មន្ត្រីអ.ស.ប អ្នកស្រី រ៉ូណា ស្មីត ទៅគោរពវិញ្ញាណក្ខន្ធបណ្ឌិត កែម ឡី

អ្នករាយការណ៍ពិសេសនៃអង្គការសហប្រជាជាតិទទួលបន្ទុកផ្នែកសិទ្ធិមនុស្សនៅកម្ពុជា អ្នកស្រី រ៉ូណា ស្មីត (Rhona Smith) នៅព្រឹកថ្ងៃទី១៥ តុលា អញ្ជើញទៅគោរពវិញ្ញាណក្ខន្ធបណ្ឌិត កែម ឡី នៅវត្តចាស់។

ដោយ អាស៊ីសេរី RFA 2016-10-15

នៅពេលដែលអ្នកស្រី រ៉ូណា ស្មីត កំពុងចូលរួមពិធីនេះ មានពលរដ្ឋភាគច្រើន ស្រែកអំពាវនាវដល់អ្នកស្រី ឲ្យធ្វើយ៉ាងណា រកយុត្តិធម៌ដល់បណ្ឌិត កែម ឡី។

អ្នកស្រី រ៉ូណា ស្មីត មកបំពេញទស្សនកិច្ចរយៈពេល ១០ថ្ងៃនៅកម្ពុជា គឺចាប់ពីថ្ងៃទី១០ ដល់ថ្ងៃទី២០ ខែតុលា ដើម្បីពិនិត្យអំពីស្ថានភាពសិទ្ធិមនុស្ស និងតាមដានការអនុវត្តអនុសាសន៍ដែលអ្នកស្រីដាក់ជូនរាជរដ្ឋាភិបាលសម្រាប់ការកែលំអស្ថានភាពគោរពសិទ្ធិមនុស្សនៅកម្ពុជា ឲ្យបានប្រសើរឡើង។

នៅថ្ងៃទី១៥ ខែតុលា នេះ គឺជាពិធីបុណ្យគម្រប់ខួប ១០០ថ្ងៃបណ្ឌិត កែម ឡី ថ្ងៃទី២។ ប្រជាពលរដ្ឋមកពីគ្រប់ទិសទីបន្តមកចូលរួមកម្មវិធីបុណ្យនេះ។ កម្មវិធីបុណ្យនៅព្រឹកនេះ មានពិធីរាប់បាត្រព្រះសង្ឃប្រមាណ ៥០០អង្គ នៅម៉ោង ជិត ១០ព្រឹក។

Image may be NSFW.
Clik here to view.

មន្ត្រីជាន់ខ្ពស់គណបក្សសង្គ្រោះជាតិ ចូលរួមគោរពវិញ្ញាណក្ខន្ធបណ្ឌិត កែម ឡី នៅវត្តចាស់។

កម្មវិធីគម្រប់ខួប ១០០ថ្ងៃបណ្ឌិត កែម ឡី នៅវត្តចាស់នេះ នឹងបញ្ចប់នៅថ្ងៃទី១៦ ខែតុលា ដោយនៅថ្ងៃនោះ នឹងមានពិធីដង្ហែរូបសំណាកលោកបណ្ឌិតឆ្ពោះទៅកាន់ខេត្តតាកែវ កន្លែងបញ្ចុះសពរបស់លោក។ ថ្ងៃទី១៧ ខែតុលា គឺជាថ្ងៃចុងក្រោយនៃពិធីបុណ្យ ១០០ថ្ងៃនេះ។

សូមរង់ចាំអាននិងស្ដាប់ព័ត៌មានពិស្ដារ...

Image may be NSFW.
Clik here to view.