Image may be NSFW.
Clik here to view.
ដោយ អ៊ុំ រង្សី RFA 2016-08-12
ទិវាអន្តរជាតិសម្រាប់យុវជនលើកទី១៧ នៅថ្ងៃទី១២ ខែសីហា នេះ រៀបចំនៅវិទ្យាស្ថានបច្ចេកវិទ្យាកម្ពុជា ក្រោមប្រធានបទ "អាជីពនិងការងារសមរម្យសម្រាប់យុវជនឆ្ពោះទៅរកការសម្រេចគោលដៅអភិវឌ្ឍន៍ប្រកបដោយចិរភាព"។ ក្នុងឧកាសនេះ ក្រសួងអប់រំយុវជន និងកីឡា បានប្រកាសដាក់ចេញនូវកម្មវិធីបណ្ដុះបណ្ដាលតាមប្រព័ន្ធអនឡាញ (online) សម្រាប់យុវជននៅក្រៅសាលាដើម្បីឆ្លើយតបទៅនឹងតម្រូវការទីផ្សារការងារបច្ចុប្បន្ន។
ក្រសួងអប់រំយុវជន និងកីឡា អះអាងថា ការប្រកាសដាក់ចេញកម្មវិធីបណ្ដុះបណ្ដាលតាមប្រព័ន្ធអនឡាញ សម្រាប់យុវជននៅក្រៅសាលាគឺក្នុងបំណងលើកទឹកចិត្ត និងផ្ដល់ឱកាសឲ្យយុវជនដែលមានអាយុច្រើន និងគ្មានពេលវេលាគ្រប់គ្រាន់អាចរៀនសូត្រពីជំនាញបច្ចេកទេសដែលទីផ្សារការងារក្នុងស្រុកកំពុងតែត្រូវការជាចាំបាច់។
Image may be NSFW.
Clik here to view.
ថ្លែងទៅកាន់យុវជនដែលចូលរួមទិវាអន្តរជាតិសម្រាប់យុវជនលើកទី១៧ ប្រមាណជិត ២ពាន់នាក់ រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន សង្កត់ធ្ងន់លើកង្វះខាតអ្នកជំនាញលើបច្ចេកទេស ដូចជាលើវិស័យកសិកម្ម វិស័យទេសចរណ៍ វិស្វកម្ម និងវិស័យបរិស្ថាន ដែលទីផ្សារការងារកំពុងត្រូវការខ្លាំងជារៀងរាល់ឆ្នាំ។
លោកបញ្ជាក់ថា បច្ចុប្បន្នក្រសួងកំពុងដោះស្រាយបញ្ហានេះតាមរយៈកំណែទម្រង់ទាំងកម្មវិធីសិក្សា ការបណ្ដុះបណ្ដាលធនធានគ្រូក្នុងជំនាញនេះ និងទំនើបកម្មសម្ភារៈសិក្សា។ ទន្ទឹមគ្នានេះ ដើម្បីជំរុញអាជីព និងការងារសមរម្យសម្រាប់យុវជន ឆ្ពោះទៅរកការសម្រេចគោលដៅអភិវឌ្ឍន៍ប្រកបដោយចិរភាព ក្រសួងអប់រំ នឹងជំរុញយុវជនតាមបណ្ដាខេត្តនៅទូទាំងប្រទេសឲ្យយល់ដឹងពីជំនាញបច្ចេកទេសទាំងនេះ តាមរយៈវគ្គបណ្ដុះបណ្ដាលតាមប្រព័ន្ធអនឡាញ៖ «ក្រសួងអប់រំពីមុនមកយើងមានកម្មវិធីអនឡាញ ឬសមមូលសម្រាប់បឋមសិក្សា និងមធ្យមសិក្សា មានយុវជនប្រមាណជាង ២.០០០នាក់រៀនទេ អ៊ីចឹងការបង្កើតវគ្គបណ្ដុះបណ្ដាលអនឡាញ គឺជាការបើកឱកាសថ្មីឲ្យយុវជនគាត់រៀនជំនាញដែលទីផ្សារត្រូវការ ដូចជាមគ្គុទ្ទេសក៍ទេសចរណ៍ជាដើម យើងលើកទឹកចិត្តឲ្យយុវជនមានការងារធ្វើក្នុងស្រុក មិនបាច់ចំណាកស្រុកទៅណាឆ្ងាយ»។
Image may be NSFW.
Clik here to view.
ករណីនេះ នាយកប្រតិបត្តិអង្គការកម្មវិធីអភិវឌ្ឍន៍ធនធានយុវជន (YRDP) លោក ជាង សុខា គាំទ្រគំនិតផ្ដួចផ្ដើមនេះ។ ប៉ុន្តែលោកជំរុញឲ្យក្រសួងអប់រំ ត្រូវតែសិក្សាលំអិតលើតម្រូវការជំនាញ និងចំណេះដឹងរបស់យុវជននៅក្រៅសាលាឲ្យបានច្បាស់ជាមុនសិន មិនមែនគ្រាន់តែដាក់កម្មវិធីឲ្យតែល្អមើលនោះឡើយ៖ «រឿងនេះគឺជារឿងដែលចាំបាច់មែនទែន ដែលទាមទារឲ្យមានការសិក្សាលំអិត បើមិនអ៊ីចឹងទេ កម្មវិធីហ្នឹងបង្កើតឡើងគ្រាន់តែល្អមើលទេ ប៉ុន្តែយុវជនដែលនៅក្រៅសាលា។ យើងដឹងហើយថា ហេតុអីយើងនៅក្រៅសាលា? គឺទី១ ដោយសារកត្តាជីវភាពគាត់ ហើយកាលណាគាត់មានបញ្ហាជីវភាពធ្វើឲ្យគាត់ត្រូវបែងចែកពេលវេលា ដើម្បីរកការងារចិញ្ចឹមជីវិត អ៊ីចឹងគាត់មានពេលអត់ ហើយទី២ សមត្ថភាពចំណេះដឹងរបស់គាត់ អ៊ីចឹងបញ្ហាទាំងនេះវាទាមទារឲ្យសិក្សាពីពួកគាត់ឲ្យច្បាស់»។
Image may be NSFW.
Clik here to view.
ចំណែកឯយុវជនដែលបានចូលរួមកម្មវិធីនេះ កញ្ញា ច្រឹង វិច្ឆិកា ជានិស្សិតនៅសាកលវិទ្យាល័យភូមិន្ទភ្នំពេញ យល់ថា ការយកចិត្តទុកដាក់លើយុវជននៅក្រៅសាលា គឺជារឿងសំខាន់។ ទន្ទឹមគ្នានេះ យុវជនរូបនេះបានស្នើឲ្យក្រសួងត្រូវតែអប់រំដល់យុវជនដែលនៅតាមបណ្ដាខេត្តនៅតំបន់ដាច់ស្រយាលដែលមិនសូវយល់ដឹងពីប្រព័ន្ធអនឡាញឲ្យច្បាស់ជាមុនសិន ទើបកម្មវិធីបណ្ដុះបណ្ដាលនេះប្រសិទ្ធភាព៖ «ការ សិក្សាតាមប្រព័ន្ធអនឡាញ មានទាំងគុណវិបត្តិ និងគុណសម្បត្តិ។ យើងមើលគុណសម្បត្តិយុវជននៅទីក្រុងគាត់មានប្រព័ន្ធអ៊ីនធឺណិត មានការយល់ដឹងពីបច្ចេកវិទ្យាជាដើម អ៊ីចឹងក្រសួងត្រូវតែយកចិត្តទុកដាក់លើការអប់រំតាំងពីថ្នាក់ ក្រោមមក ឲ្យគាត់យល់ពីបច្ចេកវិទ្យា»។
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន មិនបានបញ្ជាក់ច្បាស់ពីចំនួនយុវជនត្រូវបានជ្រើសរើសឲ្យចូលរួមកម្មវិធីបណ្ដុះបណ្ដាលតាមប្រព័ន្ធអនឡាញ នៅក្រៅសាលាចំនួនប៉ុន្មាននៅឡើយ។ ដោយឡែកថវិកាដើម្បីដំណើរកម្មវិធីនេះ ក្រសួងក៏មិនទាន់បញ្ជាក់ច្បាស់នៅឡើយដែរ។ ប៉ុន្តែរដ្ឋមន្ត្រីក្រសួងអប់រំយុវជន និងកីឡារូបនេះអះអាងថា ដើម្បីឲ្យកម្មវិធីបណ្ដុះបណ្ដាលតាមប្រព័ន្ធអនឡាញ សម្រាប់យុវជនក្រៅសាលាមានប្រសិទ្ធភាព និងជោគជ័យក្រសួងអប់រំ កំពុងតែសហការជាមួយដៃគូអភិវឌ្ឍន៍ អគ្គនាយកដ្ឋានយុវជន តំណាងយុវជន ក្រសួងការងារ និងស្ថាប័នពាក់ព័ន្ធជាច្រើនទៀតលើកម្មវិធីបណ្ដុះបណ្ដាលនេះ។ ក្រសួងរំពឹងថា កម្មវិធីនេះនឹងឆ្លើយតបនឹងតម្រូវការយុវជនជាង ៤៥% ដែលនៅក្រៅសាលាបច្ចុប្បន្នឲ្យទទួលបានជំនាញដែលទីផ្សារការងារក្នុងស្រុកកំពុងតែត្រូវការ៕
Image may be NSFW.
Clik here to view.![យុវជនចូលរួមប្រារព្ធទិវាអន្តរជាតិសម្រាប់យុវជនលើកទី១៧នៅវិទ្យាស្ថានបច្ចេកវិទ្យាកម្ពុជា។]()
Clik here to view.
ដោយ អ៊ុំ រង្សី RFA 2016-08-12
ទិវាអន្តរជាតិសម្រាប់យុវជនលើកទី១៧ នៅថ្ងៃទី១២ ខែសីហា នេះ រៀបចំនៅវិទ្យាស្ថានបច្ចេកវិទ្យាកម្ពុជា ក្រោមប្រធានបទ "អាជីពនិងការងារសមរម្យសម្រាប់យុវជនឆ្ពោះទៅរកការសម្រេចគោលដៅអភិវឌ្ឍន៍ប្រកបដោយចិរភាព"។ ក្នុងឧកាសនេះ ក្រសួងអប់រំយុវជន និងកីឡា បានប្រកាសដាក់ចេញនូវកម្មវិធីបណ្ដុះបណ្ដាលតាមប្រព័ន្ធអនឡាញ (online) សម្រាប់យុវជននៅក្រៅសាលាដើម្បីឆ្លើយតបទៅនឹងតម្រូវការទីផ្សារការងារបច្ចុប្បន្ន។
ក្រសួងអប់រំយុវជន និងកីឡា អះអាងថា ការប្រកាសដាក់ចេញកម្មវិធីបណ្ដុះបណ្ដាលតាមប្រព័ន្ធអនឡាញ សម្រាប់យុវជននៅក្រៅសាលាគឺក្នុងបំណងលើកទឹកចិត្ត និងផ្ដល់ឱកាសឲ្យយុវជនដែលមានអាយុច្រើន និងគ្មានពេលវេលាគ្រប់គ្រាន់អាចរៀនសូត្រពីជំនាញបច្ចេកទេសដែលទីផ្សារការងារក្នុងស្រុកកំពុងតែត្រូវការជាចាំបាច់។
Image may be NSFW.
Clik here to view.
ថ្លែងទៅកាន់យុវជនដែលចូលរួមទិវាអន្តរជាតិសម្រាប់យុវជនលើកទី១៧ ប្រមាណជិត ២ពាន់នាក់ រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន សង្កត់ធ្ងន់លើកង្វះខាតអ្នកជំនាញលើបច្ចេកទេស ដូចជាលើវិស័យកសិកម្ម វិស័យទេសចរណ៍ វិស្វកម្ម និងវិស័យបរិស្ថាន ដែលទីផ្សារការងារកំពុងត្រូវការខ្លាំងជារៀងរាល់ឆ្នាំ។
លោកបញ្ជាក់ថា បច្ចុប្បន្នក្រសួងកំពុងដោះស្រាយបញ្ហានេះតាមរយៈកំណែទម្រង់ទាំងកម្មវិធីសិក្សា ការបណ្ដុះបណ្ដាលធនធានគ្រូក្នុងជំនាញនេះ និងទំនើបកម្មសម្ភារៈសិក្សា។ ទន្ទឹមគ្នានេះ ដើម្បីជំរុញអាជីព និងការងារសមរម្យសម្រាប់យុវជន ឆ្ពោះទៅរកការសម្រេចគោលដៅអភិវឌ្ឍន៍ប្រកបដោយចិរភាព ក្រសួងអប់រំ នឹងជំរុញយុវជនតាមបណ្ដាខេត្តនៅទូទាំងប្រទេសឲ្យយល់ដឹងពីជំនាញបច្ចេកទេសទាំងនេះ តាមរយៈវគ្គបណ្ដុះបណ្ដាលតាមប្រព័ន្ធអនឡាញ៖ «ក្រសួងអប់រំពីមុនមកយើងមានកម្មវិធីអនឡាញ ឬសមមូលសម្រាប់បឋមសិក្សា និងមធ្យមសិក្សា មានយុវជនប្រមាណជាង ២.០០០នាក់រៀនទេ អ៊ីចឹងការបង្កើតវគ្គបណ្ដុះបណ្ដាលអនឡាញ គឺជាការបើកឱកាសថ្មីឲ្យយុវជនគាត់រៀនជំនាញដែលទីផ្សារត្រូវការ ដូចជាមគ្គុទ្ទេសក៍ទេសចរណ៍ជាដើម យើងលើកទឹកចិត្តឲ្យយុវជនមានការងារធ្វើក្នុងស្រុក មិនបាច់ចំណាកស្រុកទៅណាឆ្ងាយ»។
Image may be NSFW.
Clik here to view.
ករណីនេះ នាយកប្រតិបត្តិអង្គការកម្មវិធីអភិវឌ្ឍន៍ធនធានយុវជន (YRDP) លោក ជាង សុខា គាំទ្រគំនិតផ្ដួចផ្ដើមនេះ។ ប៉ុន្តែលោកជំរុញឲ្យក្រសួងអប់រំ ត្រូវតែសិក្សាលំអិតលើតម្រូវការជំនាញ និងចំណេះដឹងរបស់យុវជននៅក្រៅសាលាឲ្យបានច្បាស់ជាមុនសិន មិនមែនគ្រាន់តែដាក់កម្មវិធីឲ្យតែល្អមើលនោះឡើយ៖ «រឿងនេះគឺជារឿងដែលចាំបាច់មែនទែន ដែលទាមទារឲ្យមានការសិក្សាលំអិត បើមិនអ៊ីចឹងទេ កម្មវិធីហ្នឹងបង្កើតឡើងគ្រាន់តែល្អមើលទេ ប៉ុន្តែយុវជនដែលនៅក្រៅសាលា។ យើងដឹងហើយថា ហេតុអីយើងនៅក្រៅសាលា? គឺទី១ ដោយសារកត្តាជីវភាពគាត់ ហើយកាលណាគាត់មានបញ្ហាជីវភាពធ្វើឲ្យគាត់ត្រូវបែងចែកពេលវេលា ដើម្បីរកការងារចិញ្ចឹមជីវិត អ៊ីចឹងគាត់មានពេលអត់ ហើយទី២ សមត្ថភាពចំណេះដឹងរបស់គាត់ អ៊ីចឹងបញ្ហាទាំងនេះវាទាមទារឲ្យសិក្សាពីពួកគាត់ឲ្យច្បាស់»។
Image may be NSFW.
Clik here to view.
ចំណែកឯយុវជនដែលបានចូលរួមកម្មវិធីនេះ កញ្ញា ច្រឹង វិច្ឆិកា ជានិស្សិតនៅសាកលវិទ្យាល័យភូមិន្ទភ្នំពេញ យល់ថា ការយកចិត្តទុកដាក់លើយុវជននៅក្រៅសាលា គឺជារឿងសំខាន់។ ទន្ទឹមគ្នានេះ យុវជនរូបនេះបានស្នើឲ្យក្រសួងត្រូវតែអប់រំដល់យុវជនដែលនៅតាមបណ្ដាខេត្តនៅតំបន់ដាច់ស្រយាលដែលមិនសូវយល់ដឹងពីប្រព័ន្ធអនឡាញឲ្យច្បាស់ជាមុនសិន ទើបកម្មវិធីបណ្ដុះបណ្ដាលនេះប្រសិទ្ធភាព៖ «ការ សិក្សាតាមប្រព័ន្ធអនឡាញ មានទាំងគុណវិបត្តិ និងគុណសម្បត្តិ។ យើងមើលគុណសម្បត្តិយុវជននៅទីក្រុងគាត់មានប្រព័ន្ធអ៊ីនធឺណិត មានការយល់ដឹងពីបច្ចេកវិទ្យាជាដើម អ៊ីចឹងក្រសួងត្រូវតែយកចិត្តទុកដាក់លើការអប់រំតាំងពីថ្នាក់ ក្រោមមក ឲ្យគាត់យល់ពីបច្ចេកវិទ្យា»។
រដ្ឋមន្ត្រីក្រសួងអប់រំយុវជន និងកីឡា លោក ហង់ ជួនណារ៉ុន មិនបានបញ្ជាក់ច្បាស់ពីចំនួនយុវជនត្រូវបានជ្រើសរើសឲ្យចូលរួមកម្មវិធីបណ្ដុះបណ្ដាលតាមប្រព័ន្ធអនឡាញ នៅក្រៅសាលាចំនួនប៉ុន្មាននៅឡើយ។ ដោយឡែកថវិកាដើម្បីដំណើរកម្មវិធីនេះ ក្រសួងក៏មិនទាន់បញ្ជាក់ច្បាស់នៅឡើយដែរ។ ប៉ុន្តែរដ្ឋមន្ត្រីក្រសួងអប់រំយុវជន និងកីឡារូបនេះអះអាងថា ដើម្បីឲ្យកម្មវិធីបណ្ដុះបណ្ដាលតាមប្រព័ន្ធអនឡាញ សម្រាប់យុវជនក្រៅសាលាមានប្រសិទ្ធភាព និងជោគជ័យក្រសួងអប់រំ កំពុងតែសហការជាមួយដៃគូអភិវឌ្ឍន៍ អគ្គនាយកដ្ឋានយុវជន តំណាងយុវជន ក្រសួងការងារ និងស្ថាប័នពាក់ព័ន្ធជាច្រើនទៀតលើកម្មវិធីបណ្ដុះបណ្ដាលនេះ។ ក្រសួងរំពឹងថា កម្មវិធីនេះនឹងឆ្លើយតបនឹងតម្រូវការយុវជនជាង ៤៥% ដែលនៅក្រៅសាលាបច្ចុប្បន្នឲ្យទទួលបានជំនាញដែលទីផ្សារការងារក្នុងស្រុកកំពុងតែត្រូវការ៕
Image may be NSFW.
Clik here to view.
