Image may be NSFW.
Clik here to view.
ដោយ ម៉ម មុនីរតន៍ RFA 2016-08-12
នៅព្រឹកថ្ងៃទី១២ ខែសីហា នេះ ចៅក្រមស៊ើបសួរនៃតុលាការក្រុងភ្នំពេញ បានបង្គាប់បញ្ជាឲ្យយកឈ្មោះ អឿត អាង ហៅ ជួប សម្លាប់ មកសាកសួរបន្ថែមទៀត។ ស្របពេលតុលាការកំពុងបន្តនីតិវិធីក្នុងសំណុំរឿងឧក្រិដ្ឋនេះ ភរិយារបស់លោកបណ្ឌិត កែម ឡី វិញបានដាក់បណ្ដាសាចំពោះអ្នកដែលបាញ់សម្លាប់ប្ដីរបស់លោកស្រីឲ្យទទួលរងទុក្ខវេទនា វិនាសអន្តរាយ។
វាជាលក្ខណៈពិសេសហើយដែលជនជាប់ចោទ ឈ្មោះ ជួប សម្លាប់ នេះត្រូវបានអនុរក្សពន្ធនាគារព្រៃស ដឹកតាមរថយន្តប្រភេទឡង់គ្រឺស័រ (Land Cruiser) ដែលជាការដឹកជញ្ជូនដ៏ពិសេសមួយ បើប្រៀបធៀបទៅនឹងអ្នកជាប់ចោទដទៃទៀត ត្រឹមប្រើយានជំនិះមកតុលាការដែលត្រឹមជារថយន្តធម្មតាៗប៉ុណ្ណោះ។
ឈ្មោះ អឿត អាង ហៅ ជួប សម្លាប់ នេះ ត្រូវគេដឹកក្នុងរថយន្តទំនើបមួយគ្រឿងដាច់ដោយឡែកខុសពីអ្នកទោសដទៃទៀតនៅពេលបញ្ជូនមកតុលាការ។ ស្ថិតក្នុងសំលៀកបំពាក់ពណ៌ស្លាទុំ ជនត្រូវចោទមិនត្រូវបានគេអនុញ្ញាតឲ្យក្រុមអ្នកកាសែតបានថតយករូបភាពដោយស្រួលឡើយ។ ចំណែកកាមេរ៉ាថតរូបរបស់អ្នកកាសែតត្រូវឆ្មាំទ្វារនៅតុលាការដកហូតរក្សាទុកមិនឲ្យយកចូលខាងក្នុងនៃបរិវេណតុលាការដូចលើកមុនៗទៀតឡើយ។
ក្រោយការចំណាយពេលសាកសួរជាថ្មីម្ដងទៀតដែលអស់ពេលជាច្រើនម៉ោង កាលពីថ្ងៃទី១២ ខែសីហា ចៅក្រមស៊ើបសួរនៃតុលាការក្រុងភ្នំពេញ លោក សេង លាង សម្រេចបញ្ជូនជនជាប់ចោទឈ្មោះ អឿត អាង ហៅ ជួប សម្លាប់ នេះ ទៅឃុំខ្លួននៅពន្ធនាគារព្រៃសវិញ។ បើទោះជាបែបណា ចៅក្រមស៊ើបសួរ លោក សេង លាង ពុំបានផ្ដល់ព័ត៌មានលម្អិតណាមួយជុំវិញការសួរដេញដោលនេះទេ។
ដោយឡែក មន្ត្រីនាំពាក្យតុលាការក្រុងភ្នំពេញ លោក លី សុផាណា វិញ ឲ្យដឹងតាមសារអេឡិចត្រូនិក ឬតេឡេក្រាម ថា នៅព្រឹកថ្ងៃទី១២ សីហា ចៅក្រមស៊ើបសួរបានសួរចម្លើយបន្ថែមទៅលើឈ្មោះ ជួប សម្លាប់។ ក្រៅពីនេះ តុលាការក៏បានពិនិត្យទៅលើភស្តុតាងនានា និងបន្តនីតិវិធីលើចំណាត់ការស៊ើបសួរក្នុងសំណុំរឿងនេះទៀត។
ក្រោយចាប់ខ្លួនភ្លាមៗ ដែលប្រើពេលមិនបានប៉ុន្មាននាទីស្រួលបួលផង បន្ទាប់ពីបាញ់ប្រហារលោកបណ្ឌិត កែម ឡី កាលពីថ្ងៃទី១០ កក្កដា នៅថ្ងៃទី១៣ ខែកក្កដា ដដែល ចៅក្រមស៊ើបសួរនៃតុលាការក្រុងភ្នំពេញ សម្រេចចេញដីកាឃុំខ្លួនឈ្មោះ ជួប សម្លាប់ នេះជាបណ្ដោះអាសន្ន។ ក្នុងពេលបញ្ជូនទៅឃុំខ្លួននៅពន្ធនាគារព្រៃស ឈ្មោះ ជួប សម្លាប់ ត្រូវបានតុលាការចោទប្រកាន់ពីបទឃាតកម្មគិតទុកជាមុន និងប្រើប្រាស់អាវុធខុសច្បាប់តាមមាត្រា២០០ នៃក្រមព្រហ្មទណ្ឌ។
ជុំវិញរឿងនេះ នាយកប្រតិបត្តិមជ្ឈមណ្ឌលសម្ពន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) លោក មឿន តុលា យល់ឃើញថា វាជាការល្អដែលសមត្ថកិច្ចមិនបានបិទសំណុំរឿងនេះ។ ប៉ុន្តែអ្វីដែលជាបញ្ហានោះនៅត្រង់ថា យុត្តិធម៌ដែលកើតចេញពីការជំនុំជម្រះនេះ ប្រហែលជាពិបាកទទួលយកបន្តិច ព្រោះមានភស្តុតាងជាច្រើនបានបង្ហាញពីមន្ទិលសង្ស័យរួចទៅហើយ៖ «»។
នៅក្នុងថ្ងៃដែលចៅក្រមបង្គាប់ឲ្យអនុរក្សពន្ធនាគារព្រៃស ដឹកឈ្មោះ ជួប សម្លាប់ នេះមកសាកសួរបន្ថែមទៀត ដោយឡែកភរិយាលោកបណ្ឌិត កែម ឡី វិញ ក៏ចេញសារខ្លីមួយនៅតាមបណ្ដាញសង្គមហ្វេសប៊ុក (Facebook) ដែរ។ ក្នុងសារនោះ លោកស្រីសរសេររៀបរាប់ថា ការបាញ់សម្លាប់ប្តីលោកស្រីនេះ គឺជាការធ្វើក្រុមគ្រួសារទទួលរងការឈឺចាប់ពន់ពេកណាស់។ បន្ថែមពីលើនេះ លោកស្រី ប៊ូ រចនា ក៏បានដាក់បណ្ដាសាចំពោះអ្នកប្រព្រឹត្តបទល្មើស និងអ្នកពាក់ព័ន្ធឲ្យទទួលរងនូវការឈឺចាប់វេទនា វិនាសអន្តរាយ៕
Clik here to view.
ដោយ ម៉ម មុនីរតន៍ RFA 2016-08-12
នៅព្រឹកថ្ងៃទី១២ ខែសីហា នេះ ចៅក្រមស៊ើបសួរនៃតុលាការក្រុងភ្នំពេញ បានបង្គាប់បញ្ជាឲ្យយកឈ្មោះ អឿត អាង ហៅ ជួប សម្លាប់ មកសាកសួរបន្ថែមទៀត។ ស្របពេលតុលាការកំពុងបន្តនីតិវិធីក្នុងសំណុំរឿងឧក្រិដ្ឋនេះ ភរិយារបស់លោកបណ្ឌិត កែម ឡី វិញបានដាក់បណ្ដាសាចំពោះអ្នកដែលបាញ់សម្លាប់ប្ដីរបស់លោកស្រីឲ្យទទួលរងទុក្ខវេទនា វិនាសអន្តរាយ។
វាជាលក្ខណៈពិសេសហើយដែលជនជាប់ចោទ ឈ្មោះ ជួប សម្លាប់ នេះត្រូវបានអនុរក្សពន្ធនាគារព្រៃស ដឹកតាមរថយន្តប្រភេទឡង់គ្រឺស័រ (Land Cruiser) ដែលជាការដឹកជញ្ជូនដ៏ពិសេសមួយ បើប្រៀបធៀបទៅនឹងអ្នកជាប់ចោទដទៃទៀត ត្រឹមប្រើយានជំនិះមកតុលាការដែលត្រឹមជារថយន្តធម្មតាៗប៉ុណ្ណោះ។
ឈ្មោះ អឿត អាង ហៅ ជួប សម្លាប់ នេះ ត្រូវគេដឹកក្នុងរថយន្តទំនើបមួយគ្រឿងដាច់ដោយឡែកខុសពីអ្នកទោសដទៃទៀតនៅពេលបញ្ជូនមកតុលាការ។ ស្ថិតក្នុងសំលៀកបំពាក់ពណ៌ស្លាទុំ ជនត្រូវចោទមិនត្រូវបានគេអនុញ្ញាតឲ្យក្រុមអ្នកកាសែតបានថតយករូបភាពដោយស្រួលឡើយ។ ចំណែកកាមេរ៉ាថតរូបរបស់អ្នកកាសែតត្រូវឆ្មាំទ្វារនៅតុលាការដកហូតរក្សាទុកមិនឲ្យយកចូលខាងក្នុងនៃបរិវេណតុលាការដូចលើកមុនៗទៀតឡើយ។
ក្រោយការចំណាយពេលសាកសួរជាថ្មីម្ដងទៀតដែលអស់ពេលជាច្រើនម៉ោង កាលពីថ្ងៃទី១២ ខែសីហា ចៅក្រមស៊ើបសួរនៃតុលាការក្រុងភ្នំពេញ លោក សេង លាង សម្រេចបញ្ជូនជនជាប់ចោទឈ្មោះ អឿត អាង ហៅ ជួប សម្លាប់ នេះ ទៅឃុំខ្លួននៅពន្ធនាគារព្រៃសវិញ។ បើទោះជាបែបណា ចៅក្រមស៊ើបសួរ លោក សេង លាង ពុំបានផ្ដល់ព័ត៌មានលម្អិតណាមួយជុំវិញការសួរដេញដោលនេះទេ។
ដោយឡែក មន្ត្រីនាំពាក្យតុលាការក្រុងភ្នំពេញ លោក លី សុផាណា វិញ ឲ្យដឹងតាមសារអេឡិចត្រូនិក ឬតេឡេក្រាម ថា នៅព្រឹកថ្ងៃទី១២ សីហា ចៅក្រមស៊ើបសួរបានសួរចម្លើយបន្ថែមទៅលើឈ្មោះ ជួប សម្លាប់។ ក្រៅពីនេះ តុលាការក៏បានពិនិត្យទៅលើភស្តុតាងនានា និងបន្តនីតិវិធីលើចំណាត់ការស៊ើបសួរក្នុងសំណុំរឿងនេះទៀត។
ក្រោយចាប់ខ្លួនភ្លាមៗ ដែលប្រើពេលមិនបានប៉ុន្មាននាទីស្រួលបួលផង បន្ទាប់ពីបាញ់ប្រហារលោកបណ្ឌិត កែម ឡី កាលពីថ្ងៃទី១០ កក្កដា នៅថ្ងៃទី១៣ ខែកក្កដា ដដែល ចៅក្រមស៊ើបសួរនៃតុលាការក្រុងភ្នំពេញ សម្រេចចេញដីកាឃុំខ្លួនឈ្មោះ ជួប សម្លាប់ នេះជាបណ្ដោះអាសន្ន។ ក្នុងពេលបញ្ជូនទៅឃុំខ្លួននៅពន្ធនាគារព្រៃស ឈ្មោះ ជួប សម្លាប់ ត្រូវបានតុលាការចោទប្រកាន់ពីបទឃាតកម្មគិតទុកជាមុន និងប្រើប្រាស់អាវុធខុសច្បាប់តាមមាត្រា២០០ នៃក្រមព្រហ្មទណ្ឌ។
ជុំវិញរឿងនេះ នាយកប្រតិបត្តិមជ្ឈមណ្ឌលសម្ពន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) លោក មឿន តុលា យល់ឃើញថា វាជាការល្អដែលសមត្ថកិច្ចមិនបានបិទសំណុំរឿងនេះ។ ប៉ុន្តែអ្វីដែលជាបញ្ហានោះនៅត្រង់ថា យុត្តិធម៌ដែលកើតចេញពីការជំនុំជម្រះនេះ ប្រហែលជាពិបាកទទួលយកបន្តិច ព្រោះមានភស្តុតាងជាច្រើនបានបង្ហាញពីមន្ទិលសង្ស័យរួចទៅហើយ៖ «»។
នៅក្នុងថ្ងៃដែលចៅក្រមបង្គាប់ឲ្យអនុរក្សពន្ធនាគារព្រៃស ដឹកឈ្មោះ ជួប សម្លាប់ នេះមកសាកសួរបន្ថែមទៀត ដោយឡែកភរិយាលោកបណ្ឌិត កែម ឡី វិញ ក៏ចេញសារខ្លីមួយនៅតាមបណ្ដាញសង្គមហ្វេសប៊ុក (Facebook) ដែរ។ ក្នុងសារនោះ លោកស្រីសរសេររៀបរាប់ថា ការបាញ់សម្លាប់ប្តីលោកស្រីនេះ គឺជាការធ្វើក្រុមគ្រួសារទទួលរងការឈឺចាប់ពន់ពេកណាស់។ បន្ថែមពីលើនេះ លោកស្រី ប៊ូ រចនា ក៏បានដាក់បណ្ដាសាចំពោះអ្នកប្រព្រឹត្តបទល្មើស និងអ្នកពាក់ព័ន្ធឲ្យទទួលរងនូវការឈឺចាប់វេទនា វិនាសអន្តរាយ៕
