Image may be NSFW.
Clik here to view.
ដោយ ជិន ជេដ្ឋា RFA 2016-10-12
ភ្លៀងធ្លាក់ជាប់ៗគ្នាកាលពីដើមខែតុលា បង្កឲ្យផ្លូវជាតិលេខ៥ ដែលចេញពីរាជធានីភ្នំពេញ ឆ្ពោះទៅក្រុងប៉ោយប៉ែត ខេត្តបន្ទាយមានជ័យ ត្រូវទឹកភ្លៀងជន់លិចជាច្រើនកន្លែង។ មន្ទីរសាធារណការ និងដឹកជញ្ជូនខេត្តកំពង់ឆ្នាំង បានត្រៀមគ្រឿងចក្រ និងកម្លាំងមនុស្សប្រមាណ ៥០នាក់ ដើម្បីបញ្ចៀសផ្លូវទឹកកុំឲ្យហូរច្រោះដាច់ផ្លូវជាតិលេខ៥ ក្នុងស្រុកកំពង់ត្រឡាច។
ក្រោយទទួលដំណឹងរបស់ក្រសួងធនធានទឹក និងឧតុនិយម ដែលប្រកាសថា អាចនឹងមានភ្លៀងធ្លាក់បង្កឲ្យមានជំនន់ទឹកភ្លៀងជាថ្មីទៀតនោះ មន្ត្រីសាធារណការ និងដឹកជញ្ជូនខេត្តកំពង់ឆ្នាំង ឲ្យដឹងនៅថ្ងៃទី១១ ខែតុលា ថា ខ្លួនបានត្រៀមរួចជាស្រេចក្នុងការទប់ទល់នឹងហេតុការណ៍អាក្រក់នេះ។
ជំនន់ទឹកភ្លៀង ធ្លាប់បង្កឲ្យស្ទះចរាចរណ៍ និងខូចខាតផ្លូវជាតិលេខ៥ ចំនួនបួនកន្លែងនៅស្រុកកំពង់ត្រឡាច។
អនុប្រធានមន្ទីរទទួលបន្ទុកសាធារណការ លោក ឆាយ លាភា មានប្រសាសន៍ថា កម្លាំងជំនាញ និងអាជ្ញាធរដែនដី ព្រមទាំងកម្លាំងសមត្ថកិច្ចចម្រុះ អាចសម្រួលចរាចរណ៍មិនឲ្យកកស្ទះ និងទប់ទឹកមិនឲ្យហូរកាត់ផ្លូវបង្កឲ្យខូចខាតផ្លូវកាន់តែធ្ងន់ធ្ងរ។ លោកថា ជំនន់ទឹកភ្លៀងបានហក់ឡើងចាប់ពីថ្ងៃទី៧ ខែតុលា ប៉ុន្តែបានស្រកទៅវិញនៅថ្ងៃទី១០ ខែតុលា ហើយឡានចរាចរបានស្រួលវិញ៖ «យើង (ផ្លូវ) មានសភាពធម្មតា ដោយសារមានជំនន់ទឹកភ្លៀង តែឥឡូវវាបានស្រកចុះ ហើយកម្លាំងរបស់មន្ទីរសាធារណការខេត្តកំពង់ឆ្នាំង ដឹកនាំដោយឯកឧត្ដម កែវ ពៅ ដែលជាប្រធានមន្ទីរ បានដឹកនាំបុគ្គលិក និងមន្ត្រីបច្ចេកទេស និងគ្រឿងចក្រដែលមានបាវខ្សាច់ បុគ្គលិកកម្មករចុះធ្វើអន្តរាគមន៍បានទាន់ពេលវេលា មិនឲ្យកកស្ទះចរាចរណ៍នោះទេ»។
ក្រុមថែទាំផ្លូវជាតិលេខ៥ របស់មន្ទីរសាធារណការ និងដឹកជញ្ជូនខេត្តកំពង់ឆ្នាំង កំពុងចាក់ដីក្រហមនៅអមសងខាងផ្លូវ និងចាក់ថ្មបាញ់កៅស៊ូក្នុងរណ្ដៅតូចៗដែលខូចខាតដោយជំនន់ទឹកភ្លៀង។ អ្នកដំណើរ និងអាជ្ញាធរ បារម្ភថាបើទឹកហូរច្រោះដាច់ផ្លូវត្រង់ចំណុចស្រុកកំពង់ត្រឡាច អ្នកធ្វើដំណើរពីភ្នំពេញទៅខេត្តពោធិ៍សាត់ បាត់ដំបង ឬបន្ទាយមានជ័យ តាមរថយន្ត នឹងពុំមានផ្លូវវាងផ្សេងឡើយ។
ទាក់ទងបញ្ហានេះ អនុប្រធានមន្ទីរសាធារណការ លោក ឆាយ លាភា អះអាងថា គ្រឿងចក្រ និងឡានដឹកដី បាវខ្សាច់ និងកម្លាំងកម្មករ នៅបន្តឃ្លាំមើលស្ថានភាពផ្លូវ និងកាយប្រឡាយរំដោះទឹកចេញ៖ «បើសិនមានជំនន់ទឹកភ្លៀងខាងមុខទៀត នឹងមានមធ្យោបាយមួយចំនួនដើម្បីអន្តរាគមន៍មិនឲ្យកកស្ទះ ហើយកំពុងស្ដារប្រព័ន្ធប្រឡាយបណ្ដើរៗតាមការងាររបស់យើងជាក់ស្ដែង ដូចជាមានកន្លែងលិច ឬកន្លែងស្ទះ។ យើងខិតខំធ្វើ។ លោក ជិន ជេដ្ឋា៖ ការងារត្រួតពិនិត្យ ឬប្រចាំការអាចនឹងធ្វើដល់ពេលណាដែរ? យើងមើលទៅតាមអាកាសធាតុ និងការជូនដំណឹងតាមក្រសួងធនធានទឹក ថាអាចមានទឹកជំនន់រហូតដល់ថ្ងៃទី១៦ (ខែតុលា)។ អ៊ីចឹងខាងមន្ទីរយើងខ្ញុំមានត្រៀមលក្ខណៈនេះ»។
សេចក្ដីជូនដំណឹងពីស្ថានភាពអាកាសធាតុរបស់ក្រសួងធនធានទឹក និងឧតុនិយម ដែលត្រូវសារព័ត៌មានក្នុងស្រុកមួយយកមកចុះផ្សាយនៅថ្ងៃទី១១ ខែតុលា ឲ្យដឹងថា ប្រទេសកម្ពុជា នៅបន្តរងសម្ពាធទាបនៃចំហាយខ្យល់ពុះពីសមុទ្រចិន។ សម្ពាធទាបនេះ មានឥទ្ធិពលខ្លាំងនៅសមុទ្រចិនខាងត្បូង និងប្រទេសកម្ពុជា ពេញមួយសប្ដាហ៍ទីពីរ នៃខែតុលា។ បាតុភូតធម្មជាតិនេះ បង្កឲ្យភ្លៀងបន្តធ្លាក់រាយប៉ាយកាន់តែច្រើនក្នុងក្របខ័ណ្ឌទូទាំងប្រទេស ជាពិសេសតំបន់ខ្ពង់រាប និងតំបន់ទំនាបកណ្ដាល ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០១៦។
ក្រសួងក៏អំពាវនាវឲ្យពលរដ្ឋបង្កើនការប្រុងប្រយ័ត្ននៅក្នុងសប្ដាហ៍នេះ ដោយនៅបណ្ដារាជធានី-ខេត្តឋិតនៅតំបន់ទំនាបកណ្ដាល និងតំបន់ខ្ពង់រាប ប្រឈមនឹងជំនន់ទឹកភ្លៀងខ្ពស់ជាងពេលកន្លងទៅ៕
Clik here to view.
ដោយ ជិន ជេដ្ឋា RFA 2016-10-12
ភ្លៀងធ្លាក់ជាប់ៗគ្នាកាលពីដើមខែតុលា បង្កឲ្យផ្លូវជាតិលេខ៥ ដែលចេញពីរាជធានីភ្នំពេញ ឆ្ពោះទៅក្រុងប៉ោយប៉ែត ខេត្តបន្ទាយមានជ័យ ត្រូវទឹកភ្លៀងជន់លិចជាច្រើនកន្លែង។ មន្ទីរសាធារណការ និងដឹកជញ្ជូនខេត្តកំពង់ឆ្នាំង បានត្រៀមគ្រឿងចក្រ និងកម្លាំងមនុស្សប្រមាណ ៥០នាក់ ដើម្បីបញ្ចៀសផ្លូវទឹកកុំឲ្យហូរច្រោះដាច់ផ្លូវជាតិលេខ៥ ក្នុងស្រុកកំពង់ត្រឡាច។
ក្រោយទទួលដំណឹងរបស់ក្រសួងធនធានទឹក និងឧតុនិយម ដែលប្រកាសថា អាចនឹងមានភ្លៀងធ្លាក់បង្កឲ្យមានជំនន់ទឹកភ្លៀងជាថ្មីទៀតនោះ មន្ត្រីសាធារណការ និងដឹកជញ្ជូនខេត្តកំពង់ឆ្នាំង ឲ្យដឹងនៅថ្ងៃទី១១ ខែតុលា ថា ខ្លួនបានត្រៀមរួចជាស្រេចក្នុងការទប់ទល់នឹងហេតុការណ៍អាក្រក់នេះ។
ជំនន់ទឹកភ្លៀង ធ្លាប់បង្កឲ្យស្ទះចរាចរណ៍ និងខូចខាតផ្លូវជាតិលេខ៥ ចំនួនបួនកន្លែងនៅស្រុកកំពង់ត្រឡាច។
អនុប្រធានមន្ទីរទទួលបន្ទុកសាធារណការ លោក ឆាយ លាភា មានប្រសាសន៍ថា កម្លាំងជំនាញ និងអាជ្ញាធរដែនដី ព្រមទាំងកម្លាំងសមត្ថកិច្ចចម្រុះ អាចសម្រួលចរាចរណ៍មិនឲ្យកកស្ទះ និងទប់ទឹកមិនឲ្យហូរកាត់ផ្លូវបង្កឲ្យខូចខាតផ្លូវកាន់តែធ្ងន់ធ្ងរ។ លោកថា ជំនន់ទឹកភ្លៀងបានហក់ឡើងចាប់ពីថ្ងៃទី៧ ខែតុលា ប៉ុន្តែបានស្រកទៅវិញនៅថ្ងៃទី១០ ខែតុលា ហើយឡានចរាចរបានស្រួលវិញ៖ «យើង (ផ្លូវ) មានសភាពធម្មតា ដោយសារមានជំនន់ទឹកភ្លៀង តែឥឡូវវាបានស្រកចុះ ហើយកម្លាំងរបស់មន្ទីរសាធារណការខេត្តកំពង់ឆ្នាំង ដឹកនាំដោយឯកឧត្ដម កែវ ពៅ ដែលជាប្រធានមន្ទីរ បានដឹកនាំបុគ្គលិក និងមន្ត្រីបច្ចេកទេស និងគ្រឿងចក្រដែលមានបាវខ្សាច់ បុគ្គលិកកម្មករចុះធ្វើអន្តរាគមន៍បានទាន់ពេលវេលា មិនឲ្យកកស្ទះចរាចរណ៍នោះទេ»។
ក្រុមថែទាំផ្លូវជាតិលេខ៥ របស់មន្ទីរសាធារណការ និងដឹកជញ្ជូនខេត្តកំពង់ឆ្នាំង កំពុងចាក់ដីក្រហមនៅអមសងខាងផ្លូវ និងចាក់ថ្មបាញ់កៅស៊ូក្នុងរណ្ដៅតូចៗដែលខូចខាតដោយជំនន់ទឹកភ្លៀង។ អ្នកដំណើរ និងអាជ្ញាធរ បារម្ភថាបើទឹកហូរច្រោះដាច់ផ្លូវត្រង់ចំណុចស្រុកកំពង់ត្រឡាច អ្នកធ្វើដំណើរពីភ្នំពេញទៅខេត្តពោធិ៍សាត់ បាត់ដំបង ឬបន្ទាយមានជ័យ តាមរថយន្ត នឹងពុំមានផ្លូវវាងផ្សេងឡើយ។
ទាក់ទងបញ្ហានេះ អនុប្រធានមន្ទីរសាធារណការ លោក ឆាយ លាភា អះអាងថា គ្រឿងចក្រ និងឡានដឹកដី បាវខ្សាច់ និងកម្លាំងកម្មករ នៅបន្តឃ្លាំមើលស្ថានភាពផ្លូវ និងកាយប្រឡាយរំដោះទឹកចេញ៖ «បើសិនមានជំនន់ទឹកភ្លៀងខាងមុខទៀត នឹងមានមធ្យោបាយមួយចំនួនដើម្បីអន្តរាគមន៍មិនឲ្យកកស្ទះ ហើយកំពុងស្ដារប្រព័ន្ធប្រឡាយបណ្ដើរៗតាមការងាររបស់យើងជាក់ស្ដែង ដូចជាមានកន្លែងលិច ឬកន្លែងស្ទះ។ យើងខិតខំធ្វើ។ លោក ជិន ជេដ្ឋា៖ ការងារត្រួតពិនិត្យ ឬប្រចាំការអាចនឹងធ្វើដល់ពេលណាដែរ? យើងមើលទៅតាមអាកាសធាតុ និងការជូនដំណឹងតាមក្រសួងធនធានទឹក ថាអាចមានទឹកជំនន់រហូតដល់ថ្ងៃទី១៦ (ខែតុលា)។ អ៊ីចឹងខាងមន្ទីរយើងខ្ញុំមានត្រៀមលក្ខណៈនេះ»។
សេចក្ដីជូនដំណឹងពីស្ថានភាពអាកាសធាតុរបស់ក្រសួងធនធានទឹក និងឧតុនិយម ដែលត្រូវសារព័ត៌មានក្នុងស្រុកមួយយកមកចុះផ្សាយនៅថ្ងៃទី១១ ខែតុលា ឲ្យដឹងថា ប្រទេសកម្ពុជា នៅបន្តរងសម្ពាធទាបនៃចំហាយខ្យល់ពុះពីសមុទ្រចិន។ សម្ពាធទាបនេះ មានឥទ្ធិពលខ្លាំងនៅសមុទ្រចិនខាងត្បូង និងប្រទេសកម្ពុជា ពេញមួយសប្ដាហ៍ទីពីរ នៃខែតុលា។ បាតុភូតធម្មជាតិនេះ បង្កឲ្យភ្លៀងបន្តធ្លាក់រាយប៉ាយកាន់តែច្រើនក្នុងក្របខ័ណ្ឌទូទាំងប្រទេស ជាពិសេសតំបន់ខ្ពង់រាប និងតំបន់ទំនាបកណ្ដាល ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០១៦។
ក្រសួងក៏អំពាវនាវឲ្យពលរដ្ឋបង្កើនការប្រុងប្រយ័ត្ននៅក្នុងសប្ដាហ៍នេះ ដោយនៅបណ្ដារាជធានី-ខេត្តឋិតនៅតំបន់ទំនាបកណ្ដាល និងតំបន់ខ្ពង់រាប ប្រឈមនឹងជំនន់ទឹកភ្លៀងខ្ពស់ជាងពេលកន្លងទៅ៕
