Image may be NSFW.
Clik here to view.
ដោយ ឡេង ម៉ាលី RFA 2016-05-29
គណបក្សសង្គ្រោះជាតិ ចេញសេចក្ដីប្រកាសព័ត៌មានថា នៅថ្ងៃទី៣០ ឧសភា ប្រជាពលរដ្ឋអ្នកគាំទ្រគណបក្សសង្គ្រោះជាតិ ទាំង ២៥រាជធានី-ខេត្ត នឹងដង្ហែញត្តិប្រគល់ជូនតំណាងរាស្ត្រនៅវិមានរដ្ឋសភា និងនៅទីស្នាក់ការគណបក្សសង្គ្រោះជាតិ ក្នុងគោលបំណងឲ្យអ្នកតំណាងរាស្ត្រយកញត្តិនេះថ្វាយជូនព្រះមហាក្សត្រ។
សេចក្ដីប្រកាសព័ត៌មាននៅព្រឹកថ្ងៃទី២៩ ឧសភា នេះ បញ្ជាក់ថា ញត្តិរបស់ប្រជាពលរដ្ឋទាមទារចំនួន ៤ចំណុច គឺទី១ ឲ្យមានការដោះលែងអ្នកនយោបាយ និងមន្ត្រីសង្គមស៊ីវិល។ ទី២ ឲ្យបញ្ឈប់ការប្រើប្រាស់ស្ថាប័នរដ្ឋ ដើម្បីគំរាមកំហែង និងដាក់សម្ពាធលើអង្គការសង្គមស៊ីវិល និងគណបក្សប្រឆាំង។ ទី៣ ឲ្យឈប់ប្រើប្រាស់ស្ថាប័នរដ្ឋដោយមានស្តង់ដារពីរ និងទី៤ ឲ្យបញ្ឈប់ការប្រើប្រាស់អំណាចតុលាការរំលោភបំពានលើអំណាចនីតិប្បញ្ញត្តិ ជាពិសេសរំលោភលើអភ័យឯកសិទ្ធិសភា។
មន្ត្រីជាន់ខ្ពស់គណបក្សសង្គ្រោះជាតិ លោក អេង ឆៃអ៊ាង ប្រកាសថា នៅថ្ងៃច័ន្ទ ទី៣០ ឧសភា តំណាងរាស្ត្រគណបក្សសង្គ្រោះជាតិ នឹងមិនទៅចូលរួមប្រជុំសភាឡើយ ដែលលោកហៅថា ជាការទៅឲ្យគេវាយក្បាលខ្លួនឯង។
សូមស្ដាប់លោក ឡេង ម៉ាលី រាយការណ៍ព័ត៌មានពិស្ដារ៖
