Image may be NSFW.
Clik here to view.
ដោយ ដែន អយុធ្យា RFA 2016-06-06
ថ្នាក់ដឹកនាំនៅតាមស្ថាប័នពាក់ព័ន្ធនាខេត្តព្រះសីហនុ រួមគ្នាប្រារព្ធទិវាបរិស្ថានជាតិ និងបរិស្ថានពិភពលោក ដោយមានមន្ត្រីរាជការ សិស្សនិស្សិត ប្រជាពលរដ្ឋ និងប្រតិបត្តិករទេសចរចូលរួម និងដើររើសសំរាមនៅតាមមូលដ្ឋានទូទាំងខេត្តទេសចរណ៍មួយនេះជាង ១ពាន់នាក់។
ឆ្លៀតឱកាសនោះ ថ្នាក់ដឹកនាំខេត្តនេះបានអំពាវនាវដល់ប្រជាពលរដ្ឋ ឬប្រតិបត្តិករទេសចរទាំងអស់ ឲ្យចូលរួមសម្អាតអនាម័យបរិស្ថានឲ្យបានជាប្រចាំជាមួយអាជ្ញាធរ ហើយត្រូវលះបង់ទម្លាប់បោះចោលសំរាមគ្មានសណ្ដាប់ធ្នាប់ ដើម្បីរួមចំណែកទាក់ទាញកំណើនភ្ញៀវទេសចរចូលមកទស្សនាខេត្តនេះច្រើនថែមទៀត។
មន្ត្រីថ្នាក់ដឹកនាំនៅតាមមន្ទីរស្ថាប័នពាក់ព័ន្ធនាខេត្តព្រះសីហនុ ជួបប្រជុំគ្នាអបអរសាទរប្រារព្ធទិវាបរិស្ថានជាតិ និងបរិស្ថានពិភពលោក ក្រោមប្រធានបទ «ចូលរួមទាំងអស់គ្នាដើម្បីពិភពលោកស្រស់ស្អាត»។ ទិវាបរិស្ថាននេះ ពិភពលោកបានកំណត់យកថ្ងៃទី៥ ខែមិថុនា ជារៀងរាល់ឆ្នាំដើម្បីរៀបចំ។ ដោយឡែកទិវានេះ សម្រាប់រដ្ឋបាលខេត្តព្រះសីហនុ បានរៀបចំទិវានេះមុនមួយថ្ងៃ គឺរៀបចំនៅព្រឹកថ្ងៃសៅរ៍ ទី៤ ខែមិថុនា នាឆ្នេរអូរឈើទាល ដោយមានវត្តមានមន្ត្រីរាជការ កងកម្លាំងប្រដាប់អាវុធចម្រុះ គ្រូបង្រៀន សិស្សនិស្សិត ប្រជាពលរដ្ឋ និងប្រតិបត្តិករទេសចរជាតិ និងអន្តរជាតិ ចូលរួមជាង ១ពាន់នាក់។ ក្រោយបញ្ចប់ពិធីជួបជុំ មនុស្សជាង ១ពាន់នាក់បានរួមគ្នាដើររើសសំរាមដែលត្រូវគេបោះចោលគ្មានសណ្ដាប់ធ្នាប់នៅតាមផ្លូវសាធារណៈ ឬតាមឆ្នេរសមុទ្រជាដើម ដើម្បីរក្សាសោភណភាពទីក្រុងទេសចរណ៍មួយនេះឲ្យបានប្រសើរឡើង។
ប្រធានមន្ទីរបរិស្ថានខេត្តព្រះសីហនុ លោក សាមុត សុធារិទ្ធិ មានប្រសាសន៍ថា គោលបំណងនៃការរៀបចំប្រារព្ធទិវាបរិស្ថានជាតិ និងបរិស្ថានពិភពលោកនេះឡើង គឺមានគោលបំណងកែប្រែផ្នត់គំនិត និងឥរិយាបថរបស់ប្រជាពលរដ្ឋទូទៅ ឲ្យចេះស្រឡាញ់បរិស្ថាន និងបំផុសឲ្យពួកគេមានស្មារតីចូលរួមការពារ ឬថែរក្សាបរិស្ថាន ការអភិរក្សជីវចម្រុះ និងការរស់នៅមានអនាម័យនៅតាមគ្រួសារនីមួយៗ។ លោកបន្ថែមថា ការប្រារព្ធទិវាបរិស្ថានពិភពលោកឆ្នាំនេះ ក៏ដើម្បីបំផុស ឬចលនាមហាជនឲ្យចូលរួមវេចខ្ចប់សំរាមឲ្យបានត្រឹមត្រូវ និងទុកដាក់កាកសំណល់ទាំងនោះឲ្យមានរបៀបរៀបរយ។ ជាងនេះទៀត ក៏ចង់បំផុសឲ្យប្រជាពលរដ្ឋនៅតាមសហគមន៍ ឬស្ថាប័នរដ្ឋនីមួយៗ ចូលរួមដាំដើមឈើនៅតាមភូមិ ឃុំ សង្កាត់ ឬទីប្រជុំជននានា និងតាមដងផ្លូវ ជាដើម ដើម្បីបង្កើនសោភណភាពស្រស់បំព្រង ទប់ស្កាត់ការរាលដាលនៃជំងឺឆ្លង និងទាក់ទាញកំណើនភ្ញៀវទេសចរជាតិ និងអន្តរជាតិ ឲ្យចូលមកទស្សនាខេត្តព្រះសីហនុ បានច្រើនថែមទៀត៖ «យើងបំផុតចលនាមហាជនឲ្យចូលរួមធ្វើអនាម័យ ថែរក្សាបរិស្ថាន ឬប្រមូលសំរាមវេចខ្ចប់ឲ្យបានត្រឹមត្រូវ និងចូលរួមដាំដើមឈើនៅតាមមូលដ្ឋាន ឬនៅតាមស្ថាប័នរដ្ឋនីមួយៗឲ្យបានទាំងអស់គ្នា»។
ទាក់ទិនទិវាបរិស្ថានពិភពលោកនេះដែរ លោក យន្ត មីន អភិបាលខេត្តព្រះសីហនុ ដែលបានអញ្ជើញចូលរួមកម្មវិធីនេះ បានអំពាវនាវដល់ក្រុមអាជីវករ ពិសេសប្រជាពលរដ្ឋ ត្រូវចូលរួមសម្អាតបរិស្ថានដោយវេចខ្ចប់កាកសំណល់រឹងរាវនៅតាមទីតាំងរៀងៗខ្លួនឲ្យបានត្រឹមត្រូវ និងទុកដាក់ឲ្យមានសណ្ដាប់ធ្នាប់។ លោកចាត់ទុកជំនន់ទឹកភ្លៀងជន់លិច បរិស្ថានគ្មានអនាម័យ ឬគ្មានសោភណភាពនៅតាមទីតាំងខ្លះនាមូលដ្ឋានខេត្តព្រះសីហនុ កន្លងមក គឺមួយផ្នែកផ្ដើមដោយភាពមិនទទួលខុសត្រូវរបស់ប្រជាពលរដ្ឋ ពិសេសប្រតិបត្តិករទេសចរភាគច្រើន មិនបានចូលរួមសហការជាមួយអាជ្ញាធរ ក្នុងការទុកដាក់កាកសំណល់រឹងរាវនៅឡើយទេ ហើយតំបន់ខ្លះក្នុងខេត្តទេសចរណ៍មួយនេះ បង្កើតឲ្យមានសំរាមត្រូវគេបោះចោលនៅតាមទីសាធារណៈ ហើយមានក្លិនស្អុយអសោចថែមទៀត។
ត្រង់ចំណុចនេះ លោក យន្ត មីន អភិបាលខេត្តព្រះសីហនុ បានទទូចដល់ប្រជាពលរដ្ឋ ឬអ្នកជាប់ពាក់ព័ន្ធនានាដែលមិនទាន់ចូលរួមការងារសម្អាតអនាម័យបរិស្ថានជាមួយអាជ្ញាធរ ត្រូវលះបង់ទម្លាប់អាក្រក់ ឬផ្នត់គំនិតមិនល្អក្នុងការបោះចោលសំរាមគ្មានសណ្ដាប់ធ្នាប់នៅតាមផ្លូវ ឬទីសាធារណៈ ឲ្យងាកមកចូលរួមគ្នាថែរក្សា ឬវេចខ្ចប់កាកសំណល់ផ្សេងៗនៅតាមផ្ទះរៀងៗខ្លួនឲ្យបានល្អ ហើយយកទៅទុកក្នុងធុងសំរាម ឬទីតាំងទុកដាក់សំរាមឲ្យបានត្រឹមត្រូវ ដើម្បីចូលរួមថែរក្សាអនាម័យ និងសោភណភាពជាមួយរដ្ឋបាលខេត្តព្រះសីហនុ ឈានទាក់ទាញកំណើនភ្ញៀវទេសចរនាថ្ងៃអនាគត៖ «ខ្ញុំបានអំពាវនាវថា សូមឲ្យបងប្អូនគ្រប់ភាគីពាក់ព័ន្ធ ឲ្យចូលរួមការងារថែរក្សា និងសម្អាតបរិស្ថានអនាម័យនៅមូលដ្ឋានខេត្តព្រះសីហនុ ឲ្យបានល្អ និងត្រូវទុកដាក់កាកសំណល់រឹងរាវគ្រប់ប្រភេទនៅតាមទីតាំង ឬធុងសំរាមឲ្យបានត្រឹមត្រូវ។ ជាងនេះ នៅតាមទីតាំងដែលអាជីវករធ្វើអាជីវកម្មបម្រើឲ្យភ្ញៀវស្នាក់នៅ ក៏ត្រូវឲ្យមានធុងសំរាមនៅតាមផ្ទះ ឬទីតាំងទាំងនោះឲ្យបានគ្រប់ៗគ្នា ដើម្បីអាចឲ្យភ្ញៀវមានកន្លែងចោលសំរាមឲ្យបានទូលំទូលាយ និងចូលរួមសម្អាតបរិស្ថានជាមួយអាជ្ញាធរ»។
ស្រដៀងគ្នាដែរ ប្រធានក្រុមប្រឹក្សាខេត្តព្រះសីហនុ លោក ជាម ហ៊ីម បានរំឭកដល់ប្រជាពលរដ្ឋឲ្យចូលរួមថែរក្សា និងការពារបរិស្ថានឲ្យមានអនាម័យជាមួយអាជ្ញាធរ។ លោកថា ប្រជាពលរដ្ឋ ឬប្រតិបត្តិករទេសចរភាគច្រើន គួរភ្ញាក់រឭកចូលរួមទុកដាក់កាកសំណល់រឹងរាវនៅតាមមូលដ្ឋានរៀងៗខ្លួនឲ្យមានអនាម័យ ដើម្បីក្រុមគ្រួសារមានសុភមង្គល និងមានសុខភាពល្អ។
ក្នុងសំឡេងមួយៗ លោក ជាម ហ៊ីម បានស្នើដល់ប្រជាពលរដ្ឋទាំងអស់នៅទូទាំងប្រទេស ពិសេសកំពុងរស់នៅខេត្តព្រះសីហនុ ឬភ្ញៀវទេសចរចូលមកទស្សនាខេត្តនេះជាដើម ត្រូវផ្លាស់ប្ដូរទម្លាប់បោះចោលសំរាមតាមទីសាធារណៈគ្មានសណ្ដាប់ធ្នាប់ ហើយងាកមកចូលរួមសម្អាតអនាម័យបរិស្ថានដោយការវេចខ្ចប់ ឬទុកដាក់កាកសំណល់រឹងរាវផ្សេងៗឲ្យមានរបៀបរៀបរយ៖ «សូមពលរដ្ឋខេត្តព្រះសីហនុ ទាំងមូលនៅគ្រប់មូលដ្ឋាន ត្រូវទុកដាក់កាកសំណល់រឹងរាវឲ្យមានរបៀបរៀបរយ និងវេចខ្ចប់ឲ្យបានល្អ ដើម្បីកំណើនភ្ញៀវទេសចរ និងសេដ្ឋកិច្ចជាតិមានការរីកចម្រើនទាំងរដ្ឋ និងប្រជាពលរដ្ឋក្នុងមូលដ្ឋាននេះ។ ទម្លាប់បោះចោលសំរាមគ្មានសណ្ដាប់ធ្នាប់កន្លងមក ត្រូវលះបង់ឲ្យបានទាំងអស់គ្នានៅតាមក្រុមគ្រួសារនីមួយៗ ដើម្បីបរិស្ថានខេត្តទេសចរណ៍មួយនេះមានសោភណភាព និងមានអនាម័យល្អសម្រាប់ទាក់ទាញភ្ញៀវទេសចរឲ្យចូលមកទស្សនាខេត្តនេះបានច្រើនថែមទៀត»។
ប្រធានក្រុមប្រឹក្សាខេត្តព្រះសីហនុ លោក ជាម ហ៊ីម ផ្តល់ទស្សនៈថា ការថែរក្សាអនាម័យបរិស្ថាននៅតាមមូលដ្ឋាន ឬតាមផ្ទះនីមួយៗ មិនចាំបាច់ដល់មនុស្សគ្រប់ៗរូបមានផ្ទះថ្មវីឡាធំស្កឹមស្កៃ ឬមានផ្លូវក្រាលកៅស៊ូនៅតាមមូលដ្ឋាននានា ទើបហៅថាគ្រួសារមានភាពថ្លៃថ្នូរ ឬកេរ្តិ៍ឈ្មោះនោះទេ សំខាន់នៅតាមមូលដ្ឋាន ឬផ្ទះនីមួយៗ ទោះជាខ្ទម ឬគ្មានផ្លូវក្រាលកៅស៊ូក៏ដោយ ឲ្យតែទីតាំងទាំងនោះគ្មានកាកសំណល់រឹងរាវបោះចោលគ្មានសណ្ដាប់ធ្នាប់ និងគ្មានក្លិនស្អុយ គឺអាចចាត់ទុកថាជាគ្រួសារស្អាតស្អំ មានសុភមង្គល ឬមានលក្ខណៈថ្លៃថ្នូរ។
លោក ជាម ហ៊ីម ស្នើដល់ប្រជាពលរដ្ឋឲ្យពិចារណាផ្លាស់ប្ដូរទម្លាប់មិនល្អដែលធ្លាប់បោះចោលសំរាម ឬកាកសំណល់រឹងរាវគ្រប់ប្រភេទគ្មានរបៀបនៅតាមទីសាធារណៈ ឲ្យងាកមកចូលរួមថែរក្សាអនាម័យបរិស្ថានឲ្យបានល្អ ដើម្បីឲ្យមូលដ្ឋានខេត្តព្រះសីហនុ ឲ្យមានសោភណភាពទាក់ទាញកំណើនភ្ញៀវទេសចរនាថ្ងៃអនាគត។
ទាក់ទងការងារថែរក្សាបរិស្ថាននេះដែរ អាជ្ញាធរខេត្តព្រះសីហនុ បានអះអាងថា នឹងឈានដល់ចាប់ផាកពិន័យអ្នកបោះចោលកាកសំណល់រឹងរាវគ្រប់ប្រភេទគ្មានសណ្ដាប់ធ្នាប់នៅតាមផ្លូវ ឬទីសាធារណៈ និងការបង្ហូរទឹកស្អុយចូលសមុទ្រ ដោយមិនឆ្លងកាត់អាងចម្រោះទឹកស្អាតជាមុនចំពោះបុគ្គល ឬជាពលរដ្ឋទាំងឡាយណាដែលនៅបន្តបោះចោលកាកសំណល់ ឬបន្តបង្ហូរទឹកស្អុយចេញពីទីតាំងធ្វើអាជីវកម្មរៀងៗខ្លួនចូលទៅក្នុងសមុទ្រ បន្តកើតមាននាថ្ងៃខាងមុខ។
ឆ្នេរសមុទ្រខេត្តព្រះសីហនុ មានប្រវែងជាង ១៧១គីឡូម៉ែត្រ (១៧១,៣៥គីឡូម៉ែត្រ) មានខ្សាច់សស្អាត ទឹកសមុទ្រថ្លា ឆ្នេររាក់ ទឹកធ្លាក់ ផ្កាថ្ម ឧទ្យានជាតិ និងមានកោះចំនួន ៣២ មានជីវចម្រុះធម្មជាតិស្រស់ស្អាត ជាសក្ដានុពលក្នុងការអភិវឌ្ឍវិស័យទេសចរណ៍៕
Clik here to view.
ដោយ ដែន អយុធ្យា RFA 2016-06-06
ថ្នាក់ដឹកនាំនៅតាមស្ថាប័នពាក់ព័ន្ធនាខេត្តព្រះសីហនុ រួមគ្នាប្រារព្ធទិវាបរិស្ថានជាតិ និងបរិស្ថានពិភពលោក ដោយមានមន្ត្រីរាជការ សិស្សនិស្សិត ប្រជាពលរដ្ឋ និងប្រតិបត្តិករទេសចរចូលរួម និងដើររើសសំរាមនៅតាមមូលដ្ឋានទូទាំងខេត្តទេសចរណ៍មួយនេះជាង ១ពាន់នាក់។
ឆ្លៀតឱកាសនោះ ថ្នាក់ដឹកនាំខេត្តនេះបានអំពាវនាវដល់ប្រជាពលរដ្ឋ ឬប្រតិបត្តិករទេសចរទាំងអស់ ឲ្យចូលរួមសម្អាតអនាម័យបរិស្ថានឲ្យបានជាប្រចាំជាមួយអាជ្ញាធរ ហើយត្រូវលះបង់ទម្លាប់បោះចោលសំរាមគ្មានសណ្ដាប់ធ្នាប់ ដើម្បីរួមចំណែកទាក់ទាញកំណើនភ្ញៀវទេសចរចូលមកទស្សនាខេត្តនេះច្រើនថែមទៀត។
មន្ត្រីថ្នាក់ដឹកនាំនៅតាមមន្ទីរស្ថាប័នពាក់ព័ន្ធនាខេត្តព្រះសីហនុ ជួបប្រជុំគ្នាអបអរសាទរប្រារព្ធទិវាបរិស្ថានជាតិ និងបរិស្ថានពិភពលោក ក្រោមប្រធានបទ «ចូលរួមទាំងអស់គ្នាដើម្បីពិភពលោកស្រស់ស្អាត»។ ទិវាបរិស្ថាននេះ ពិភពលោកបានកំណត់យកថ្ងៃទី៥ ខែមិថុនា ជារៀងរាល់ឆ្នាំដើម្បីរៀបចំ។ ដោយឡែកទិវានេះ សម្រាប់រដ្ឋបាលខេត្តព្រះសីហនុ បានរៀបចំទិវានេះមុនមួយថ្ងៃ គឺរៀបចំនៅព្រឹកថ្ងៃសៅរ៍ ទី៤ ខែមិថុនា នាឆ្នេរអូរឈើទាល ដោយមានវត្តមានមន្ត្រីរាជការ កងកម្លាំងប្រដាប់អាវុធចម្រុះ គ្រូបង្រៀន សិស្សនិស្សិត ប្រជាពលរដ្ឋ និងប្រតិបត្តិករទេសចរជាតិ និងអន្តរជាតិ ចូលរួមជាង ១ពាន់នាក់។ ក្រោយបញ្ចប់ពិធីជួបជុំ មនុស្សជាង ១ពាន់នាក់បានរួមគ្នាដើររើសសំរាមដែលត្រូវគេបោះចោលគ្មានសណ្ដាប់ធ្នាប់នៅតាមផ្លូវសាធារណៈ ឬតាមឆ្នេរសមុទ្រជាដើម ដើម្បីរក្សាសោភណភាពទីក្រុងទេសចរណ៍មួយនេះឲ្យបានប្រសើរឡើង។
ប្រធានមន្ទីរបរិស្ថានខេត្តព្រះសីហនុ លោក សាមុត សុធារិទ្ធិ មានប្រសាសន៍ថា គោលបំណងនៃការរៀបចំប្រារព្ធទិវាបរិស្ថានជាតិ និងបរិស្ថានពិភពលោកនេះឡើង គឺមានគោលបំណងកែប្រែផ្នត់គំនិត និងឥរិយាបថរបស់ប្រជាពលរដ្ឋទូទៅ ឲ្យចេះស្រឡាញ់បរិស្ថាន និងបំផុសឲ្យពួកគេមានស្មារតីចូលរួមការពារ ឬថែរក្សាបរិស្ថាន ការអភិរក្សជីវចម្រុះ និងការរស់នៅមានអនាម័យនៅតាមគ្រួសារនីមួយៗ។ លោកបន្ថែមថា ការប្រារព្ធទិវាបរិស្ថានពិភពលោកឆ្នាំនេះ ក៏ដើម្បីបំផុស ឬចលនាមហាជនឲ្យចូលរួមវេចខ្ចប់សំរាមឲ្យបានត្រឹមត្រូវ និងទុកដាក់កាកសំណល់ទាំងនោះឲ្យមានរបៀបរៀបរយ។ ជាងនេះទៀត ក៏ចង់បំផុសឲ្យប្រជាពលរដ្ឋនៅតាមសហគមន៍ ឬស្ថាប័នរដ្ឋនីមួយៗ ចូលរួមដាំដើមឈើនៅតាមភូមិ ឃុំ សង្កាត់ ឬទីប្រជុំជននានា និងតាមដងផ្លូវ ជាដើម ដើម្បីបង្កើនសោភណភាពស្រស់បំព្រង ទប់ស្កាត់ការរាលដាលនៃជំងឺឆ្លង និងទាក់ទាញកំណើនភ្ញៀវទេសចរជាតិ និងអន្តរជាតិ ឲ្យចូលមកទស្សនាខេត្តព្រះសីហនុ បានច្រើនថែមទៀត៖ «យើងបំផុតចលនាមហាជនឲ្យចូលរួមធ្វើអនាម័យ ថែរក្សាបរិស្ថាន ឬប្រមូលសំរាមវេចខ្ចប់ឲ្យបានត្រឹមត្រូវ និងចូលរួមដាំដើមឈើនៅតាមមូលដ្ឋាន ឬនៅតាមស្ថាប័នរដ្ឋនីមួយៗឲ្យបានទាំងអស់គ្នា»។
ទាក់ទិនទិវាបរិស្ថានពិភពលោកនេះដែរ លោក យន្ត មីន អភិបាលខេត្តព្រះសីហនុ ដែលបានអញ្ជើញចូលរួមកម្មវិធីនេះ បានអំពាវនាវដល់ក្រុមអាជីវករ ពិសេសប្រជាពលរដ្ឋ ត្រូវចូលរួមសម្អាតបរិស្ថានដោយវេចខ្ចប់កាកសំណល់រឹងរាវនៅតាមទីតាំងរៀងៗខ្លួនឲ្យបានត្រឹមត្រូវ និងទុកដាក់ឲ្យមានសណ្ដាប់ធ្នាប់។ លោកចាត់ទុកជំនន់ទឹកភ្លៀងជន់លិច បរិស្ថានគ្មានអនាម័យ ឬគ្មានសោភណភាពនៅតាមទីតាំងខ្លះនាមូលដ្ឋានខេត្តព្រះសីហនុ កន្លងមក គឺមួយផ្នែកផ្ដើមដោយភាពមិនទទួលខុសត្រូវរបស់ប្រជាពលរដ្ឋ ពិសេសប្រតិបត្តិករទេសចរភាគច្រើន មិនបានចូលរួមសហការជាមួយអាជ្ញាធរ ក្នុងការទុកដាក់កាកសំណល់រឹងរាវនៅឡើយទេ ហើយតំបន់ខ្លះក្នុងខេត្តទេសចរណ៍មួយនេះ បង្កើតឲ្យមានសំរាមត្រូវគេបោះចោលនៅតាមទីសាធារណៈ ហើយមានក្លិនស្អុយអសោចថែមទៀត។
ត្រង់ចំណុចនេះ លោក យន្ត មីន អភិបាលខេត្តព្រះសីហនុ បានទទូចដល់ប្រជាពលរដ្ឋ ឬអ្នកជាប់ពាក់ព័ន្ធនានាដែលមិនទាន់ចូលរួមការងារសម្អាតអនាម័យបរិស្ថានជាមួយអាជ្ញាធរ ត្រូវលះបង់ទម្លាប់អាក្រក់ ឬផ្នត់គំនិតមិនល្អក្នុងការបោះចោលសំរាមគ្មានសណ្ដាប់ធ្នាប់នៅតាមផ្លូវ ឬទីសាធារណៈ ឲ្យងាកមកចូលរួមគ្នាថែរក្សា ឬវេចខ្ចប់កាកសំណល់ផ្សេងៗនៅតាមផ្ទះរៀងៗខ្លួនឲ្យបានល្អ ហើយយកទៅទុកក្នុងធុងសំរាម ឬទីតាំងទុកដាក់សំរាមឲ្យបានត្រឹមត្រូវ ដើម្បីចូលរួមថែរក្សាអនាម័យ និងសោភណភាពជាមួយរដ្ឋបាលខេត្តព្រះសីហនុ ឈានទាក់ទាញកំណើនភ្ញៀវទេសចរនាថ្ងៃអនាគត៖ «ខ្ញុំបានអំពាវនាវថា សូមឲ្យបងប្អូនគ្រប់ភាគីពាក់ព័ន្ធ ឲ្យចូលរួមការងារថែរក្សា និងសម្អាតបរិស្ថានអនាម័យនៅមូលដ្ឋានខេត្តព្រះសីហនុ ឲ្យបានល្អ និងត្រូវទុកដាក់កាកសំណល់រឹងរាវគ្រប់ប្រភេទនៅតាមទីតាំង ឬធុងសំរាមឲ្យបានត្រឹមត្រូវ។ ជាងនេះ នៅតាមទីតាំងដែលអាជីវករធ្វើអាជីវកម្មបម្រើឲ្យភ្ញៀវស្នាក់នៅ ក៏ត្រូវឲ្យមានធុងសំរាមនៅតាមផ្ទះ ឬទីតាំងទាំងនោះឲ្យបានគ្រប់ៗគ្នា ដើម្បីអាចឲ្យភ្ញៀវមានកន្លែងចោលសំរាមឲ្យបានទូលំទូលាយ និងចូលរួមសម្អាតបរិស្ថានជាមួយអាជ្ញាធរ»។
ស្រដៀងគ្នាដែរ ប្រធានក្រុមប្រឹក្សាខេត្តព្រះសីហនុ លោក ជាម ហ៊ីម បានរំឭកដល់ប្រជាពលរដ្ឋឲ្យចូលរួមថែរក្សា និងការពារបរិស្ថានឲ្យមានអនាម័យជាមួយអាជ្ញាធរ។ លោកថា ប្រជាពលរដ្ឋ ឬប្រតិបត្តិករទេសចរភាគច្រើន គួរភ្ញាក់រឭកចូលរួមទុកដាក់កាកសំណល់រឹងរាវនៅតាមមូលដ្ឋានរៀងៗខ្លួនឲ្យមានអនាម័យ ដើម្បីក្រុមគ្រួសារមានសុភមង្គល និងមានសុខភាពល្អ។
ក្នុងសំឡេងមួយៗ លោក ជាម ហ៊ីម បានស្នើដល់ប្រជាពលរដ្ឋទាំងអស់នៅទូទាំងប្រទេស ពិសេសកំពុងរស់នៅខេត្តព្រះសីហនុ ឬភ្ញៀវទេសចរចូលមកទស្សនាខេត្តនេះជាដើម ត្រូវផ្លាស់ប្ដូរទម្លាប់បោះចោលសំរាមតាមទីសាធារណៈគ្មានសណ្ដាប់ធ្នាប់ ហើយងាកមកចូលរួមសម្អាតអនាម័យបរិស្ថានដោយការវេចខ្ចប់ ឬទុកដាក់កាកសំណល់រឹងរាវផ្សេងៗឲ្យមានរបៀបរៀបរយ៖ «សូមពលរដ្ឋខេត្តព្រះសីហនុ ទាំងមូលនៅគ្រប់មូលដ្ឋាន ត្រូវទុកដាក់កាកសំណល់រឹងរាវឲ្យមានរបៀបរៀបរយ និងវេចខ្ចប់ឲ្យបានល្អ ដើម្បីកំណើនភ្ញៀវទេសចរ និងសេដ្ឋកិច្ចជាតិមានការរីកចម្រើនទាំងរដ្ឋ និងប្រជាពលរដ្ឋក្នុងមូលដ្ឋាននេះ។ ទម្លាប់បោះចោលសំរាមគ្មានសណ្ដាប់ធ្នាប់កន្លងមក ត្រូវលះបង់ឲ្យបានទាំងអស់គ្នានៅតាមក្រុមគ្រួសារនីមួយៗ ដើម្បីបរិស្ថានខេត្តទេសចរណ៍មួយនេះមានសោភណភាព និងមានអនាម័យល្អសម្រាប់ទាក់ទាញភ្ញៀវទេសចរឲ្យចូលមកទស្សនាខេត្តនេះបានច្រើនថែមទៀត»។
ប្រធានក្រុមប្រឹក្សាខេត្តព្រះសីហនុ លោក ជាម ហ៊ីម ផ្តល់ទស្សនៈថា ការថែរក្សាអនាម័យបរិស្ថាននៅតាមមូលដ្ឋាន ឬតាមផ្ទះនីមួយៗ មិនចាំបាច់ដល់មនុស្សគ្រប់ៗរូបមានផ្ទះថ្មវីឡាធំស្កឹមស្កៃ ឬមានផ្លូវក្រាលកៅស៊ូនៅតាមមូលដ្ឋាននានា ទើបហៅថាគ្រួសារមានភាពថ្លៃថ្នូរ ឬកេរ្តិ៍ឈ្មោះនោះទេ សំខាន់នៅតាមមូលដ្ឋាន ឬផ្ទះនីមួយៗ ទោះជាខ្ទម ឬគ្មានផ្លូវក្រាលកៅស៊ូក៏ដោយ ឲ្យតែទីតាំងទាំងនោះគ្មានកាកសំណល់រឹងរាវបោះចោលគ្មានសណ្ដាប់ធ្នាប់ និងគ្មានក្លិនស្អុយ គឺអាចចាត់ទុកថាជាគ្រួសារស្អាតស្អំ មានសុភមង្គល ឬមានលក្ខណៈថ្លៃថ្នូរ។
លោក ជាម ហ៊ីម ស្នើដល់ប្រជាពលរដ្ឋឲ្យពិចារណាផ្លាស់ប្ដូរទម្លាប់មិនល្អដែលធ្លាប់បោះចោលសំរាម ឬកាកសំណល់រឹងរាវគ្រប់ប្រភេទគ្មានរបៀបនៅតាមទីសាធារណៈ ឲ្យងាកមកចូលរួមថែរក្សាអនាម័យបរិស្ថានឲ្យបានល្អ ដើម្បីឲ្យមូលដ្ឋានខេត្តព្រះសីហនុ ឲ្យមានសោភណភាពទាក់ទាញកំណើនភ្ញៀវទេសចរនាថ្ងៃអនាគត។
ទាក់ទងការងារថែរក្សាបរិស្ថាននេះដែរ អាជ្ញាធរខេត្តព្រះសីហនុ បានអះអាងថា នឹងឈានដល់ចាប់ផាកពិន័យអ្នកបោះចោលកាកសំណល់រឹងរាវគ្រប់ប្រភេទគ្មានសណ្ដាប់ធ្នាប់នៅតាមផ្លូវ ឬទីសាធារណៈ និងការបង្ហូរទឹកស្អុយចូលសមុទ្រ ដោយមិនឆ្លងកាត់អាងចម្រោះទឹកស្អាតជាមុនចំពោះបុគ្គល ឬជាពលរដ្ឋទាំងឡាយណាដែលនៅបន្តបោះចោលកាកសំណល់ ឬបន្តបង្ហូរទឹកស្អុយចេញពីទីតាំងធ្វើអាជីវកម្មរៀងៗខ្លួនចូលទៅក្នុងសមុទ្រ បន្តកើតមាននាថ្ងៃខាងមុខ។
ឆ្នេរសមុទ្រខេត្តព្រះសីហនុ មានប្រវែងជាង ១៧១គីឡូម៉ែត្រ (១៧១,៣៥គីឡូម៉ែត្រ) មានខ្សាច់សស្អាត ទឹកសមុទ្រថ្លា ឆ្នេររាក់ ទឹកធ្លាក់ ផ្កាថ្ម ឧទ្យានជាតិ និងមានកោះចំនួន ៣២ មានជីវចម្រុះធម្មជាតិស្រស់ស្អាត ជាសក្ដានុពលក្នុងការអភិវឌ្ឍវិស័យទេសចរណ៍៕