Image may be NSFW.
Clik here to view.
ដោយ ដែន អយុធ្យា RFA 2016-10-18
រាជរដ្ឋាភិបាលកម្ពុជា បានកំណត់យកខេត្តព្រះសីហនុ ដើម្បីរៀបចំពិធីបុណ្យសមុទ្រឆ្នាំ២០១៦ ដោយត្រៀមរៀបចំរយៈពេល ៣ថ្ងៃចាប់ពីថ្ងៃទី២៣ ដល់ថ្ងៃទី២៥ ខែធ្នូ។ បច្ចុប្បន្ន ថ្នាក់ដឹកនាំក្រសួងទេសចរណ៍ រួមគ្នាជាមួយរដ្ឋបាលខេត្តព្រះសីហនុ កំពុងជំរុញសកម្មភាពអភិវឌ្ឍន៍តំបន់ឆ្នេរសមុទ្រ និងអភិវឌ្ឍពង្រីកផ្លូវថ្នល់ ស្ថាបនាលូបង្ហូរទឹក ព្រមទាំងស្ថាបនាសួនច្បារ បំពាក់ភ្លើងបំភ្លឺ រង់ចាំស្វាគមន៍ភ្ញៀវទេសចរជាតិ និងអន្តរជាតិ ចូលមកកម្សាន្តពិធីបុណ្យសមុទ្រឆ្នាំនេះឲ្យបានច្រើនកុះករ។
គណៈកម្មការអន្តរក្រសួងដើម្បីរៀបចំពិធីបុណ្យសមុទ្រឆ្នាំ២០១៦ នាខេត្តព្រះសីហនុ តាមរយៈក្រសួងទេសចរណ៍ បានចេញសេចក្តីជូនដំណឹងពីកាលបរិច្ឆេទនៃការរៀបចំបុណ្យសមុទ្រជុំទី២ ឆ្នាំ២០១៦ នឹងចាប់ផ្ដើមនៅថ្ងៃទី២៣ ដល់ថ្ងៃទី២៥ ខែធ្នូ។
តាមសេចក្តីជូនដំណឹងរបស់ក្រសួងទេសចរណ៍ ចុះថ្ងៃទី១០ ខែតុលា បង្ហាញថា ពិធីបើកផ្លូវការបុណ្យសមុទ្រឆ្នាំនេះ នឹងចាប់ផ្ដើមនៅម៉ោង ៥ល្ងាចថ្ងៃទី២៤ ខែធ្នូ ហើយលោកនាយករដ្ឋមន្ត្រី ហ៊ុន សែន នឹងចូលរួមជាកិត្តិយសក្នុងពិធីបើកបុណ្យសមុទ្រឆ្នាំនេះ។
ទាក់ទិនផែនការរៀបចំបុណ្យសមុទ្រនេះដែរ រដ្ឋបាលខេត្តព្រះសីហនុ កំពុងយកចិត្តទុកដាក់ទៅលើការងារអភិវឌ្ឍន៍មូលដ្ឋានឆ្នេរ និងអភិវឌ្ឍហេដ្ឋារចនាសម្ព័ន្ធនានា មានពង្រីកផ្លូវថ្នល់ ក្រាលកៅស៊ូ ស្ថាបនាលូបង្ហូរទឹក ស្ថាបនាសួនច្បារ និងបំពាក់ភ្លើងបំភ្លឺជាដើម ឲ្យមានសោភណភាព ដើម្បីត្រៀមស្វាគមន៍ភ្ញៀវទេសចរជាតិ និងអន្តរជាតិ ឲ្យចូលមកទស្សនាខេត្តនេះបានច្រើននាពិធីបុណ្យសមុទ្រឆ្នាំនេះ។
មន្ត្រីគណៈកម្មការអន្តរក្រសួងរៀបចំពិធីបុណ្យសមុទ្រ ដឹកនាំដោយលោក ថោង ខុន រដ្ឋមន្ត្រីក្រសួងទេសចរណ៍ និងអភិបាលខេត្តព្រះសីហនុ លោក យន្ត មីន បានជួបប្រជុំជាច្រើនលើកច្រើនសាជាមួយថ្នាក់ដឹកនាំស្ថាប័នពាក់ព័ន្ធក្រោមឱវាទខេត្តជាបន្តបន្ទាប់។ លោក យន្ត មីន អភិបាលខេត្តព្រះសីហនុ ផ្តល់សម្ភាសឲ្យអាស៊ីសេរី ដឹងតាមទូរស័ព្ទនៅថ្ងៃពុធ ទី១២ ខែតុលា ថា រដ្ឋបាលខេត្តកំពុងជំរុញសកម្មភាពអភិវឌ្ឍន៍តំបន់ឆ្នេរ ជាពិសេសប្រព័ន្ធផ្លូវ លូ សួនច្បារ និងបំពាក់ភ្លើងបំភ្លឺនៅតាមផ្លូវក្រាលកៅស៊ូគ្រប់ច្រកល្ហក ពិសេសតំបន់ជាប់ឆ្នេរសមុទ្រនានាមានឆ្នេរឯករាជ្យ និងឆ្នេរអូរឈើទាល ជាដើម ឲ្យមានអនាម័យ និងសោភណភាព រង់ចាំស្វាគមន៍ភ្ញៀវទេសចរចម្រុះជាតិសាសន៍ចូលមកទស្សនាពិធីបុណ្យសមុទ្រនៅចុងខែធ្នូ នេះ ឲ្យទទួលបានភាពសប្បាយរីករាយទាំងអស់គ្នា។
លោក យន្ត មីន ក៏ព្រួយបារម្ភអំពីផែនការអភិវឌ្ឍន៍តំបន់ឆ្នេរ និងអភិវឌ្ឍហេដ្ឋារចនាសម្ព័ន្ធនានាមានផ្លូវថ្នល់ សួនច្បារ និងបំពាក់ភ្លើងបំភ្លឺជាដើម មិនសម្រេចបានទាន់ពេលវេលាកំណត់នេះដែរ ដោយសារបញ្ហាអាកាសធាតុមូលដ្ឋាននេះមានភ្លៀងធ្លាក់ជាបន្តបន្ទាប់រាល់ថ្ងៃ៖ «រដ្ឋបាលខេត្តបានផ្សព្វផ្សាយជាបន្តបន្ទាប់រួចហើយ គឺនៅបុណ្យឆ្លងឆ្នាំសកល ពិសេសបុណ្យសមុទ្រ ដែលខេត្តព្រះសីហនុ ទទួលធ្វើជាម្ចាស់ផ្ទះ និងជាមុខជាមាត់ ឬជាកិត្តិយសខេត្តទេសចរណ៍របស់យើងទាំងអស់គ្នា គឺទាំងប្រជាពលរដ្ឋ និងប្រតិបត្តិករទេសចរទាំងអស់ ត្រូវរួមគ្នាអភិវឌ្ឍមូលដ្ឋានឲ្យបានស្រុះគ្នាជាមួយរដ្ឋបាលខេត្ត-ក្រុង ដើម្បីឲ្យមូលដ្ឋាននេះមានសោភណភាព និងមានអនាម័យ។ ករណីស្នើដល់ប្រតិបត្តិករទេសចរបម្រើវិស័យឯកជន និងពលរដ្ឋ ត្រូវចូលរួមសហការ និងគាំទ្រទាំងស្មារតី និងថវិកា ជួយដល់រដ្ឋបាលក្រុង-ខេត្តព្រះសីហនុ សម្រាប់ចំណាយទៅលើគម្រោងផែនការអភិវឌ្ឍន៍មូលដ្ឋាននេះឲ្យបានល្អ ដើម្បីជាការទាក់ទាញកំណើនភ្ញៀវទេសចរ ឲ្យចូលមកទស្សនាខេត្តនេះបានច្រើនថែមទៀតនាថ្ងៃអនាគត»។
លោក យន្ត មីន បានអំពាវនាវដល់ផ្នែកពាក់ព័ន្ធមានវិស័យឯកជន ឬប្រតិបត្តិករទេសចរ និងប្រជាពលរដ្ឋរស់នៅខេត្តព្រះសីហនុ ជាដើម ត្រូវចូលរួមសម្អាតអនាម័យ និងបរិស្ថាននៅតាមទីតាំង ឬលំនៅឋានរៀងៗខ្លួនឲ្យមានសោភណភាពល្អ។ ជាងនេះទៀត ក៏ស្នើឲ្យចូលរួមសហការគាំទ្រទាំងស្មារតី សម្ភារៈ និងថវិកាជាដើម ដល់ក្រុមការងារគណៈកម្មការអន្តរក្រសួង ឬរដ្ឋបាលខេត្តព្រះសីហនុ ឲ្យបានទាំងអស់គ្នា ប្រយោជន៍ដើម្បីរួមចំណែកក្នុងការងារអភិវឌ្ឍន៍មូលដ្ឋាននេះឲ្យមានសោភណភាព ដើម្បីជាការទាក់ទាញកំណើនភ្ញៀវទេសចរឲ្យចូលមកទស្សនាខេត្តនេះបានច្រើនថែមទៀតពីមួយឆ្នាំទៅមួយឆ្នាំ។
បន្ថែមលើនេះ លោក យន្ត មីន ក៏ស្នើដល់ប្រតិបត្តិករទេសចរបម្រើសេវាកម្មទេសចរណ៍គ្រប់ផ្នែក មានចំណីអាហារ ការស្នាក់នៅ និងសេវាដឹកជញ្ជូនជាដើម មិនត្រូវដំឡើងតម្លៃសេវាកម្មរបស់ខ្លួនខ្ពស់ហួសហេតុពេក នាំឲ្យភ្ញៀវទេសចរជាតិ និងអន្តរជាតិ មិនសប្បាយចិត្តនោះទេ៖ «យើងឃើញថា អាជ្ញាធរខេត្តបានរៀបចំអភិវឌ្ឍប្រព័ន្ធហេដ្ឋារចនាសម្ព័ន្ធនានា មានសួនច្បារ ពង្រីកផ្លូវថ្នល់ លូបង្ហូរទឹក និងបំពាក់ភ្លើងបំភ្លឺជាដើមជាបន្តបន្ទាប់នៅតាមតំបន់ឆ្នេរមួយចំនួន មានឆ្នេរសណ្ឋាគារ ៧ជាន់ ឬឆ្នេរឯករាជ្យជាដើម ដោយដំណើរការកំពុងបន្តរាល់ថ្ងៃ ប៉ុន្តែមិនទាន់បានបញ្ចប់ទីតាំងណាមួយនៅឡើយទេ។ ករណីនេះ យើងមានការព្រួយបារម្ភចំពោះសកម្មភាពអភិវឌ្ឍន៍ ឬស្ថាបនាហេដ្ឋារចនាសម្ព័ន្ធនានា ដើម្បីស្វាគមន៍ពិធីបុណ្យសមុទ្រឆ្នាំនេះ មិនទាន់តាមផែនការគ្រោងទុក»។
សកម្មភាពអភិវឌ្ឍន៍នេះ ទទួលបានការសាទរពីមន្ត្រីសង្គមស៊ីវិល ប្រតិបត្តិករទេសចរ និងប្រជាពលរដ្ឋភាគច្រើននាខេត្តព្រះសីហនុ ទៅលើការខិតខំប្រឹងប្រែងអភិវឌ្ឍហេដ្ឋារចនាសម្ព័ន្ធនានានៅតាមតំបន់ឆ្នេរ ពង្រីកផ្លូវថ្នល់ និងអភិវឌ្ឍសួនច្បារបំពាក់ភ្លើងបំភ្លឺជាដើមរបស់រដ្ឋបាលខេត្តព្រះសីហនុ ត្រៀមស្វាគមន៍ភ្ញៀវទេសចរនាពិធីបុណ្យសមុទ្រឆ្នាំនេះ។
មន្ត្រីសម្របសម្រួលអង្គការលីកាដូ (LICADHO) ប្រចាំខេត្តព្រះសីហនុ លោក ប៊ួន ណារិទ្ធិ ស្ថិតក្នុងចំណោមមន្ត្រីសង្គមស៊ីវិលច្រើនស្ថាប័នទៀត បានគាំទ្រចំពោះការខិតខំប្រឹងប្រែងជំរុញការងារអភិវឌ្ឍន៍មូលដ្ឋាននេះ ដើម្បីត្រៀមស្វាគមន៍ពិធីបុណ្យសមុទ្រដែលខេត្តព្រះសីហនុ ទទួលធ្វើជាម្ចាស់ផ្ទះនៅឆ្នាំ២០១៦។
យ៉ាងនេះក្តី លោកព្រួយបារម្ភខ្លាចផែនការអភិវឌ្ឍន៍តំបន់ឆ្នេរ ឬមូលដ្ឋានរបស់ក្រុមការងារគណៈកម្មការអន្តរក្រសួង និងរដ្ឋបាលខេត្តនេះមិនបានបញ្ចប់ទៅតាមការគ្រោងទុក។ លោក ប៊ួន ណារិទ្ធិ គត់សម្គាល់ថា រាល់ថ្ងៃនេះ សកម្មភាពស្ថាបនាសួនច្បារ ការងារពង្រីកផ្លូវថ្នល់ក្រាលកៅស៊ូ ស្ថាបនាប្រព័ន្ធលូបង្ហូរទឹក និងបំពាក់ភ្លើងបំភ្លឺជាដើម ហាក់មានការយឺតយ៉ាវ ឬត្រូវរាំងស្ទះដោយបញ្ហាអាកាសធាតុ មានភ្លៀងធ្លាក់រំខានជារៀងរាល់ថ្ងៃ។
លោក ប៊ួន ណារិទ្ធិ ដែលចុះពិនិត្យផ្ទាល់ដល់ទីតាំងឆ្នេរមួយចំនួនមានឆ្នេរឯករាជ្យជាដើម បានផ្តល់សម្ភាសឲ្យអាស៊ីសេរី ដោយបង្ហាញការព្រួយបារម្ភខ្លាចផែនការអភិវឌ្ឍន៍តំបន់ឆ្នេរសមុទ្រ និងប្រព័ន្ធហេដ្ឋារចនាសម្ព័ន្ធនានានៅក្នុងខេត្តព្រះសីហនុ ដើម្បីត្រៀមស្វាគមន៍ពិធីបុណ្យសមុទ្រឆ្នាំនេះ មិនអាចបញ្ចប់តាមការគ្រោងទុក ព្រោះតាមការសង្កេតឃើញ មានទីតាំងខ្លះទើបស្ថាបនាបានចន្លោះពី ៦០% ទៅ ៧០% ប៉ុន្តែកាលបរិច្ឆេទនៃការរៀបចំបុណ្យសមុទ្រកាន់តែខិតជិតចូលមកដល់ ហើយទឹកភ្លៀងបន្តធ្លាក់ជាប់មិនដាច់ជារៀងរាល់ថ្ងៃ។
គណៈកម្មការអន្តរក្រសួង ឬក្រុមការងារគណៈកម្មការរៀបចំបុណ្យសមុទ្របញ្ជាក់ថា ការរៀបចំពិធីបុណ្យសមុទ្រឆ្នាំនេះ ក្រោមប្រធានបទ «ទីក្រុងបៃតង ឆ្នេរស្អាត សមុទ្រខៀវស្រងាត់»។
អភិបាលខេត្តព្រះសីហនុ លោក យន្ត មីន ថ្លែងស្វាគមន៍ភ្ញៀវទេសចរជាតិ និងអន្តរជាតិ ឲ្យអញ្ជើញមកកម្សាន្តពិធីបុណ្យសមុទ្រនាខេត្តជាប់ឆ្នេរសមុទ្រមួយនេះឲ្យបានច្រើនកុះករ ដោយកម្លាំងជំនាញស្ថាប័នពាក់ព័ន្ធបានត្រៀមកម្លាំងការពារសន្តិសុខ និងសុវត្ថិភាពជូនដោយយកចិត្តទុកដាក់៕
Clik here to view.
ដោយ ដែន អយុធ្យា RFA 2016-10-18
រាជរដ្ឋាភិបាលកម្ពុជា បានកំណត់យកខេត្តព្រះសីហនុ ដើម្បីរៀបចំពិធីបុណ្យសមុទ្រឆ្នាំ២០១៦ ដោយត្រៀមរៀបចំរយៈពេល ៣ថ្ងៃចាប់ពីថ្ងៃទី២៣ ដល់ថ្ងៃទី២៥ ខែធ្នូ។ បច្ចុប្បន្ន ថ្នាក់ដឹកនាំក្រសួងទេសចរណ៍ រួមគ្នាជាមួយរដ្ឋបាលខេត្តព្រះសីហនុ កំពុងជំរុញសកម្មភាពអភិវឌ្ឍន៍តំបន់ឆ្នេរសមុទ្រ និងអភិវឌ្ឍពង្រីកផ្លូវថ្នល់ ស្ថាបនាលូបង្ហូរទឹក ព្រមទាំងស្ថាបនាសួនច្បារ បំពាក់ភ្លើងបំភ្លឺ រង់ចាំស្វាគមន៍ភ្ញៀវទេសចរជាតិ និងអន្តរជាតិ ចូលមកកម្សាន្តពិធីបុណ្យសមុទ្រឆ្នាំនេះឲ្យបានច្រើនកុះករ។
គណៈកម្មការអន្តរក្រសួងដើម្បីរៀបចំពិធីបុណ្យសមុទ្រឆ្នាំ២០១៦ នាខេត្តព្រះសីហនុ តាមរយៈក្រសួងទេសចរណ៍ បានចេញសេចក្តីជូនដំណឹងពីកាលបរិច្ឆេទនៃការរៀបចំបុណ្យសមុទ្រជុំទី២ ឆ្នាំ២០១៦ នឹងចាប់ផ្ដើមនៅថ្ងៃទី២៣ ដល់ថ្ងៃទី២៥ ខែធ្នូ។
តាមសេចក្តីជូនដំណឹងរបស់ក្រសួងទេសចរណ៍ ចុះថ្ងៃទី១០ ខែតុលា បង្ហាញថា ពិធីបើកផ្លូវការបុណ្យសមុទ្រឆ្នាំនេះ នឹងចាប់ផ្ដើមនៅម៉ោង ៥ល្ងាចថ្ងៃទី២៤ ខែធ្នូ ហើយលោកនាយករដ្ឋមន្ត្រី ហ៊ុន សែន នឹងចូលរួមជាកិត្តិយសក្នុងពិធីបើកបុណ្យសមុទ្រឆ្នាំនេះ។
ទាក់ទិនផែនការរៀបចំបុណ្យសមុទ្រនេះដែរ រដ្ឋបាលខេត្តព្រះសីហនុ កំពុងយកចិត្តទុកដាក់ទៅលើការងារអភិវឌ្ឍន៍មូលដ្ឋានឆ្នេរ និងអភិវឌ្ឍហេដ្ឋារចនាសម្ព័ន្ធនានា មានពង្រីកផ្លូវថ្នល់ ក្រាលកៅស៊ូ ស្ថាបនាលូបង្ហូរទឹក ស្ថាបនាសួនច្បារ និងបំពាក់ភ្លើងបំភ្លឺជាដើម ឲ្យមានសោភណភាព ដើម្បីត្រៀមស្វាគមន៍ភ្ញៀវទេសចរជាតិ និងអន្តរជាតិ ឲ្យចូលមកទស្សនាខេត្តនេះបានច្រើននាពិធីបុណ្យសមុទ្រឆ្នាំនេះ។
មន្ត្រីគណៈកម្មការអន្តរក្រសួងរៀបចំពិធីបុណ្យសមុទ្រ ដឹកនាំដោយលោក ថោង ខុន រដ្ឋមន្ត្រីក្រសួងទេសចរណ៍ និងអភិបាលខេត្តព្រះសីហនុ លោក យន្ត មីន បានជួបប្រជុំជាច្រើនលើកច្រើនសាជាមួយថ្នាក់ដឹកនាំស្ថាប័នពាក់ព័ន្ធក្រោមឱវាទខេត្តជាបន្តបន្ទាប់។ លោក យន្ត មីន អភិបាលខេត្តព្រះសីហនុ ផ្តល់សម្ភាសឲ្យអាស៊ីសេរី ដឹងតាមទូរស័ព្ទនៅថ្ងៃពុធ ទី១២ ខែតុលា ថា រដ្ឋបាលខេត្តកំពុងជំរុញសកម្មភាពអភិវឌ្ឍន៍តំបន់ឆ្នេរ ជាពិសេសប្រព័ន្ធផ្លូវ លូ សួនច្បារ និងបំពាក់ភ្លើងបំភ្លឺនៅតាមផ្លូវក្រាលកៅស៊ូគ្រប់ច្រកល្ហក ពិសេសតំបន់ជាប់ឆ្នេរសមុទ្រនានាមានឆ្នេរឯករាជ្យ និងឆ្នេរអូរឈើទាល ជាដើម ឲ្យមានអនាម័យ និងសោភណភាព រង់ចាំស្វាគមន៍ភ្ញៀវទេសចរចម្រុះជាតិសាសន៍ចូលមកទស្សនាពិធីបុណ្យសមុទ្រនៅចុងខែធ្នូ នេះ ឲ្យទទួលបានភាពសប្បាយរីករាយទាំងអស់គ្នា។
លោក យន្ត មីន ក៏ព្រួយបារម្ភអំពីផែនការអភិវឌ្ឍន៍តំបន់ឆ្នេរ និងអភិវឌ្ឍហេដ្ឋារចនាសម្ព័ន្ធនានាមានផ្លូវថ្នល់ សួនច្បារ និងបំពាក់ភ្លើងបំភ្លឺជាដើម មិនសម្រេចបានទាន់ពេលវេលាកំណត់នេះដែរ ដោយសារបញ្ហាអាកាសធាតុមូលដ្ឋាននេះមានភ្លៀងធ្លាក់ជាបន្តបន្ទាប់រាល់ថ្ងៃ៖ «រដ្ឋបាលខេត្តបានផ្សព្វផ្សាយជាបន្តបន្ទាប់រួចហើយ គឺនៅបុណ្យឆ្លងឆ្នាំសកល ពិសេសបុណ្យសមុទ្រ ដែលខេត្តព្រះសីហនុ ទទួលធ្វើជាម្ចាស់ផ្ទះ និងជាមុខជាមាត់ ឬជាកិត្តិយសខេត្តទេសចរណ៍របស់យើងទាំងអស់គ្នា គឺទាំងប្រជាពលរដ្ឋ និងប្រតិបត្តិករទេសចរទាំងអស់ ត្រូវរួមគ្នាអភិវឌ្ឍមូលដ្ឋានឲ្យបានស្រុះគ្នាជាមួយរដ្ឋបាលខេត្ត-ក្រុង ដើម្បីឲ្យមូលដ្ឋាននេះមានសោភណភាព និងមានអនាម័យ។ ករណីស្នើដល់ប្រតិបត្តិករទេសចរបម្រើវិស័យឯកជន និងពលរដ្ឋ ត្រូវចូលរួមសហការ និងគាំទ្រទាំងស្មារតី និងថវិកា ជួយដល់រដ្ឋបាលក្រុង-ខេត្តព្រះសីហនុ សម្រាប់ចំណាយទៅលើគម្រោងផែនការអភិវឌ្ឍន៍មូលដ្ឋាននេះឲ្យបានល្អ ដើម្បីជាការទាក់ទាញកំណើនភ្ញៀវទេសចរ ឲ្យចូលមកទស្សនាខេត្តនេះបានច្រើនថែមទៀតនាថ្ងៃអនាគត»។
លោក យន្ត មីន បានអំពាវនាវដល់ផ្នែកពាក់ព័ន្ធមានវិស័យឯកជន ឬប្រតិបត្តិករទេសចរ និងប្រជាពលរដ្ឋរស់នៅខេត្តព្រះសីហនុ ជាដើម ត្រូវចូលរួមសម្អាតអនាម័យ និងបរិស្ថាននៅតាមទីតាំង ឬលំនៅឋានរៀងៗខ្លួនឲ្យមានសោភណភាពល្អ។ ជាងនេះទៀត ក៏ស្នើឲ្យចូលរួមសហការគាំទ្រទាំងស្មារតី សម្ភារៈ និងថវិកាជាដើម ដល់ក្រុមការងារគណៈកម្មការអន្តរក្រសួង ឬរដ្ឋបាលខេត្តព្រះសីហនុ ឲ្យបានទាំងអស់គ្នា ប្រយោជន៍ដើម្បីរួមចំណែកក្នុងការងារអភិវឌ្ឍន៍មូលដ្ឋាននេះឲ្យមានសោភណភាព ដើម្បីជាការទាក់ទាញកំណើនភ្ញៀវទេសចរឲ្យចូលមកទស្សនាខេត្តនេះបានច្រើនថែមទៀតពីមួយឆ្នាំទៅមួយឆ្នាំ។
បន្ថែមលើនេះ លោក យន្ត មីន ក៏ស្នើដល់ប្រតិបត្តិករទេសចរបម្រើសេវាកម្មទេសចរណ៍គ្រប់ផ្នែក មានចំណីអាហារ ការស្នាក់នៅ និងសេវាដឹកជញ្ជូនជាដើម មិនត្រូវដំឡើងតម្លៃសេវាកម្មរបស់ខ្លួនខ្ពស់ហួសហេតុពេក នាំឲ្យភ្ញៀវទេសចរជាតិ និងអន្តរជាតិ មិនសប្បាយចិត្តនោះទេ៖ «យើងឃើញថា អាជ្ញាធរខេត្តបានរៀបចំអភិវឌ្ឍប្រព័ន្ធហេដ្ឋារចនាសម្ព័ន្ធនានា មានសួនច្បារ ពង្រីកផ្លូវថ្នល់ លូបង្ហូរទឹក និងបំពាក់ភ្លើងបំភ្លឺជាដើមជាបន្តបន្ទាប់នៅតាមតំបន់ឆ្នេរមួយចំនួន មានឆ្នេរសណ្ឋាគារ ៧ជាន់ ឬឆ្នេរឯករាជ្យជាដើម ដោយដំណើរការកំពុងបន្តរាល់ថ្ងៃ ប៉ុន្តែមិនទាន់បានបញ្ចប់ទីតាំងណាមួយនៅឡើយទេ។ ករណីនេះ យើងមានការព្រួយបារម្ភចំពោះសកម្មភាពអភិវឌ្ឍន៍ ឬស្ថាបនាហេដ្ឋារចនាសម្ព័ន្ធនានា ដើម្បីស្វាគមន៍ពិធីបុណ្យសមុទ្រឆ្នាំនេះ មិនទាន់តាមផែនការគ្រោងទុក»។
សកម្មភាពអភិវឌ្ឍន៍នេះ ទទួលបានការសាទរពីមន្ត្រីសង្គមស៊ីវិល ប្រតិបត្តិករទេសចរ និងប្រជាពលរដ្ឋភាគច្រើននាខេត្តព្រះសីហនុ ទៅលើការខិតខំប្រឹងប្រែងអភិវឌ្ឍហេដ្ឋារចនាសម្ព័ន្ធនានានៅតាមតំបន់ឆ្នេរ ពង្រីកផ្លូវថ្នល់ និងអភិវឌ្ឍសួនច្បារបំពាក់ភ្លើងបំភ្លឺជាដើមរបស់រដ្ឋបាលខេត្តព្រះសីហនុ ត្រៀមស្វាគមន៍ភ្ញៀវទេសចរនាពិធីបុណ្យសមុទ្រឆ្នាំនេះ។
មន្ត្រីសម្របសម្រួលអង្គការលីកាដូ (LICADHO) ប្រចាំខេត្តព្រះសីហនុ លោក ប៊ួន ណារិទ្ធិ ស្ថិតក្នុងចំណោមមន្ត្រីសង្គមស៊ីវិលច្រើនស្ថាប័នទៀត បានគាំទ្រចំពោះការខិតខំប្រឹងប្រែងជំរុញការងារអភិវឌ្ឍន៍មូលដ្ឋាននេះ ដើម្បីត្រៀមស្វាគមន៍ពិធីបុណ្យសមុទ្រដែលខេត្តព្រះសីហនុ ទទួលធ្វើជាម្ចាស់ផ្ទះនៅឆ្នាំ២០១៦។
យ៉ាងនេះក្តី លោកព្រួយបារម្ភខ្លាចផែនការអភិវឌ្ឍន៍តំបន់ឆ្នេរ ឬមូលដ្ឋានរបស់ក្រុមការងារគណៈកម្មការអន្តរក្រសួង និងរដ្ឋបាលខេត្តនេះមិនបានបញ្ចប់ទៅតាមការគ្រោងទុក។ លោក ប៊ួន ណារិទ្ធិ គត់សម្គាល់ថា រាល់ថ្ងៃនេះ សកម្មភាពស្ថាបនាសួនច្បារ ការងារពង្រីកផ្លូវថ្នល់ក្រាលកៅស៊ូ ស្ថាបនាប្រព័ន្ធលូបង្ហូរទឹក និងបំពាក់ភ្លើងបំភ្លឺជាដើម ហាក់មានការយឺតយ៉ាវ ឬត្រូវរាំងស្ទះដោយបញ្ហាអាកាសធាតុ មានភ្លៀងធ្លាក់រំខានជារៀងរាល់ថ្ងៃ។
លោក ប៊ួន ណារិទ្ធិ ដែលចុះពិនិត្យផ្ទាល់ដល់ទីតាំងឆ្នេរមួយចំនួនមានឆ្នេរឯករាជ្យជាដើម បានផ្តល់សម្ភាសឲ្យអាស៊ីសេរី ដោយបង្ហាញការព្រួយបារម្ភខ្លាចផែនការអភិវឌ្ឍន៍តំបន់ឆ្នេរសមុទ្រ និងប្រព័ន្ធហេដ្ឋារចនាសម្ព័ន្ធនានានៅក្នុងខេត្តព្រះសីហនុ ដើម្បីត្រៀមស្វាគមន៍ពិធីបុណ្យសមុទ្រឆ្នាំនេះ មិនអាចបញ្ចប់តាមការគ្រោងទុក ព្រោះតាមការសង្កេតឃើញ មានទីតាំងខ្លះទើបស្ថាបនាបានចន្លោះពី ៦០% ទៅ ៧០% ប៉ុន្តែកាលបរិច្ឆេទនៃការរៀបចំបុណ្យសមុទ្រកាន់តែខិតជិតចូលមកដល់ ហើយទឹកភ្លៀងបន្តធ្លាក់ជាប់មិនដាច់ជារៀងរាល់ថ្ងៃ។
គណៈកម្មការអន្តរក្រសួង ឬក្រុមការងារគណៈកម្មការរៀបចំបុណ្យសមុទ្របញ្ជាក់ថា ការរៀបចំពិធីបុណ្យសមុទ្រឆ្នាំនេះ ក្រោមប្រធានបទ «ទីក្រុងបៃតង ឆ្នេរស្អាត សមុទ្រខៀវស្រងាត់»។
អភិបាលខេត្តព្រះសីហនុ លោក យន្ត មីន ថ្លែងស្វាគមន៍ភ្ញៀវទេសចរជាតិ និងអន្តរជាតិ ឲ្យអញ្ជើញមកកម្សាន្តពិធីបុណ្យសមុទ្រនាខេត្តជាប់ឆ្នេរសមុទ្រមួយនេះឲ្យបានច្រើនកុះករ ដោយកម្លាំងជំនាញស្ថាប័នពាក់ព័ន្ធបានត្រៀមកម្លាំងការពារសន្តិសុខ និងសុវត្ថិភាពជូនដោយយកចិត្តទុកដាក់៕