Image may be NSFW.
Clik here to view.
ដោយ ហង្ស សាវយុត RFA 2016-08-22
អ្នកស្រឡាញ់ភេទដូចគ្នាមួយក្រុមមានគ្នាប្រមាណ ១០នាក់ ឬហៅថាជាក្រុមស្រីស្រស់ បានលើកគ្នាទៅកាន់ការិយាល័យសមាគមការពារសិទ្ធិមនុស្សអាដហុក (ADHOC) ខេត្តសៀមរាប ដើម្បីដាក់ពាក្យបណ្ដឹងប្រឆាំងនឹងក្រុមប៉ូលិសនៅម្ដុំផ្សារចាស់ នៃសង្កាត់ស្វាយដង្គំ កាលពីព្រឹកថ្ងៃច័ន្ទ ទី២២ ខែសីហា។
ពួកគេចោទប្រកាន់ថា ប៉ូលិសខ្លះដែលប្រចាំការនៅតំបន់ផ្សារចាស់ បានចាប់ខ្លួនពួកគេយកទៅវាយដំ ព្រមទាំងសម្រាតសម្លៀកបំពាក់ធ្វើឲ្យពួកគេបាត់បង់សេចក្តីថ្លៃថ្នូរជាមនុស្សទៀតផង។
អ្នកស្រឡាញ់ភេទដូចគ្នាមួយក្រុមជាសមាជិកបណ្ដាញភេទទី៣ ដែលគេហៅថាក្រុមស្រីស្រស់ បានទាមទារឲ្យស្នងការនគរបាលខេត្តសៀមរាប ត្រូវតែផ្ដល់យុត្តិធម៌ និងដាក់ទោសទៅលើមន្ត្រីប៉ូលិសខ្លះដែលប្រចាំការនៅជិតតំបន់ផ្សារចាស់ ដោយបានចាប់ក្រុមមនុស្សស្រឡាញ់ភេទដូចគ្នាយកទៅវាយធ្វើបាបនោះ។
ការទាមទារ បានធ្វើឡើងតាមរយៈពាក្យបណ្ដឹង បន្ទាប់ពីពួកគេអះអាងថា កាលពីទៀបភ្លឺថ្ងៃទី២០ ខែសីហា កន្លងទៅ ប៉ូលិសនៅតំបន់ផ្សារចាស់ បានចាប់ខ្លួនមនុស្សស្រឡាញ់ភេទដូចគ្នា ២នាក់ យកទៅដាក់នៅប៉ុស្តិ៍ប្រចាំការ រួចហើយវាយសម្លុតឲ្យស្រាតសម្លៀកបំពាក់នៅទីសាធារណៈផង។
មនុស្សស្រឡាញ់ភេទដូចគ្នាម្នាក់ក្នុងចំណោមគូកនជាច្រើនទៀត គឺយុវជន ឡេង បណ្ឌិត។ គាត់អះអាងនៅព្រឹកថ្ងៃច័ន្ទ ទី២២ ខែសីហា ថា កាលពីវេលាម៉ោង ៤ទៀបភ្លឺថ្ងៃទី២០ ខែសីហា កន្លងទៅ រូបគាត់ និងមិត្តភ័ក្ដិម្នាក់ទៀតឈ្មោះ សុខា បានធ្វើដំណើរចេញពីកន្លែងម៉ាស្សាទៅរកគេងនៅបន្ទប់របស់មិត្តភ័ក្ដិ ដែលជួលនៅជិតតំបន់ផ្សារចាស់។ នៅពេលកំពុងធ្វើដំណើរតាមផ្លូវ គឺមានក្រុមស្ទាវចេះតែតាមក្រវែលបំណងធ្វើបាប គឺមិត្តរបស់គាត់ឈ្មោះ សុខា ក៏រើសដុំថ្មមួយដុំ មកកាន់ទុកការពារខ្លួន។ ស្រាប់តែពេលនោះ មានបុរសស្លៀកពាក់ស៊ីវិលម្នាក់ បានហៅវិទ្យុទាក់ទងប្រាប់ទៅប៉ូលិស ហើយមួយសន្ទុះមក ប៉ូលិសមួយក្រុមក៏ចាប់ខ្លួនគាត់ទាំង ២នាក់យកទៅដាក់នៅប៉ុស្តិ៍ដែលនៅជិតនោះ។
ឡេង បណ្ឌិត បញ្ជាក់ថា បន្ទាប់ពីចាប់ខ្លួន គឺប៉ូលិសបានយកច្រវាក់វាយសំពង ព្រមទាំងទាត់ធាក់លើមិត្តរបស់គាត់ឈ្មោះ សុខា ហើយបង្ខំឲ្យស្រាតសម្លៀកបំពាក់រហូតដល់ចេញប្រដាប់ភេទនៅនឹងទីសាធារណៈ។ ចំណែករូបគាត់ ក៏ត្រូវប៉ូលិសបញ្ជាឲ្យដោះសក់ចេញ ព្រមទាំងទាត់មួយទំហឹង រួចហើយសម្លុតឲ្យអង្គុយស្ងៀម៖ «ខ្ញុំអត់មានខុសអីសោះ ឃាត់ខ្លួនខ្ញុំ ដាក់ខ្នោះហើយ ថតខ្ញុំហើយ វាយខ្ញុំទៀត។ បន្ទាប់មកដកហូតយកសក់របស់ខ្ញុំ»។
ស្នងការរងនគរបាលខេត្តសៀមរាប ទទួលបន្ទុកព្រហ្មទណ្ឌ លោក ភឹង ចិន្តារ៉េត ឲ្យដឹងថា តំបន់សួនច្បារចាប់ពីមុខទីស្នាក់ការគណបក្សប្រជាជនកម្ពុជា ជាប់នឹងមាត់ស្ទឹងសៀមរាប រហូតទៅដល់តំបន់ផ្សារចាស់ ផាប់ស្ទ្រីត (Pub Street) គឺប៉ូលិសបានរាយកម្លាំងការពារមិនឲ្យក្រុមមនុស្សស្រឡាញ់ភេទដូចគ្នាចូលទៅមែន ពីព្រោះជាញឹកញាប់ ពួកគេទាំងនោះតែងតែឱបថើបគ្នា ឬក៏ជេរបញ្ចោរ និងខ្លះទៀតឆ្លៀតឱកាសលួចយកទ្រព្យសម្បត្តិរបស់ភ្ញៀវទេសចរបរទេស ដែលទៅកម្សាន្ត ជាដើម។
លោក ភឹង ចិន្តារ៉េត បដិសេធថា បើទោះបីជាសមត្ថកិច្ចហាមឃាត់តឹងរ៉ឹងមិនឲ្យក្រុមអ្នកស្រឡាញ់ភេទដូចគ្នា ភាគច្រើនចូលទៅតំបន់នោះក៏ដោយ ក៏សមត្ថកិច្ចមិនដែលវាយតប់ដូចការចោទប្រកាន់នោះទេ៖ «និយាយអ៊ីចឹងបង្ខូចឈ្មោះប៉ូលិស។ រាល់តែថ្ងៃហ្នឹង កំពុងតែប្រឹងប្រែងអនុវត្តតាមនីតិវិធីច្បាប់»។
ទោះជាយ៉ាងណា តំណាងបណ្ដាញក្រុមស្រីស្រស់ប្រចាំខេត្តសៀមរាប លោក ទិន ណាស៊ា នៅតែអះអាងថា សមត្ថកិច្ចខេត្តសៀមរាប គឺឧស្សាហ៍ធ្វើបាបក្រុមអ្នកស្រឡាញ់ភេទដូចគ្នាដូចពួកគាត់នេះមែន៖ «មួយចំនួនដែលទៅតាមមាត់ស្ទឹង បើថាប៉ូលិសចាប់បាន គេនឹងវាយដំ ពេលខ្លះឲ្យហែលឆ្លងទឹកស្ទឹងក៏មាន»។
បណ្ដាញក្រុមអ្នកស្រឡាញ់ភេទដូចគ្នាឲ្យដឹងថា បច្ចុប្បន្ន នៅខេត្តសៀមរាប មានអ្នកស្រឡាញ់ភេទដូចគ្នាជាង ៣០០នាក់។ ពួកគេចង់ទាមទារឲ្យសមត្ថកិច្ច បញ្ឈប់ការរើសអើង ព្រមទាំងគោរពសិទ្ធិពេញលេញដូចជាជនដទៃទៀតដែរ ពីព្រោះពួកគេក៏ជាមនុស្សដែលត្រូវការសេចក្តីថ្លៃថ្នូរ៕
Clik here to view.
ដោយ ហង្ស សាវយុត RFA 2016-08-22
អ្នកស្រឡាញ់ភេទដូចគ្នាមួយក្រុមមានគ្នាប្រមាណ ១០នាក់ ឬហៅថាជាក្រុមស្រីស្រស់ បានលើកគ្នាទៅកាន់ការិយាល័យសមាគមការពារសិទ្ធិមនុស្សអាដហុក (ADHOC) ខេត្តសៀមរាប ដើម្បីដាក់ពាក្យបណ្ដឹងប្រឆាំងនឹងក្រុមប៉ូលិសនៅម្ដុំផ្សារចាស់ នៃសង្កាត់ស្វាយដង្គំ កាលពីព្រឹកថ្ងៃច័ន្ទ ទី២២ ខែសីហា។
ពួកគេចោទប្រកាន់ថា ប៉ូលិសខ្លះដែលប្រចាំការនៅតំបន់ផ្សារចាស់ បានចាប់ខ្លួនពួកគេយកទៅវាយដំ ព្រមទាំងសម្រាតសម្លៀកបំពាក់ធ្វើឲ្យពួកគេបាត់បង់សេចក្តីថ្លៃថ្នូរជាមនុស្សទៀតផង។
អ្នកស្រឡាញ់ភេទដូចគ្នាមួយក្រុមជាសមាជិកបណ្ដាញភេទទី៣ ដែលគេហៅថាក្រុមស្រីស្រស់ បានទាមទារឲ្យស្នងការនគរបាលខេត្តសៀមរាប ត្រូវតែផ្ដល់យុត្តិធម៌ និងដាក់ទោសទៅលើមន្ត្រីប៉ូលិសខ្លះដែលប្រចាំការនៅជិតតំបន់ផ្សារចាស់ ដោយបានចាប់ក្រុមមនុស្សស្រឡាញ់ភេទដូចគ្នាយកទៅវាយធ្វើបាបនោះ។
ការទាមទារ បានធ្វើឡើងតាមរយៈពាក្យបណ្ដឹង បន្ទាប់ពីពួកគេអះអាងថា កាលពីទៀបភ្លឺថ្ងៃទី២០ ខែសីហា កន្លងទៅ ប៉ូលិសនៅតំបន់ផ្សារចាស់ បានចាប់ខ្លួនមនុស្សស្រឡាញ់ភេទដូចគ្នា ២នាក់ យកទៅដាក់នៅប៉ុស្តិ៍ប្រចាំការ រួចហើយវាយសម្លុតឲ្យស្រាតសម្លៀកបំពាក់នៅទីសាធារណៈផង។
មនុស្សស្រឡាញ់ភេទដូចគ្នាម្នាក់ក្នុងចំណោមគូកនជាច្រើនទៀត គឺយុវជន ឡេង បណ្ឌិត។ គាត់អះអាងនៅព្រឹកថ្ងៃច័ន្ទ ទី២២ ខែសីហា ថា កាលពីវេលាម៉ោង ៤ទៀបភ្លឺថ្ងៃទី២០ ខែសីហា កន្លងទៅ រូបគាត់ និងមិត្តភ័ក្ដិម្នាក់ទៀតឈ្មោះ សុខា បានធ្វើដំណើរចេញពីកន្លែងម៉ាស្សាទៅរកគេងនៅបន្ទប់របស់មិត្តភ័ក្ដិ ដែលជួលនៅជិតតំបន់ផ្សារចាស់។ នៅពេលកំពុងធ្វើដំណើរតាមផ្លូវ គឺមានក្រុមស្ទាវចេះតែតាមក្រវែលបំណងធ្វើបាប គឺមិត្តរបស់គាត់ឈ្មោះ សុខា ក៏រើសដុំថ្មមួយដុំ មកកាន់ទុកការពារខ្លួន។ ស្រាប់តែពេលនោះ មានបុរសស្លៀកពាក់ស៊ីវិលម្នាក់ បានហៅវិទ្យុទាក់ទងប្រាប់ទៅប៉ូលិស ហើយមួយសន្ទុះមក ប៉ូលិសមួយក្រុមក៏ចាប់ខ្លួនគាត់ទាំង ២នាក់យកទៅដាក់នៅប៉ុស្តិ៍ដែលនៅជិតនោះ។
ឡេង បណ្ឌិត បញ្ជាក់ថា បន្ទាប់ពីចាប់ខ្លួន គឺប៉ូលិសបានយកច្រវាក់វាយសំពង ព្រមទាំងទាត់ធាក់លើមិត្តរបស់គាត់ឈ្មោះ សុខា ហើយបង្ខំឲ្យស្រាតសម្លៀកបំពាក់រហូតដល់ចេញប្រដាប់ភេទនៅនឹងទីសាធារណៈ។ ចំណែករូបគាត់ ក៏ត្រូវប៉ូលិសបញ្ជាឲ្យដោះសក់ចេញ ព្រមទាំងទាត់មួយទំហឹង រួចហើយសម្លុតឲ្យអង្គុយស្ងៀម៖ «ខ្ញុំអត់មានខុសអីសោះ ឃាត់ខ្លួនខ្ញុំ ដាក់ខ្នោះហើយ ថតខ្ញុំហើយ វាយខ្ញុំទៀត។ បន្ទាប់មកដកហូតយកសក់របស់ខ្ញុំ»។
ស្នងការរងនគរបាលខេត្តសៀមរាប ទទួលបន្ទុកព្រហ្មទណ្ឌ លោក ភឹង ចិន្តារ៉េត ឲ្យដឹងថា តំបន់សួនច្បារចាប់ពីមុខទីស្នាក់ការគណបក្សប្រជាជនកម្ពុជា ជាប់នឹងមាត់ស្ទឹងសៀមរាប រហូតទៅដល់តំបន់ផ្សារចាស់ ផាប់ស្ទ្រីត (Pub Street) គឺប៉ូលិសបានរាយកម្លាំងការពារមិនឲ្យក្រុមមនុស្សស្រឡាញ់ភេទដូចគ្នាចូលទៅមែន ពីព្រោះជាញឹកញាប់ ពួកគេទាំងនោះតែងតែឱបថើបគ្នា ឬក៏ជេរបញ្ចោរ និងខ្លះទៀតឆ្លៀតឱកាសលួចយកទ្រព្យសម្បត្តិរបស់ភ្ញៀវទេសចរបរទេស ដែលទៅកម្សាន្ត ជាដើម។
លោក ភឹង ចិន្តារ៉េត បដិសេធថា បើទោះបីជាសមត្ថកិច្ចហាមឃាត់តឹងរ៉ឹងមិនឲ្យក្រុមអ្នកស្រឡាញ់ភេទដូចគ្នា ភាគច្រើនចូលទៅតំបន់នោះក៏ដោយ ក៏សមត្ថកិច្ចមិនដែលវាយតប់ដូចការចោទប្រកាន់នោះទេ៖ «និយាយអ៊ីចឹងបង្ខូចឈ្មោះប៉ូលិស។ រាល់តែថ្ងៃហ្នឹង កំពុងតែប្រឹងប្រែងអនុវត្តតាមនីតិវិធីច្បាប់»។
ទោះជាយ៉ាងណា តំណាងបណ្ដាញក្រុមស្រីស្រស់ប្រចាំខេត្តសៀមរាប លោក ទិន ណាស៊ា នៅតែអះអាងថា សមត្ថកិច្ចខេត្តសៀមរាប គឺឧស្សាហ៍ធ្វើបាបក្រុមអ្នកស្រឡាញ់ភេទដូចគ្នាដូចពួកគាត់នេះមែន៖ «មួយចំនួនដែលទៅតាមមាត់ស្ទឹង បើថាប៉ូលិសចាប់បាន គេនឹងវាយដំ ពេលខ្លះឲ្យហែលឆ្លងទឹកស្ទឹងក៏មាន»។
បណ្ដាញក្រុមអ្នកស្រឡាញ់ភេទដូចគ្នាឲ្យដឹងថា បច្ចុប្បន្ន នៅខេត្តសៀមរាប មានអ្នកស្រឡាញ់ភេទដូចគ្នាជាង ៣០០នាក់។ ពួកគេចង់ទាមទារឲ្យសមត្ថកិច្ច បញ្ឈប់ការរើសអើង ព្រមទាំងគោរពសិទ្ធិពេញលេញដូចជាជនដទៃទៀតដែរ ពីព្រោះពួកគេក៏ជាមនុស្សដែលត្រូវការសេចក្តីថ្លៃថ្នូរ៕