹមថា កិច្ចសហប្រតិបត្តិការល្អនេះ នឹងបន្តមានរហូតដល់ការបោះឆ្នោតសម្រេចបានជោគជ័យ។
លោក យូជិ គូម៉ាម៉ារ៉ូ បានមកបំពេញបេសកកម្មការទូតនៅកម្ពុជា តាំងពីខែមីនា ឆ្នាំ២០១៣ និងត្រូវចប់អាណត្តិនៅក្នុងខែកញ្ញា ឆ្នាំ២០១៦ នេះ។ ថ្លែងក្នុងលិខិតចំហទៅកាន់ប្រជាជាតិខ្មែរ កាលពីថ្ងៃទី១៦ កញ្ញា លោក យូជិ គូម៉ាម៉ារ៉ូ ចង់ឃើញកម្ពុជា អាចដោះស្រាយបញ្ហាដែលនៅសេសសល់ពីសង្គ្រាមរ៉ាំរ៉ៃ និងបោះជំហានបន្តិចម្តងៗឆ្ពោះទៅកាន់ការរួបរួមគ្នារវាងប្រជាជន និងប្រជាជន និងមានស្ថិរភាពជានិរន្តរ៍ រួមជាមួយនឹងការអភិវឌ្ឍទាំងសេដ្ឋកិច្ច សង្គម និងនយោបាយ៕
