លោក សម រង្ស៊ី សង្ឃឹមថា នៅឆ្នាំ២០១៨ នឹងមានការផ្ទេរអំណាចដោយរលូន
ថ្ងៃទី១៩ ខែឧសភា ឆ្នាំ២០១៦
Image may be NSFW.
Clik here to view.
ប្រធានគណបក្សសង្គ្រោះជាតិ លោក សម រង្ស៊ី បានបញ្ជាក់ថាថ្មីៗនេះមានអ្នកវិភាគនយោបាយជនជាតិបរទេសដ៏ល្បីល្បាញមួយរូបឈ្មោះ ដេវីត ឆែនល័រ បានទស្សន៍ទាយថា លោក ហ៊ុន សែន នឹងមិនអនុញ្ញាតឲ្យមានការបោះឆ្នោតត្រឹមត្រូវ នៅឆ្នាំ ២០១៧ និង ២០១៨ ខាងមុខនេះទេ ហើយទោះជាយ៉ាងណាក៏ដោយ លោក ហ៊ុន សែន ច្បាស់ជាមិនសុខចិត្តចុះចេញពីតំណែងឡើយ។ តែលោក សម រង្ស៊ី មានក្តីសង្ឃឹមថានៅឆ្នាំ២០១៨នឹងមានការផ្ទេរអំណាចដោយរលូន ហើយប្រជាពលរដ្ឋខ្មែរក៏មិនអនុញ្ញាតឲ្យមានការក្រាញអំណាចនៅកម្ពុជាដែរ។
លោក សម រង្ស៊ី ប្រធានគណបក្សសង្គ្រោះជាតិ បានពន្យល់ថាយើងមិនអាចទស្សន៍ទាយពីអនាគត ដោយគ្រាន់តែផ្អែកលើអតីតកាលប៉ុណ្ណោះឡើយ។ ថ្មីៗនេះ បរិបទនយោបាយនៅប្រទេសកម្ពុជា មានការប្រែប្រួលយ៉ាងខ្លាំង ហើយលោក ហ៊ុន សែន ដែលក្រាញអំណាចបានយូរក្នុងអតីតកាល កំពុងតែប្រឈមមុខនូវបរិបទនយោបាយថ្មីមួយ ខុសប្លែកពីមុនឆ្ងាយណាស់ ដែលនឹងនាំមកនូវការផ្លាស់ប្តូរអ្នកដឹកនាំប្រទេសជាពុំខាន។
លោក សម រង្ស៊ី បានបន្តថាកិច្ចការនយោបាយមិនមែនជារឿងគ្រូទាយទេ។ គ្រូទាយ គឺទាយពីស្ថានការណ៍មួយក្នុងអនាគត ដូចជាព្រហ្មលិខិត ដែលគ្មាននរណាអាចកែប្រែបាន។ ទោះជាខិតខំកែប្រែយ៉ាងណាក៏ដោយ ក៏មិនអាចគេចផុតពីស្ថានការណ៍បែបនោះឡើយ។ តែតាមការពិត កិច្ចការនយោបាយ ជាដំណើរការមួយ ដែលអាចប្រែប្រួលគ្រប់ពេលវេលា អាស្រ័យលើទង្វើទៅវិញទៅមក នៃអ្នកចូលរួមក្នុងដំណើរការនោះ។ ការមើលឃើញបែបនេះ មានន័យថា អនាគតរបស់យើងម្នាក់ៗ គឺអាស្រ័យតែលើខ្លួនយើងតែប៉ុណ្ណោះ។ ដោយប្រើប្រាជ្ញារបស់យើង ហើយដោយប្រមែប្រមូលមធ្យោបាយសមស្រប យើងអាចកែច្នៃកត្តាទាំងឡាយ ដែលនាំមកនូវព្រឹត្តិការណ៍ ដែលកើតឡើងជាបន្តបន្ទាប់។ លោក សម រង្ស៊ី បានសង្កត់ធ្ងន់ថា ក្នុងចំណោមកត្តាទាំងនោះ មាន ចំណេះដឹង ការគិតពិចារណា ការប្រុងប្រយ័ត្ន និងការត្រៀមខ្លួន។
លោក សម រង្ស៊ី បានបន្តថា ការមើលឃើញបែបនេះ ក៏អនុវត្តចំពោះដំណើរការបោះឆ្នោត នៅប្រទេសកម្ពុជាសព្វថ្ងៃដែរ។ សេណារីយ៉ូ (scenario) ដ៏អាក្រក់បំផុត នៅឆ្នាំ ២០១៧ និង ២០១៨ គឺពេលណាសហគមន៍អន្តរជាតិ នៅតែយល់ច្រឡំអំពីលទ្ធិប្រជាធិបតេយ្យក្លែងក្លាយនៅប្រទេសកម្ពុជា ហើយនៅតែផ្តល់ភាពស្របច្បាប់ឲ្យទៅរបបលោក ហ៊ុន សែន ដោយចាញ់ការឃោសនារបស់គណបក្សកាន់អំណាចសព្វថ្ងៃ។ ទន្ទឹមនេះ ក្នុងសេណារីយ៉ូ ដ៏អាក្រក់បំផុតនេះ ប្រជាពលរដ្ឋម្នាក់ៗនឹងភ្ញាក់ផ្អើលហើយខកចិត្ត ដោយសារតែគណៈកម្មាធិការជាតិរៀបចំការបោះឆ្នោតថ្មី នៅតែស្ថិតក្រោមឥទ្ធិពលគណបក្សប្រជាជនកម្ពុជា ហើយនៅតែបំភ្លៃឆន្ទៈប្រជារាស្ត្រខ្មែរ ដែលចង់ឲ្យមានការផ្លាស់ប្តូរ។ ការវិវត្តន៍បែបនេះ ធ្វើឲ្យការទស្សន៍ទាយរបស់លោក ដេវីត ឆែនល័រ ក្លាយទៅជាការពិត មានន័យថាការបោះឆ្នោតត្រឹមត្រូវ មិនអាចធ្វើទៅរួចទេ នៅប្រទេសកម្ពុជា ហើយការផ្ទេរអំណាចតាមបែបបទប្រជាធិបតេយ្យ ក៏មិនអាចធ្វើទៅរួចដែរ ដរាបណាលោក ហ៊ុន សែន នៅមានជីវិត។
លោក សម រង្ស៊ី បានបញ្ជាក់ថា ហានិភ័យទាំងឡាយ ដូចមានរៀបរាប់ខាងលើនេះ ដែលអាចនាំមកនូវសេណារីយ៉ូដ៏អាក្រក់បំផុតនេះ ត្រូវបានលាតត្រដាងហើយ។ ទន្ទឹមនឹងការវិភាគអំពីហានិភ័យទាំងនេះ ក៏មានការរៀបចំផែនការ និងគម្រោង ដើម្បីទប់ស្កាត់ ឬបញ្ចៀសហានិភ័យទាំងនោះ។ ផែនការ និងគម្រោងទាំងនោះ នឹងជួយឲ្យយើងគេចផុតពីសេណារីយ៉ូ ដ៏អាក្រក់បំផុតនេះ គឺធ្វើយ៉ាងដូចម្តេច មិនឲ្យការទស្សន៍ទាយរបស់លោក ដេវីត ឆែនល័រ ក្លាយទៅជាការពិតឡើយ៕
ថ្ងៃទី១៩ ខែឧសភា ឆ្នាំ២០១៦
Image may be NSFW.
Clik here to view.
ប្រធានគណបក្សសង្គ្រោះជាតិ លោក សម រង្ស៊ី បានបញ្ជាក់ថាថ្មីៗនេះមានអ្នកវិភាគនយោបាយជនជាតិបរទេសដ៏ល្បីល្បាញមួយរូបឈ្មោះ ដេវីត ឆែនល័រ បានទស្សន៍ទាយថា លោក ហ៊ុន សែន នឹងមិនអនុញ្ញាតឲ្យមានការបោះឆ្នោតត្រឹមត្រូវ នៅឆ្នាំ ២០១៧ និង ២០១៨ ខាងមុខនេះទេ ហើយទោះជាយ៉ាងណាក៏ដោយ លោក ហ៊ុន សែន ច្បាស់ជាមិនសុខចិត្តចុះចេញពីតំណែងឡើយ។ តែលោក សម រង្ស៊ី មានក្តីសង្ឃឹមថានៅឆ្នាំ២០១៨នឹងមានការផ្ទេរអំណាចដោយរលូន ហើយប្រជាពលរដ្ឋខ្មែរក៏មិនអនុញ្ញាតឲ្យមានការក្រាញអំណាចនៅកម្ពុជាដែរ។
លោក សម រង្ស៊ី ប្រធានគណបក្សសង្គ្រោះជាតិ បានពន្យល់ថាយើងមិនអាចទស្សន៍ទាយពីអនាគត ដោយគ្រាន់តែផ្អែកលើអតីតកាលប៉ុណ្ណោះឡើយ។ ថ្មីៗនេះ បរិបទនយោបាយនៅប្រទេសកម្ពុជា មានការប្រែប្រួលយ៉ាងខ្លាំង ហើយលោក ហ៊ុន សែន ដែលក្រាញអំណាចបានយូរក្នុងអតីតកាល កំពុងតែប្រឈមមុខនូវបរិបទនយោបាយថ្មីមួយ ខុសប្លែកពីមុនឆ្ងាយណាស់ ដែលនឹងនាំមកនូវការផ្លាស់ប្តូរអ្នកដឹកនាំប្រទេសជាពុំខាន។
លោក សម រង្ស៊ី បានបន្តថាកិច្ចការនយោបាយមិនមែនជារឿងគ្រូទាយទេ។ គ្រូទាយ គឺទាយពីស្ថានការណ៍មួយក្នុងអនាគត ដូចជាព្រហ្មលិខិត ដែលគ្មាននរណាអាចកែប្រែបាន។ ទោះជាខិតខំកែប្រែយ៉ាងណាក៏ដោយ ក៏មិនអាចគេចផុតពីស្ថានការណ៍បែបនោះឡើយ។ តែតាមការពិត កិច្ចការនយោបាយ ជាដំណើរការមួយ ដែលអាចប្រែប្រួលគ្រប់ពេលវេលា អាស្រ័យលើទង្វើទៅវិញទៅមក នៃអ្នកចូលរួមក្នុងដំណើរការនោះ។ ការមើលឃើញបែបនេះ មានន័យថា អនាគតរបស់យើងម្នាក់ៗ គឺអាស្រ័យតែលើខ្លួនយើងតែប៉ុណ្ណោះ។ ដោយប្រើប្រាជ្ញារបស់យើង ហើយដោយប្រមែប្រមូលមធ្យោបាយសមស្រប យើងអាចកែច្នៃកត្តាទាំងឡាយ ដែលនាំមកនូវព្រឹត្តិការណ៍ ដែលកើតឡើងជាបន្តបន្ទាប់។ លោក សម រង្ស៊ី បានសង្កត់ធ្ងន់ថា ក្នុងចំណោមកត្តាទាំងនោះ មាន ចំណេះដឹង ការគិតពិចារណា ការប្រុងប្រយ័ត្ន និងការត្រៀមខ្លួន។
លោក សម រង្ស៊ី បានបន្តថា ការមើលឃើញបែបនេះ ក៏អនុវត្តចំពោះដំណើរការបោះឆ្នោត នៅប្រទេសកម្ពុជាសព្វថ្ងៃដែរ។ សេណារីយ៉ូ (scenario) ដ៏អាក្រក់បំផុត នៅឆ្នាំ ២០១៧ និង ២០១៨ គឺពេលណាសហគមន៍អន្តរជាតិ នៅតែយល់ច្រឡំអំពីលទ្ធិប្រជាធិបតេយ្យក្លែងក្លាយនៅប្រទេសកម្ពុជា ហើយនៅតែផ្តល់ភាពស្របច្បាប់ឲ្យទៅរបបលោក ហ៊ុន សែន ដោយចាញ់ការឃោសនារបស់គណបក្សកាន់អំណាចសព្វថ្ងៃ។ ទន្ទឹមនេះ ក្នុងសេណារីយ៉ូ ដ៏អាក្រក់បំផុតនេះ ប្រជាពលរដ្ឋម្នាក់ៗនឹងភ្ញាក់ផ្អើលហើយខកចិត្ត ដោយសារតែគណៈកម្មាធិការជាតិរៀបចំការបោះឆ្នោតថ្មី នៅតែស្ថិតក្រោមឥទ្ធិពលគណបក្សប្រជាជនកម្ពុជា ហើយនៅតែបំភ្លៃឆន្ទៈប្រជារាស្ត្រខ្មែរ ដែលចង់ឲ្យមានការផ្លាស់ប្តូរ។ ការវិវត្តន៍បែបនេះ ធ្វើឲ្យការទស្សន៍ទាយរបស់លោក ដេវីត ឆែនល័រ ក្លាយទៅជាការពិត មានន័យថាការបោះឆ្នោតត្រឹមត្រូវ មិនអាចធ្វើទៅរួចទេ នៅប្រទេសកម្ពុជា ហើយការផ្ទេរអំណាចតាមបែបបទប្រជាធិបតេយ្យ ក៏មិនអាចធ្វើទៅរួចដែរ ដរាបណាលោក ហ៊ុន សែន នៅមានជីវិត។
លោក សម រង្ស៊ី បានបញ្ជាក់ថា ហានិភ័យទាំងឡាយ ដូចមានរៀបរាប់ខាងលើនេះ ដែលអាចនាំមកនូវសេណារីយ៉ូដ៏អាក្រក់បំផុតនេះ ត្រូវបានលាតត្រដាងហើយ។ ទន្ទឹមនឹងការវិភាគអំពីហានិភ័យទាំងនេះ ក៏មានការរៀបចំផែនការ និងគម្រោង ដើម្បីទប់ស្កាត់ ឬបញ្ចៀសហានិភ័យទាំងនោះ។ ផែនការ និងគម្រោងទាំងនោះ នឹងជួយឲ្យយើងគេចផុតពីសេណារីយ៉ូ ដ៏អាក្រក់បំផុតនេះ គឺធ្វើយ៉ាងដូចម្តេច មិនឲ្យការទស្សន៍ទាយរបស់លោក ដេវីត ឆែនល័រ ក្លាយទៅជាការពិតឡើយ៕
