Image may be NSFW.
Clik here to view.
ដោយ ជិន ជេដ្ឋា RFA 2016-10-04
ពលរដ្ឋប្រមាណ ១០០នាក់ មកពីឃុំស្វាយស និងឃុំឈើតុំ ស្រុកក្រគរ ខេត្តពោធិ៍សាត់ នាំគ្នាតវ៉ានៅមុខសាលាខេត្តពោធិ៍សាត់ កាលពីថ្ងៃទី៤ ខែតុលា ដើម្បីឲ្យអាជ្ញាធរមានសមត្ថកិច្ចដោះលែងតៃកុងឡានម្នាក់។ មន្ត្រីនគរបាលជឿថា តៃកុងឡានដែលជាជនសង្ស័យបើកឡានក្រឡាប់បង្កគ្រោះថ្នាក់ដល់អ្នកភូមិ និងកូនចៅសរុប ៤៥នាក់ កាលពីថ្ងៃភ្ជុំបិណ្ឌនោះ អាចដោះលែងក្នុងពេលពីរ ឬបីថ្ងៃក្រោយ។
ក្រុមពលរដ្ឋ និងអ្នករងរបួសក្នុងហេតុការណ៍ក្រឡាប់ឡានកូរ៉េចំណុះមួយតោនកន្លះកាលពីម៉ោងប្រាំកន្លះ ថ្ងៃទី១ ខែតុលា នៅម្ដុំរមណីយដ្ឋានទឹកធ្លាក់ច្រកល្អៀង ឋិតនៅឃុំឈើតុំ នោះ អះអាងថា តៃកុងឡានឈ្មោះ សំ សុផេន អាយុប្រមាណ ៥០ឆ្នាំ ជាមនុស្សស្លូតត្រង់ និងមានគុណធម៌។
ក្រុមពលរដ្ឋចូលរួមតវ៉ាដែលមានមួយចំនួនជាអ្នកជិះឡានរងរបួសអះអាងថា អ្នកបើកបរឈ្មោះ សំ សុផេន ពុំមានចេតនាឲ្យកូនចៅ និងអ្នកភូមិដែលខ្លួនដឹកទៅលេងនៅរមណីយដ្ឋានទឹកធ្លាក់ច្រកល្អៀង ទាំង ៤៥នាក់ មានគ្រោះថ្នាក់នោះទេ។ អ្នករួមដំណើរទាំងអស់ពុំមានអ្នកណាម្នាក់ស្លាប់នោះ គឺគ្រាន់តែរងរបួសធ្ងន់ស្រាលទាំងអស់គ្នា។
អ្នករងរបួស និងជាពលរដ្ឋចូលរួមតវ៉ាម្នាក់ក្នុងចំណោមអ្នកតវ៉ាមកពីភូមិទួលអណ្ដែត នៃឃុំស្វាយស និងភូមិផ្ទះចេក នៃឃុំឈើតុំ លោក ហេង ហុក មានប្រសាសន៍ថា អ្នករបួសទាំងអស់មិនបានប្ដឹងតៃកុងឡានរូបនេះទេ ថែមទាំងទាមទារឲ្យសមត្ថកិច្ចដោះលែងគាត់ចេញក្រៅឃុំទៀតផង។
លោកថា អ្នករបួសទាំងអស់សុខចិត្តធានាឲ្យជនសង្ស័យដែលកំពុងជាប់ឃុំនៅពន្ធនាគារខេត្ដឲ្យបាននៅក្រៅឃុំ៖ «បាទ! ខ្ញុំសំណូមពរឲ្យជួយផ្សាយចូលក្នុងប៉ុស្តិ៍ហ្នឹងផង ដើម្បីឲ្យមន្ត្រីរាជការ និងថ្នាក់ដឹកនាំទាំងអស់ហ្នឹងដោះលែងមនុស្សមកវិញផង ព្រោះមនុស្សហ្នឹង ខាងជនរងគ្រោះទាំងអស់អត់មាននរណាប្ដឹងម្នាក់ទេ គឺគេគាំទ្រឲ្យចេញមកវិញ។ កុំឲ្យយកមនុស្សទៅដាក់គុកដូចជាប់ទោសឧក្រិដ្ឋ»។
ទាក់ទងបញ្ហានេះនាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តពោធិ៍សាត់ លោក រស់ ចំរើន មិនអត្ថាធិប្បាយយ៉ាងណាទេ នៅថ្ងៃទី៤ ខែតុលា ដោយជំរុញឲ្យអាស៊ីសេរី សួរទៅនាយផ្នែករបស់លោកវិញ។ ចំណែកនាយផ្នែកដោះស្រាយគ្រោះថ្នាក់ចរាចរណ៍លោក ង៉ាន់ វណ្ណី បញ្ជាក់យ៉ាងខ្លីថា បច្ចុប្បន្នសំណុំរឿងនេះបានបញ្ជូនដល់ដៃតុលាការហើយ ក្រោយពីសមត្ថកិច្ចចាប់ខ្លួនតៃកុងឡាន ដើម្បីឃុំខ្លួនបណ្ដោះអាសន្ននៅពន្ធនាគារ។
លោកថា ការចាប់ខ្លួន និងបង្កសំណុំរឿងបញ្ជូនទៅតុលាការនេះ គឺចោទប្រកាន់តាមមាត្រា៨៣ នៃច្បាប់ចរាចរណ៍ផ្លូវគោកថ្មី៖ «ខ្ញុំទាន់ដឹងដែរ! ប៉ុន្តែខ្ញុំជឿថា រឿងហ្នឹងយ៉ាងច្រើនពីរបីយប់គេឲ្យនៅក្រៅឃុំ ព្រោះអត់មានពាក្យបណ្ដឹង ហើយម្យ៉ាងសុទ្ធតែកូនក្មួយ អ្នកជិតខាង អ្នកភូមិជាមួយ ហើយម្សិលមិញលឺថា អ្នកភូមិចង់ឡើងមកសុំ (យកមនុស្សទៅវិញ) ពីរបីឡានណោះ តែនឹកឃើញថា វាល្ងាចពេក អ៊ីចឹងគេចាំថ្ងៃនេះ (ទី៤ ខែតុលា)ហើយថ្ងៃនេះខ្ញុំរវល់ការងារនៅការិយាល័យដែរ អត់ទាន់បានទាក់ទង»។
ច្បាប់ចរាចរណ៍ផ្លូវគោកថ្មី ត្រង់មាត្រា៨៣ ចែងថា ជនណាបើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្ដីពីចរាចរណ៍ផ្លូវគោកបណ្ដាលឲ្យមានរបួសដល់អ្នកដទៃ ហើយបណ្ដាលឲ្យអ្នករងគ្រោះអសមត្ថភាពធ្វើការងារក្នុងរយៈពេលស្មើ ឬលើសពី ៨ថ្ងៃ គិតពីថ្ងៃកើតហេតុត្រូវផ្ដន្ទាទោសដាក់ពន្ធនាគារពី ៦ខែ ទៅ ២ឆ្នាំ និងពិន័យជាប្រាក់ពី ២លានរៀលទៅ ១០លានរៀល៕
Clik here to view.
ដោយ ជិន ជេដ្ឋា RFA 2016-10-04
ពលរដ្ឋប្រមាណ ១០០នាក់ មកពីឃុំស្វាយស និងឃុំឈើតុំ ស្រុកក្រគរ ខេត្តពោធិ៍សាត់ នាំគ្នាតវ៉ានៅមុខសាលាខេត្តពោធិ៍សាត់ កាលពីថ្ងៃទី៤ ខែតុលា ដើម្បីឲ្យអាជ្ញាធរមានសមត្ថកិច្ចដោះលែងតៃកុងឡានម្នាក់។ មន្ត្រីនគរបាលជឿថា តៃកុងឡានដែលជាជនសង្ស័យបើកឡានក្រឡាប់បង្កគ្រោះថ្នាក់ដល់អ្នកភូមិ និងកូនចៅសរុប ៤៥នាក់ កាលពីថ្ងៃភ្ជុំបិណ្ឌនោះ អាចដោះលែងក្នុងពេលពីរ ឬបីថ្ងៃក្រោយ។
ក្រុមពលរដ្ឋ និងអ្នករងរបួសក្នុងហេតុការណ៍ក្រឡាប់ឡានកូរ៉េចំណុះមួយតោនកន្លះកាលពីម៉ោងប្រាំកន្លះ ថ្ងៃទី១ ខែតុលា នៅម្ដុំរមណីយដ្ឋានទឹកធ្លាក់ច្រកល្អៀង ឋិតនៅឃុំឈើតុំ នោះ អះអាងថា តៃកុងឡានឈ្មោះ សំ សុផេន អាយុប្រមាណ ៥០ឆ្នាំ ជាមនុស្សស្លូតត្រង់ និងមានគុណធម៌។
ក្រុមពលរដ្ឋចូលរួមតវ៉ាដែលមានមួយចំនួនជាអ្នកជិះឡានរងរបួសអះអាងថា អ្នកបើកបរឈ្មោះ សំ សុផេន ពុំមានចេតនាឲ្យកូនចៅ និងអ្នកភូមិដែលខ្លួនដឹកទៅលេងនៅរមណីយដ្ឋានទឹកធ្លាក់ច្រកល្អៀង ទាំង ៤៥នាក់ មានគ្រោះថ្នាក់នោះទេ។ អ្នករួមដំណើរទាំងអស់ពុំមានអ្នកណាម្នាក់ស្លាប់នោះ គឺគ្រាន់តែរងរបួសធ្ងន់ស្រាលទាំងអស់គ្នា។
អ្នករងរបួស និងជាពលរដ្ឋចូលរួមតវ៉ាម្នាក់ក្នុងចំណោមអ្នកតវ៉ាមកពីភូមិទួលអណ្ដែត នៃឃុំស្វាយស និងភូមិផ្ទះចេក នៃឃុំឈើតុំ លោក ហេង ហុក មានប្រសាសន៍ថា អ្នករបួសទាំងអស់មិនបានប្ដឹងតៃកុងឡានរូបនេះទេ ថែមទាំងទាមទារឲ្យសមត្ថកិច្ចដោះលែងគាត់ចេញក្រៅឃុំទៀតផង។
លោកថា អ្នករបួសទាំងអស់សុខចិត្តធានាឲ្យជនសង្ស័យដែលកំពុងជាប់ឃុំនៅពន្ធនាគារខេត្ដឲ្យបាននៅក្រៅឃុំ៖ «បាទ! ខ្ញុំសំណូមពរឲ្យជួយផ្សាយចូលក្នុងប៉ុស្តិ៍ហ្នឹងផង ដើម្បីឲ្យមន្ត្រីរាជការ និងថ្នាក់ដឹកនាំទាំងអស់ហ្នឹងដោះលែងមនុស្សមកវិញផង ព្រោះមនុស្សហ្នឹង ខាងជនរងគ្រោះទាំងអស់អត់មាននរណាប្ដឹងម្នាក់ទេ គឺគេគាំទ្រឲ្យចេញមកវិញ។ កុំឲ្យយកមនុស្សទៅដាក់គុកដូចជាប់ទោសឧក្រិដ្ឋ»។
ទាក់ទងបញ្ហានេះនាយការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តពោធិ៍សាត់ លោក រស់ ចំរើន មិនអត្ថាធិប្បាយយ៉ាងណាទេ នៅថ្ងៃទី៤ ខែតុលា ដោយជំរុញឲ្យអាស៊ីសេរី សួរទៅនាយផ្នែករបស់លោកវិញ។ ចំណែកនាយផ្នែកដោះស្រាយគ្រោះថ្នាក់ចរាចរណ៍លោក ង៉ាន់ វណ្ណី បញ្ជាក់យ៉ាងខ្លីថា បច្ចុប្បន្នសំណុំរឿងនេះបានបញ្ជូនដល់ដៃតុលាការហើយ ក្រោយពីសមត្ថកិច្ចចាប់ខ្លួនតៃកុងឡាន ដើម្បីឃុំខ្លួនបណ្ដោះអាសន្ននៅពន្ធនាគារ។
លោកថា ការចាប់ខ្លួន និងបង្កសំណុំរឿងបញ្ជូនទៅតុលាការនេះ គឺចោទប្រកាន់តាមមាត្រា៨៣ នៃច្បាប់ចរាចរណ៍ផ្លូវគោកថ្មី៖ «ខ្ញុំទាន់ដឹងដែរ! ប៉ុន្តែខ្ញុំជឿថា រឿងហ្នឹងយ៉ាងច្រើនពីរបីយប់គេឲ្យនៅក្រៅឃុំ ព្រោះអត់មានពាក្យបណ្ដឹង ហើយម្យ៉ាងសុទ្ធតែកូនក្មួយ អ្នកជិតខាង អ្នកភូមិជាមួយ ហើយម្សិលមិញលឺថា អ្នកភូមិចង់ឡើងមកសុំ (យកមនុស្សទៅវិញ) ពីរបីឡានណោះ តែនឹកឃើញថា វាល្ងាចពេក អ៊ីចឹងគេចាំថ្ងៃនេះ (ទី៤ ខែតុលា)ហើយថ្ងៃនេះខ្ញុំរវល់ការងារនៅការិយាល័យដែរ អត់ទាន់បានទាក់ទង»។
ច្បាប់ចរាចរណ៍ផ្លូវគោកថ្មី ត្រង់មាត្រា៨៣ ចែងថា ជនណាបើកបរដោយធ្វេសប្រហែស ខ្ជីខ្ជា មិនប្រុងប្រយ័ត្ន ឬមិនគោរពកាតព្វកិច្ចដែលបទប្បញ្ញត្តិស្ដីពីចរាចរណ៍ផ្លូវគោកបណ្ដាលឲ្យមានរបួសដល់អ្នកដទៃ ហើយបណ្ដាលឲ្យអ្នករងគ្រោះអសមត្ថភាពធ្វើការងារក្នុងរយៈពេលស្មើ ឬលើសពី ៨ថ្ងៃ គិតពីថ្ងៃកើតហេតុត្រូវផ្ដន្ទាទោសដាក់ពន្ធនាគារពី ៦ខែ ទៅ ២ឆ្នាំ និងពិន័យជាប្រាក់ពី ២លានរៀលទៅ ១០លានរៀល៕
