Image may be NSFW.
Clik here to view.
ដោយ សូត សុខប្រាថ្នា RFA 2016-08-16
ប្រជាពលរដ្ឋនៅឃុំស្រក ស្រុកកំពង់សៀម ខេត្តកំពង់ចាម ថាការផ្អាកសកម្មភាពសាងសង់ទំនប់រងទឹក ឬទ្វារទឹកពីសំណាក់អាជ្ញាធរ អាចជាចេតនាមិនចង់ឲ្យមានសមិទ្ធផលមន្ត្រីគណបក្សប្រឆាំងនៅក្នុងឃុំមួយនេះ ព្រោះខ្លាចបក្សជំទាស់ទទួលបានប្រជាប្រិយភាពពីពលរដ្ឋច្រើន។
ការលើកឡើងនេះ ក្រោយពេលមន្ត្រីគណបក្សសង្គ្រោះជាតិ កាលពីថ្ងៃទី១៥ សីហា បានយកថវិកាសប្បុរសជន និងថវិកាបក្ស ទៅកសាងទ្វារទឹកជូនពលរដ្ឋតាមការស្នើសុំរបស់ពួកគាត់ ប៉ុន្តែត្រូវបានអាជ្ញាធរសម្រេចផ្អាកជាបណ្ដោះអាសន្ននៅព្រឹកថ្ងៃទី១៦ សីហា ក្រោមហេតុផលថា សំណង់នោះធ្វើខុសបច្ចេកទេស។
ប្រជាពលរដ្ឋនៅភូមិល្ពាក យល់ថា ការផ្អាកដំណើរការសាងសង់ទ្វារទឹកពីសំណាក់អាជ្ញាធរស្រុក និងមន្ត្រីពាក់ព័ន្ធ គឺធ្វើឲ្យប៉ះពាល់ដល់ប្រយោជន៍របស់ពួកគាត់។ អ្នកភូមិថា ប្រសិនបើគម្រោងកសាងទ្វារទឹកក្រោមជំនួយពលរដ្ឋខ្មែរនៅក្រៅប្រទេស និងគណបក្សសង្គ្រោះជាតិ ធ្វើរួចរាល់ បញ្ហាខ្វះទឹកសម្រាប់ដាក់ស្រែនៅរដូវប្រាំង នឹងលែងកើតមាន។
ពលរដ្ឋនៅភូមិល្ពាក ឃុំស្រក លោក លី ណាង ឲ្យដឹងថា ពួកគាត់រីករាយក្រោយពេលមន្ត្រីគណបក្សសង្គ្រោះជាតិ បានយកថវិកាខ្មែរនៅក្រៅប្រទេស ប្រគល់ជូនគណៈកម្មការឃុំក្នុងការកសាងទ្វារទឹកនេះ។ ពលរដ្ឋសង្ឃឹមថា នឹងមានទ្វារទឹកប្រើប្រាស់សមរម្យសម្រាប់ជាប្រយោជន៍អ្នកភូមិរាប់រយគ្រួសារ ព្រោះទ្វារទឹកនេះកន្លងមក ពលរដ្ឋនាំគ្នាប្រើដោយគ្រាន់តែយកបាវច្រកដីទប់ជាទំនប់ ហើយយកកៅស៊ូតង់ទៅរាំងមុខទឹក ដើម្បីបង្ហូរចូលប្រឡាយប៉ុណ្ណោះ។ លោកយល់ថា អាជ្ញាធរផ្អាកការសាងសង់ក្រោមហេតុផលខុសបច្ចេកទេស គឺជារឿងមិនសមរម្យទាល់តែសោះ៖ «បាទ! បើគ្នាជ្រុលតែធ្វើប៉ុណ្ណឹងហើយ ឲ្យគ្នាធ្វើឲ្យចប់ចុងចប់ដើមទៅ ហើយបើបីឆ្នាំក្រោយ គម្រោងគេចេញមកធ្វើធំជាងហ្នឹងឲ្យកាយចុះអត់មានតូចចិត្តទេបង»។
ទំនប់រងទឹក ឬជាទ្វារទឹក គឺស្ថិតនៅក្នុងភូមិល្ពាក។ ទ្វារទឹកនេះមានប្រវែងបណ្តោយ ៧ម៉ែត្រ ខ្នងទំនប់ ៤ម៉ែត្រ ហើយមានមាត់លូសម្រាប់បិទ ឬបើកមានកម្ពស់ជាង ១ម៉ែត្រ ដោយត្រូវចំណាយទឹកប្រាក់ប្រមាណ ៣ពាន់ដុល្លារសហរដ្ឋអាមេរិក។ ទ្វារទឹកនេះអាចយកទឹកស្រោចស្រពស្រែប្រាំងពលរដ្ឋប្រហែល ៤០០គ្រួសារលើទំហំដី ១០០ហិកតារ។
កន្លងទៅ ពលរដ្ឋនៅភូមិល្ពាក បានស្នើសុំអាជ្ញាធរដើម្បីកសាងទ្វារទឹក ប៉ុន្តែមិនមានការឆ្លើយតបឡើយ ទើបពួកគាត់ងាកទៅស្នើសុំមន្ត្រីគណបក្សសង្គ្រោះជាតិ វិញ ដ្បិតឃុំស្រក មេឃុំជាប់ឆ្នោត គឺមកពីបក្សប្រឆាំងស្រាប់។
កាលពីថ្ងៃទី១៥ សីហា មន្ត្រីជាន់ខ្ពស់គណបក្សសង្គ្រោះជាតិ រួមមានលោក សុន ឆ័យ លោក ហូរ វ៉ាន់ លោក ឡុង រី និងមន្ត្រីជាច្រើនរូបផ្សេងទៀត បានចុះធ្វើវេទិកាអ្នកតំណាងរាស្ត្រ និងម្ចាស់ឆ្នោតនៅភូមិល្ពាក ហើយបានប្រគល់ថវិកាសប្បុរសជននៅប្រទេសអូស្ត្រាលី និងថវិកាគណបក្សខ្លះ សរុបជាង ៣ពាន់ដុល្លារ ជូនគណៈកម្មការសាងសង់ទ្វារទឹកតាមសំណើរបស់ពលរដ្ឋ។
ទាក់ទងបញ្ហានេះ អភិបាលស្រុកកំពង់សៀម អ្នកស្រី ស្រី គឹមឆយ មានប្រសាសន៍ថា អាជ្ញាធរស្នើឲ្យផ្អាកការសាងសង់ជាបណ្ដោះអាសន្ន គឺមិនពាក់ព័ន្ធរឿងគណបក្សនយោបាយ ឬជាការខ្លាចបាត់បង់ប្រជាប្រិយភាពនោះទេ ប៉ុន្តែដោយសារមន្ត្រីជំនាញមើលឃើញថា សំណង់នោះធ្វើខុសបច្ចេកទេស ម្យ៉ាងអាជ្ញាធរមូលដ្ឋានមិនបានស្នើសុំមកអាជ្ញាធរស្រុកឡើយ៖ «ខ្ញុំអរណាស់ឲ្យតែបានជួយគ្នាចូលរួម។ ខ្ញុំគ្មានទៅគិតថាខាងណាៗទេ ម្យ៉ាងកាលពីទៅពិនិត្យនេះ គឺអត់ដឹងថាខាងណាដែរ ដឹងត្រឹមថាថវិកាសប្បុរសជន»។
ចំណែកការលើកឡើងរបស់ពលរដ្ឋថា ធ្លាប់ស្នើសុំកសាងទំនប់រងទឹក ឬទ្វារទឹកមកអាជ្ញាធរ អ្នកស្រី គឹមឆយ បញ្ជាក់ថា មិនដែលឃើញសំណើពីពួកគាត់ទេ។
ដោយឡែកប្រធានប្រតិបត្តិគណបក្សសង្គ្រោះជាតិ ខេត្តកំពង់ចាម លោក សាន សឿង បញ្ជាក់ថា សកម្មភាពជួយពលរដ្ឋនេះមិនមែនជាការចង់បានប្រជាប្រិយភាពឡើយ ប៉ុន្តែជាការបំពេញសេចក្តីត្រូវការចាំបាច់ជូនពួកគាត់។ លោកយល់ថា រូបភាពផ្អាកដំណើរការសាងសង់ទ្វារទឹក ពុំមែនជារឿងបច្ចេកទេសទេ ប៉ុន្តែអាចជារឿងនយោបាយច្រើនជាង៖ «បើយើងលើកជាគម្រោងធ្វើ ឲ្យលុយធ្វើ ហើយគាត់ឃាត់តាំងពីដើមទី ខ្ញុំថាវារឿងនយោបាយ។ ជារឿងទាក់ទងសន្លឹកឆ្នោតច្រើនជាងរឿងគិតគូរប្រយោជន៍ពលរដ្ឋនៅក្នុងភូមិ»។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា (ANSA) លោក សន ជ័យ មើលឃើញថា សកម្មភាពកសាងប្រព័ន្ធធារាសាស្ត្រ គឺជាកាតព្វកិច្ចរបស់រដ្ឋ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ។ លោកបន្តថា ប្រសិនបើមានសប្បុរសជនមកពីនិន្នាការបក្សនយោបាយណាក៏ដោយ ឬមកពីសង្គមស៊ីវិលក្តី អាជ្ញាធរ និងមន្ត្រីជំនាញ គប្បីចូលរួមអបអរសាទរ ហើយសហការគ្នាធ្វើការងារបែបនេះសម្រាប់ជាប្រយោជន៍សង្គមជាតិ ដោយមិនត្រូវរើសអើងគណបក្សនយោបាយឡើយ៕
Clik here to view.
ដោយ សូត សុខប្រាថ្នា RFA 2016-08-16
ប្រជាពលរដ្ឋនៅឃុំស្រក ស្រុកកំពង់សៀម ខេត្តកំពង់ចាម ថាការផ្អាកសកម្មភាពសាងសង់ទំនប់រងទឹក ឬទ្វារទឹកពីសំណាក់អាជ្ញាធរ អាចជាចេតនាមិនចង់ឲ្យមានសមិទ្ធផលមន្ត្រីគណបក្សប្រឆាំងនៅក្នុងឃុំមួយនេះ ព្រោះខ្លាចបក្សជំទាស់ទទួលបានប្រជាប្រិយភាពពីពលរដ្ឋច្រើន។
ការលើកឡើងនេះ ក្រោយពេលមន្ត្រីគណបក្សសង្គ្រោះជាតិ កាលពីថ្ងៃទី១៥ សីហា បានយកថវិកាសប្បុរសជន និងថវិកាបក្ស ទៅកសាងទ្វារទឹកជូនពលរដ្ឋតាមការស្នើសុំរបស់ពួកគាត់ ប៉ុន្តែត្រូវបានអាជ្ញាធរសម្រេចផ្អាកជាបណ្ដោះអាសន្ននៅព្រឹកថ្ងៃទី១៦ សីហា ក្រោមហេតុផលថា សំណង់នោះធ្វើខុសបច្ចេកទេស។
ប្រជាពលរដ្ឋនៅភូមិល្ពាក យល់ថា ការផ្អាកដំណើរការសាងសង់ទ្វារទឹកពីសំណាក់អាជ្ញាធរស្រុក និងមន្ត្រីពាក់ព័ន្ធ គឺធ្វើឲ្យប៉ះពាល់ដល់ប្រយោជន៍របស់ពួកគាត់។ អ្នកភូមិថា ប្រសិនបើគម្រោងកសាងទ្វារទឹកក្រោមជំនួយពលរដ្ឋខ្មែរនៅក្រៅប្រទេស និងគណបក្សសង្គ្រោះជាតិ ធ្វើរួចរាល់ បញ្ហាខ្វះទឹកសម្រាប់ដាក់ស្រែនៅរដូវប្រាំង នឹងលែងកើតមាន។
ពលរដ្ឋនៅភូមិល្ពាក ឃុំស្រក លោក លី ណាង ឲ្យដឹងថា ពួកគាត់រីករាយក្រោយពេលមន្ត្រីគណបក្សសង្គ្រោះជាតិ បានយកថវិកាខ្មែរនៅក្រៅប្រទេស ប្រគល់ជូនគណៈកម្មការឃុំក្នុងការកសាងទ្វារទឹកនេះ។ ពលរដ្ឋសង្ឃឹមថា នឹងមានទ្វារទឹកប្រើប្រាស់សមរម្យសម្រាប់ជាប្រយោជន៍អ្នកភូមិរាប់រយគ្រួសារ ព្រោះទ្វារទឹកនេះកន្លងមក ពលរដ្ឋនាំគ្នាប្រើដោយគ្រាន់តែយកបាវច្រកដីទប់ជាទំនប់ ហើយយកកៅស៊ូតង់ទៅរាំងមុខទឹក ដើម្បីបង្ហូរចូលប្រឡាយប៉ុណ្ណោះ។ លោកយល់ថា អាជ្ញាធរផ្អាកការសាងសង់ក្រោមហេតុផលខុសបច្ចេកទេស គឺជារឿងមិនសមរម្យទាល់តែសោះ៖ «បាទ! បើគ្នាជ្រុលតែធ្វើប៉ុណ្ណឹងហើយ ឲ្យគ្នាធ្វើឲ្យចប់ចុងចប់ដើមទៅ ហើយបើបីឆ្នាំក្រោយ គម្រោងគេចេញមកធ្វើធំជាងហ្នឹងឲ្យកាយចុះអត់មានតូចចិត្តទេបង»។
ទំនប់រងទឹក ឬជាទ្វារទឹក គឺស្ថិតនៅក្នុងភូមិល្ពាក។ ទ្វារទឹកនេះមានប្រវែងបណ្តោយ ៧ម៉ែត្រ ខ្នងទំនប់ ៤ម៉ែត្រ ហើយមានមាត់លូសម្រាប់បិទ ឬបើកមានកម្ពស់ជាង ១ម៉ែត្រ ដោយត្រូវចំណាយទឹកប្រាក់ប្រមាណ ៣ពាន់ដុល្លារសហរដ្ឋអាមេរិក។ ទ្វារទឹកនេះអាចយកទឹកស្រោចស្រពស្រែប្រាំងពលរដ្ឋប្រហែល ៤០០គ្រួសារលើទំហំដី ១០០ហិកតារ។
កន្លងទៅ ពលរដ្ឋនៅភូមិល្ពាក បានស្នើសុំអាជ្ញាធរដើម្បីកសាងទ្វារទឹក ប៉ុន្តែមិនមានការឆ្លើយតបឡើយ ទើបពួកគាត់ងាកទៅស្នើសុំមន្ត្រីគណបក្សសង្គ្រោះជាតិ វិញ ដ្បិតឃុំស្រក មេឃុំជាប់ឆ្នោត គឺមកពីបក្សប្រឆាំងស្រាប់។
កាលពីថ្ងៃទី១៥ សីហា មន្ត្រីជាន់ខ្ពស់គណបក្សសង្គ្រោះជាតិ រួមមានលោក សុន ឆ័យ លោក ហូរ វ៉ាន់ លោក ឡុង រី និងមន្ត្រីជាច្រើនរូបផ្សេងទៀត បានចុះធ្វើវេទិកាអ្នកតំណាងរាស្ត្រ និងម្ចាស់ឆ្នោតនៅភូមិល្ពាក ហើយបានប្រគល់ថវិកាសប្បុរសជននៅប្រទេសអូស្ត្រាលី និងថវិកាគណបក្សខ្លះ សរុបជាង ៣ពាន់ដុល្លារ ជូនគណៈកម្មការសាងសង់ទ្វារទឹកតាមសំណើរបស់ពលរដ្ឋ។
ទាក់ទងបញ្ហានេះ អភិបាលស្រុកកំពង់សៀម អ្នកស្រី ស្រី គឹមឆយ មានប្រសាសន៍ថា អាជ្ញាធរស្នើឲ្យផ្អាកការសាងសង់ជាបណ្ដោះអាសន្ន គឺមិនពាក់ព័ន្ធរឿងគណបក្សនយោបាយ ឬជាការខ្លាចបាត់បង់ប្រជាប្រិយភាពនោះទេ ប៉ុន្តែដោយសារមន្ត្រីជំនាញមើលឃើញថា សំណង់នោះធ្វើខុសបច្ចេកទេស ម្យ៉ាងអាជ្ញាធរមូលដ្ឋានមិនបានស្នើសុំមកអាជ្ញាធរស្រុកឡើយ៖ «ខ្ញុំអរណាស់ឲ្យតែបានជួយគ្នាចូលរួម។ ខ្ញុំគ្មានទៅគិតថាខាងណាៗទេ ម្យ៉ាងកាលពីទៅពិនិត្យនេះ គឺអត់ដឹងថាខាងណាដែរ ដឹងត្រឹមថាថវិកាសប្បុរសជន»។
ចំណែកការលើកឡើងរបស់ពលរដ្ឋថា ធ្លាប់ស្នើសុំកសាងទំនប់រងទឹក ឬទ្វារទឹកមកអាជ្ញាធរ អ្នកស្រី គឹមឆយ បញ្ជាក់ថា មិនដែលឃើញសំណើពីពួកគាត់ទេ។
ដោយឡែកប្រធានប្រតិបត្តិគណបក្សសង្គ្រោះជាតិ ខេត្តកំពង់ចាម លោក សាន សឿង បញ្ជាក់ថា សកម្មភាពជួយពលរដ្ឋនេះមិនមែនជាការចង់បានប្រជាប្រិយភាពឡើយ ប៉ុន្តែជាការបំពេញសេចក្តីត្រូវការចាំបាច់ជូនពួកគាត់។ លោកយល់ថា រូបភាពផ្អាកដំណើរការសាងសង់ទ្វារទឹក ពុំមែនជារឿងបច្ចេកទេសទេ ប៉ុន្តែអាចជារឿងនយោបាយច្រើនជាង៖ «បើយើងលើកជាគម្រោងធ្វើ ឲ្យលុយធ្វើ ហើយគាត់ឃាត់តាំងពីដើមទី ខ្ញុំថាវារឿងនយោបាយ។ ជារឿងទាក់ទងសន្លឹកឆ្នោតច្រើនជាងរឿងគិតគូរប្រយោជន៍ពលរដ្ឋនៅក្នុងភូមិ»។
នាយកប្រតិបត្តិសម្ព័ន្ធគណនេយ្យភាពសង្គមកម្ពុជា (ANSA) លោក សន ជ័យ មើលឃើញថា សកម្មភាពកសាងប្រព័ន្ធធារាសាស្ត្រ គឺជាកាតព្វកិច្ចរបស់រដ្ឋ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ។ លោកបន្តថា ប្រសិនបើមានសប្បុរសជនមកពីនិន្នាការបក្សនយោបាយណាក៏ដោយ ឬមកពីសង្គមស៊ីវិលក្តី អាជ្ញាធរ និងមន្ត្រីជំនាញ គប្បីចូលរួមអបអរសាទរ ហើយសហការគ្នាធ្វើការងារបែបនេះសម្រាប់ជាប្រយោជន៍សង្គមជាតិ ដោយមិនត្រូវរើសអើងគណបក្សនយោបាយឡើយ៕