Image may be NSFW.
Clik here to view.
ដោយ វ៉ា សំណព្វ28/10/2016 rfi
ក្រសួងការបរទេសកម្ពុជានៅល្ងាចថ្ងៃទី ២៨ តុលានេះ បានច្រានចោលដំណឹងថា លោកនាយករដ្ឋមន្រ្តី ហ៊ុន សែន ត្រៀមជួបចរចាជាមួយមេដឹកនាំគណបក្សសង្រ្គោះជាតិនៅពេលឆាប់ៗខាងមុខនេះ។ អ្នកនាំពាក្យក្រសួងនេះ បានចាត់ទុកថា ជាដំណឹងមិនពិត នឹងផ្សាយដោយប្រាសចាកការពិត។
តាមរយៈសេចក្តីជូនព័ត៌មាននៅថ្ងៃនេះ អ្នកនំាពាក្យក្រសួងការបរទេសកម្ពុជាបានគូសបញ្ជាក់ថា គ្មានជំនួបនេះទេ។ ការប្រកាសច្រានចោលនេះ គឺនៅប៉ុន្មានម៉ោងក្រោយពីដំណឹងបានបែកធ្លាយតាមបណ្តាញផ្សព្វផ្សាយព័ត៌មានក្នុងស្រុកនៅថ្ងៃនេះថា លោកនាយករដ្ឋមន្រ្តី ហ៊ុន សែន ត្រៀមជួបចរចាជាមួយគណបក្សប្រឆាំងក្នុងពេលឆាប់ៗខាងមុខនេះ ហើយនឹងជាជំនួប ដែលនឹងលើកឡើងពីបញ្ហានយោបាយ ដែលកំពុងតែតានតឹងរវាងគណបក្សទាំងពីរ។ ដំណឹងដែលបានបែកធ្លាយ នៅក្នុងជំនួបរវាង លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេសកម្ពុជា ជាមួយលោក ដានីញ៉ែល រ៉ាស្សែល (Daniel R. Russel) ឧបការីរដ្ឋមន្រ្តីក្រសួងការបរទេសអាមេរិក ទទួលបន្ទុកកិច្ចអាស៊ីអាគ្នេយ៍ និងប៉ាស៊ីហ្វិក កាលពីថ្ងៃទី ២៧តុលា។ ប៉ុន្តែអ្នកនាំពាក្យក្រសួងការបរទេសកម្ពុជា លោក ជុំ សុន្ទរី បានបញ្ជាក់បន្ថែមលើលិខិតរបស់ក្រសួងការបរទេសនេះថា គ្មានដំណឹងនេះទេ។ ចំណែកអ្នកនាំពាក្យគណបក្សប្រជាជនកម្ពុជា លោក សុខ ឥសាន ក៏បញ្ជាក់ដែរថា គ្មានដំណឹងបែបនេះដូចគ្នា។
នៅក្នុងលិខិតរបស់ក្រសួងការបរទេស បានចាត់ទុកការផ្សាយនោះថា ពុំបានបញ្ជាក់ពីប្រភពព័ត៌មានសោះឡើយ ហើយព័ត៌មានដែលបានចុះផ្សាយនេះ គឺប្រាស់ចាកពីការពិត ដែលក្នុងកិច្ចសន្ទនានោះ លោកទេសរដ្ឋមន្រ្តី ប្រាក់ សុខុន ពុំបានលើកឡើងទាល់តែសោះថា “លោកនាយករដ្ឋមន្រ្តី ហ៊ុន សែន ប្រធានគណបក្សប្រជាជនកម្ពុជា នឹងថ្នាក់ដឹកនាំគណបក្សប្រឆាំងនឹងជួបចរចាគ្នាក្នុងពេលឆាប់ៗនេះ”។ ប៉ុន្តែនៅក្នុងជំនួបនោះ លោកទេសរដ្ឋមន្រ្តីបានបញ្ជាក់ទៅកាន់សមភាគីរបស់លោកថា ការចូលរួមរបស់សមាជិកសភាគណបក្សប្រឆាំងនៅក្នុងកិច្ចប្រជុំគណៈកម្មាធិការអចិន្រ្តៃយ៍រដ្ឋសភា កាលពីថ្ងៃទី ២៦ តុលា គឺជាសញ្ញានៃភាពធូរស្រាល ដែលអាចនាំដល់ការចូលរួមរបស់សមាជិកសភាគណបក្សប្រឆាំង ក្នុងសម័យប្រជុំរបស់រដ្ឋសភា នាពេលខាងមុខ ហើយថាការបំពេញតួនាទីដ៏ត្រឹមត្រូវរបស់តំណាងរាស្រ្ត គឺតាមរយៈការចូលរួមនៅក្នុងកិច្ចប្រជុំរបស់រដ្ឋសភា។ សមាជិកសភាគណបក្សប្រឆាំង នឹងមិនបំពេញតួនាទីរបស់ខ្លួនជាតំណាងរាស្រ្តទេ បើគេធ្វើពហិកាកិច្ចប្រជុំរដ្ឋសភា។
គួរកត់សម្គាល់ថា ខណៈដែលស្ថានការនយោបាយរវាងគណបក្សប្រជាជនកម្ពុជា និងគណបក្សសង្រ្គោះជាតិបន្តភាពតានតឹង គេបានឃើញពីការលេចចេញនូវលិខិតក្លែងក្លាយរបស់គណបក្សសង្រ្គោះជាតិថ្កោលទោស កញ្ញា កឹម មនោវិទ្យា ដែលរិះគន់ប្រធានគណបក្សប្រឆាំងលោក សម រង្ស៊ី ហើយឥឡូវបានលេចចេញនូវដំណឹងមិនពិតនេះថែមទៀត៕
Clik here to view.
ដោយ វ៉ា សំណព្វ28/10/2016 rfi
ក្រសួងការបរទេសកម្ពុជានៅល្ងាចថ្ងៃទី ២៨ តុលានេះ បានច្រានចោលដំណឹងថា លោកនាយករដ្ឋមន្រ្តី ហ៊ុន សែន ត្រៀមជួបចរចាជាមួយមេដឹកនាំគណបក្សសង្រ្គោះជាតិនៅពេលឆាប់ៗខាងមុខនេះ។ អ្នកនាំពាក្យក្រសួងនេះ បានចាត់ទុកថា ជាដំណឹងមិនពិត នឹងផ្សាយដោយប្រាសចាកការពិត។
តាមរយៈសេចក្តីជូនព័ត៌មាននៅថ្ងៃនេះ អ្នកនំាពាក្យក្រសួងការបរទេសកម្ពុជាបានគូសបញ្ជាក់ថា គ្មានជំនួបនេះទេ។ ការប្រកាសច្រានចោលនេះ គឺនៅប៉ុន្មានម៉ោងក្រោយពីដំណឹងបានបែកធ្លាយតាមបណ្តាញផ្សព្វផ្សាយព័ត៌មានក្នុងស្រុកនៅថ្ងៃនេះថា លោកនាយករដ្ឋមន្រ្តី ហ៊ុន សែន ត្រៀមជួបចរចាជាមួយគណបក្សប្រឆាំងក្នុងពេលឆាប់ៗខាងមុខនេះ ហើយនឹងជាជំនួប ដែលនឹងលើកឡើងពីបញ្ហានយោបាយ ដែលកំពុងតែតានតឹងរវាងគណបក្សទាំងពីរ។ ដំណឹងដែលបានបែកធ្លាយ នៅក្នុងជំនួបរវាង លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេសកម្ពុជា ជាមួយលោក ដានីញ៉ែល រ៉ាស្សែល (Daniel R. Russel) ឧបការីរដ្ឋមន្រ្តីក្រសួងការបរទេសអាមេរិក ទទួលបន្ទុកកិច្ចអាស៊ីអាគ្នេយ៍ និងប៉ាស៊ីហ្វិក កាលពីថ្ងៃទី ២៧តុលា។ ប៉ុន្តែអ្នកនាំពាក្យក្រសួងការបរទេសកម្ពុជា លោក ជុំ សុន្ទរី បានបញ្ជាក់បន្ថែមលើលិខិតរបស់ក្រសួងការបរទេសនេះថា គ្មានដំណឹងនេះទេ។ ចំណែកអ្នកនាំពាក្យគណបក្សប្រជាជនកម្ពុជា លោក សុខ ឥសាន ក៏បញ្ជាក់ដែរថា គ្មានដំណឹងបែបនេះដូចគ្នា។
នៅក្នុងលិខិតរបស់ក្រសួងការបរទេស បានចាត់ទុកការផ្សាយនោះថា ពុំបានបញ្ជាក់ពីប្រភពព័ត៌មានសោះឡើយ ហើយព័ត៌មានដែលបានចុះផ្សាយនេះ គឺប្រាស់ចាកពីការពិត ដែលក្នុងកិច្ចសន្ទនានោះ លោកទេសរដ្ឋមន្រ្តី ប្រាក់ សុខុន ពុំបានលើកឡើងទាល់តែសោះថា “លោកនាយករដ្ឋមន្រ្តី ហ៊ុន សែន ប្រធានគណបក្សប្រជាជនកម្ពុជា នឹងថ្នាក់ដឹកនាំគណបក្សប្រឆាំងនឹងជួបចរចាគ្នាក្នុងពេលឆាប់ៗនេះ”។ ប៉ុន្តែនៅក្នុងជំនួបនោះ លោកទេសរដ្ឋមន្រ្តីបានបញ្ជាក់ទៅកាន់សមភាគីរបស់លោកថា ការចូលរួមរបស់សមាជិកសភាគណបក្សប្រឆាំងនៅក្នុងកិច្ចប្រជុំគណៈកម្មាធិការអចិន្រ្តៃយ៍រដ្ឋសភា កាលពីថ្ងៃទី ២៦ តុលា គឺជាសញ្ញានៃភាពធូរស្រាល ដែលអាចនាំដល់ការចូលរួមរបស់សមាជិកសភាគណបក្សប្រឆាំង ក្នុងសម័យប្រជុំរបស់រដ្ឋសភា នាពេលខាងមុខ ហើយថាការបំពេញតួនាទីដ៏ត្រឹមត្រូវរបស់តំណាងរាស្រ្ត គឺតាមរយៈការចូលរួមនៅក្នុងកិច្ចប្រជុំរបស់រដ្ឋសភា។ សមាជិកសភាគណបក្សប្រឆាំង នឹងមិនបំពេញតួនាទីរបស់ខ្លួនជាតំណាងរាស្រ្តទេ បើគេធ្វើពហិកាកិច្ចប្រជុំរដ្ឋសភា។
គួរកត់សម្គាល់ថា ខណៈដែលស្ថានការនយោបាយរវាងគណបក្សប្រជាជនកម្ពុជា និងគណបក្សសង្រ្គោះជាតិបន្តភាពតានតឹង គេបានឃើញពីការលេចចេញនូវលិខិតក្លែងក្លាយរបស់គណបក្សសង្រ្គោះជាតិថ្កោលទោស កញ្ញា កឹម មនោវិទ្យា ដែលរិះគន់ប្រធានគណបក្សប្រឆាំងលោក សម រង្ស៊ី ហើយឥឡូវបានលេចចេញនូវដំណឹងមិនពិតនេះថែមទៀត៕
