Image may be NSFW.
Clik here to view.
ដោយ សួង សុភារី03/05/2016
បន្ទាប់ពីបានឃុំខ្លួនអ្នកការពារសិទ្ធិមនុស្ស និងអគ្គលេខាធិការរងគណៈកម្មាធិការជាតិរៀបចំការបោះឆ្នោតរួចមក ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានបង្វែរទិសដៅមកកោះហៅលោកកឹម សុខា និងសកម្មជនគណបក្សសង្គ្រោះជាតិចំនួន ២រូបទៀត ឲ្យចូលបំភ្លឺ ជុំវិញរឿងអាស្រូវផ្លូវភេទពាក់ព័ន្ធនឹងកញ្ញាខុម ចាន់ដារ៉ាទី ហៅស្រីមុំ។ លោកកឹម សុខា អនុប្រធានបក្សប្រឆាំង តម្រូវឲ្យចូលបំភ្លឺក្នុងតុលាការ នៅថ្ងៃទី ១១ឧសភា និងខណៈសកម្មជន ២រូបទៀត ត្រូវចូលបំភ្លឺ នៅថ្ងៃ ១៦ឧសភា។ បក្សប្រឆាំង បានហៅការប្រើប្រាស់ប្រព័ន្ធតុលាការនេះ ថាជាការបង្កភាពភ័យខ្លាច និងយាយី ដល់ការងារបម្រើពលរដ្ឋ។
សកម្មជនគណបក្សសង្គ្រោះជាតិទាំង ២រូប ដែលត្រូវបានព្រះរាជអាជ្ញារង លោកសៀង សុខ ហៅថា ជាជនសង្ស័យនោះ មានឈ្មោះ តុ វ៉ាន់ចាន់ និងពិន រតនា។ តាមដីកាកោះហៅ ចុះថ្ងៃទី ២ឧសភា និងដែលទើបត្រូវបានអ្នកកាសែតទទួលបាននៅថ្ងៃទី ៣ឧសភា បានបញ្ជាក់ថា អ្នកទាំងពីរជាប់សង្ស័យពីដំណើររឿងពាក់ព័ន្ធនឹងអំពើពេស្យាចារ។ សកម្មជនបក្សប្រឆាំងទាំង ២រូបនេះ ត្រូវទៅបង្ហាញខ្លួននៅតុលាការសាលាដំបូងរាជធានីភ្នំពេញ នៅថ្ងៃទី ១៦ខែឧសភាខាងមុខ។
ចំណែកលោកកឹម សុខា ក៏ត្រូវបានព្រះរាជអាជ្ញារង លោកកែវ សុជាតិ ចេញដីកាចុះថ្ងៃទី ៣ឧសភា កោះហៅឲ្យចូលបំភ្លឺ នៅថ្ងៃទី ១១ឧសភា ពាក់ព័ន្ធនឹងបណ្តឹងរបស់កញ្ញាធី សុវណ្ណថា ដែលប្តឹងពីបទបរិហាកេរ្តិ៍ តាមរយៈខ្សែអាត់សម្លេងផ្សព្វផ្សាយតាមសារព័ត៌មានក្នុងស្រុក និងតាមហេ្វសប៊ុកឈ្មោះរឿងពិត CNRP។ កញ្ញាធី សុវណ្ណថា ដែលកន្លងមកត្រូវបានគេស្គាល់ថាជាអ្នកគាំទ្រគណបក្សសង្គ្រោះជាតិយ៉ាងសកម្ម ធ្លាប់បានធ្វើសន្និសីទកាសែតថា ត្រូវប្តឹងទារសំណងជាប្រាក់ពីលោកកឹម សុខា ១លានដុល្លារអាមេរិក ក្នុងសំណុំរឿងដែលកើតឡើងពីខ្សែអាត់សម្លេងដែលគេសង្ស័យថាជាការឆ្លើយឆ្លងគា្ន លក្ខណៈឯកជនសុទ្ធសាធ រវាងលោកកឹម សុខា និងនារីឈ្មោះស្រីមុំ។
ក្រុមសមាជិកសភាគណបក្សសង្គ្រោះជាតិ បានចេញសេចក្តីថ្លែងការណ៍នៅថ្ងៃទី ៣ឧសភាដែរថា ចំណាត់ការទៅលើមេឃុំមកពីគណបក្សសម រង្ស៊ី និងទៅលើមន្ត្រីនៃអង្គការការពារសិទ្ធិមនុស្សមួយចំនួន រួមទាំងមន្ត្រីរបស់គណៈកម្មាធិការជាតិរៀបចំការបោះឆ្នោត គជប ផង គឺបានបង្ហាញយ៉ាងច្បាស់ពីល្បែងនយោបាយ ដែលអង្គភាពប្រឆាំងអំពើពុករលួយ កំពុងសម្តែង ហើយបានប្រើប្រាស់ប្រព័ន្ធតុលាការ ដើម្បីនាំមកនូវភាពភ័យខ្លាច និងការយាយីរំខានដល់ការបំពេញតួនាទីបម្រើពលរដ្ឋ របស់មន្ត្រីសិទ្ធិមនុស្ស និងសមាជិកគណបក្សមិននៅក្នុងរដ្ឋាភិបាល។
ក្នុងសេចក្តីថ្លែងការណ៍ដាច់ដោយឡែកពីគ្នា ក្រុមសមាជិកសភាគណបក្សសង្គ្រោះជាតិ និងក្រុមអង្គការសង្គមស៊ីវិលប្រមាណជា ៦០អង្គការ បានថ្កោលទោសចំពោះសកម្មភាពនាពេលថ្មីៗនេះ ព្រមទាំងបានស្នើសុំឲ្យតុលាការទម្លាក់ចោលការចោទប្រកាន់លើមន្ត្រីសិទ្ធិមនុស្ស មន្ត្រីគជប និងសកម្មជនគណបក្សសង្គ្រោះជាតិ។
ផ្ទុយពីការលើកឡើងរបស់លោកនាយករដ្ឋមន្ត្រីហ៊ុន សែន ដែលសុំកុំឲ្យបរទេសលូកដៃចូលក្នុងកិច្ចការផ្ទៃក្នុងកម្ពុជា គណបក្សសង្គ្រោះជាតិ បានអំពាវនាវម្តងទៀត ឲ្យសហគមន៍អន្តរជាតិ ពិសេសគឺប្រទេសម្ចាស់ជំនួយ ជួយធ្វើអន្តរាគមន៍ ឲ្យរាជរដ្ឋាភិបាលបញ្ឈប់ជាបន្ទាន់នូវការគំរាមកំហែងទាំងនេះ ព្រមទាំងសុំឲ្យមានការជួយដោះលែងមន្ត្រីសិទ្ធិមនុស្ស និងមន្ត្រីគជប ទាំង ៥រូប និងសមាជិកព្រឹទ្ធសភាលោកហុង សុខហួរ និងលោកអ៊ុំ សំអាន ដែលកំពុងជាប់ពន្ធនាគារ៕
Clik here to view.
ដោយ សួង សុភារី03/05/2016
បន្ទាប់ពីបានឃុំខ្លួនអ្នកការពារសិទ្ធិមនុស្ស និងអគ្គលេខាធិការរងគណៈកម្មាធិការជាតិរៀបចំការបោះឆ្នោតរួចមក ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានបង្វែរទិសដៅមកកោះហៅលោកកឹម សុខា និងសកម្មជនគណបក្សសង្គ្រោះជាតិចំនួន ២រូបទៀត ឲ្យចូលបំភ្លឺ ជុំវិញរឿងអាស្រូវផ្លូវភេទពាក់ព័ន្ធនឹងកញ្ញាខុម ចាន់ដារ៉ាទី ហៅស្រីមុំ។ លោកកឹម សុខា អនុប្រធានបក្សប្រឆាំង តម្រូវឲ្យចូលបំភ្លឺក្នុងតុលាការ នៅថ្ងៃទី ១១ឧសភា និងខណៈសកម្មជន ២រូបទៀត ត្រូវចូលបំភ្លឺ នៅថ្ងៃ ១៦ឧសភា។ បក្សប្រឆាំង បានហៅការប្រើប្រាស់ប្រព័ន្ធតុលាការនេះ ថាជាការបង្កភាពភ័យខ្លាច និងយាយី ដល់ការងារបម្រើពលរដ្ឋ។
សកម្មជនគណបក្សសង្គ្រោះជាតិទាំង ២រូប ដែលត្រូវបានព្រះរាជអាជ្ញារង លោកសៀង សុខ ហៅថា ជាជនសង្ស័យនោះ មានឈ្មោះ តុ វ៉ាន់ចាន់ និងពិន រតនា។ តាមដីកាកោះហៅ ចុះថ្ងៃទី ២ឧសភា និងដែលទើបត្រូវបានអ្នកកាសែតទទួលបាននៅថ្ងៃទី ៣ឧសភា បានបញ្ជាក់ថា អ្នកទាំងពីរជាប់សង្ស័យពីដំណើររឿងពាក់ព័ន្ធនឹងអំពើពេស្យាចារ។ សកម្មជនបក្សប្រឆាំងទាំង ២រូបនេះ ត្រូវទៅបង្ហាញខ្លួននៅតុលាការសាលាដំបូងរាជធានីភ្នំពេញ នៅថ្ងៃទី ១៦ខែឧសភាខាងមុខ។
ចំណែកលោកកឹម សុខា ក៏ត្រូវបានព្រះរាជអាជ្ញារង លោកកែវ សុជាតិ ចេញដីកាចុះថ្ងៃទី ៣ឧសភា កោះហៅឲ្យចូលបំភ្លឺ នៅថ្ងៃទី ១១ឧសភា ពាក់ព័ន្ធនឹងបណ្តឹងរបស់កញ្ញាធី សុវណ្ណថា ដែលប្តឹងពីបទបរិហាកេរ្តិ៍ តាមរយៈខ្សែអាត់សម្លេងផ្សព្វផ្សាយតាមសារព័ត៌មានក្នុងស្រុក និងតាមហេ្វសប៊ុកឈ្មោះរឿងពិត CNRP។ កញ្ញាធី សុវណ្ណថា ដែលកន្លងមកត្រូវបានគេស្គាល់ថាជាអ្នកគាំទ្រគណបក្សសង្គ្រោះជាតិយ៉ាងសកម្ម ធ្លាប់បានធ្វើសន្និសីទកាសែតថា ត្រូវប្តឹងទារសំណងជាប្រាក់ពីលោកកឹម សុខា ១លានដុល្លារអាមេរិក ក្នុងសំណុំរឿងដែលកើតឡើងពីខ្សែអាត់សម្លេងដែលគេសង្ស័យថាជាការឆ្លើយឆ្លងគា្ន លក្ខណៈឯកជនសុទ្ធសាធ រវាងលោកកឹម សុខា និងនារីឈ្មោះស្រីមុំ។
ក្រុមសមាជិកសភាគណបក្សសង្គ្រោះជាតិ បានចេញសេចក្តីថ្លែងការណ៍នៅថ្ងៃទី ៣ឧសភាដែរថា ចំណាត់ការទៅលើមេឃុំមកពីគណបក្សសម រង្ស៊ី និងទៅលើមន្ត្រីនៃអង្គការការពារសិទ្ធិមនុស្សមួយចំនួន រួមទាំងមន្ត្រីរបស់គណៈកម្មាធិការជាតិរៀបចំការបោះឆ្នោត គជប ផង គឺបានបង្ហាញយ៉ាងច្បាស់ពីល្បែងនយោបាយ ដែលអង្គភាពប្រឆាំងអំពើពុករលួយ កំពុងសម្តែង ហើយបានប្រើប្រាស់ប្រព័ន្ធតុលាការ ដើម្បីនាំមកនូវភាពភ័យខ្លាច និងការយាយីរំខានដល់ការបំពេញតួនាទីបម្រើពលរដ្ឋ របស់មន្ត្រីសិទ្ធិមនុស្ស និងសមាជិកគណបក្សមិននៅក្នុងរដ្ឋាភិបាល។
ក្នុងសេចក្តីថ្លែងការណ៍ដាច់ដោយឡែកពីគ្នា ក្រុមសមាជិកសភាគណបក្សសង្គ្រោះជាតិ និងក្រុមអង្គការសង្គមស៊ីវិលប្រមាណជា ៦០អង្គការ បានថ្កោលទោសចំពោះសកម្មភាពនាពេលថ្មីៗនេះ ព្រមទាំងបានស្នើសុំឲ្យតុលាការទម្លាក់ចោលការចោទប្រកាន់លើមន្ត្រីសិទ្ធិមនុស្ស មន្ត្រីគជប និងសកម្មជនគណបក្សសង្គ្រោះជាតិ។
ផ្ទុយពីការលើកឡើងរបស់លោកនាយករដ្ឋមន្ត្រីហ៊ុន សែន ដែលសុំកុំឲ្យបរទេសលូកដៃចូលក្នុងកិច្ចការផ្ទៃក្នុងកម្ពុជា គណបក្សសង្គ្រោះជាតិ បានអំពាវនាវម្តងទៀត ឲ្យសហគមន៍អន្តរជាតិ ពិសេសគឺប្រទេសម្ចាស់ជំនួយ ជួយធ្វើអន្តរាគមន៍ ឲ្យរាជរដ្ឋាភិបាលបញ្ឈប់ជាបន្ទាន់នូវការគំរាមកំហែងទាំងនេះ ព្រមទាំងសុំឲ្យមានការជួយដោះលែងមន្ត្រីសិទ្ធិមនុស្ស និងមន្ត្រីគជប ទាំង ៥រូប និងសមាជិកព្រឹទ្ធសភាលោកហុង សុខហួរ និងលោកអ៊ុំ សំអាន ដែលកំពុងជាប់ពន្ធនាគារ៕
