ដោយ ម៉ម មុនីរតន៍ RFA 2016-10-27
តុលាការកំពូល លើកពេលប្រកាសសាលដីកាសំណុំរឿងចៅក្រមសាលាដំបូងរាជធានីភ្នំពេញ បិទការស៊ើបសួរលើករណីប្រធានស្ដីទីគណបក្សសង្គ្រោះជាតិ លោក កឹម សុខា ទៅថ្ងៃទី៤ ខែវិច្ឆិកា។
ការប្រកាសនេះធ្វើឡើងដោយប្រធានក្រុមប្រឹក្សាជំនុំជម្រះតុលាការកំពូល លោក ឃឹម ប៉ុណ្ណ នៅព្រឹកថ្ងៃទី២៨ ខែតុលា។
កាលពីថ្ងៃទី១២ ខែសីហា មេធាវីការពារក្ដីឲ្យលោក កឹម សុខា បានប្ដឹងសាទុក្ខទៅតុលាការកំពូលដើម្បីឲ្យសភាពស៊ើបសួរនេះពិនិត្យឡើងវិញពីការស៊ើបអង្កេតរបស់តុលាការក្រុងភ្នំពេញ ជុំវិញបទចោទប្រឆាំងលោក កឹម សុខា ទាំងនៅមានអភ័យឯកសិទ្ធិសភានៅឡើយ។ ការរៀបចំបណ្ដឹងទាស់ជាថ្មីទៀតក្នុងសំណុំរឿងដដែលនេះ គឺបន្ទាប់ពីសាលាឧទ្ធរណ៍បដិសេធលើបណ្ដឹងនេះម្ដងរួចមកហើយ កាលពីថ្ងៃទី៤ ខែសីហា។
មេធាវីការពារក្ដីរបស់លោក កឹម សុខា រំពឹងថា ការប្រកាសសាលដីកាខាងមុខរបស់តុលាការកំពូលនេះ នឹងផ្ដល់យុត្តិធម៌ដល់កូនក្ដីរបស់លោក។
កាលពីថ្ងៃទី៩ ខែកញ្ញា ចៅក្រមជំនុំជម្រះនៃសាលាដំបូងរាជធានីភ្នំពេញ សម្រេចផ្ដន្ទាទោសលោក កឹម សុខា ដាក់ពន្ធនាគាររយៈពេល ៥ខែ និងពិន័យជាប្រាក់ចំនួន ៨សែនរៀល ក្រោមបទចោទបដិសេធមិនចូលខ្លួនក្នុងនាមជាសាក្សីក្នុងសំណុំរឿងសញ្ចារកម្មទាក់ទងនឹងអ្នកនាង ខុម ចាន់តារាទី ហៅ ស្រីមុំ។
សូមរង់ចាំអាននិងស្ដាប់ព័ត៌មានពិស្ដារ...