Image may be NSFW.
Clik here to view.
ដោយ ថា កិត្យា RFA 2016-05-24
តំណាងមូលនិធិ ខូហ្វីអាណាន់ (Kofi Annan Foundation) បានជួបពិភាក្សាដោះដូរយោបល់លើដំណើរការរៀបចំការបោះឆ្នោតជាមួយអគ្គលេខាធិការ នៃគណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី២៤ ខែឧសភា ដើម្បីឲ្យការបោះឆ្នោតនៅឆ្នាំ២០១៧ និងឆ្នាំ២០១៨ ប្រកបដោយភាពត្រឹមត្រូវ និងការជឿទុកចិត្តពីប្រជាពលរដ្ឋ។
ក្រោយជំនួបបិទទ្វារជាងមួយម៉ោងនៅទីស្នាក់ការ គ.ជ.ប នោះ នាយកប្រតិបត្តិកិច្ចការបោះឆ្នោតនៃអង្គការមូលនិធិ ខូហ្វីអាណាន់ លោក អាឡាន់ ដូហ្វ (Alan Doss) ថ្លែងថា លោកពុំបានជជែកអំពីករណីអគ្គលេខាធិការរង គ.ជ.ប លោក នី ចរិយា ដែលកំពុងជាប់ឃុំឡើយ ពោលគឺផ្ដោតតែលើដំណើរការរៀបចំការបោះឆ្នោតនៅឆ្នាំ២០១៧ និងឆ្នាំ២០១៨ ខាងមុខ។
លោក អាឡាន់ ដូហ្វ បន្ថែមថា លោកបាននិយាយគ្នាច្រើនជាមួយអគ្គលេខាធិការ គ.ជ.ប លោក ទេព នីថា អំពីអ្វីដែលគួរធ្វើ ដើម្បីកសាងទំនុកចិត្តនៅក្នុងដំណើរការបោះឆ្នោត ព្រមទាំងចែករំលែកបទពិសោធន៍នៃការរៀបចំការបោះឆ្នោតនៅជុំវិញពិភពលោកផងដែរ។
រីឯអគ្គលេខាធិការ គ.ជ.ប លោក ទេព នីថា មានប្រសាសន៍ថា ជំនួបជាមួយតំណាងមូលនិធិ ខូហ្វីអាណាន់ នេះ មានប្រយោជន៍ និងមានលទ្ធផលល្អ ដោយបានផ្តល់គំនិតឲ្យខិតខំធ្វើការងារត្រឹមត្រូវតាមច្បាប់ និងជំរុញឲ្យ គ.ជ.ប ថ្មី ត្រូវត្រៀមរៀបចំដំណើរការបោះឆ្នោតពីឥឡូវទៅ ព្រោះថាការរៀបចំការបោះឆ្នោតបានល្អ មិនមែនរៀបចំតែថ្ងៃបោះឆ្នោតនោះទេ៖ «»។
លោក ទេព នីថា បន្ថែមថា គ.ជ.ប ថ្មី អាចនឹងរៀបចំការចុះឈ្មោះបោះឆ្នោតនៅខែកញ្ញា ខាងមុខនេះ ដោយបច្ចុប្បន្នកំពុងរង់ចាំសម្ភារៈបច្ចេកទេសពីសហភាពអឺរ៉ុប ខណៈដែលមូលដ្ឋានច្បាប់ និងលក្ខណៈបច្ចេកទេសដែលត្រូវការ គឺរៀបចំរួចរាល់ជាស្រេច។
កន្លងមក នាយកប្រតិបត្តិនៃគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) លោក គល់ បញ្ញា លើកឡើងថា គ.ជ.ប គួរតែជំរុញឲ្យដំណើរការចុះឈ្មោះបោះឆ្នោតឲ្យបានលឿន ដើម្បីកុំឲ្យរំកិលទៅដល់ខែភ្លៀង នាំឲ្យលំបាកដល់ប្រជាពលរដ្ឋ។ លោកអំពាវនាវឲ្យរដ្ឋាភិបាល ត្រូវទទួលខុសត្រូវក្នុងការស្ដារបរិយាកាសនយោបាយឲ្យល្អឡើងវិញ ដើម្បីធានាឲ្យការត្រៀមប្រកួតប្រជែងនយោបាយនៅពេលខាងមុខនេះ ប្រកបដោយសេរី និងយុត្តិធម៌។
ក្នុងរយៈពេល ៤អាណត្តិកន្លងទៅនេះ ស្ថាប័នរៀបចំការបោះឆ្នោត រងការចោទប្រកាន់ថា មិនមានភាពឯករាជ្យ លម្អៀង និងមិនអាចជឿទុកចិត្តបានពីអ្នកបោះឆ្នោត ជាដើម។ ពលរដ្ឋរអ៊ូរទាំថា ការចុះឈ្មោះបោះឆ្នោតមានភាពមិនប្រក្រតី ដូចជាពលរដ្ឋមិនអាចចុះឈ្មោះបោះឆ្នោតបានដោយសារការរើសអើងនយោបាយ ការបាត់ឈ្មោះបោះឆ្នោត ការមានឈ្មោះខ្មោច និងការគំរាមកំហែងផ្នែកនយោបាយ ជាដើម។
បើទោះបីជា គ.ជ.ប ថ្មី តែងថ្លែងប្ដេជ្ញាធ្វើឲ្យការបោះឆ្នោតក្នុងពេលខាងមុខប្រកបដោយភាពត្រឹមត្រូវ និងយុត្តិធម៌ក្តី ប៉ុន្តែស្ថានភាពនយោបាយបច្ចុប្បន្ន ដែលបក្សប្រឆាំងហាក់ត្រូវបានបក្សកាន់អំណាចកំពុងគាបសង្កត់គ្រប់ច្រកល្ហកបែបនេះ គេពិបាកនឹងជឿថា ការបោះឆ្នោតអាចប្រកបដោយភាពសេរី ត្រឹមត្រូវ និងយុត្តិធម៌ តាមការប្ដេជ្ញារបស់ គ.ជ.ប ថ្មី នេះណាស់៕
Clik here to view.
ដោយ ថា កិត្យា RFA 2016-05-24
តំណាងមូលនិធិ ខូហ្វីអាណាន់ (Kofi Annan Foundation) បានជួបពិភាក្សាដោះដូរយោបល់លើដំណើរការរៀបចំការបោះឆ្នោតជាមួយអគ្គលេខាធិការ នៃគណៈកម្មាធិការជាតិរៀបចំការបោះឆ្នោត (គ.ជ.ប) នៅព្រឹកថ្ងៃទី២៤ ខែឧសភា ដើម្បីឲ្យការបោះឆ្នោតនៅឆ្នាំ២០១៧ និងឆ្នាំ២០១៨ ប្រកបដោយភាពត្រឹមត្រូវ និងការជឿទុកចិត្តពីប្រជាពលរដ្ឋ។
ក្រោយជំនួបបិទទ្វារជាងមួយម៉ោងនៅទីស្នាក់ការ គ.ជ.ប នោះ នាយកប្រតិបត្តិកិច្ចការបោះឆ្នោតនៃអង្គការមូលនិធិ ខូហ្វីអាណាន់ លោក អាឡាន់ ដូហ្វ (Alan Doss) ថ្លែងថា លោកពុំបានជជែកអំពីករណីអគ្គលេខាធិការរង គ.ជ.ប លោក នី ចរិយា ដែលកំពុងជាប់ឃុំឡើយ ពោលគឺផ្ដោតតែលើដំណើរការរៀបចំការបោះឆ្នោតនៅឆ្នាំ២០១៧ និងឆ្នាំ២០១៨ ខាងមុខ។
លោក អាឡាន់ ដូហ្វ បន្ថែមថា លោកបាននិយាយគ្នាច្រើនជាមួយអគ្គលេខាធិការ គ.ជ.ប លោក ទេព នីថា អំពីអ្វីដែលគួរធ្វើ ដើម្បីកសាងទំនុកចិត្តនៅក្នុងដំណើរការបោះឆ្នោត ព្រមទាំងចែករំលែកបទពិសោធន៍នៃការរៀបចំការបោះឆ្នោតនៅជុំវិញពិភពលោកផងដែរ។
រីឯអគ្គលេខាធិការ គ.ជ.ប លោក ទេព នីថា មានប្រសាសន៍ថា ជំនួបជាមួយតំណាងមូលនិធិ ខូហ្វីអាណាន់ នេះ មានប្រយោជន៍ និងមានលទ្ធផលល្អ ដោយបានផ្តល់គំនិតឲ្យខិតខំធ្វើការងារត្រឹមត្រូវតាមច្បាប់ និងជំរុញឲ្យ គ.ជ.ប ថ្មី ត្រូវត្រៀមរៀបចំដំណើរការបោះឆ្នោតពីឥឡូវទៅ ព្រោះថាការរៀបចំការបោះឆ្នោតបានល្អ មិនមែនរៀបចំតែថ្ងៃបោះឆ្នោតនោះទេ៖ «»។
លោក ទេព នីថា បន្ថែមថា គ.ជ.ប ថ្មី អាចនឹងរៀបចំការចុះឈ្មោះបោះឆ្នោតនៅខែកញ្ញា ខាងមុខនេះ ដោយបច្ចុប្បន្នកំពុងរង់ចាំសម្ភារៈបច្ចេកទេសពីសហភាពអឺរ៉ុប ខណៈដែលមូលដ្ឋានច្បាប់ និងលក្ខណៈបច្ចេកទេសដែលត្រូវការ គឺរៀបចំរួចរាល់ជាស្រេច។
កន្លងមក នាយកប្រតិបត្តិនៃគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) លោក គល់ បញ្ញា លើកឡើងថា គ.ជ.ប គួរតែជំរុញឲ្យដំណើរការចុះឈ្មោះបោះឆ្នោតឲ្យបានលឿន ដើម្បីកុំឲ្យរំកិលទៅដល់ខែភ្លៀង នាំឲ្យលំបាកដល់ប្រជាពលរដ្ឋ។ លោកអំពាវនាវឲ្យរដ្ឋាភិបាល ត្រូវទទួលខុសត្រូវក្នុងការស្ដារបរិយាកាសនយោបាយឲ្យល្អឡើងវិញ ដើម្បីធានាឲ្យការត្រៀមប្រកួតប្រជែងនយោបាយនៅពេលខាងមុខនេះ ប្រកបដោយសេរី និងយុត្តិធម៌។
ក្នុងរយៈពេល ៤អាណត្តិកន្លងទៅនេះ ស្ថាប័នរៀបចំការបោះឆ្នោត រងការចោទប្រកាន់ថា មិនមានភាពឯករាជ្យ លម្អៀង និងមិនអាចជឿទុកចិត្តបានពីអ្នកបោះឆ្នោត ជាដើម។ ពលរដ្ឋរអ៊ូរទាំថា ការចុះឈ្មោះបោះឆ្នោតមានភាពមិនប្រក្រតី ដូចជាពលរដ្ឋមិនអាចចុះឈ្មោះបោះឆ្នោតបានដោយសារការរើសអើងនយោបាយ ការបាត់ឈ្មោះបោះឆ្នោត ការមានឈ្មោះខ្មោច និងការគំរាមកំហែងផ្នែកនយោបាយ ជាដើម។
បើទោះបីជា គ.ជ.ប ថ្មី តែងថ្លែងប្ដេជ្ញាធ្វើឲ្យការបោះឆ្នោតក្នុងពេលខាងមុខប្រកបដោយភាពត្រឹមត្រូវ និងយុត្តិធម៌ក្តី ប៉ុន្តែស្ថានភាពនយោបាយបច្ចុប្បន្ន ដែលបក្សប្រឆាំងហាក់ត្រូវបានបក្សកាន់អំណាចកំពុងគាបសង្កត់គ្រប់ច្រកល្ហកបែបនេះ គេពិបាកនឹងជឿថា ការបោះឆ្នោតអាចប្រកបដោយភាពសេរី ត្រឹមត្រូវ និងយុត្តិធម៌ តាមការប្ដេជ្ញារបស់ គ.ជ.ប ថ្មី នេះណាស់៕
