Image may be NSFW.
Clik here to view.
ដោយ ម៉ម មុនីរតន៍ RFA 2016-08-11
មន្ត្រីក្រសួងមហាផ្ទៃ ឲ្យដឹងថា ក្នុងពេលឆាប់ៗនេះ តុលាការនឹងចាប់ផ្ដើមដំណើរក្ដីសំណុំរឿងលោកបណ្ឌិត កែម ឡី ហើយ។ ខាងក្រុមគ្រួសារសពលោកបណ្ឌិត កែម ឡី វិញយល់ឃើញថា គេហាក់ពុំមានជំនឿទាល់តែសោះ ថាការស្វែងរកយុត្តិធម៌នេះអាចធ្វើឲ្យក្រុមគ្រួសារបានស្ងប់ចិត្ត និងជឿជាក់ថា ពិតជាមានយុត្តិធម៌មែន។ គិតមកដល់ពេលនេះ ចាប់តាំងពីថ្ងៃឃាតកបាញ់ប្រហារលោកបណ្ឌិត កែម ឡី បានអូសបន្លាយមួយខែមកហើយក្ដី តម្រុយថ្មីណាមួយពាក់ព័ន្ធនឹងសំណុំរឿងនេះ ខាងសមត្ថកិច្ចបញ្ជាក់ថានៅមិនទាន់មានពន្លឺ ក្រៅពីឈ្មោះ ជួប សម្លាប់ នេះនៅឡើយទេ។
ក្រុមគ្រួសាររបស់លោកបណ្ឌិត កែម ឡី អះអាងថា ការពឹងពាក់មេធាវីដើម្បីតតាំងតាមផ្លូវច្បាប់ គឺគ្រួសារសពមិនទាន់បានគិតគូរនៅឡើយទេរហូតមកដល់ពេលនេះ ដោយរង់ចាំរៀបចំពិធីបុណ្យ ១០០ថ្ងៃចប់ជាមុនសិន។
ការបញ្ជាក់ដូចនេះរបស់តំណាងក្រុមគ្រួសារលោកបណ្ឌិត កែម ឡី គឺបន្ទាប់ពីក្រសួងមហាផ្ទៃ ឲ្យដឹងនៅថ្ងៃទី១១ ខែសីហា ថា តុលាការនឹងដំណើរការសំណុំរឿងនេះនាពេលឆាប់ៗនេះហើយ។
ថ្លែងប្រាប់ក្រុមអ្នកសារព័ត៌មាននៅក្រសួងមហាផ្ទៃ លោក ខៀវ សុភ័គ បញ្ជាក់ថា រឿងក្ដីនេះខាងតុលាការនឹងបើកសវនាការក្នុងពេលដ៏ខ្លីខាងមុខនេះហើយ។ បើទោះជាយ៉ាងណា មន្ត្រីនាំពាក្យរូបនេះពុំបានបញ្ជាក់ទេថា តើឆាប់ៗនេះនឹងត្រូវចាប់អនុវត្តពីពេលណានោះឡើយ? លោក ខៀវ សុភ័គ បាននិយាយថា ភារកិច្ចនេះ គឺជាតួនាទីរបស់តុលាការ។ លោកបន្តថា «ខ្ញុំសង្ឃឹមថាតុលាការលោកនឹងបើកសវនាការក្នុងពេលឆាប់ៗហ្នឹង។ ហើយពេលនោះជាសវនាការសាធារណៈ ហើយម៉េមម៉ូរីកាត (Memory Card) និងវីដេអូ អាចនឹងអញ្ជើញប្អូនៗទៅមើល។ ឥឡូវនេះគេកំពុងធ្វើការស៊ើបអង្កេតប្រមូលរឿងឲ្យជុំសិន សំណុំរឿងឲ្យជុំសិន បើកសវនាការហើយ»។
ចំណែកមន្ត្រីនាំពាក្យតុលាការក្រុងភ្នំពេញវិញ លោក លី សុផាណា ឆ្លើយយ៉ាងខ្លីតាមសារអេឡិចត្រូនិក ឬតេឡេក្រាម (Telegram) ថា ចៅក្រមស៊ើបសួរកំពុងបន្តនីតិវិធីក្នុងសំណុំរឿងក្ដីលោកបណ្ឌិត កែម ឡី នេះហើយ។
ទាក់ទិនការគាំពារផ្នែកផ្លូវច្បាប់ជុំវិញសំណុំរឿងដ៏ឧក្រិដ្ឋនេះ មន្ត្រីអង្គការក្រៅរដ្ឋាភិបាល ឲ្យដឹងថា រហូតមកដល់ពេលនេះ ស្ថាប័នអង្គការសង្គមស៊ីវិល រង់ចាំផ្ដល់មេធាវីជានិច្ច ប្រសិនបើមានការស្នើសុំពីសាច់ញាតិលោកបណ្ឌិត កែម ឡី។ លោក មឿន តុលា នាយកប្រតិបត្តិមជ្ឈមណ្ឌលសម្ពន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) បញ្ជាក់ថា អង្គការរបស់លោករង់ចាំសហការគ្រប់ពេលក្នុងការផ្ដល់មេធាវី បើសិនមានការពឹងពាក់ពីជនរងគ្រោះ។ លោកបន្តថា «សម្រាប់ខាងខ្ញុំ គឺយើងត្រៀមខ្លួនរួចហើយ ហើយរង់ចាំតែក្រុមគ្រួសារគាត់ ឲ្យតែក្រុមគ្រួសារដាក់ពាក្យស្នើសុំជាផ្លូវការមក យើងផ្ដល់ភ្លាមសម្រាប់មេធាវី»។
ជុំវិញរឿងនេះ តំណាងឲ្យក្រុមគ្រួសារសពលោកបណ្ឌិត កែម ឡី គឺលោក នឿន ចាន្នី ឲ្យដឹងថា ពួកគាត់ពុំទាន់បានគិតទៅដល់ការស្វែងរកយុត្តិធម៌នេះនៅឡើយទេ។ លោកបន្តថា អ្វីដែលចាំបាច់នៅចំពោះមុខនាពេលនេះ តើត្រូវរៀបចំបុណ្យ ១០០ថ្ងៃដោយរបៀបណាឲ្យលោកបណ្ឌិត កែម ឡី? ម្យ៉ាងវិញទៀត លោកហាក់មានជំនឿតិចតួចថាតុលាការអាចនឹងផ្ដល់យុត្តិធម៌ដល់ក្រុមគ្រួសាររបស់ខ្លួនបាន។ លោកបន្តថា «ខ្ញុំមិនសង្ឃឹមថា ព្រោះរាល់ថ្ងៃយើងដឹងថាឃាតកមុខថាជានរណា ក៏យើងមិនដឹងទៅពឹងឲ្យអ្នកណាចាប់ ឲ្យអ្នកណាជួយ។ រឿងបែបហ្នឹង ស្ថានភាពស្រុកយើង។ ករណីនេះវាជាករណីធ្ងន់ធ្ងរ។ និយាយរួមទៅ បើការស៊ើបអង្កេតក៏មិនពិបាកដែរ។ បើតាមអាជ្ញាធរ ឬរដ្ឋាភិបាលមានចេតនារកមុខឃាតកដូចជាមិនពិបាកទេ»។
លោក ខៀវ សុភ័គ អះអាងជាថ្មីទៀតថា រហូតមកដល់ពេលនេះ សមត្ថកិច្ចជំនាញមិនទាន់អាចមានតម្រុយថ្មីណាមួយបន្ថែមទៀតនៅឡើយទេ ក្រៅពីឈ្មោះ អឿត អាង ហៅ ជួប សម្លាប់ នេះ។ លោកត្អូញត្អែរថា មូលហេតុដែលសមត្ថកិច្ចជួបឧបសគ្គក្នុងការបំបែកសំណុំរឿងនេះ ដោយសារជនត្រូវចោទនៅតែទទឹងរឹងរូស ជាពិសេសនោះឈ្មោះ អឿត អាង នេះបានភ្លេចឪពុកម្ដាយ និងប្រពន្ធកូនថែមទៀតផង។
អង្គការសង្គមស៊ីវិលផ្នែកសិទ្ធិមនុស្សយល់ឃើញថា សំណុំរឿងនេះងាយនឹងបំបែកណាស់ ប្រសិនបើសមត្ថកិច្ចពិតមានឆន្ទៈក្នុងការស្វះស្វែងរកយុត្តិធម៌មែននោះ។ ភស្តុតាងដែលមាននៅក្នុងម៉េមម៉ូរីកាត បូករួមនឹងជនសង្ស័យដទៃទៀត សង្គមស៊ីវិលយល់ឃើញថា ទាំងនេះគឺធាតុផ្សំដ៏មានសារសំខាន់ ដែលអាចឈានទៅកំណត់មុខសញ្ញាជនសង្ស័យពិត និងអ្នកបញ្ជាឲ្យបាញ់សម្លាប់នេះបាន៕
Clik here to view.
ដោយ ម៉ម មុនីរតន៍ RFA 2016-08-11
មន្ត្រីក្រសួងមហាផ្ទៃ ឲ្យដឹងថា ក្នុងពេលឆាប់ៗនេះ តុលាការនឹងចាប់ផ្ដើមដំណើរក្ដីសំណុំរឿងលោកបណ្ឌិត កែម ឡី ហើយ។ ខាងក្រុមគ្រួសារសពលោកបណ្ឌិត កែម ឡី វិញយល់ឃើញថា គេហាក់ពុំមានជំនឿទាល់តែសោះ ថាការស្វែងរកយុត្តិធម៌នេះអាចធ្វើឲ្យក្រុមគ្រួសារបានស្ងប់ចិត្ត និងជឿជាក់ថា ពិតជាមានយុត្តិធម៌មែន។ គិតមកដល់ពេលនេះ ចាប់តាំងពីថ្ងៃឃាតកបាញ់ប្រហារលោកបណ្ឌិត កែម ឡី បានអូសបន្លាយមួយខែមកហើយក្ដី តម្រុយថ្មីណាមួយពាក់ព័ន្ធនឹងសំណុំរឿងនេះ ខាងសមត្ថកិច្ចបញ្ជាក់ថានៅមិនទាន់មានពន្លឺ ក្រៅពីឈ្មោះ ជួប សម្លាប់ នេះនៅឡើយទេ។
ក្រុមគ្រួសាររបស់លោកបណ្ឌិត កែម ឡី អះអាងថា ការពឹងពាក់មេធាវីដើម្បីតតាំងតាមផ្លូវច្បាប់ គឺគ្រួសារសពមិនទាន់បានគិតគូរនៅឡើយទេរហូតមកដល់ពេលនេះ ដោយរង់ចាំរៀបចំពិធីបុណ្យ ១០០ថ្ងៃចប់ជាមុនសិន។
ការបញ្ជាក់ដូចនេះរបស់តំណាងក្រុមគ្រួសារលោកបណ្ឌិត កែម ឡី គឺបន្ទាប់ពីក្រសួងមហាផ្ទៃ ឲ្យដឹងនៅថ្ងៃទី១១ ខែសីហា ថា តុលាការនឹងដំណើរការសំណុំរឿងនេះនាពេលឆាប់ៗនេះហើយ។
ថ្លែងប្រាប់ក្រុមអ្នកសារព័ត៌មាននៅក្រសួងមហាផ្ទៃ លោក ខៀវ សុភ័គ បញ្ជាក់ថា រឿងក្ដីនេះខាងតុលាការនឹងបើកសវនាការក្នុងពេលដ៏ខ្លីខាងមុខនេះហើយ។ បើទោះជាយ៉ាងណា មន្ត្រីនាំពាក្យរូបនេះពុំបានបញ្ជាក់ទេថា តើឆាប់ៗនេះនឹងត្រូវចាប់អនុវត្តពីពេលណានោះឡើយ? លោក ខៀវ សុភ័គ បាននិយាយថា ភារកិច្ចនេះ គឺជាតួនាទីរបស់តុលាការ។ លោកបន្តថា «ខ្ញុំសង្ឃឹមថាតុលាការលោកនឹងបើកសវនាការក្នុងពេលឆាប់ៗហ្នឹង។ ហើយពេលនោះជាសវនាការសាធារណៈ ហើយម៉េមម៉ូរីកាត (Memory Card) និងវីដេអូ អាចនឹងអញ្ជើញប្អូនៗទៅមើល។ ឥឡូវនេះគេកំពុងធ្វើការស៊ើបអង្កេតប្រមូលរឿងឲ្យជុំសិន សំណុំរឿងឲ្យជុំសិន បើកសវនាការហើយ»។
ចំណែកមន្ត្រីនាំពាក្យតុលាការក្រុងភ្នំពេញវិញ លោក លី សុផាណា ឆ្លើយយ៉ាងខ្លីតាមសារអេឡិចត្រូនិក ឬតេឡេក្រាម (Telegram) ថា ចៅក្រមស៊ើបសួរកំពុងបន្តនីតិវិធីក្នុងសំណុំរឿងក្ដីលោកបណ្ឌិត កែម ឡី នេះហើយ។
ទាក់ទិនការគាំពារផ្នែកផ្លូវច្បាប់ជុំវិញសំណុំរឿងដ៏ឧក្រិដ្ឋនេះ មន្ត្រីអង្គការក្រៅរដ្ឋាភិបាល ឲ្យដឹងថា រហូតមកដល់ពេលនេះ ស្ថាប័នអង្គការសង្គមស៊ីវិល រង់ចាំផ្ដល់មេធាវីជានិច្ច ប្រសិនបើមានការស្នើសុំពីសាច់ញាតិលោកបណ្ឌិត កែម ឡី។ លោក មឿន តុលា នាយកប្រតិបត្តិមជ្ឈមណ្ឌលសម្ពន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) បញ្ជាក់ថា អង្គការរបស់លោករង់ចាំសហការគ្រប់ពេលក្នុងការផ្ដល់មេធាវី បើសិនមានការពឹងពាក់ពីជនរងគ្រោះ។ លោកបន្តថា «សម្រាប់ខាងខ្ញុំ គឺយើងត្រៀមខ្លួនរួចហើយ ហើយរង់ចាំតែក្រុមគ្រួសារគាត់ ឲ្យតែក្រុមគ្រួសារដាក់ពាក្យស្នើសុំជាផ្លូវការមក យើងផ្ដល់ភ្លាមសម្រាប់មេធាវី»។
ជុំវិញរឿងនេះ តំណាងឲ្យក្រុមគ្រួសារសពលោកបណ្ឌិត កែម ឡី គឺលោក នឿន ចាន្នី ឲ្យដឹងថា ពួកគាត់ពុំទាន់បានគិតទៅដល់ការស្វែងរកយុត្តិធម៌នេះនៅឡើយទេ។ លោកបន្តថា អ្វីដែលចាំបាច់នៅចំពោះមុខនាពេលនេះ តើត្រូវរៀបចំបុណ្យ ១០០ថ្ងៃដោយរបៀបណាឲ្យលោកបណ្ឌិត កែម ឡី? ម្យ៉ាងវិញទៀត លោកហាក់មានជំនឿតិចតួចថាតុលាការអាចនឹងផ្ដល់យុត្តិធម៌ដល់ក្រុមគ្រួសាររបស់ខ្លួនបាន។ លោកបន្តថា «ខ្ញុំមិនសង្ឃឹមថា ព្រោះរាល់ថ្ងៃយើងដឹងថាឃាតកមុខថាជានរណា ក៏យើងមិនដឹងទៅពឹងឲ្យអ្នកណាចាប់ ឲ្យអ្នកណាជួយ។ រឿងបែបហ្នឹង ស្ថានភាពស្រុកយើង។ ករណីនេះវាជាករណីធ្ងន់ធ្ងរ។ និយាយរួមទៅ បើការស៊ើបអង្កេតក៏មិនពិបាកដែរ។ បើតាមអាជ្ញាធរ ឬរដ្ឋាភិបាលមានចេតនារកមុខឃាតកដូចជាមិនពិបាកទេ»។
លោក ខៀវ សុភ័គ អះអាងជាថ្មីទៀតថា រហូតមកដល់ពេលនេះ សមត្ថកិច្ចជំនាញមិនទាន់អាចមានតម្រុយថ្មីណាមួយបន្ថែមទៀតនៅឡើយទេ ក្រៅពីឈ្មោះ អឿត អាង ហៅ ជួប សម្លាប់ នេះ។ លោកត្អូញត្អែរថា មូលហេតុដែលសមត្ថកិច្ចជួបឧបសគ្គក្នុងការបំបែកសំណុំរឿងនេះ ដោយសារជនត្រូវចោទនៅតែទទឹងរឹងរូស ជាពិសេសនោះឈ្មោះ អឿត អាង នេះបានភ្លេចឪពុកម្ដាយ និងប្រពន្ធកូនថែមទៀតផង។
អង្គការសង្គមស៊ីវិលផ្នែកសិទ្ធិមនុស្សយល់ឃើញថា សំណុំរឿងនេះងាយនឹងបំបែកណាស់ ប្រសិនបើសមត្ថកិច្ចពិតមានឆន្ទៈក្នុងការស្វះស្វែងរកយុត្តិធម៌មែននោះ។ ភស្តុតាងដែលមាននៅក្នុងម៉េមម៉ូរីកាត បូករួមនឹងជនសង្ស័យដទៃទៀត សង្គមស៊ីវិលយល់ឃើញថា ទាំងនេះគឺធាតុផ្សំដ៏មានសារសំខាន់ ដែលអាចឈានទៅកំណត់មុខសញ្ញាជនសង្ស័យពិត និងអ្នកបញ្ជាឲ្យបាញ់សម្លាប់នេះបាន៕