Image may be NSFW.
Clik here to view.
ដោយ យាង សុជាមេត្តា RFA 2016-08-23
មន្ត្រីគណបក្សសង្គ្រោះជាតិ នៅតែបង្ហាញក្តីសង្ឃឹមថា ប្រធានបក្សប្រឆាំង លោក សម រង្ស៊ី អាចវិលត្រឡប់ចូលស្រុកវិញដើម្បីដឹកនាំបក្សចូលរួមប្រកួតប្រជែងក្នុងការបោះឆ្នោតនៅពេលខាងមុខ។ ទោះបីជាយ៉ាងណា លោក ហ៊ុន សែន កាលពីថ្ងៃទី២២ សីហា ប្រកាសថា លោកនឹងមិនចុះហត្ថលេខាលើកលែងទោសឲ្យអ្នកដែលធ្វើឲ្យគ្រួសារលោកឈឺចាប់នោះទេ ដែលគេជឿជាក់ថា លោក ហ៊ុន សែន សំដៅទៅកាន់លោក សម រង្ស៊ី។
មន្ត្រីជាន់ខ្ពស់គណបក្សសង្គ្រោះជាតិ លោក សុន ឆ័យ នៅតែមានសង្ឃឹមថា លោក សម រង្ស៊ី អាចវិលត្រឡប់ចូលស្រុកវិញដើម្បីដឹកនាំបក្សក្នុងការប្រកួតប្រជែងការបោះឆ្នោត ព្រោះលោកជឿជាក់ថា ការស្រុះស្រួលផ្នែកនយោបាយ គឺនៅតែមាន៖ «បទពិសោធន៍ដែលមានលោកប្រធាន សម រង្ស៊ី នៅក្រៅស្រុកច្រើនដងដែរ ហើយនាយករដ្ឋមន្ត្រីក៏ធ្លាប់អះអាងដូចៗគ្នាដែរ ប៉ុន្តែទីបញ្ចប់លោកប្រធាន សម រង្ស៊ី ក៏នៅតែអាចចូលស្រុកបាន ចូលរួមការបោះឆ្នោតនៅលើកក្រោយនេះ រហូតដល់គាត់អត់មានឈ្មោះក្នុងបញ្ជីចុះឈ្មោះបោះឆ្នោតផង ក៏គាត់ក្លាយទៅជាអ្នកតំណាងរាស្ត្របានដែរ ដោយសារសន្ទុះនៃការគាំទ្ររបស់ពលរដ្ឋច្រើន»។
ការសម្ដែងសុទិដ្ឋិនិយមរបស់មន្ត្រីជាន់ខ្ពស់គណបក្សប្រឆាំងនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ថ្លែងទៅកាន់អ្នកចូលរួមក្នុងពិធីជួបជុំស្ដីពីការការពារបរិស្ថានកាលពីថ្ងៃទី២២ សីហា បញ្ជាក់ជាថ្មីថា លោកនឹងមិនអត់ឱនឲ្យអ្នកដែលបានប្រមាថមកលើគ្រួសារលោកឡើយ។ ករណីនេះ លោក ហ៊ុន សែន សំដៅលើរឿងអតីតសកម្មជនគណបក្សសង្គ្រោះជាតិ មួយរូបនៅសហរដ្ឋអាមេរិក គឺលោក យ៉ង់ ណុយ ហៅ Brady Young ដែលកាលពីខែឧសភា បានបង្ហោះនៅលើទំព័រហ្វេសប៊ុក (Facebook) ថាកូនប្រុសច្បងលោក ហ៊ុន សែន គឺលោក ហ៊ុន ម៉ាណែត ជាកូនរបស់អតីតមេដឹកនាំវៀតណាម ឈ្មោះ ឡេ ឌឹក ថូ (Le Duc Tho) ជាមួយភរិយាលោក ហ៊ុន សែន គឺអ្នកស្រី ប៊ុន រ៉ានី។
លោក ហ៊ុន សែន បានខឹងសម្បាយ៉ាងខ្លាំង ហើយចោទថា មេបក្សប្រឆាំង លោក សម រង្ស៊ី ជាអ្នកនៅពីក្រោយ។ ភ្លាមៗនោះ បក្សប្រឆាំងបានចេញសេចក្តីប្រកាសច្រានចោលចំពោះការចោទប្រកាន់ ហើយដើម្បីឲ្យលោក ហ៊ុន សែន អស់ចិត្ត បក្សប្រឆាំងថែមទាំងបានបញ្ចប់សមាជិកភាពមន្ត្រីរូបនោះចេញពីបក្សទៀតផង។
បើទោះបីជាកន្លងមក លោក សម រង្ស៊ី ធ្លាប់សរសេរសំបុត្រប្រាប់លោក ហ៊ុន សែន ថា រូបលោកផ្ទាល់ និងបក្សប្រឆាំងមិននៅពីក្រោយ និងមិនគាំទ្រចំពោះការប្រើពាក្យពេចន៍វាយប្រហារលើក្រុមគ្រួសារលោក ហ៊ុន សែន ក្តី តែលោក ហ៊ុន សែន ហាក់នៅតែមិនទាន់ស្ងប់ចិត្តឡើយ។ យូរៗម្តង លោក ហ៊ុន សែន បានរម្លឹករឿងចាស់ពីការប្រមាថគ្រួសារលោកឡើងវិញ ហើយបន្តសម្ដែងការខឹងសម្បាចំពោះមេបក្សប្រឆាំង។
លោក ហ៊ុន សែន នៅតែអះអាងថា លោកមិនអាចទទួលយកបានឡើយចំពោះការប្រមាថមកលើគ្រួសារលោកដូចនេះ ហើយលោកក៏នឹងមិនចុះហត្ថលេខាសុំការលើកលែងទោសចំពោះអ្នកធ្វើលើលោកបែបនេះនោះដែរ៖ «ហេតុអីបានជាថាលោក ហ៊ុន សែន ធ្លាប់តែធ្វើការសម្របសម្រួល? អាអ្នកជាប់គុកស៊ីញេឲ្យចេញក្រៅគុក ព្រោះច្បាប់ពន្ធនាគារឲ្យអំណាចមកនាយករដ្ឋមន្ត្រី ថាអាចធ្វើការសុំលើកលែងទោសបាន ប៉ុន្តែខ្ញុំអត់ធ្វើទេ ដោយតម្លៃណាក៏ដោយ ខ្ញុំមិនធ្វើអ្វីដែលខ្ញុំធ្លាប់ធ្វើពីមុន ភាគីខ្មែរដែលទាស់គ្នាទាំងឡាយ ច្បាំងគ្នាដោយប្រដាប់អាវុធ មករួបរួមគ្នាមួយកន្លែង ខ្ញុំធ្វើបាន ប៉ុន្តែលើកនេះសុំទោស ខ្ញុំធ្វើអត់បានទេ»។
កន្លងមក លោក ហ៊ុន សែន បានថ្លែងថា បើអ្នកណាមិនឲ្យគ្រួសារលោកបានសុខ លោកក៏នឹងមិនឲ្យអ្នកនោះបានសុខដូចគ្នា។ លោក ហ៊ុន សែន ក៏ធ្លាប់ថ្លែងដែរថា បើលោកចុះហត្ថលេខាសុំលើកលែងទោសឲ្យលោក សម រង្ស៊ី លោកនឹងកាត់ដៃរបស់លោកចោល។
អ្នកវិភាគនយោបាយ បណ្ឌិត ឡៅ ម៉ុងហៃ កត់សម្គាល់ថា អ្វីៗគឺអាស្រ័យលើលទ្ធផលបោះឆ្នោត។ លោកថា បើបក្សប្រឆាំងឈ្នះឆ្នោត លោក សម រង្ស៊ី នៅតែអាចចូលស្រុកបាន ហើយអាចឡើងកាន់អំណាចដឹកនាំប្រទេសទៀតផង។ បណ្ឌិត ឡៅ ម៉ុងហៃ ថាគេគួរទុកឲ្យពលរដ្ឋជាអ្នកសម្រេច៖ «នៅប៉ុន្មានទសវត្សរ៍មុននៅប្រទេសអ៊ីរ៉ង់ កាលពីមុនមានស្ដេច ហើយគឺមានអ្នកដឹកនាំខាងសាសនាមួយ គាត់ល្បី ហើយជាអ្នកប្រឆាំងស្ដេច។ ស្ដេចរកចាប់គាត់និរទេសខ្លួនទៅបារាំង ដូច សម រង្ស៊ី សព្វថ្ងៃអ៊ីចឹង ហើយបរិបទក្នុងស្រុក គេទម្លាក់ស្ដេចទៅ គាត់ទៅធ្វើប្រធានាធិបតីទៅ»។
ក្រៅពីថាមិនអាចអត់ឱនឲ្យអ្នកប្រមាថលើគ្រួសារលោកបាន លោក ហ៊ុន សែន បញ្ជាក់ថា បើលោក Brady Young ស្ថិតនៅក្នុងប្រទេសកម្ពុជា លោកប្រាកដជាចាប់ខ្លួនអតីតសកម្មជនបក្សប្រឆាំងរូបនោះ។ លោក ហ៊ុន សែន ថែមទាំងឲ្យស្ថានទូតសហរដ្ឋអាមេរិកប្រចាំកម្ពុជា ទទួលខុសត្រូវចំពោះរឿងនេះទៀតផង ព្រោះលោកថា លោក យ៉ង់ ណុយ ហៅ Brady Young គឺជាពលរដ្ឋអាមេរិក។
ចំពោះការលើកឡើងនេះ អ្នកនាំពាក្យស្ថានទូតសហរដ្ឋអាមេរិកប្រចាំកម្ពុជា លោក ជេ រ៉ាម៉េន (Jay Raman) ឲ្យដឹងតាមសារអេឡិចត្រូនិក ឬអ៊ីមែល (Email) នៅថ្ងៃទី២៣ សីហា ថា មកទល់ពេលនេះ ស្ថានទូតសហរដ្ឋអាមេរិកប្រចាំកម្ពុជា មិនទាន់ទទួលបានសំណើអ្វីមួយពីរដ្ឋាភិបាលកម្ពុជា ជុំវិញរឿងនេះនៅឡើយ ហើយលោកថា ប្រសិនបើមានសំណើមែននោះ ក៏មិនទាន់អាចនិយាយថានឹងចាត់វិធានការបែបណានោះដែរ។
លោក ជេ រ៉ាម៉េន សង្កត់ធ្ងន់ថា សហរដ្ឋអាមេរិក មានប្រវត្តិក្នុងការការពារសេរីភាពបញ្ចេញមតិជាយូរមកហើយ រួមទាំងការបញ្ចេញមតិដែលអ្នកខ្លះអាចគិតថាជាការប្រមាថក្តី។ លើសពីនេះ លោកថា សហរដ្ឋអាមេរិក មិនអាចអះអាង ឬបដិសេធនូវអត្តសញ្ញាណពលរដ្ឋរបស់ខ្លួនដោយសារតែរឿងឯកជនបានឡើយ៕
Clik here to view.
ដោយ យាង សុជាមេត្តា RFA 2016-08-23
មន្ត្រីគណបក្សសង្គ្រោះជាតិ នៅតែបង្ហាញក្តីសង្ឃឹមថា ប្រធានបក្សប្រឆាំង លោក សម រង្ស៊ី អាចវិលត្រឡប់ចូលស្រុកវិញដើម្បីដឹកនាំបក្សចូលរួមប្រកួតប្រជែងក្នុងការបោះឆ្នោតនៅពេលខាងមុខ។ ទោះបីជាយ៉ាងណា លោក ហ៊ុន សែន កាលពីថ្ងៃទី២២ សីហា ប្រកាសថា លោកនឹងមិនចុះហត្ថលេខាលើកលែងទោសឲ្យអ្នកដែលធ្វើឲ្យគ្រួសារលោកឈឺចាប់នោះទេ ដែលគេជឿជាក់ថា លោក ហ៊ុន សែន សំដៅទៅកាន់លោក សម រង្ស៊ី។
មន្ត្រីជាន់ខ្ពស់គណបក្សសង្គ្រោះជាតិ លោក សុន ឆ័យ នៅតែមានសង្ឃឹមថា លោក សម រង្ស៊ី អាចវិលត្រឡប់ចូលស្រុកវិញដើម្បីដឹកនាំបក្សក្នុងការប្រកួតប្រជែងការបោះឆ្នោត ព្រោះលោកជឿជាក់ថា ការស្រុះស្រួលផ្នែកនយោបាយ គឺនៅតែមាន៖ «បទពិសោធន៍ដែលមានលោកប្រធាន សម រង្ស៊ី នៅក្រៅស្រុកច្រើនដងដែរ ហើយនាយករដ្ឋមន្ត្រីក៏ធ្លាប់អះអាងដូចៗគ្នាដែរ ប៉ុន្តែទីបញ្ចប់លោកប្រធាន សម រង្ស៊ី ក៏នៅតែអាចចូលស្រុកបាន ចូលរួមការបោះឆ្នោតនៅលើកក្រោយនេះ រហូតដល់គាត់អត់មានឈ្មោះក្នុងបញ្ជីចុះឈ្មោះបោះឆ្នោតផង ក៏គាត់ក្លាយទៅជាអ្នកតំណាងរាស្ត្របានដែរ ដោយសារសន្ទុះនៃការគាំទ្ររបស់ពលរដ្ឋច្រើន»។
ការសម្ដែងសុទិដ្ឋិនិយមរបស់មន្ត្រីជាន់ខ្ពស់គណបក្សប្រឆាំងនេះ ធ្វើឡើងបន្ទាប់ពីលោកនាយករដ្ឋមន្ត្រី ហ៊ុន សែន ថ្លែងទៅកាន់អ្នកចូលរួមក្នុងពិធីជួបជុំស្ដីពីការការពារបរិស្ថានកាលពីថ្ងៃទី២២ សីហា បញ្ជាក់ជាថ្មីថា លោកនឹងមិនអត់ឱនឲ្យអ្នកដែលបានប្រមាថមកលើគ្រួសារលោកឡើយ។ ករណីនេះ លោក ហ៊ុន សែន សំដៅលើរឿងអតីតសកម្មជនគណបក្សសង្គ្រោះជាតិ មួយរូបនៅសហរដ្ឋអាមេរិក គឺលោក យ៉ង់ ណុយ ហៅ Brady Young ដែលកាលពីខែឧសភា បានបង្ហោះនៅលើទំព័រហ្វេសប៊ុក (Facebook) ថាកូនប្រុសច្បងលោក ហ៊ុន សែន គឺលោក ហ៊ុន ម៉ាណែត ជាកូនរបស់អតីតមេដឹកនាំវៀតណាម ឈ្មោះ ឡេ ឌឹក ថូ (Le Duc Tho) ជាមួយភរិយាលោក ហ៊ុន សែន គឺអ្នកស្រី ប៊ុន រ៉ានី។
លោក ហ៊ុន សែន បានខឹងសម្បាយ៉ាងខ្លាំង ហើយចោទថា មេបក្សប្រឆាំង លោក សម រង្ស៊ី ជាអ្នកនៅពីក្រោយ។ ភ្លាមៗនោះ បក្សប្រឆាំងបានចេញសេចក្តីប្រកាសច្រានចោលចំពោះការចោទប្រកាន់ ហើយដើម្បីឲ្យលោក ហ៊ុន សែន អស់ចិត្ត បក្សប្រឆាំងថែមទាំងបានបញ្ចប់សមាជិកភាពមន្ត្រីរូបនោះចេញពីបក្សទៀតផង។
បើទោះបីជាកន្លងមក លោក សម រង្ស៊ី ធ្លាប់សរសេរសំបុត្រប្រាប់លោក ហ៊ុន សែន ថា រូបលោកផ្ទាល់ និងបក្សប្រឆាំងមិននៅពីក្រោយ និងមិនគាំទ្រចំពោះការប្រើពាក្យពេចន៍វាយប្រហារលើក្រុមគ្រួសារលោក ហ៊ុន សែន ក្តី តែលោក ហ៊ុន សែន ហាក់នៅតែមិនទាន់ស្ងប់ចិត្តឡើយ។ យូរៗម្តង លោក ហ៊ុន សែន បានរម្លឹករឿងចាស់ពីការប្រមាថគ្រួសារលោកឡើងវិញ ហើយបន្តសម្ដែងការខឹងសម្បាចំពោះមេបក្សប្រឆាំង។
លោក ហ៊ុន សែន នៅតែអះអាងថា លោកមិនអាចទទួលយកបានឡើយចំពោះការប្រមាថមកលើគ្រួសារលោកដូចនេះ ហើយលោកក៏នឹងមិនចុះហត្ថលេខាសុំការលើកលែងទោសចំពោះអ្នកធ្វើលើលោកបែបនេះនោះដែរ៖ «ហេតុអីបានជាថាលោក ហ៊ុន សែន ធ្លាប់តែធ្វើការសម្របសម្រួល? អាអ្នកជាប់គុកស៊ីញេឲ្យចេញក្រៅគុក ព្រោះច្បាប់ពន្ធនាគារឲ្យអំណាចមកនាយករដ្ឋមន្ត្រី ថាអាចធ្វើការសុំលើកលែងទោសបាន ប៉ុន្តែខ្ញុំអត់ធ្វើទេ ដោយតម្លៃណាក៏ដោយ ខ្ញុំមិនធ្វើអ្វីដែលខ្ញុំធ្លាប់ធ្វើពីមុន ភាគីខ្មែរដែលទាស់គ្នាទាំងឡាយ ច្បាំងគ្នាដោយប្រដាប់អាវុធ មករួបរួមគ្នាមួយកន្លែង ខ្ញុំធ្វើបាន ប៉ុន្តែលើកនេះសុំទោស ខ្ញុំធ្វើអត់បានទេ»។
កន្លងមក លោក ហ៊ុន សែន បានថ្លែងថា បើអ្នកណាមិនឲ្យគ្រួសារលោកបានសុខ លោកក៏នឹងមិនឲ្យអ្នកនោះបានសុខដូចគ្នា។ លោក ហ៊ុន សែន ក៏ធ្លាប់ថ្លែងដែរថា បើលោកចុះហត្ថលេខាសុំលើកលែងទោសឲ្យលោក សម រង្ស៊ី លោកនឹងកាត់ដៃរបស់លោកចោល។
អ្នកវិភាគនយោបាយ បណ្ឌិត ឡៅ ម៉ុងហៃ កត់សម្គាល់ថា អ្វីៗគឺអាស្រ័យលើលទ្ធផលបោះឆ្នោត។ លោកថា បើបក្សប្រឆាំងឈ្នះឆ្នោត លោក សម រង្ស៊ី នៅតែអាចចូលស្រុកបាន ហើយអាចឡើងកាន់អំណាចដឹកនាំប្រទេសទៀតផង។ បណ្ឌិត ឡៅ ម៉ុងហៃ ថាគេគួរទុកឲ្យពលរដ្ឋជាអ្នកសម្រេច៖ «នៅប៉ុន្មានទសវត្សរ៍មុននៅប្រទេសអ៊ីរ៉ង់ កាលពីមុនមានស្ដេច ហើយគឺមានអ្នកដឹកនាំខាងសាសនាមួយ គាត់ល្បី ហើយជាអ្នកប្រឆាំងស្ដេច។ ស្ដេចរកចាប់គាត់និរទេសខ្លួនទៅបារាំង ដូច សម រង្ស៊ី សព្វថ្ងៃអ៊ីចឹង ហើយបរិបទក្នុងស្រុក គេទម្លាក់ស្ដេចទៅ គាត់ទៅធ្វើប្រធានាធិបតីទៅ»។
ក្រៅពីថាមិនអាចអត់ឱនឲ្យអ្នកប្រមាថលើគ្រួសារលោកបាន លោក ហ៊ុន សែន បញ្ជាក់ថា បើលោក Brady Young ស្ថិតនៅក្នុងប្រទេសកម្ពុជា លោកប្រាកដជាចាប់ខ្លួនអតីតសកម្មជនបក្សប្រឆាំងរូបនោះ។ លោក ហ៊ុន សែន ថែមទាំងឲ្យស្ថានទូតសហរដ្ឋអាមេរិកប្រចាំកម្ពុជា ទទួលខុសត្រូវចំពោះរឿងនេះទៀតផង ព្រោះលោកថា លោក យ៉ង់ ណុយ ហៅ Brady Young គឺជាពលរដ្ឋអាមេរិក។
ចំពោះការលើកឡើងនេះ អ្នកនាំពាក្យស្ថានទូតសហរដ្ឋអាមេរិកប្រចាំកម្ពុជា លោក ជេ រ៉ាម៉េន (Jay Raman) ឲ្យដឹងតាមសារអេឡិចត្រូនិក ឬអ៊ីមែល (Email) នៅថ្ងៃទី២៣ សីហា ថា មកទល់ពេលនេះ ស្ថានទូតសហរដ្ឋអាមេរិកប្រចាំកម្ពុជា មិនទាន់ទទួលបានសំណើអ្វីមួយពីរដ្ឋាភិបាលកម្ពុជា ជុំវិញរឿងនេះនៅឡើយ ហើយលោកថា ប្រសិនបើមានសំណើមែននោះ ក៏មិនទាន់អាចនិយាយថានឹងចាត់វិធានការបែបណានោះដែរ។
លោក ជេ រ៉ាម៉េន សង្កត់ធ្ងន់ថា សហរដ្ឋអាមេរិក មានប្រវត្តិក្នុងការការពារសេរីភាពបញ្ចេញមតិជាយូរមកហើយ រួមទាំងការបញ្ចេញមតិដែលអ្នកខ្លះអាចគិតថាជាការប្រមាថក្តី។ លើសពីនេះ លោកថា សហរដ្ឋអាមេរិក មិនអាចអះអាង ឬបដិសេធនូវអត្តសញ្ញាណពលរដ្ឋរបស់ខ្លួនដោយសារតែរឿងឯកជនបានឡើយ៕