Image may be NSFW.
Clik here to view.
ដោយ ជិន ជេដ្ឋា RFA 2016-06-03
ក្រុមហ៊ុន អិល.ខេ.អិល (L.K.L) បានបោះទុនប្រមាណ ៣លានដុល្លារ ដើម្បីវិនិយោគផ្សារកំពង់ឆ្នាំងថ្មី ដែលនឹងសាងសង់នៅក្បែរមាត់ទន្លេឋិតនៅសង្កាត់ខ្សាម ក្រុងកំពង់ឆ្នាំង។ អាជ្ញាធរសង្ឃឹមថា គម្រោងវិនិយោគនេះជាផ្នែកមួយជួយកែប្រែមុខមាត់ថ្មីរបស់ខេត្តកំពង់ឆ្នាំង និងអភិវឌ្ឍន៍សេដ្ឋកិច្ចគ្រួសាររបស់ពលរដ្ឋរស់នៅតាមដងទន្លេតាមរយៈការលក់ដូរទំនិញនៅផ្សារ។
ថ្លែងទៅកាន់ពលរដ្ឋខ្មែរ និងជនជាតិចាម ប្រមាណ ៨០០នាក់ នៅក្នុងពិធីបញ្ចុះបឋមសិលាសាងសង់ផ្សារកំពង់ឆ្នាំង នៅថ្ងៃទី៣ ខែមិថុនា អភិបាលខេត្តកំពង់ឆ្នាំង លោក ឈួរ ច័ន្ទឌឿន អំពាវនាវឲ្យពលរដ្ឋ និងអាជីវករចូលរួមជាមួយអាជ្ញាធរក្នុងការដោះស្រាយបញ្ហាប្រឈមដែលកើតមានដូចជា បញ្ហាបំពុលទឹក សណ្ដាប់ធ្នាប់ និងបញ្ហាជីវភាពរបស់ពលរដ្ឋដែលឋិតនៅក្នុងតំបន់កំពុងអភិវឌ្ឍន៍នេះ។
លោក ឈួរ ច័ន្ទឌឿន បញ្ជាក់ថា នៅពេលដែលផ្សារធ្វើហើយ ផែត្រី និងអ្នករស់នៅលើផ្ទៃទឹកផង នឹងត្រូវបង្វែរមករកទីតាំងថ្មីនេះ ដើម្បីបញ្ចៀសការបំពុលទឹក និងរៀបចំអភិវឌ្ឍច្រាំងទន្លេ៖ «ឥឡូវនេះយើងមើលទៅវាលំបាកបន្តិចហើយ គ្រាន់ថា បើយើងប្រឹងប្រែងគួបផ្សំទៅខាងមុខអាចនឹងក្លាយជាទីឋានមួយល្អប្រសើរផងដែរ»។
បុគ្គលិកក្រុមហ៊ុន អិល.ខេ.អិល ដែលថ្លែងក្នុងលក្ខខណ្ឌសុំមិនបញ្ចេញឈ្មោះ និងសំឡេងឲ្យដឹងថា ក្រុមហ៊ុននឹងប្រើពេល ៣ឆ្នាំ គឺចាប់ពីឆ្នាំ២០១៧ ដើម្បីសង់ផ្សារចំនួនបីខ្នង ស្មើនឹង ១.០៦៤តូប។ ផ្សារនេះនឹងធ្វើស្ដង់ ឬតូបដាក់ឆត្រចំនួន ១៤៤កន្លែង តូបឃ្លុបទំហំ ៣ម៉ែត្រ គុណ ៣ម៉ែត្រចំនួន ២០០តូប និងតូបឃ្លុបខាងក្នុងផ្សារទំហំ ២ម៉ែត្រគុណនឹងពីរម៉ែត្រកន្លះចំនួន ៧២០តូប។
ទាក់ទងនឹងការសាងសង់ផ្សារថ្មីនេះ អាជីវករលក់ដូរសេរីនៅក្រោមដើមស្រល់តាមបណ្ដោយមាត់ទន្លេផ្សារក្រោមចំនួន ២០៣តូប មានខ្លះចង់ទៅលក់ដូរកន្លែងថ្មី និងខ្លះទៀតបារម្ភពីតម្លៃតូបនោះថ្លៃ ឬមានលក្ខខណ្ឌតឹងរ៉ឹងចំពោះពួកគាត់ ខណៈដែលជីវភាពរបស់ពួកគាត់មិនសូវប្រសើរដោយសារការលក់ដូរមិនសូវដាច់។
អាជីវករម្នាក់ដែលថ្លែងក្នុងលក្ខខណ្ឌសុំមិនបញ្ចេញឈ្មោះ និងសំឡេងឲ្យដឹងថា ក្រុមអាជីវករកំពុងភ័យផងអរផង ព្រោះរហូតមកដល់ពេលនេះពួកគាត់មិនទាន់ទទួលបានព័ត៌មានច្បាស់ទាក់ទងនឹងការអភិវឌ្ឍ ឬផ្លាស់ប្ដូរកន្លែងលក់ដូរថ្មីនេះនៅឡើយទេ។
ចំពោះបញ្ហានេះ អភិបាលរងខេត្តកំពង់ឆ្នាំង ទទួលបន្ទុកអភិវឌ្ឍច្រាំងទន្លេផ្សារក្រោម គឺលោក ស៊ុន សុវណ្ណារិទ្ធិ បញ្ជាក់ថា អាជីវករទាំង ២០៣តូប គឺជាអាជីវករមានអាទិភាពបំផុតក្នុងការប្ដូរតូបពីកន្លែងលក់ដូរមិនរៀបរយ ទៅកន្លែងលក់ដូរស្របច្បាប់ និងមានសណ្ដាប់ធ្នាប់ល្អ។
លោកថា យ៉ាងយូររយៈពេលពីរ ឬបីខែទៀត អាជីវករនឹងដឹងច្បាស់ពីនីតិវិធីបង់រំលោះ ឬទិញតូបលក់ដូរទាំងនោះ៖ «ទាំងក្រុមហ៊ុន ទាំងក្រុមការងារខិតខំសម្របសម្រួលឲ្យអស់លទ្ធភាពដូចបងប្អូននៅខាងផ្ទះទឹកអ្នកណាដែលក្រខ្សត់ខ្លាំងអ៊ីចឹង ក្រុមហ៊ុនជួយរកការងារឲ្យគាត់ធ្វើ។ យើងរៀបចំផ្សារឲ្យមានស្ដង់ដារមួយស្របទៅតាមក្រសួងទេសចរណ៍ដែលគេតម្រូវឲ្យនោះណា អ៊ីចឹងយើងមានតាំងកន្លែងស្ដុកសំរាម បង្គន់អនាម័យ សួនច្បារ គម្រោងតូប និងការបែងចែកមុខទំនិញអីហ្នឹង តាំងពីការពារអគ្គីភ័យ កាមេរ៉ាសុវត្ថិភាពអីមានទាំងអស់»។
ពលរដ្ឋ និងអាជ្ញាធរខ្លះអះអាងថា ផ្សារកំពង់ឆ្នាំង នេះអាចនឹងដើរ ឬមានសកម្មភាពផ្លាស់ប្ដូរទំនិញ បើទោះបីជាផ្សារនេះឋិតនៅឆ្ងាយពីទីប្រជុំជននៃក្រុងបន្តិច ព្រោះសម្បូរអ្នកភូមិបណ្ដែតទឹកដែលត្រូវឡើងមករស់នៅលើគោកក្បែរតំបន់នោះ។ ម្យ៉ាងកសិករដែលរស់នៅតាមស្រុកជាប់មាត់ទន្លេនឹងដឹកជញ្ជូនផលដំណាំ ឬត្រីសាច់របស់ពួកគេមកលក់ដូរ និងទិញសម្ភារៈប្រើប្រាស់ត្រឡប់ទៅផ្ទះវិញ៕
Clik here to view.
ដោយ ជិន ជេដ្ឋា RFA 2016-06-03
ក្រុមហ៊ុន អិល.ខេ.អិល (L.K.L) បានបោះទុនប្រមាណ ៣លានដុល្លារ ដើម្បីវិនិយោគផ្សារកំពង់ឆ្នាំងថ្មី ដែលនឹងសាងសង់នៅក្បែរមាត់ទន្លេឋិតនៅសង្កាត់ខ្សាម ក្រុងកំពង់ឆ្នាំង។ អាជ្ញាធរសង្ឃឹមថា គម្រោងវិនិយោគនេះជាផ្នែកមួយជួយកែប្រែមុខមាត់ថ្មីរបស់ខេត្តកំពង់ឆ្នាំង និងអភិវឌ្ឍន៍សេដ្ឋកិច្ចគ្រួសាររបស់ពលរដ្ឋរស់នៅតាមដងទន្លេតាមរយៈការលក់ដូរទំនិញនៅផ្សារ។
ថ្លែងទៅកាន់ពលរដ្ឋខ្មែរ និងជនជាតិចាម ប្រមាណ ៨០០នាក់ នៅក្នុងពិធីបញ្ចុះបឋមសិលាសាងសង់ផ្សារកំពង់ឆ្នាំង នៅថ្ងៃទី៣ ខែមិថុនា អភិបាលខេត្តកំពង់ឆ្នាំង លោក ឈួរ ច័ន្ទឌឿន អំពាវនាវឲ្យពលរដ្ឋ និងអាជីវករចូលរួមជាមួយអាជ្ញាធរក្នុងការដោះស្រាយបញ្ហាប្រឈមដែលកើតមានដូចជា បញ្ហាបំពុលទឹក សណ្ដាប់ធ្នាប់ និងបញ្ហាជីវភាពរបស់ពលរដ្ឋដែលឋិតនៅក្នុងតំបន់កំពុងអភិវឌ្ឍន៍នេះ។
លោក ឈួរ ច័ន្ទឌឿន បញ្ជាក់ថា នៅពេលដែលផ្សារធ្វើហើយ ផែត្រី និងអ្នករស់នៅលើផ្ទៃទឹកផង នឹងត្រូវបង្វែរមករកទីតាំងថ្មីនេះ ដើម្បីបញ្ចៀសការបំពុលទឹក និងរៀបចំអភិវឌ្ឍច្រាំងទន្លេ៖ «ឥឡូវនេះយើងមើលទៅវាលំបាកបន្តិចហើយ គ្រាន់ថា បើយើងប្រឹងប្រែងគួបផ្សំទៅខាងមុខអាចនឹងក្លាយជាទីឋានមួយល្អប្រសើរផងដែរ»។
បុគ្គលិកក្រុមហ៊ុន អិល.ខេ.អិល ដែលថ្លែងក្នុងលក្ខខណ្ឌសុំមិនបញ្ចេញឈ្មោះ និងសំឡេងឲ្យដឹងថា ក្រុមហ៊ុននឹងប្រើពេល ៣ឆ្នាំ គឺចាប់ពីឆ្នាំ២០១៧ ដើម្បីសង់ផ្សារចំនួនបីខ្នង ស្មើនឹង ១.០៦៤តូប។ ផ្សារនេះនឹងធ្វើស្ដង់ ឬតូបដាក់ឆត្រចំនួន ១៤៤កន្លែង តូបឃ្លុបទំហំ ៣ម៉ែត្រ គុណ ៣ម៉ែត្រចំនួន ២០០តូប និងតូបឃ្លុបខាងក្នុងផ្សារទំហំ ២ម៉ែត្រគុណនឹងពីរម៉ែត្រកន្លះចំនួន ៧២០តូប។
ទាក់ទងនឹងការសាងសង់ផ្សារថ្មីនេះ អាជីវករលក់ដូរសេរីនៅក្រោមដើមស្រល់តាមបណ្ដោយមាត់ទន្លេផ្សារក្រោមចំនួន ២០៣តូប មានខ្លះចង់ទៅលក់ដូរកន្លែងថ្មី និងខ្លះទៀតបារម្ភពីតម្លៃតូបនោះថ្លៃ ឬមានលក្ខខណ្ឌតឹងរ៉ឹងចំពោះពួកគាត់ ខណៈដែលជីវភាពរបស់ពួកគាត់មិនសូវប្រសើរដោយសារការលក់ដូរមិនសូវដាច់។
អាជីវករម្នាក់ដែលថ្លែងក្នុងលក្ខខណ្ឌសុំមិនបញ្ចេញឈ្មោះ និងសំឡេងឲ្យដឹងថា ក្រុមអាជីវករកំពុងភ័យផងអរផង ព្រោះរហូតមកដល់ពេលនេះពួកគាត់មិនទាន់ទទួលបានព័ត៌មានច្បាស់ទាក់ទងនឹងការអភិវឌ្ឍ ឬផ្លាស់ប្ដូរកន្លែងលក់ដូរថ្មីនេះនៅឡើយទេ។
ចំពោះបញ្ហានេះ អភិបាលរងខេត្តកំពង់ឆ្នាំង ទទួលបន្ទុកអភិវឌ្ឍច្រាំងទន្លេផ្សារក្រោម គឺលោក ស៊ុន សុវណ្ណារិទ្ធិ បញ្ជាក់ថា អាជីវករទាំង ២០៣តូប គឺជាអាជីវករមានអាទិភាពបំផុតក្នុងការប្ដូរតូបពីកន្លែងលក់ដូរមិនរៀបរយ ទៅកន្លែងលក់ដូរស្របច្បាប់ និងមានសណ្ដាប់ធ្នាប់ល្អ។
លោកថា យ៉ាងយូររយៈពេលពីរ ឬបីខែទៀត អាជីវករនឹងដឹងច្បាស់ពីនីតិវិធីបង់រំលោះ ឬទិញតូបលក់ដូរទាំងនោះ៖ «ទាំងក្រុមហ៊ុន ទាំងក្រុមការងារខិតខំសម្របសម្រួលឲ្យអស់លទ្ធភាពដូចបងប្អូននៅខាងផ្ទះទឹកអ្នកណាដែលក្រខ្សត់ខ្លាំងអ៊ីចឹង ក្រុមហ៊ុនជួយរកការងារឲ្យគាត់ធ្វើ។ យើងរៀបចំផ្សារឲ្យមានស្ដង់ដារមួយស្របទៅតាមក្រសួងទេសចរណ៍ដែលគេតម្រូវឲ្យនោះណា អ៊ីចឹងយើងមានតាំងកន្លែងស្ដុកសំរាម បង្គន់អនាម័យ សួនច្បារ គម្រោងតូប និងការបែងចែកមុខទំនិញអីហ្នឹង តាំងពីការពារអគ្គីភ័យ កាមេរ៉ាសុវត្ថិភាពអីមានទាំងអស់»។
ពលរដ្ឋ និងអាជ្ញាធរខ្លះអះអាងថា ផ្សារកំពង់ឆ្នាំង នេះអាចនឹងដើរ ឬមានសកម្មភាពផ្លាស់ប្ដូរទំនិញ បើទោះបីជាផ្សារនេះឋិតនៅឆ្ងាយពីទីប្រជុំជននៃក្រុងបន្តិច ព្រោះសម្បូរអ្នកភូមិបណ្ដែតទឹកដែលត្រូវឡើងមករស់នៅលើគោកក្បែរតំបន់នោះ។ ម្យ៉ាងកសិករដែលរស់នៅតាមស្រុកជាប់មាត់ទន្លេនឹងដឹកជញ្ជូនផលដំណាំ ឬត្រីសាច់របស់ពួកគេមកលក់ដូរ និងទិញសម្ភារៈប្រើប្រាស់ត្រឡប់ទៅផ្ទះវិញ៕
