ជាអភូតហេតុជាក់ស្តែង ដែលគេថតបាន ក្នុងព្រឹត្តិការណ៍ដ៏កម្រមួយ។
សូមចុចមើលក្នុងយូធូបនេះ ហើយគិតមើលផងចុះ ថាតើមានហេតុផល
យ៉ាងណាដែលសុនខមួយនេះ មានគំនិតដូចមនុស្សដែលវាអាចដឹងដែរ
ថា ត្រីជាសត្វរស់នៅក្នុងទឹក? ហើយត្រូវការទឹក ផ្គត់ផ្គង់ជីវិត?
ទោះជាវាគ្មានដៃ គ្មានឧបករណ៍អ្វីនឹងបាចទឹក ក្នុងបំណងជួយត្រីឱ្យបាន
រស់ តែឆ្កែចម្លែកនេះមានចិត្តគំនិតដូចជាមនុស្សចិត្តព្រះ ចេះជួយឈឺឆ្អាល
ជីវិតសត្វផងគ្នា ដែលវាប្រឹងប្រែង យកច្រមុះទៅបាចទឹកឱ្យត្រីបានរស់។
តើនេះជាសញ្ញាប្រាប់រដ្ឋាភិបាលខ្មែរភ្នំពេញថាម៉េចដែរ? ខ្ញុំជឿប្រាកដក្នុង
ចិត្តថា នេះជាសញ្ញារបស់ព្រះអាទិទេពជាអម្ចាស់ ទ្រង់បង្ករឱ្យកើតឡើង
សម្រាប់អស់ទាំងពួកមនុស្សនៅផែនដី ឱ្យមើលឃើញហើយមានចិត្តអៀន
ខ្មាស់ចំពោះឆ្កែនេះ ដែលមានគំនិតជា (មនុស្សចិត្តព្រះ) ចេះជួយជីវិតសត្វ
ដទៃ ខណៈដែលខ្លួន កើតមកជាមនុស្ស មានខួរក្បាលចេះដឹងខ្ពង់ខ្ពស់ឆ្ងាយ
ជាងសត្វលោកនានា (ប៉ុន្តែ)មិនយល់ទុក្ខសោកផងគ្នា ដូចឆ្កែមួយនេះសោះ។
រដ្ឋាភិបាលខ្មែរបាននិងកំពុងធ្វើបាបមនុស្ស ដែលជាជនជាតិរបស់ខ្លួន អ្នក
ដែលតវ៉ាសុំរស់ក្នុងជីវិភាពសមរម្យ មានពួកស្រ្តីនិងគ្រួសារនៅបឹងកក់ជា
ដើម។ ទោះយ៉ាងណា ខ្ញុំថា ខ្មែរទាំងហ្នឹងគឺប្រាកដជាគ្មានទេចិត្តដែលចេះ
អៀនខ្មាស់ ក៏មិនខ្វល់នឹងការកែប្រែចរិតអាក្រក់របស់ខ្លួនសោះដែរ។ ជា
អំពើល្ងង់ខ្លៅ ដែលនឹងនាំខ្លួនឱ្យធ្លាក់ចូលក្នុងបាបកម្ម។ ថ្ងៃដ៏ធំគួរឱ្យខ្លាច
ស្ញែងនោះ នឹងមកដល់ ដែលពួកគេនឹងភិតភ័យស្លន់ស្លោខ្លាំង។ មនុស្ស
អាក្រក់នឹងមិនរួចខ្លួនជារហូតនោះទេ។ សូមឱ្យជឿពាក្យទាំងនេះចុះ៕៚
ជូលាងហាក់