ដោយ អ៊ុង សេរីវុទ្ធ RFA 2016-10-19
គណបក្សសង្គ្រោះជាតិ ស្នើទៅគណៈកម្មាធិការជាតិរៀបចំការបោះឆ្នោត (គ.ជ.ប) ដើម្បីសម្រួលដល់ពលរដ្ឋខ្មែរធ្វើការនៅប្រទេសថៃ អាចចុះឈ្មោះបោះឆ្នោតបាន នៅតាមបណ្ដោយព្រំដែនកម្ពុជា-ថៃ។
លិខិតរបស់ប្រធានស្ដីទីគណបក្សសង្គ្រោះជាតិ លោក កឹម សុខា ស្នើទៅប្រធានគ.ជ.ប លោក ស៊ិក ប៊ុនហុក កាលពីថ្ងៃទី១៨ តុលា ហើយត្រូវបានផ្សព្វផ្សាយនៅថ្ងៃទី១៩ តុលា លើកឡើងថា កាលពីថ្ងៃទី៩ និងថ្ងៃទី១៦ តុលា ពលករខ្មែរធ្វើការនៅថៃប្រមាណ៦០០នាក់ ដែលមកចុះឈ្មោះបោះឆ្នោតនៅការិយាល័យតាមឃុំ-សង្កាត់ ក្នុងខេត្តបាត់ដំបង និងបន្ទាយមានជ័យ ខកខានមិនចុះឈ្មោះបោះឆ្នោត ដោយសារតែមេឃុំ-ចៅសង្កាត់មិនព្រមពេញលិខិតបញ្ជាក់ទីសំណាក់ដល់ពួកគេ។
លិខិតនោះបញ្ជាក់ថា ការស្នើសុំអន្តរាគមន៍នេះ ដើម្បីជាការធានាសិទ្ធិបោះឆ្នោត របស់ប្រជាពលរដ្ឋខ្មែរគ្រប់រូប ដូចមានចែងក្នុងរដ្ឋធម្មនុញ្ញ និងច្បាប់ស្ដីពីការបោះឆ្នោតជ្រើសតាំងតំណាងរាស្ត្រ។
នៅថ្ងៃទី១៩ តុលា គ.ជ.ប ចេញរបាយការណ៍អំពីលទ្ធផលបណ្ដោះអាសន្ននៃការចុះឈ្មោះបោះឆ្នោត ដែលគិតត្រឹមល្ងាចថ្ងៃទី១៨ តុលា បង្ហាញថា ចំនួនពលរដ្ឋដែលបានចុះឈ្មោះបោះឆ្នោតទូទាំងប្រទេសមានជិត៦លាន (៥,៩២៨,៧៦៨) នាក់។
សូមរង់ចាំអាន និងស្ដាប់ព័ត៌មានពិស្ដារ...