លោក សម រង្ស៊ី បញ្ជាក់ថា គណបក្សសង្គ្រោះជាតិទទួលយកការរិះគន់តែសាមគ្គីភាពជាកិច្ចការអាទិភាព
ប្រភព សារព័ត៌មានមនសិការខ្មែរ The Khmer Conscience, ថ្ងៃទី០៤ ខែវិច្ឆិកា ឆ្នាំ២០១៦
លោក សម រង្ស៊ី ប្រធានគណបក្សសង្គ្រោះជាតិ ថ្មីៗនេះបានថ្លែងប្រាប់អ្នកសារព័ត៌មានអំពីទស្សនៈ និងទឹកចិត្តរបស់លោកទាក់ទងនឹងការរិះគន់កន្លងមក។ ការបញ្ជាក់របស់លោក សម រង្ស៊ី គឺបានកើតឡើងស្របពេលដែលមជ្ឈដ្ឋានមួយចំនួនបានបំភ្លៃការពិតថា គណបក្សសង្គ្រោះជាតិមានការប្រេះឆាផ្ទៃក្នុង ខណៈការពិតគណបក្សសង្គ្រោះជាតិនៅតែមានភាពរឹងមាំ និងមានសាមគ្គីភាពគ្នាល្អ ហើយមន្ត្រីគណបក្សសង្គ្រោះជាតិនៅតែអាចសហការគ្នាធ្វើការបានគ្រប់កាលៈទេសៈ ពិសេសការផ្លាស់ប្តូរយោបល់គ្នា។
ប្រធានគណបក្សសង្គ្រោះជាតិ លោក សម រង្ស៊ី បានពន្យល់ថា គណបក្សសង្គ្រោះជាតិជាគណបក្សជំទាស់ធំជាងគេនៅកម្ពុជា ហើយប្រកាន់ខ្ជាប់នូវគោលការណ៍លទ្ធិប្រជាធិបតេយ្យ និងដោះស្រាយបញ្ហាផ្អែកលើច្បាប់ និងដោយសន្តិវិធី ដូចនេះចាំបាច់គណបក្សសង្គ្រោះជាតិត្រូវទទួលយកការរិះគន់ក្នុងន័យស្ថាបនា តែទន្ទឹមនឹងនេះការរួបរួមសាមគ្គីគ្នារបស់គណបក្សសង្គ្រោះជាតិនៅតែមានសារៈសំខាន់ជាងអ្វីទាំងអស់។
លោក សម រង្ស៊ី បានសង្កត់ធ្ងន់ថា គណបក្សសង្គ្រោះជាតិជាគណបក្សប្រជាធិបតេយ្យ ដែលគោរពសិទ្ធិសេរីភាពបញ្ចេញមតិ និងទទួលយកការខ្វែងយោបល់។ តែទីបំផុតគណបក្សសង្គ្រោះជាតិទាំងមូលធ្វើការសម្រេចចិត្តចុងក្រោយលើបញ្ហាណាមួយ ការរួមរួមសាមគ្គីគ្នាតែងតែកើតមានកាន់តែខ្លាំងឡើងក្នុងគណបក្សដែលតំណាងរណសិរ្យរួបរួម។
ប្រធានគណបក្សសង្គ្រោះជាតិ លោក សម រង្ស៊ី បានបញ្ជាក់ថា ការរួបរួមសាមគ្គីគឺមានសារៈសំខាន់នៅក្នុងការយកឈ្នះការបោះឆ្នោតលើកក្រោយៗ ហើយវាជារឿងឆោតល្ងង់បើបណ្តោយឲ្យធ្លាក់ចូលក្នុងអន្ទាក់របស់ហ៊ុន សែន ដែលកំពុងព្យាយាមបំបែកគណបក្សសង្គ្រោះជាតិ ជាពិសេសថ្នាក់ដឹកនាំកំពូលរបស់គណបក្សគឺ លោក សម រង្ស៊ី និងលោក កឹម សុខា។
លោក កឹម សុខា អនុប្រធានគណបក្សសង្គ្រោះជាតិ កន្លងមកបានបញ្ជាក់ថា គូប្រជែងរបស់គណបក្សសង្គ្រោះជាតិកំពុងប្រើប្រាស់យុទ្ធសាស្ត្រដើម្បីកម្ចាត់ថ្នាក់ដឹកនាំទាំងពីររបស់គណបក្សសង្គ្រោះជាតិ រួចបំបែកអ្នកគាំទ្រតាមក្រោយ ដោយលោកហៅយុទ្ធសាស្ត្រនេះថា កាត់ក្បាលទាំងពីរ ហើយបំបែកខ្លួន។ លោក កឹម សុខា បានសង្កត់ធ្ងន់ថា ពួកគេមិនអាចបំផ្លាញគណបក្សសង្គ្រោះជាតិបានទេ ព្រោះគណបក្សសង្គ្រោះជាតិមានយន្តការនយោបាយ យុទ្ធសាស្ត្រនយោបាយ និងគោលការណ៍ច្បាស់លាស់៕
ប្រភព សារព័ត៌មានមនសិការខ្មែរ The Khmer Conscience, ថ្ងៃទី០៤ ខែវិច្ឆិកា ឆ្នាំ២០១៦
 |
| សម រង្ស៊ី Sam Rainsy |
ប្រធានគណបក្សសង្គ្រោះជាតិ លោក សម រង្ស៊ី បានពន្យល់ថា គណបក្សសង្គ្រោះជាតិជាគណបក្សជំទាស់ធំជាងគេនៅកម្ពុជា ហើយប្រកាន់ខ្ជាប់នូវគោលការណ៍លទ្ធិប្រជាធិបតេយ្យ និងដោះស្រាយបញ្ហាផ្អែកលើច្បាប់ និងដោយសន្តិវិធី ដូចនេះចាំបាច់គណបក្សសង្គ្រោះជាតិត្រូវទទួលយកការរិះគន់ក្នុងន័យស្ថាបនា តែទន្ទឹមនឹងនេះការរួបរួមសាមគ្គីគ្នារបស់គណបក្សសង្គ្រោះជាតិនៅតែមានសារៈសំខាន់ជាងអ្វីទាំងអស់។
លោក សម រង្ស៊ី បានសង្កត់ធ្ងន់ថា គណបក្សសង្គ្រោះជាតិជាគណបក្សប្រជាធិបតេយ្យ ដែលគោរពសិទ្ធិសេរីភាពបញ្ចេញមតិ និងទទួលយកការខ្វែងយោបល់។ តែទីបំផុតគណបក្សសង្គ្រោះជាតិទាំងមូលធ្វើការសម្រេចចិត្តចុងក្រោយលើបញ្ហាណាមួយ ការរួមរួមសាមគ្គីគ្នាតែងតែកើតមានកាន់តែខ្លាំងឡើងក្នុងគណបក្សដែលតំណាងរណសិរ្យរួបរួម។
ប្រធានគណបក្សសង្គ្រោះជាតិ លោក សម រង្ស៊ី បានបញ្ជាក់ថា ការរួបរួមសាមគ្គីគឺមានសារៈសំខាន់នៅក្នុងការយកឈ្នះការបោះឆ្នោតលើកក្រោយៗ ហើយវាជារឿងឆោតល្ងង់បើបណ្តោយឲ្យធ្លាក់ចូលក្នុងអន្ទាក់របស់ហ៊ុន សែន ដែលកំពុងព្យាយាមបំបែកគណបក្សសង្គ្រោះជាតិ ជាពិសេសថ្នាក់ដឹកនាំកំពូលរបស់គណបក្សគឺ លោក សម រង្ស៊ី និងលោក កឹម សុខា។
លោក កឹម សុខា អនុប្រធានគណបក្សសង្គ្រោះជាតិ កន្លងមកបានបញ្ជាក់ថា គូប្រជែងរបស់គណបក្សសង្គ្រោះជាតិកំពុងប្រើប្រាស់យុទ្ធសាស្ត្រដើម្បីកម្ចាត់ថ្នាក់ដឹកនាំទាំងពីររបស់គណបក្សសង្គ្រោះជាតិ រួចបំបែកអ្នកគាំទ្រតាមក្រោយ ដោយលោកហៅយុទ្ធសាស្ត្រនេះថា កាត់ក្បាលទាំងពីរ ហើយបំបែកខ្លួន។ លោក កឹម សុខា បានសង្កត់ធ្ងន់ថា ពួកគេមិនអាចបំផ្លាញគណបក្សសង្គ្រោះជាតិបានទេ ព្រោះគណបក្សសង្គ្រោះជាតិមានយន្តការនយោបាយ យុទ្ធសាស្ត្រនយោបាយ និងគោលការណ៍ច្បាស់លាស់៕