ដោយ ជុន ច័ន្ទបុត្រ RFA 2016-05-13
លោកនាយករដ្ឋមន្ត្រី ហ៊ុន សែន កាលពីថ្ងៃទី១២ ខែឧសភា បានប្រតិកម្មខ្លាំងៗ ចំពោះគណបក្សប្រឆាំងថា ប្រសិនបើគណបក្សមួយនេះមិនឲ្យគ្រួសាររបស់លោកបានសុខ នោះលោកនឹងមិនឲ្យគណបក្សនេះបានសុខដូចគ្នា។ ភ្លាមៗក្រោយប្រតិកម្មរបស់លោក ហ៊ុន សែន នេះ គណបក្សសង្គ្រោះជាតិ បានចេញសេចក្ដីថ្លែងការណ៍មួយបញ្ជាក់ថា ខ្លួនមិនបានជាប់ពាក់ព័ន្ធនឹងការចោទប្រកាន់របស់លោក ហ៊ុន សែន នោះទេ។
ចំណែកអ្នកតាមដានបញ្ហានយោបាយនៅក្នុងប្រទេសវិញ ពួកគេចាត់ទុកថា ពាក្យសម្ដីដែលប្រមុខរដ្ឋាភិបាលលើកមកនិយាយម្ដងហើយម្ដងទៀតនេះ ជាការឆ្លុះបញ្ចាំងពីវប្បធម៌សងសឹកគ្នាមិនចេះចប់មិនចេះហើយទៅវិញ។