Image may be NSFW.
Clik here to view.
ដោយ ឡេង ម៉ាលី RFA 2016-10-03
ចាប់ពីមុនបុណ្យភ្ជុំបិណ្ឌរហូតមកដល់ថ្ងៃច័ន្ទ ទី៣ តុលា គណបក្សកាន់អំណាច និងគណបក្សប្រឆាំងនៅរក្សាបានបរិយាកាសស្ងប់ស្ងាត់ខាងវោហារសាស្ត្រនយោបាយរៀងៗខ្លួន។ លោកនាយករដ្ឋមន្ត្រី ហ៊ុន សែន ដែលធ្លាប់តែបញ្ចេញសារនយោបាយខ្លាំងៗចំពោះបក្សប្រឆាំង ក៏មានសភាពស្ងប់ស្ងាត់ដែរ។
សារសំខាន់ៗរបស់លោកនាយករដ្ឋមន្ត្រី ហ៊ុន សែន នៅថ្ងៃទី៣ តុលា មិនបានវាយប្រហារគណបក្សប្រឆាំងណាមួយទេ។
សាររបស់លោកភាគច្រើន គឺស្ដីអំពីសមិទ្ធផលសន្តិភាពតាមនយោបាយឈ្នះៗ ការដំឡើងប្រាក់ខែគ្រូបង្រៀននៅឆ្នាំ២០១៧ ការអំពាវនាវឲ្យពលរដ្ឋអ្នកមានលទ្ធភាព ជួយទិញស្រូវកសិករជាដើម។ ក្រៅពីនេះ លោកក៏អំពាវនាវឲ្យពលរដ្ឋទៅចុះឈ្មោះបោះឆ្នោតដែរ៖ «ឥឡូវខ្ញុំព្រះករុណាខ្ញុំ បន្ទាប់ពីការភ្ជុំហើយ នៅតែបន្តការអំពាវនាវ ទីមួយ សុំប្រជាពលរដ្ឋរបស់យើងដែលមិនទាន់បានចុះឈ្មោះបោះឆ្នោត សុំទៅចុះឈ្មោះបោះឆ្នោត ដែលគណៈកម្មការជាតិរៀបចំការបោះឆ្នោត បាន និងកំពុងអំពាវនាវ និងជំរុញការចុះឈ្មោះបោះឆ្នោត»។
បរិយាកាសនយោបាយស្ងៀមស្ងាត់នៅពេលនេះ គឺស្របគ្នានឹងការអំពាវនាវរបស់លោក កាលពីមុនថ្ងៃបុណ្យភ្ជុំបិណ្ឌ ដែលឲ្យគណបក្សនយោបាយឈប់វាយប្រហារគ្នា។ លោកក៏រង់ចាំមើលថា តើគណបក្សណាមួយនឹងចាប់ផ្ដើមវាយប្រហារគ្នាមុន។
នៅថ្ងៃទី៣ តុលា នេះដែរ ប្រធានស្ដីទីគណបក្សសង្គ្រោះជាតិ គឺលោក កឹម សុខា បង្ហោះសារនយោបាយលើទំព័រហ្វេសប៊ុករបស់លោកថា ក្នុងឱកាសបុណ្យភ្ជុំបិណ្ឌឆ្នាំនេះ មិនមានភ្លៀងរលឹមជោកជាំដូចពីមុននោះទេ ទោះបីមេឃមិនទាន់ស្រឡះមានពពកបាំងខ្លះ ក៏មានថ្ងៃរះផងដែរ។ លោកបន្តថា «ក្រោយភ្លៀង មេឃនឹងស្រឡះ ហើយខ្មែរនឹងឈ្នះទាំងអស់គ្នា»។
កាលពីថ្ងៃទី៣០ ខែកញ្ញា ប្រធានស្ដីទីគណបក្សសង្គ្រោះជាតិ គឺលោក កឹម សុខា ក៏បានចេញសេចក្ដីអំពាវនាវតាមវីដេអូលើទំព័រហ្វេសប៊ុករបស់លោក ឲ្យពលរដ្ឋទៅចុះឈ្មោះបោះឆ្នោតដែរ៖ «ខ្ញុំព្រះករុណាខ្ញុំបាទ កឹម សុខា ប្រធានស្ដីទីគណបក្សសង្គ្រោះជាតិ សូមនិមន្ត និងអញ្ជើញព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិខ្មែរ ដែលមានអាយុចាប់ពី ១៨ឆ្នាំឡើងទៅ គឺគិតដល់ថ្ងៃបោះឆ្នោត ថ្ងៃទី៤ ខែមិថុនា ឆ្នាំ២០១៧ សូមមេត្តានិមន្ត និងអញ្ជើញទៅចុះឈ្មោះបោះឆ្នោតនៅតាមភូមិ ឃុំ សង្កាត់របស់បងប្អូនឲ្យបានគ្រប់ៗគ្នា ដើម្បីជ្រើសរើសអ្នកដឹកនាំមូលដ្ឋានតាមបំណងរបស់បងប្អូន»។
ទោះបីជាយ៉ាងនេះក្ដី លោក កឹម សុខា មិនទាន់បានទៅចុះឈ្មោះទេ។ កាលពីសប្ដាហ៍មុននេះ លោក កឹម សុខា បានឲ្យដឹងថា លោកនឹងទៅចុះឈ្មោះបោះឆ្នោតនៅសប្ដាហ៍នេះ ប៉ុន្តែមិនទាន់មានមន្ត្រីគណបក្សសង្គ្រោះជាតិ ណាមួយអាចបញ្ជាក់ថ្ងៃណាជាក់លាក់នៅឡើយ។
ចាប់តាំងពីថ្ងៃទី១ ខែកញ្ញា រហូតមកដល់ពេលនេះ មានពលរដ្ឋប្រមាណ ៤លាននាក់ហើយដែលបានទៅចុះឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅឆ្នាំ២០១៧ ខាងមុខ។
គណៈកម្មាធិការជាតិរៀបចំការបោះឆ្នោត ឲ្យដឹងថា ពលរដ្ឋកម្ពុជា ដែលគ្រប់អាយុបោះឆ្នោតមានចំនួនជាង ៩លាន ៦សែននាក់។ ការចុះឈ្មោះសម្រាប់ពលរដ្ឋទាំងនេះ នឹងបន្តរហូតដល់ថ្ងៃទី២៩ ខែវិច្ឆិកា ខាងមុខ៕
Clik here to view.
ដោយ ឡេង ម៉ាលី RFA 2016-10-03
ចាប់ពីមុនបុណ្យភ្ជុំបិណ្ឌរហូតមកដល់ថ្ងៃច័ន្ទ ទី៣ តុលា គណបក្សកាន់អំណាច និងគណបក្សប្រឆាំងនៅរក្សាបានបរិយាកាសស្ងប់ស្ងាត់ខាងវោហារសាស្ត្រនយោបាយរៀងៗខ្លួន។ លោកនាយករដ្ឋមន្ត្រី ហ៊ុន សែន ដែលធ្លាប់តែបញ្ចេញសារនយោបាយខ្លាំងៗចំពោះបក្សប្រឆាំង ក៏មានសភាពស្ងប់ស្ងាត់ដែរ។
សារសំខាន់ៗរបស់លោកនាយករដ្ឋមន្ត្រី ហ៊ុន សែន នៅថ្ងៃទី៣ តុលា មិនបានវាយប្រហារគណបក្សប្រឆាំងណាមួយទេ។
សាររបស់លោកភាគច្រើន គឺស្ដីអំពីសមិទ្ធផលសន្តិភាពតាមនយោបាយឈ្នះៗ ការដំឡើងប្រាក់ខែគ្រូបង្រៀននៅឆ្នាំ២០១៧ ការអំពាវនាវឲ្យពលរដ្ឋអ្នកមានលទ្ធភាព ជួយទិញស្រូវកសិករជាដើម។ ក្រៅពីនេះ លោកក៏អំពាវនាវឲ្យពលរដ្ឋទៅចុះឈ្មោះបោះឆ្នោតដែរ៖ «ឥឡូវខ្ញុំព្រះករុណាខ្ញុំ បន្ទាប់ពីការភ្ជុំហើយ នៅតែបន្តការអំពាវនាវ ទីមួយ សុំប្រជាពលរដ្ឋរបស់យើងដែលមិនទាន់បានចុះឈ្មោះបោះឆ្នោត សុំទៅចុះឈ្មោះបោះឆ្នោត ដែលគណៈកម្មការជាតិរៀបចំការបោះឆ្នោត បាន និងកំពុងអំពាវនាវ និងជំរុញការចុះឈ្មោះបោះឆ្នោត»។
បរិយាកាសនយោបាយស្ងៀមស្ងាត់នៅពេលនេះ គឺស្របគ្នានឹងការអំពាវនាវរបស់លោក កាលពីមុនថ្ងៃបុណ្យភ្ជុំបិណ្ឌ ដែលឲ្យគណបក្សនយោបាយឈប់វាយប្រហារគ្នា។ លោកក៏រង់ចាំមើលថា តើគណបក្សណាមួយនឹងចាប់ផ្ដើមវាយប្រហារគ្នាមុន។
នៅថ្ងៃទី៣ តុលា នេះដែរ ប្រធានស្ដីទីគណបក្សសង្គ្រោះជាតិ គឺលោក កឹម សុខា បង្ហោះសារនយោបាយលើទំព័រហ្វេសប៊ុករបស់លោកថា ក្នុងឱកាសបុណ្យភ្ជុំបិណ្ឌឆ្នាំនេះ មិនមានភ្លៀងរលឹមជោកជាំដូចពីមុននោះទេ ទោះបីមេឃមិនទាន់ស្រឡះមានពពកបាំងខ្លះ ក៏មានថ្ងៃរះផងដែរ។ លោកបន្តថា «ក្រោយភ្លៀង មេឃនឹងស្រឡះ ហើយខ្មែរនឹងឈ្នះទាំងអស់គ្នា»។
កាលពីថ្ងៃទី៣០ ខែកញ្ញា ប្រធានស្ដីទីគណបក្សសង្គ្រោះជាតិ គឺលោក កឹម សុខា ក៏បានចេញសេចក្ដីអំពាវនាវតាមវីដេអូលើទំព័រហ្វេសប៊ុករបស់លោក ឲ្យពលរដ្ឋទៅចុះឈ្មោះបោះឆ្នោតដែរ៖ «ខ្ញុំព្រះករុណាខ្ញុំបាទ កឹម សុខា ប្រធានស្ដីទីគណបក្សសង្គ្រោះជាតិ សូមនិមន្ត និងអញ្ជើញព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិខ្មែរ ដែលមានអាយុចាប់ពី ១៨ឆ្នាំឡើងទៅ គឺគិតដល់ថ្ងៃបោះឆ្នោត ថ្ងៃទី៤ ខែមិថុនា ឆ្នាំ២០១៧ សូមមេត្តានិមន្ត និងអញ្ជើញទៅចុះឈ្មោះបោះឆ្នោតនៅតាមភូមិ ឃុំ សង្កាត់របស់បងប្អូនឲ្យបានគ្រប់ៗគ្នា ដើម្បីជ្រើសរើសអ្នកដឹកនាំមូលដ្ឋានតាមបំណងរបស់បងប្អូន»។
ទោះបីជាយ៉ាងនេះក្ដី លោក កឹម សុខា មិនទាន់បានទៅចុះឈ្មោះទេ។ កាលពីសប្ដាហ៍មុននេះ លោក កឹម សុខា បានឲ្យដឹងថា លោកនឹងទៅចុះឈ្មោះបោះឆ្នោតនៅសប្ដាហ៍នេះ ប៉ុន្តែមិនទាន់មានមន្ត្រីគណបក្សសង្គ្រោះជាតិ ណាមួយអាចបញ្ជាក់ថ្ងៃណាជាក់លាក់នៅឡើយ។
ចាប់តាំងពីថ្ងៃទី១ ខែកញ្ញា រហូតមកដល់ពេលនេះ មានពលរដ្ឋប្រមាណ ៤លាននាក់ហើយដែលបានទៅចុះឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់នៅឆ្នាំ២០១៧ ខាងមុខ។
គណៈកម្មាធិការជាតិរៀបចំការបោះឆ្នោត ឲ្យដឹងថា ពលរដ្ឋកម្ពុជា ដែលគ្រប់អាយុបោះឆ្នោតមានចំនួនជាង ៩លាន ៦សែននាក់។ ការចុះឈ្មោះសម្រាប់ពលរដ្ឋទាំងនេះ នឹងបន្តរហូតដល់ថ្ងៃទី២៩ ខែវិច្ឆិកា ខាងមុខ៕
