លោក សម រង្ស៊ី បញ្ជាក់ថា ខ្មែរមិនអាចនៅស្ងៀមទេនៅពេលដែលមានការគាបសង្កត់
ប្រភព មនសិការខ្មែរ, ថ្ងៃទី១៦ ខែកញ្ញា ២០១៦
ប្រធានគណបក្សសង្គ្រោះជាតិ លោក សម រង្ស៊ី នៅចុងសប្តាហ៍នេះ បានបញ្ជាក់ថា នៅពេលដែលមានការគាបសង្កត់កាន់តែខ្លាំងឡើងៗ អ្នកដែលរងគ្រោះពីការគាបសង្កត់មិនត្រូវនៅស្ងៀមឲ្យគេគាបសង្កត់តាមអំពើចិត្តនោះទេ គឺត្រូវតែមានការរើបម្រះ ដើម្បីសិទ្ធិសេរីភាព។ ដូចនេះស្ថានភាពនយោបាយ និងសិទ្ធិមនុស្សនៅប្រទេសកម្ពុជាបច្ចុប្បន្នកំពុងតែរងការគាបសង្កត់ និងធ្វើទុក្ខបុកម្នេញ ដូចនេះខ្មែរគ្រប់រូបត្រូវតែរើបម្រះ ដើម្បីទាមទារសិទ្ធិសេរីភាពពេញលេញ ពិសេសសិទ្ធិនយោបាយ និងជំរុញឲ្យដំណើរការលទ្ធិប្រជាធិបតេយ្យមានភាពរលូនល្អ។
![]()
លោក សម រង្ស៊ី ប្រធានគណបក្សសង្គ្រោះជាតិ បានពន្យល់ថា បើទោះជាសព្វថ្ងៃនេះ ប្រទេសកម្ពុជាមិនមានការកាប់សម្លាប់ជាក់ស្តែងដូចប្រទេសកម្ពុជាស្ថិតនៅក្រោមការគ្រប់គ្រងរបស់របបខ្មែរក្រហមក៏ដោយ ក៏ខ្មែរគ្រប់រូបមិនបានរស់នៅដោយសុខស្រួល និងមានភាពសម្បូររុងរឿងនៅឡើយទេ។ លោក សម រង្ស៊ី បានបញ្ជាក់ថា គេមិនយកបងប្អូនខ្មែរទៅសម្លាប់ឆៅៗនោះទេ តែដីធ្លី ការងារ ជីវភាព ប្រាក់ចំណូល សេវាសាធារណៈសង្គម និង សិទ្ធិសេរីភាព
របស់បងប្អូន ត្រូវបានគេលួច ឆក់ ប្លន់ និងមិនបានផ្តល់ឲ្យបានពេញលេញនោះទេ ដែលនេះបង្ហាញច្បាស់ថា ប្រជាពលរដ្ឋខ្មែរកំពុងរងការគាបសង្កត់តាមរបៀបត្រជាក់ និងគ្មានការរីកចម្រើន។
ប្រធានគណបក្សសង្គ្រោះជាតិ លោក សម រង្ស៊ី បានពន្យល់ថា នៅពេលដែលប្រជាពលរដ្ឋខ្មែរកំពុងរស់នៅក្នុងភាពដុនដាប ហើយប្រជាពលរដ្ឋនៅប្រទេសជិតខាង និងក្នុងតំបន់កំពុងតែរស់នៅក្នុងភាពសម្បូររុងរឿងនោះ អ្នកកាន់អំណាចបច្ចុប្បន្នដែលបានដឹកនាំប្រទេសកម្ពុជាជិត៤០មកហើយបែរជាព្យាយាមបំភ្លៃការពិតដោយយកកម្ពុជាបច្ចុប្បន្នទៅប្រៀបធៀបជាមួយរបបខ្មែរក្រហម ដែលកន្លងហួសអស់រយៈពេលជិត៤០ឆ្នាំទៅហើយ តែប្រទេសកម្ពុជានិងប្រជាពលរដ្ឋខ្មែរនៅតែមានភាពក្រីក្រលំបាកគ្រប់យ៉ាង និងចាកចេញពីស្រុកទៅធ្វើជាពលកររាប់សែននាក់។
ជុំវិញបញ្ហាខាងលើនេះ លោក សម រង្ស៊ី បានសង្កត់ធ្ងន់ថា បើទោះជាគណបក្សសង្គ្រោះជាតិជាគណបក្សប្រជាធិបតេយ្យប្រកាន់ខ្ជាប់នូវគោលការណ៍អហិង្សាក៏ដោយ ក៏គណបក្សសង្គ្រោះជាតិមិនអនុញ្ញាតឲ្យអ្នកកាន់អំណាចបច្ចុប្បន្នធ្វើអ្វីតាមអំពើចិត្ត និងដឹកនាំប្រទេសលើផ្លូវខុសបានឡើយ។ លោក សម រង្ស៊ី បានបញ្ជាក់ថា គណបក្សសង្គ្រោះជាតិនឹងធ្វើការតស៊ូដោយអហិង្សាតាមរយៈការធ្វើបាតុកម្មដូចមានចែងក្នុងរដ្ឋធម្មនុញ្ញ និងមធ្យោបាយការទូតដែលមានការគាំទ្រពីសហគមន៍អន្តរជាតិ ដើម្បីដាក់សម្ពាធទៅលើរដ្ឋាភិបាលគណបក្សប្រជាជនកម្ពុជាឲ្យបញ្ឈប់រាល់សកម្មភាពធ្វើទុក្ខបុកម្នេញលើគណបក្សសង្គ្រោះជាតិ និងអង្គការសង្គមក្រៅរដ្ឋាភិបាល៕
ប្រភព មនសិការខ្មែរ, ថ្ងៃទី១៦ ខែកញ្ញា ២០១៦
ប្រធានគណបក្សសង្គ្រោះជាតិ លោក សម រង្ស៊ី នៅចុងសប្តាហ៍នេះ បានបញ្ជាក់ថា នៅពេលដែលមានការគាបសង្កត់កាន់តែខ្លាំងឡើងៗ អ្នកដែលរងគ្រោះពីការគាបសង្កត់មិនត្រូវនៅស្ងៀមឲ្យគេគាបសង្កត់តាមអំពើចិត្តនោះទេ គឺត្រូវតែមានការរើបម្រះ ដើម្បីសិទ្ធិសេរីភាព។ ដូចនេះស្ថានភាពនយោបាយ និងសិទ្ធិមនុស្សនៅប្រទេសកម្ពុជាបច្ចុប្បន្នកំពុងតែរងការគាបសង្កត់ និងធ្វើទុក្ខបុកម្នេញ ដូចនេះខ្មែរគ្រប់រូបត្រូវតែរើបម្រះ ដើម្បីទាមទារសិទ្ធិសេរីភាពពេញលេញ ពិសេសសិទ្ធិនយោបាយ និងជំរុញឲ្យដំណើរការលទ្ធិប្រជាធិបតេយ្យមានភាពរលូនល្អ។
របស់បងប្អូន ត្រូវបានគេលួច ឆក់ ប្លន់ និងមិនបានផ្តល់ឲ្យបានពេញលេញនោះទេ ដែលនេះបង្ហាញច្បាស់ថា ប្រជាពលរដ្ឋខ្មែរកំពុងរងការគាបសង្កត់តាមរបៀបត្រជាក់ និងគ្មានការរីកចម្រើន។
ប្រធានគណបក្សសង្គ្រោះជាតិ លោក សម រង្ស៊ី បានពន្យល់ថា នៅពេលដែលប្រជាពលរដ្ឋខ្មែរកំពុងរស់នៅក្នុងភាពដុនដាប ហើយប្រជាពលរដ្ឋនៅប្រទេសជិតខាង និងក្នុងតំបន់កំពុងតែរស់នៅក្នុងភាពសម្បូររុងរឿងនោះ អ្នកកាន់អំណាចបច្ចុប្បន្នដែលបានដឹកនាំប្រទេសកម្ពុជាជិត៤០មកហើយបែរជាព្យាយាមបំភ្លៃការពិតដោយយកកម្ពុជាបច្ចុប្បន្នទៅប្រៀបធៀបជាមួយរបបខ្មែរក្រហម ដែលកន្លងហួសអស់រយៈពេលជិត៤០ឆ្នាំទៅហើយ តែប្រទេសកម្ពុជានិងប្រជាពលរដ្ឋខ្មែរនៅតែមានភាពក្រីក្រលំបាកគ្រប់យ៉ាង និងចាកចេញពីស្រុកទៅធ្វើជាពលកររាប់សែននាក់។
ជុំវិញបញ្ហាខាងលើនេះ លោក សម រង្ស៊ី បានសង្កត់ធ្ងន់ថា បើទោះជាគណបក្សសង្គ្រោះជាតិជាគណបក្សប្រជាធិបតេយ្យប្រកាន់ខ្ជាប់នូវគោលការណ៍អហិង្សាក៏ដោយ ក៏គណបក្សសង្គ្រោះជាតិមិនអនុញ្ញាតឲ្យអ្នកកាន់អំណាចបច្ចុប្បន្នធ្វើអ្វីតាមអំពើចិត្ត និងដឹកនាំប្រទេសលើផ្លូវខុសបានឡើយ។ លោក សម រង្ស៊ី បានបញ្ជាក់ថា គណបក្សសង្គ្រោះជាតិនឹងធ្វើការតស៊ូដោយអហិង្សាតាមរយៈការធ្វើបាតុកម្មដូចមានចែងក្នុងរដ្ឋធម្មនុញ្ញ និងមធ្យោបាយការទូតដែលមានការគាំទ្រពីសហគមន៍អន្តរជាតិ ដើម្បីដាក់សម្ពាធទៅលើរដ្ឋាភិបាលគណបក្សប្រជាជនកម្ពុជាឲ្យបញ្ឈប់រាល់សកម្មភាពធ្វើទុក្ខបុកម្នេញលើគណបក្សសង្គ្រោះជាតិ និងអង្គការសង្គមក្រៅរដ្ឋាភិបាល៕