Image may be NSFW.
Clik here to view.
ដោយ ស៊ុន ហេង RFA 2016-10-02
គណៈកម្មាធិការជាតិរៀបចំការបោះឆ្នោត (គ.ជ.ប) បានឯកភាពផ្តល់ថ្ងៃទី២ តុលា ដែលជាថ្ងៃឈប់សម្រាកបុណ្យភ្ជុំបិណ្ឌ ឲ្យបន្តការចុះឈ្មោះបោះឆ្នោតដើម្បីសម្រួលដល់ពលករខ្មែរ។ ទោះជាយ៉ាងនេះក្តី អង្គការសង្គមស៊ីវិល ថាមានពលករចំណាកស្រុកក្រៅប្រទេសតិចតួចណាស់ដែលបានត្រឡប់មកស្រុកចុះឈ្មោះបោះឆ្នោត។
នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) លោក មឿន តុលា ឲ្យអាស៊ីសេរីដឹងនៅថ្ងៃទី២ តុលា ថា ពលករខ្មែរនៅថៃ តិចជាង ៣ភាគរយមានលទ្ធភាពត្រឡប់មកស្រុកកំណើត ដើម្បីចុះឈ្មោះបោះឆ្នោត និងចូលរួមពិធីបុណ្យភ្ជុំបិណ្ឌ។
លោក មឿន តុលា បន្តថា កាលពីចុងខែកញ្ញា កន្លងទៅ អង្គការសង់ត្រាល់ បានចុះទៅសំណេះសំណាលជាមួយបណ្ដាញពលករខ្មែរជាង ១.០០០នាក់នៅប្រទេសថៃ ហើយរកឃើញថា ពួកគេគ្រប់រូបសុទ្ធតែចង់ត្រឡប់មកស្រុកកំណើត ដើម្បីចូលរួមពិធីបុណ្យភ្ជុំបិណ្ឌ និងដើម្បីចុះឈ្មោះបោះឆ្នោត ប៉ុន្តែលក្ខខណ្ឌការងារ និងលក្ខខណ្ឌរស់នៅរបស់ពួកគេមិនអាចមកបាន៖ «មានឧបសគ្គមួយចំនួន ដូចជាគាត់ត្រូវការចំណាយក្នុងការធ្វើដំណើរមកស្រុកដើម្បីចុះឈ្មោះ។ ទីពីរ គឺរឿងគាត់ពិបាកសុំច្បាប់ ព្រោះបុណ្យភ្ជុំបិណ្ឌនេះ ថៃ មិនមានបុណ្យជាតិទេ។ ទីបី គឺពលករយើងដែលអត់មានលិខិតឆ្លងដែន។ គាត់ស្របច្បាប់ដែរ តែគាត់មានតែប័ណ្ណស៊ីជម្ពូ។ អ្នកកាន់ប័ណ្ណស៊ីជម្ពូ កាលណាចេញពីប្រទេសថៃ គឺមិនអាចទៅវិញបានទេ។ អ៊ីចឹងមិនមែនគាត់មិនចង់មកទេ គាត់ចង់មកណាស់ តែមកមិនកើត»។
បន្ថែមពីលើនោះ ពលករខ្មែរនៅថៃ នៅតែបន្តទទូចសុំឲ្យមានការិយាល័យចុះឈ្មោះបោះឆ្នោតនៅប្រទេសថៃ ដើម្បីសម្រួលឲ្យពួកគេបានចុះឈ្មោះបានគ្រប់គ្នា។
ដើមឡើយ ថ្ងៃទី២ តុលា ត្រូវបានរាប់ចូលជាថ្ងៃឈប់សម្រាកបុណ្យភ្ជុំបិណ្ឌរបស់មន្ត្រីចុះឈ្មោះបោះឆ្នោត ប៉ុន្តែក្រោយការសំណូមពររបស់តំណាងរាស្ត្របក្សប្រឆាំងឲ្យបន្តការចុះឈ្មោះអំឡុងពេលភ្ជុំបិណ្ឌ ដើម្បីសម្រួលដល់ពលករក្នុង និងក្រៅស្រុក គណៈកម្មាធិការជាតិរៀបចំការបោះឆ្នោត ឯកភាពធ្វើការ ១ថ្ងៃសម្រាប់ចុះឈ្មោះបោះឆ្នោត គឺថ្ងៃទី២ តុលា។
នាយកប្រតិបត្តិគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) លោក គល់ បញ្ញា វាយតម្លៃជាបណ្ដោះអាសន្នទៅលើការចុះឈ្មោះបោះឆ្នោតនៅអំឡុងថ្ងៃឈប់សម្រាកភ្ជុំបិណ្ឌ នៅថ្ងៃទី២ តុលា ថា មានការចូលរួមច្រើនពីសំណាក់ពលករនៅទីក្រុងដែលទៅភូមិកំណើត ហើយធ្វើការចុះឈ្មោះ ប៉ុន្តែពលករដែលត្រឡប់មកពីក្រៅប្រទេស គឺមានតិចតួចនៅឡើយ។
គិតមកដល់ថ្ងៃទី២៩ កញ្ញា ទិន្នន័យពីគណៈកម្មាធិការជាតិរៀបចំការបោះឆ្នោត ឲ្យដឹងថា មានប្រជាជនគ្រប់អាយុបោះឆ្នោតជាង ៣លាន ៩សែននាក់ហើយ បានចុះឈ្មោះបោះឆ្នោត ស្មើនឹងជាង ៤០% នៃចំនួនប្រជាជនគ្រប់អាយុបោះឆ្នោតទាំងអស់ជាង ៩លាន ៦សែននាក់៕
Clik here to view.
ដោយ ស៊ុន ហេង RFA 2016-10-02
គណៈកម្មាធិការជាតិរៀបចំការបោះឆ្នោត (គ.ជ.ប) បានឯកភាពផ្តល់ថ្ងៃទី២ តុលា ដែលជាថ្ងៃឈប់សម្រាកបុណ្យភ្ជុំបិណ្ឌ ឲ្យបន្តការចុះឈ្មោះបោះឆ្នោតដើម្បីសម្រួលដល់ពលករខ្មែរ។ ទោះជាយ៉ាងនេះក្តី អង្គការសង្គមស៊ីវិល ថាមានពលករចំណាកស្រុកក្រៅប្រទេសតិចតួចណាស់ដែលបានត្រឡប់មកស្រុកចុះឈ្មោះបោះឆ្នោត។
នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ហៅកាត់ថា សង់ត្រាល់ (CENTRAL) លោក មឿន តុលា ឲ្យអាស៊ីសេរីដឹងនៅថ្ងៃទី២ តុលា ថា ពលករខ្មែរនៅថៃ តិចជាង ៣ភាគរយមានលទ្ធភាពត្រឡប់មកស្រុកកំណើត ដើម្បីចុះឈ្មោះបោះឆ្នោត និងចូលរួមពិធីបុណ្យភ្ជុំបិណ្ឌ។
លោក មឿន តុលា បន្តថា កាលពីចុងខែកញ្ញា កន្លងទៅ អង្គការសង់ត្រាល់ បានចុះទៅសំណេះសំណាលជាមួយបណ្ដាញពលករខ្មែរជាង ១.០០០នាក់នៅប្រទេសថៃ ហើយរកឃើញថា ពួកគេគ្រប់រូបសុទ្ធតែចង់ត្រឡប់មកស្រុកកំណើត ដើម្បីចូលរួមពិធីបុណ្យភ្ជុំបិណ្ឌ និងដើម្បីចុះឈ្មោះបោះឆ្នោត ប៉ុន្តែលក្ខខណ្ឌការងារ និងលក្ខខណ្ឌរស់នៅរបស់ពួកគេមិនអាចមកបាន៖ «មានឧបសគ្គមួយចំនួន ដូចជាគាត់ត្រូវការចំណាយក្នុងការធ្វើដំណើរមកស្រុកដើម្បីចុះឈ្មោះ។ ទីពីរ គឺរឿងគាត់ពិបាកសុំច្បាប់ ព្រោះបុណ្យភ្ជុំបិណ្ឌនេះ ថៃ មិនមានបុណ្យជាតិទេ។ ទីបី គឺពលករយើងដែលអត់មានលិខិតឆ្លងដែន។ គាត់ស្របច្បាប់ដែរ តែគាត់មានតែប័ណ្ណស៊ីជម្ពូ។ អ្នកកាន់ប័ណ្ណស៊ីជម្ពូ កាលណាចេញពីប្រទេសថៃ គឺមិនអាចទៅវិញបានទេ។ អ៊ីចឹងមិនមែនគាត់មិនចង់មកទេ គាត់ចង់មកណាស់ តែមកមិនកើត»។
បន្ថែមពីលើនោះ ពលករខ្មែរនៅថៃ នៅតែបន្តទទូចសុំឲ្យមានការិយាល័យចុះឈ្មោះបោះឆ្នោតនៅប្រទេសថៃ ដើម្បីសម្រួលឲ្យពួកគេបានចុះឈ្មោះបានគ្រប់គ្នា។
ដើមឡើយ ថ្ងៃទី២ តុលា ត្រូវបានរាប់ចូលជាថ្ងៃឈប់សម្រាកបុណ្យភ្ជុំបិណ្ឌរបស់មន្ត្រីចុះឈ្មោះបោះឆ្នោត ប៉ុន្តែក្រោយការសំណូមពររបស់តំណាងរាស្ត្របក្សប្រឆាំងឲ្យបន្តការចុះឈ្មោះអំឡុងពេលភ្ជុំបិណ្ឌ ដើម្បីសម្រួលដល់ពលករក្នុង និងក្រៅស្រុក គណៈកម្មាធិការជាតិរៀបចំការបោះឆ្នោត ឯកភាពធ្វើការ ១ថ្ងៃសម្រាប់ចុះឈ្មោះបោះឆ្នោត គឺថ្ងៃទី២ តុលា។
នាយកប្រតិបត្តិគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) លោក គល់ បញ្ញា វាយតម្លៃជាបណ្ដោះអាសន្នទៅលើការចុះឈ្មោះបោះឆ្នោតនៅអំឡុងថ្ងៃឈប់សម្រាកភ្ជុំបិណ្ឌ នៅថ្ងៃទី២ តុលា ថា មានការចូលរួមច្រើនពីសំណាក់ពលករនៅទីក្រុងដែលទៅភូមិកំណើត ហើយធ្វើការចុះឈ្មោះ ប៉ុន្តែពលករដែលត្រឡប់មកពីក្រៅប្រទេស គឺមានតិចតួចនៅឡើយ។
គិតមកដល់ថ្ងៃទី២៩ កញ្ញា ទិន្នន័យពីគណៈកម្មាធិការជាតិរៀបចំការបោះឆ្នោត ឲ្យដឹងថា មានប្រជាជនគ្រប់អាយុបោះឆ្នោតជាង ៣លាន ៩សែននាក់ហើយ បានចុះឈ្មោះបោះឆ្នោត ស្មើនឹងជាង ៤០% នៃចំនួនប្រជាជនគ្រប់អាយុបោះឆ្នោតទាំងអស់ជាង ៩លាន ៦សែននាក់៕
