Image may be NSFW.
Clik here to view.
ដោយ រដ្ឋា វិសាល RFA 2016-08-06
ជនជាតិដើមភាគតិចនៅខេត្តក្រុងចំនួន៩ នឹងរៀបចំទិវាអន្តរជាតិនៃជនជាតិដើមភាគតិចពិភពលោកនៅថ្ងៃទី៩ ខែសីហា នៅទីតាំងចំនួន៣៧កន្លែងផ្សេងៗគ្នាដើម្បីលើកកម្ពស់សិទ្ធិជនជាតិដើមភាគតិច។ លើសពីនេះពួកគេក៏មានបំណងលើកកម្ពស់យល់ដឹងដល់ប្រជាពលរដ្ឋទូទៅអំពីវប្បធម៌និងបញ្ហាប្រឈមនានារបស់ជនជាតិដើមភាគតិចនៅប្រទេសកម្ពុជា។
ជនជាតិដើមភាគតិចព្នងអះអាងថា សហគមន៍នៅខេត្តមណ្ឌលគិរីត្រៀមកម្មវិធីរួម ហើយដើម្បីប្រារព្ធខួបលើកទី២២នៃទិវាអន្តរជាតិនៃជនជាតិដើមភាគតិចក្នុងប្រទេសកម្ពុជា។
កាលពីខែសីហា ឆ្នាំ២០១៥ ជនជាតិដើមភាគតិចព្នង ជួបរឿងចម្រូងចម្រាស់ជាមួយអាជ្ញាធរខេត្តខណៈអាជ្ញាធរដាក់កងកម្លាំងរារាំង មិនឲ្យសហគមន៍ប្រារព្ធទិវាដូចគ្នានេះនៅឃុំប៊ូស្រា ស្រុកពេជ្រាដា ក្រោមហេតុផលថា សហគមន៍មិនបានសុំច្បាប់អនុញ្ញាតពីអាជ្ញាធរខេត្ត។ យ៉ាងនេះក្ដីសហគមន៍បានព្យាយាមរៀបចំពិធីខួបដ៏មានសារៈសំខាន់របស់ពួកគេក្រោមកម្ដៅថ្ងៃ និងចំពោះមុខកងកម្លាំងអាជ្ញាធរខេត្តដែលព្យាយាមហាមឃាត់មិនឲ្យសហគមន៍ប្រារព្ធពិធីនេះ។
តំណាងសហគមន៍ឃុំប៊ូស្រា លោក ក្រើង តុលា រំលឹកព្រឹត្តិការណ៍នេះថា ជាការរឹតបន្តឹងសេរីភាព និងសិទ្ធិជនជាតិដើមដែលច្បាប់ជាតិអន្តរជាតិបានទទួលស្គាល់ ទាក់ទិនការប្រារព្ធទិវាជនជាតិដើម ភាគតិចពិភពលោក។ បទពិសោធន៍នេះធ្វើឲ្យសហគមន៍ និងអាជ្ញាធរខេត្តជាពិសេសអភិបាល ខេត្តមណ្ឌលគិរីទើបឡើងកាន់តំណែងបានជួបពិភាក្សា និងសហការគ្នាធ្វើយ៉ាងណាមិនឲ្យមានការបំពានលើសិទ្ធិជនជាតិដើម និងគោរពបាននូវគោលការណ៍កំណត់របស់អាជ្ញាធរមូលដ្ឋាន៖ «បានជជែកគ្នាថាយើងគួរធ្វើម៉េច។ បានជជែករវាងសហគមន៍បីស្រុក និងអភិបាលរងខេត្ត និងប្រធានមន្ទីរអភិវឌ្ឍន៍ជនបទថា ពួកខ្ញុំធ្វើតាមតំបន់ចំណែកខាងមន្ទីរគាត់ធ្វើនៅដាក់ដាំ»។
តាមការគ្រោងទុកមន្ទីរអភិវឌ្ឍន៍ជនបទខេត្តមណ្ឌលគិរី នឹងរៀបចំប្រារព្ធទិវាអន្តរជាតិជនជាតិដើមភាគតិចពិភពលោក ដោយសហការជាមួយសហគមន៍ពីបណ្ដាស្រុកនានាប្រមាណ២រយនាក់។ ពិធីនេះរៀបចំធ្វើនៅឃុំដាក់ដាំ ស្រុកអូរាំង។ ដោយឡែកពិធីសែនព្រេនបែបប្រពៃណីជនជាតិដើមភាគតិច ក៏នឹងត្រូវប្រារព្ធអបអរដូចគ្នានេះ នៅឃុំចំនួន៦ក្នុងស្រុកកោះញែក ស្រុកកែវសីមា ស្រុកពេជ្រាដា និងក្រុងសែនមនោរម្យ។
ប្រធានសហគមន៍ឃុំដាក់ដាំ លោក ពើល ធិ កត់សំគាល់ថា អភិបាលខេត្តអាណត្តិថ្មី យកចិត្តទុកដាក់លើកស្ទួយសិទ្ធិជនជាតិដើមភាគតិច ស្របតាមគោលនយោបាយរាជរដ្ឋាភិបាល។ លោកថានេះជាបំណងប្រាថ្នារបស់សហគមន៍ចង់បាន ការគោរពសិទ្ធិជនជាតិដើមពេញលេញពីសំណាក់អាជ្ញាធរមូលដ្ឋាន៖ «អភិបាលខេត្តថ្មីឥឡូវគាត់បានសហការជាមួយសហគមន៍ហើយ ខាងមន្ទីរអភិវឌ្ឍន៍ជនបទគាត់អ្នករៀបចំផ្ទាល់អញ្ចឹងធូរដែរ ធូរអារម្មណ៍ដើម្បីលើកទឹកចិត្តជនជាតិដើមភាគតិច»។
ប្រធានបទស្ដីពីជនជាតិដើមភាគតិចនិងសិទ្ធិទទួលបានការអប់រំផ្ដោតទៅលើកិច្ចការពារសិទ្ធិ និងការពារដីធ្លី គឺជាខ្លឹមសារមានសារៈសំខាន់សម្រាប់ខួបលើកទី១២ នៃទិវាជនជាតិដើមភាគតិចពិភពលោកនៅប្រទេសកម្ពុជា។
តំណាងសហគមន៍ឃុំក្បាលរមាស ខេត្តស្ទឹងត្រែង លោក ដាំ សំណាង ថ្លែងថា សិទ្ធិទទួលបានការអប់រំគឺជាសារដាស់ស្មារតីសហគមន៍ជនជាតិដើមភាគតិចទាំងអស់ ឲ្យភ្ញាក់រលឹក និងខិតខំបណ្ដុះប្រាជ្ញាស្មារតី អភិវឌ្ឍន៍ក្រុមគ្រួសារនិងសហគមន៍ទទួលបានការយល់ដឹង ត្រឹមត្រូវអភិរក្សប្រពៃណីវប្បធម៌ជនជាតិដើមបានកាន់តែប្រសើរ និងអភិរក្សធនធានធម្មជាតិដីធ្លីបាននៅគង់វង្សទៅថ្ងៃអនាគត។ លើសពីនេះទៀតប្រធានបទនេះក៏ជាសារជំរុញ ឲ្យអាជ្ញាធរពាក់ព័ន្ធចូលរួមយ៉ាងសកម្មការពារសិទ្ធិនិងដីធ្លីជនជាតិដើមភាគតិចនៅមូលដ្ឋានឡើងវិញ៖ «នៅមិនទាន់បានប្រសើរទេ ជាក់ស្ដែងនៅស្រុកខ្ញុំមានបញ្ហាប្រើប្រាស់ដីធ្លីការកាប់បំផ្លាញព្រៃឈើច្រើន។ ការកាប់បំផ្លាញព្រៃឈើនេះនាំឲ្យប៉ះពាល់ធ្ងន់ធ្ងរការមិនគោរពច្បាប់ ឬការរើសអើង។ ការការពារក៏មានការធ្វេសប្រហែសពីខាងអាជ្ញាធរផងដែរ»។
ពាក្យស្លោកសំខាន់ៗ ជាសារចូលរួមទិវាអន្តរជាតិជនជាតិដើមភាគតិចពិភពលោកឆ្នាំនេះរួមមាន ៖សាមគ្គីភាពនាំឲ្យមានការគោរពសិទ្ធិ ដីធ្លី ធនធានធម្មជាតិ និងអត្តសញ្ញាណជនជាតិដើមភាគតិច។ការគោរពសិទ្ធិគ្នានាំមកសេចក្ដីថ្លៃថ្នូរសម្រាប់រដ្ឋាភិបាល និងស្ថាប័នពាក់ព័ន្ធ។ បញ្ឈប់ការរើសអើងជនជាតិដើមភាគតិច និងយុត្តិធម៌គឺជាការចាំបាច់សម្រាប់ការអភិវឌ្ឍន៍ជនជាតិដើមភាគតិចប្រកបដោយនិរន្តភាព។
មន្ត្រីសម្របសម្រួលលេខាធិការដ្ឋានសម្ព័ន្ធជនជាតិដើមភាគតិចកម្ពុជា លោក យុន រ៉ូឡង់ កត់សំគាល់ដែរថា កន្លងទៅរាជរដ្ឋាភិបាលនិងក្រសួងអភិវឌ្ឍន៍ជនបទយកចិត្តទុកដាក់លើកកម្ពស់សិទ្ធិជនជាតិដើមភាគតិច ក៏ប៉ុន្តែមន្ត្រីមូលដ្ឋានខ្លះមិនបានស្វែងយល់ស៊ីជម្រៅទាក់ទិនការគោរពសិទ្ធិជនជាតិដើមភាគតិច។ លោកអំពាវនាវឲ្យអាជ្ញាធរថ្នាក់ក្រោមជាតិបញ្ឈប់ការរឹតបន្តឹងសេរីភាពសហគមន៍ និងសហការល្អជាមួយជនជាតិដើមភាគតិច ជាពិសេសចូលរួមប្រារព្ធទិវាអន្តរជាតិជនជាតិដើមភាគតិចនៅឆ្នាំនេះ ដើម្បីរួមគ្នាគោរពសិទ្ធិជនជាតិដើមភាគតិចបានកាន់តែប្រសើរ៖ «គួរផ្ដល់សេរីភាពឲ្យគាត់រៀបចំរឿងហ្នឹងព្រោះជាព្រឹត្តិការពិភពលោក ហើយគាត់ធ្វើជាលក្ខណៈ អបអរសាទរបង្ហាញពីអ្វីដែលគាត់មាន ដូចជាច្បាប់ផ្សេងៗដែលបានគាំទ្រគាត់។ ជាឱកាសឲ្យពួកគាត់អភិរក្សអត្តសញ្ញាណពួកគាត់»។
ក្រសួងអភិវឌ្ឍន៍ជនបទកាលពីពេលថ្មីៗនេះ បានចេញលិខិតណែនាំឲ្យមន្ទីរជំនាញគ្រប់ខេត្តក្រុង សហការល្អជាមួយសហគមន៍ជនជាតិដើមភាគតិចប្រារព្ធទិវា អន្តរជាតិជនជាតិដើមភាគតិចពិភពលោកឆ្នាំនេះ។
ប្រធានមន្ទីរអភិវឌ្ឍន៍ជនបទខេត្តមណ្ឌលគិរី លោក យន់ សារោម ថ្លែងបញ្ជាក់ថា ជាគោលការណ៍រាជរដ្ឋាភិបាល មន្ត្រីស្ថាប័នពាក់ព័ន្ធនិងអាជ្ញាធរមូលដ្ឋានតែងលើកកម្ពស់ការគោរពសិទ្ធិជនជាតិដើមភាគតិច ជាពិសេសការប្រារព្ធទិវាអន្តរជាតិជនជាតិដើមភាគតិចដែលត្រូវបានប្រារព្ធរៀងរាល់ឆ្នាំ។ លោកថាជនជាតិដើមភាគតិច ក៏ត្រូវបង្កើនការយល់ដឹង និងអនុវត្តឲ្យបានត្រឹមត្រូវទាក់ទិនសិទ្ធិទាំងឡាយដែលបានកំណត់ក្នុងច្បាប់៖ «ទិវានេះយើងធ្វើតាមគោលការច្បាប់ សហគមន៍ និងដៃគូរអភិវឌ្ឍន៍ចូលរួម។ ទិវានេះដើម្បីលើកកម្ពស់សិទ្ធិជនជាតិដើមភាគតិច និងវប្បធម៌ប្រពៃណីទំនៀមទម្លាប់»។
ខេត្តចំនួន៩ដែលគ្រោងរៀបចំទិវាអន្តរជាតិជនជាតិដើមភាគតិចពិភពលោកនៅប្រទេសកម្ពុជារួមមាន៖ ខេត្តរតនគិរី មណ្ឌលគិរី ព្រះវិហារ ក្រចេះ ស្ទឹងត្រែង កំពង់ស្ពឺ ពោធិ៍សត្វ បាត់ដំបង និងខេត្តកំពង់ធំ៕
Clik here to view.
ដោយ រដ្ឋា វិសាល RFA 2016-08-06
ជនជាតិដើមភាគតិចនៅខេត្តក្រុងចំនួន៩ នឹងរៀបចំទិវាអន្តរជាតិនៃជនជាតិដើមភាគតិចពិភពលោកនៅថ្ងៃទី៩ ខែសីហា នៅទីតាំងចំនួន៣៧កន្លែងផ្សេងៗគ្នាដើម្បីលើកកម្ពស់សិទ្ធិជនជាតិដើមភាគតិច។ លើសពីនេះពួកគេក៏មានបំណងលើកកម្ពស់យល់ដឹងដល់ប្រជាពលរដ្ឋទូទៅអំពីវប្បធម៌និងបញ្ហាប្រឈមនានារបស់ជនជាតិដើមភាគតិចនៅប្រទេសកម្ពុជា។
ជនជាតិដើមភាគតិចព្នងអះអាងថា សហគមន៍នៅខេត្តមណ្ឌលគិរីត្រៀមកម្មវិធីរួម ហើយដើម្បីប្រារព្ធខួបលើកទី២២នៃទិវាអន្តរជាតិនៃជនជាតិដើមភាគតិចក្នុងប្រទេសកម្ពុជា។
កាលពីខែសីហា ឆ្នាំ២០១៥ ជនជាតិដើមភាគតិចព្នង ជួបរឿងចម្រូងចម្រាស់ជាមួយអាជ្ញាធរខេត្តខណៈអាជ្ញាធរដាក់កងកម្លាំងរារាំង មិនឲ្យសហគមន៍ប្រារព្ធទិវាដូចគ្នានេះនៅឃុំប៊ូស្រា ស្រុកពេជ្រាដា ក្រោមហេតុផលថា សហគមន៍មិនបានសុំច្បាប់អនុញ្ញាតពីអាជ្ញាធរខេត្ត។ យ៉ាងនេះក្ដីសហគមន៍បានព្យាយាមរៀបចំពិធីខួបដ៏មានសារៈសំខាន់របស់ពួកគេក្រោមកម្ដៅថ្ងៃ និងចំពោះមុខកងកម្លាំងអាជ្ញាធរខេត្តដែលព្យាយាមហាមឃាត់មិនឲ្យសហគមន៍ប្រារព្ធពិធីនេះ។
តំណាងសហគមន៍ឃុំប៊ូស្រា លោក ក្រើង តុលា រំលឹកព្រឹត្តិការណ៍នេះថា ជាការរឹតបន្តឹងសេរីភាព និងសិទ្ធិជនជាតិដើមដែលច្បាប់ជាតិអន្តរជាតិបានទទួលស្គាល់ ទាក់ទិនការប្រារព្ធទិវាជនជាតិដើម ភាគតិចពិភពលោក។ បទពិសោធន៍នេះធ្វើឲ្យសហគមន៍ និងអាជ្ញាធរខេត្តជាពិសេសអភិបាល ខេត្តមណ្ឌលគិរីទើបឡើងកាន់តំណែងបានជួបពិភាក្សា និងសហការគ្នាធ្វើយ៉ាងណាមិនឲ្យមានការបំពានលើសិទ្ធិជនជាតិដើម និងគោរពបាននូវគោលការណ៍កំណត់របស់អាជ្ញាធរមូលដ្ឋាន៖ «បានជជែកគ្នាថាយើងគួរធ្វើម៉េច។ បានជជែករវាងសហគមន៍បីស្រុក និងអភិបាលរងខេត្ត និងប្រធានមន្ទីរអភិវឌ្ឍន៍ជនបទថា ពួកខ្ញុំធ្វើតាមតំបន់ចំណែកខាងមន្ទីរគាត់ធ្វើនៅដាក់ដាំ»។
តាមការគ្រោងទុកមន្ទីរអភិវឌ្ឍន៍ជនបទខេត្តមណ្ឌលគិរី នឹងរៀបចំប្រារព្ធទិវាអន្តរជាតិជនជាតិដើមភាគតិចពិភពលោក ដោយសហការជាមួយសហគមន៍ពីបណ្ដាស្រុកនានាប្រមាណ២រយនាក់។ ពិធីនេះរៀបចំធ្វើនៅឃុំដាក់ដាំ ស្រុកអូរាំង។ ដោយឡែកពិធីសែនព្រេនបែបប្រពៃណីជនជាតិដើមភាគតិច ក៏នឹងត្រូវប្រារព្ធអបអរដូចគ្នានេះ នៅឃុំចំនួន៦ក្នុងស្រុកកោះញែក ស្រុកកែវសីមា ស្រុកពេជ្រាដា និងក្រុងសែនមនោរម្យ។
ប្រធានសហគមន៍ឃុំដាក់ដាំ លោក ពើល ធិ កត់សំគាល់ថា អភិបាលខេត្តអាណត្តិថ្មី យកចិត្តទុកដាក់លើកស្ទួយសិទ្ធិជនជាតិដើមភាគតិច ស្របតាមគោលនយោបាយរាជរដ្ឋាភិបាល។ លោកថានេះជាបំណងប្រាថ្នារបស់សហគមន៍ចង់បាន ការគោរពសិទ្ធិជនជាតិដើមពេញលេញពីសំណាក់អាជ្ញាធរមូលដ្ឋាន៖ «អភិបាលខេត្តថ្មីឥឡូវគាត់បានសហការជាមួយសហគមន៍ហើយ ខាងមន្ទីរអភិវឌ្ឍន៍ជនបទគាត់អ្នករៀបចំផ្ទាល់អញ្ចឹងធូរដែរ ធូរអារម្មណ៍ដើម្បីលើកទឹកចិត្តជនជាតិដើមភាគតិច»។
ប្រធានបទស្ដីពីជនជាតិដើមភាគតិចនិងសិទ្ធិទទួលបានការអប់រំផ្ដោតទៅលើកិច្ចការពារសិទ្ធិ និងការពារដីធ្លី គឺជាខ្លឹមសារមានសារៈសំខាន់សម្រាប់ខួបលើកទី១២ នៃទិវាជនជាតិដើមភាគតិចពិភពលោកនៅប្រទេសកម្ពុជា។
តំណាងសហគមន៍ឃុំក្បាលរមាស ខេត្តស្ទឹងត្រែង លោក ដាំ សំណាង ថ្លែងថា សិទ្ធិទទួលបានការអប់រំគឺជាសារដាស់ស្មារតីសហគមន៍ជនជាតិដើមភាគតិចទាំងអស់ ឲ្យភ្ញាក់រលឹក និងខិតខំបណ្ដុះប្រាជ្ញាស្មារតី អភិវឌ្ឍន៍ក្រុមគ្រួសារនិងសហគមន៍ទទួលបានការយល់ដឹង ត្រឹមត្រូវអភិរក្សប្រពៃណីវប្បធម៌ជនជាតិដើមបានកាន់តែប្រសើរ និងអភិរក្សធនធានធម្មជាតិដីធ្លីបាននៅគង់វង្សទៅថ្ងៃអនាគត។ លើសពីនេះទៀតប្រធានបទនេះក៏ជាសារជំរុញ ឲ្យអាជ្ញាធរពាក់ព័ន្ធចូលរួមយ៉ាងសកម្មការពារសិទ្ធិនិងដីធ្លីជនជាតិដើមភាគតិចនៅមូលដ្ឋានឡើងវិញ៖ «នៅមិនទាន់បានប្រសើរទេ ជាក់ស្ដែងនៅស្រុកខ្ញុំមានបញ្ហាប្រើប្រាស់ដីធ្លីការកាប់បំផ្លាញព្រៃឈើច្រើន។ ការកាប់បំផ្លាញព្រៃឈើនេះនាំឲ្យប៉ះពាល់ធ្ងន់ធ្ងរការមិនគោរពច្បាប់ ឬការរើសអើង។ ការការពារក៏មានការធ្វេសប្រហែសពីខាងអាជ្ញាធរផងដែរ»។
ពាក្យស្លោកសំខាន់ៗ ជាសារចូលរួមទិវាអន្តរជាតិជនជាតិដើមភាគតិចពិភពលោកឆ្នាំនេះរួមមាន ៖សាមគ្គីភាពនាំឲ្យមានការគោរពសិទ្ធិ ដីធ្លី ធនធានធម្មជាតិ និងអត្តសញ្ញាណជនជាតិដើមភាគតិច។ការគោរពសិទ្ធិគ្នានាំមកសេចក្ដីថ្លៃថ្នូរសម្រាប់រដ្ឋាភិបាល និងស្ថាប័នពាក់ព័ន្ធ។ បញ្ឈប់ការរើសអើងជនជាតិដើមភាគតិច និងយុត្តិធម៌គឺជាការចាំបាច់សម្រាប់ការអភិវឌ្ឍន៍ជនជាតិដើមភាគតិចប្រកបដោយនិរន្តភាព។
មន្ត្រីសម្របសម្រួលលេខាធិការដ្ឋានសម្ព័ន្ធជនជាតិដើមភាគតិចកម្ពុជា លោក យុន រ៉ូឡង់ កត់សំគាល់ដែរថា កន្លងទៅរាជរដ្ឋាភិបាលនិងក្រសួងអភិវឌ្ឍន៍ជនបទយកចិត្តទុកដាក់លើកកម្ពស់សិទ្ធិជនជាតិដើមភាគតិច ក៏ប៉ុន្តែមន្ត្រីមូលដ្ឋានខ្លះមិនបានស្វែងយល់ស៊ីជម្រៅទាក់ទិនការគោរពសិទ្ធិជនជាតិដើមភាគតិច។ លោកអំពាវនាវឲ្យអាជ្ញាធរថ្នាក់ក្រោមជាតិបញ្ឈប់ការរឹតបន្តឹងសេរីភាពសហគមន៍ និងសហការល្អជាមួយជនជាតិដើមភាគតិច ជាពិសេសចូលរួមប្រារព្ធទិវាអន្តរជាតិជនជាតិដើមភាគតិចនៅឆ្នាំនេះ ដើម្បីរួមគ្នាគោរពសិទ្ធិជនជាតិដើមភាគតិចបានកាន់តែប្រសើរ៖ «គួរផ្ដល់សេរីភាពឲ្យគាត់រៀបចំរឿងហ្នឹងព្រោះជាព្រឹត្តិការពិភពលោក ហើយគាត់ធ្វើជាលក្ខណៈ អបអរសាទរបង្ហាញពីអ្វីដែលគាត់មាន ដូចជាច្បាប់ផ្សេងៗដែលបានគាំទ្រគាត់។ ជាឱកាសឲ្យពួកគាត់អភិរក្សអត្តសញ្ញាណពួកគាត់»។
ក្រសួងអភិវឌ្ឍន៍ជនបទកាលពីពេលថ្មីៗនេះ បានចេញលិខិតណែនាំឲ្យមន្ទីរជំនាញគ្រប់ខេត្តក្រុង សហការល្អជាមួយសហគមន៍ជនជាតិដើមភាគតិចប្រារព្ធទិវា អន្តរជាតិជនជាតិដើមភាគតិចពិភពលោកឆ្នាំនេះ។
ប្រធានមន្ទីរអភិវឌ្ឍន៍ជនបទខេត្តមណ្ឌលគិរី លោក យន់ សារោម ថ្លែងបញ្ជាក់ថា ជាគោលការណ៍រាជរដ្ឋាភិបាល មន្ត្រីស្ថាប័នពាក់ព័ន្ធនិងអាជ្ញាធរមូលដ្ឋានតែងលើកកម្ពស់ការគោរពសិទ្ធិជនជាតិដើមភាគតិច ជាពិសេសការប្រារព្ធទិវាអន្តរជាតិជនជាតិដើមភាគតិចដែលត្រូវបានប្រារព្ធរៀងរាល់ឆ្នាំ។ លោកថាជនជាតិដើមភាគតិច ក៏ត្រូវបង្កើនការយល់ដឹង និងអនុវត្តឲ្យបានត្រឹមត្រូវទាក់ទិនសិទ្ធិទាំងឡាយដែលបានកំណត់ក្នុងច្បាប់៖ «ទិវានេះយើងធ្វើតាមគោលការច្បាប់ សហគមន៍ និងដៃគូរអភិវឌ្ឍន៍ចូលរួម។ ទិវានេះដើម្បីលើកកម្ពស់សិទ្ធិជនជាតិដើមភាគតិច និងវប្បធម៌ប្រពៃណីទំនៀមទម្លាប់»។
ខេត្តចំនួន៩ដែលគ្រោងរៀបចំទិវាអន្តរជាតិជនជាតិដើមភាគតិចពិភពលោកនៅប្រទេសកម្ពុជារួមមាន៖ ខេត្តរតនគិរី មណ្ឌលគិរី ព្រះវិហារ ក្រចេះ ស្ទឹងត្រែង កំពង់ស្ពឺ ពោធិ៍សត្វ បាត់ដំបង និងខេត្តកំពង់ធំ៕