ដោយ អាស៊ីសេរី RFA 2016-10-10
ចៅក្រមជំនុំជម្រះសាលាដំបូងរាជធានីភ្នំពេញ លោក ហេង សុខណា សម្រេចផ្ដន្ទាទោសតំណាងរាស្ត្រគណបក្សសង្រ្គោះជាតិ លោក អ៊ុំ សំអាន ដាក់ពន្ធនាគារ២ឆ្នាំកន្លះ និងពិន័យជាប្រាក់៤លានរៀល តាមមាត្រា៤៩៥ និង៤៩៦នៃក្រមព្រហ្មទណ្ឌ។
លោក ហេង សុខណា មិនបាននិយាយអ្វីច្រើនជាមួយអាស៊ីសេរីទេ ដោយលោកគ្រាន់តែបញ្ជាក់ដូចអ្វីដែលប្រព័ន្ធផ្សព្វផ្សាយក្នុងស្រុកចុះផ្សាយនៅរសៀលថ្ងៃទី១០ តុលា បន្ទាប់ពីសាលក្រមរបស់តុលាការបានប្រកាស។
ការប្រកាសសាលក្រមដែលគ្មានវត្តមានលោក អ៊ុំ សំអាន និងមេធាវីការពារក្ដីរបស់លោកនៅពេលនេះ បានចោទប្រកាន់លោក ចំនួន២ករណី គឺបទញុះញង់ឲ្យប្រព្រឹត្តបទឧក្រិដ្ឋជាអាទិ៍ បង្កភាពវឹកវរធ្ងន់ធ្ងរដល់សន្តិសុខសង្គម និង បទញុះញង់ឲ្យមានការរើសអើង។
លោក អ៊ុំ សំអាន ត្រូវបានសមត្ថកិច្ចចាប់ខ្លួននៅខេត្តសៀមរាប កាលពីយប់ថ្ងៃទី១១ ខែមេសា ឆ្នាំ២០១៦ បន្ទាប់ពីលោកវិលត្រឡប់មកពីសហរដ្ឋអាមេរិកវិញ។ លោកត្រូវតុលាការចោទប្រកាន់ចោទប្រកាន់ពីបទញុះញង់នាំឲ្យមានការរើសអើង និងប្រព្រឹត្តបទឧក្រិដ្ឋជាអាទិ៍នៃក្រមព្រហ្មទណ្ឌ បន្ទាប់ពីលោកបានធ្វើការអធិប្បាយនានានៅលើទំព័រហ្វេសប៊ុក អំពីការប្រើប្រាស់ផែនទី និងបោះបង្គោលព្រំដែនកម្ពុជា និងវៀតណាម។
សូមរង់ចាំអាន និងស្ដាប់ព័ត៌មានពិស្ដារ...