Image may be NSFW.
Clik here to view.
ដោយ ហ៊ុំ ចំរើន RFA 2016-10-10
អាជ្ញាធរខេត្តបាត់ដំបង ត្រៀមទីកន្លែងរៀបចំពិធីបុណ្យប្រណាំងទូករយៈពេល ២ថ្ងៃ គឺចាប់ពីថ្ងៃទី១៥ ដល់ទីថ្ងៃទី១៦ តុលា នៅក្នុងស្ទឹងសង្កែ មុខផ្សាររាត្រីក្រុងបាត់ដំបង។ ពិធីនេះ ធ្វើឡើងក្នុងគោលបំណងដើម្បីអបអរសាទរនៅថ្ងៃបុណ្យចេញព្រះវស្សា ហើយដើម្បីទាក់ទាញភ្ញៀវទេសចរជាតិ និងអន្តរជាតិ ទៅទស្សនាខេត្តបាត់ដំបង ឲ្យបានច្រើនកុះករ។
នៅតាមផ្លូវអមដងស្ទឹងសង្កែ ជាពិសេសនៅត្រើយខាងលិច អាជ្ញាធរបានរៀបចំតង់សម្រាប់ដាក់ពិព័រណ៍ទំនិញតាមផ្លូវលេខ១ ប្រមាណជាងមួយគីឡូម៉ែត្រ គឺចាប់តាំងពីគល់ស្ពានថ្មថ្មី រហូតដល់សួននាគបាញ់ទឹក។
ប្រជាពលរដ្ឋនៅក្រុងបាត់ដំបង ភាគច្រើនសាទរនឹងអាជ្ញាធរខេត្តដែលបានផ្ដួចផ្ដើមរៀបចំពិធីប្រណាំងទូក ដើម្បីឲ្យខេត្តបាត់ដំបង មានភាពអ៊ូអរ។
ពលរដ្ឋម្នាក់អង្គុយនៅលើបង់បែរខ្នងទៅរកមាត់ស្ទឹងសង្កែក្រុងបាត់ដំបង គឺលោក រស់ វឿន ថ្លែងថា ការប្រណាំងទូករៀងរាល់ឆ្នាំនៅក្នុងខេត្តបាត់ដំបង លោកតែងតែមកទស្សនាមិនដែលខានឡើយ។ បុរសរាងស្គមដែលមានធ្មេញបាក់មួយៗផងនោះ បន្ថែមថា លោកបានត្រៀមខ្លួនរួចជាស្រេចហើយ ដើម្បីទៅទស្សនាកម្សាន្តការប្រណាំងទូកនៅថ្ងៃទី១៥ និងថ្ងៃទី១៦ តុលា ខាងមុខនេះ។ បុរសវ័យ ៧៣ឆ្នាំរូបនេះដែលនិយាយដោយបញ្ចេញសំណើចម្ដងម្កាលផង ថាលោកមានអារម្មណ៍សប្បាយរីករាយជាខ្លាំង ដែលអាជ្ញាធរខេត្តបាត់ដំបង រៀបចំឲ្យមានការប្រណាំងទូកនេះ។ ទន្ទឹមគ្នានេះ លោកបញ្ជាក់ថា នឹងឆ្លៀតឱកាសរកទីកន្លែងសម្រាប់ផ្ញើម៉ូតូ ដើម្បីរកប្រាក់ចំណូលដោះស្រាយជីវភាពគ្រួសារនៅក្នុងពិធីកម្សាន្តសប្បាយនេះ៖ «បាទ! ចាំយាមម៉ូតូ ទាល់តែម៉ោង ៦រសៀលបានគេយកមកផ្ញើច្រើន។ ហើយពេលទូកកំពុងប្រណាំងមិនសូវមានទេ ពេលនោះយើងឆ្លៀតទៅមើលគេប្រណាំងទូកបានហើយ»។
ស្រដៀងគ្នានេះដែរ ពលរដ្ឋម្នាក់ទៀតខណៈអង្គុយចងផ្លែឈូកលក់នៅចំណុចរង្វង់មូលសេះស ក្រុងបាត់ដំបង គឺលោក យ៉ុន យ៉ាន ថ្លែងថា ការប្រណាំងទូកនៅដងស្ទឹងសង្កែនាក្រុងបាត់ដំបង ទាក់ទាញភ្ញៀវទេសចរមកលេងកម្សាន្តច្រើន ហើយលោករំពឹងថា នៅក្នុងឱកាសនោះ របរលក់គ្រាប់ឈូករបស់លោក នឹងលក់បានប្រាក់ចំណូលច្រើន។ បុរសសម្បុរស្រអែមវ័យ ៣០ឆ្នាំរូបនេះ គាំទ្រឲ្យអាជ្ញាធរខេត្តបាត់ដំបង រៀបចំការប្រណាំងទូកជាលក្ខណៈប្រពៃណីខ្មែរឲ្យបានរៀងរាល់ឆ្នាំបន្តទៅមុខទៀត៖ «បាទ! មានមនុស្សច្រើនមកទស្សនាការប្រណាំងទូកតាំងពីស្រុកឆ្ងាយៗ និងពីបណ្ដាខេត្តមួយចំនួនទៀតនៅជាប់ខេត្តបាត់ដំបង ក៏មកមើលប្រណាំងទូកនេះដូចគ្នាដែរ»។
Image may be NSFW.
Clik here to view.
នៅក្នុងពិធីប្រណាំងទូកនេះមានការដាក់តាំងពិព័រណ៍ទំនិញរបស់ជនជាតិថៃ និងខ្មែរមួយចំនួននៅតាមដងស្ទឹងសង្កែត្រើយខាងលិច និងនៅត្រើយខាងកើត។ រថយន្តដឹកទំនិញរបស់ជនជាតិថៃ ជាច្រើនគ្រឿង បានបញ្ចេញទំនិញរបស់ខ្លួនដាក់តាមតង់បណ្ដើរៗចាប់ពីរសៀលថ្ងៃទី៩ តុលា។
មន្ត្រីគណៈកម្មការរៀបចំពិធីប្រណាំងទូកនៃសាលាខេត្តបាត់ដំបង លោក ហុង ឆេត មានប្រសាសន៍ថា ការប្រណាំងទូកជាលក្ខណៈប្រពៃណីខ្មែរនៅដងស្ទឹងសង្កែ ធ្វើឡើងចំនួន ២ថ្ងៃ គឺចាប់ពីថ្ងៃទី១៥ ដល់ថ្ងៃទី១៦ តុលា។ ទន្ទឹមគ្នានេះដែរ លោកបញ្ជាក់ថា ដើម្បីកំដរនៅក្នុងពិធីនេះឲ្យមានភាពអ៊ូអរអធិកអធម នៅពេលរាត្រីមានការប្រគំតន្ត្រីចំនួន ៣កន្លែងចែកជូនភ្ញៀវជាតិ និងអន្តរជាតិបានទស្សនាកម្សាន្តរៀងរាល់រាត្រី និងមានការដាក់តាំងពិព័រណ៍ទំនិញចំនួន ៧ថ្ងៃ គឺចាប់ពីថ្ងៃទី១០ ដល់ថ្ងៃទី១៦ តុលា៖ «បាទ! មានអុជកាំជ្រួច និងមានសម្ដែងតន្ត្រី ដូចជានៅមុខផ្សាររាត្រី មុខដើមពោធិ៍ នាគបាញ់ទឹក និងនៅក្បាលស្ពាន ស ខេង ត្រើយខាងកើតទល់មុខវត្តកណ្ដាលមួយកន្លែង ដើម្បីឲ្យប្រជាពលរដ្ឋបានមើល ហើយដើម្បីកាត់បន្ថយការកកស្ទះចរាចរណ៍ផង»។
ទោះបីជាយ៉ាងនេះក្ដី មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តបាត់ដំបង លោក យិន ម៉េងលី កត់សម្គាល់ថា ការប្រណាំងទូកនេះហាក់ពុំបានផ្ដល់ផលប្រយោជន៍ធំដុំដល់ប្រជាពលរដ្ឋនៅក្នុងខេត្តបាត់ដំបង ឡើយ។ លោកបន្ថែមថា ហេតុដែលមិនផ្ដល់ផលប្រយោជន៍ដល់ពលរដ្ឋ ពីព្រោះនៅក្នុងពិធីនេះ អាជ្ញាធរអនុញ្ញាតឲ្យបរទេសដាក់តាំងទំនិញរបស់ពួកគេលក់ច្រើនជាងទំនិញរបស់ពលរដ្ឋខ្មែរ ដែលនាំឲ្យប្រាក់ចំណូលពីការទិញទំនិញរបស់អ្នកមកទស្សនាការប្រណាំងទូក ធ្លាក់លើដៃជនបរទេស៖ «យើងសាទរនឹងការរៀបចំនេះ ក៏ប៉ុន្តែយើងចង់ឲ្យការរៀបចំនេះ បង្ហាញនូវផលិតផល ឬក៏ស្នាដៃរបស់ពលរដ្ឋខ្មែរឲ្យបានច្រើនជាងផលិតផលរបស់គេដែលនាំចូលមកយើង ល្អជាង»។
ទូកដែលចូលរួមការប្រកួតរយៈពេល ២ថ្ងៃនេះមានចំនួន ២៦គ្រឿង ក្នុងនោះមានទូកអុំបើកឆាក ៤គ្រឿង ទូកអុំបុរសខ្នាតអន្តរជាតិចំនួន ៨គ្រឿង ទូកខ្នាតអន្តរជាតិផ្នែកនារី ៣គ្រឿង ទូកអុំផ្នែកបុរសប្រពៃណីខ្នាតខ្លី ៨គ្រឿង និងទូកងប្រពៃណីជាតិ ៣គ្រឿង។ មន្ត្រីសាលាខេត្តបាត់ដំបង បញ្ជាក់ថា ទូកដែលទទួលបានជ័យលាភីឆ្នើម អាជ្ញាធរខេត្តនឹងបញ្ជូនទៅប្រកួតក្នុ
Clik here to view.
ដោយ ហ៊ុំ ចំរើន RFA 2016-10-10
អាជ្ញាធរខេត្តបាត់ដំបង ត្រៀមទីកន្លែងរៀបចំពិធីបុណ្យប្រណាំងទូករយៈពេល ២ថ្ងៃ គឺចាប់ពីថ្ងៃទី១៥ ដល់ទីថ្ងៃទី១៦ តុលា នៅក្នុងស្ទឹងសង្កែ មុខផ្សាររាត្រីក្រុងបាត់ដំបង។ ពិធីនេះ ធ្វើឡើងក្នុងគោលបំណងដើម្បីអបអរសាទរនៅថ្ងៃបុណ្យចេញព្រះវស្សា ហើយដើម្បីទាក់ទាញភ្ញៀវទេសចរជាតិ និងអន្តរជាតិ ទៅទស្សនាខេត្តបាត់ដំបង ឲ្យបានច្រើនកុះករ។
នៅតាមផ្លូវអមដងស្ទឹងសង្កែ ជាពិសេសនៅត្រើយខាងលិច អាជ្ញាធរបានរៀបចំតង់សម្រាប់ដាក់ពិព័រណ៍ទំនិញតាមផ្លូវលេខ១ ប្រមាណជាងមួយគីឡូម៉ែត្រ គឺចាប់តាំងពីគល់ស្ពានថ្មថ្មី រហូតដល់សួននាគបាញ់ទឹក។
ប្រជាពលរដ្ឋនៅក្រុងបាត់ដំបង ភាគច្រើនសាទរនឹងអាជ្ញាធរខេត្តដែលបានផ្ដួចផ្ដើមរៀបចំពិធីប្រណាំងទូក ដើម្បីឲ្យខេត្តបាត់ដំបង មានភាពអ៊ូអរ។
ពលរដ្ឋម្នាក់អង្គុយនៅលើបង់បែរខ្នងទៅរកមាត់ស្ទឹងសង្កែក្រុងបាត់ដំបង គឺលោក រស់ វឿន ថ្លែងថា ការប្រណាំងទូករៀងរាល់ឆ្នាំនៅក្នុងខេត្តបាត់ដំបង លោកតែងតែមកទស្សនាមិនដែលខានឡើយ។ បុរសរាងស្គមដែលមានធ្មេញបាក់មួយៗផងនោះ បន្ថែមថា លោកបានត្រៀមខ្លួនរួចជាស្រេចហើយ ដើម្បីទៅទស្សនាកម្សាន្តការប្រណាំងទូកនៅថ្ងៃទី១៥ និងថ្ងៃទី១៦ តុលា ខាងមុខនេះ។ បុរសវ័យ ៧៣ឆ្នាំរូបនេះដែលនិយាយដោយបញ្ចេញសំណើចម្ដងម្កាលផង ថាលោកមានអារម្មណ៍សប្បាយរីករាយជាខ្លាំង ដែលអាជ្ញាធរខេត្តបាត់ដំបង រៀបចំឲ្យមានការប្រណាំងទូកនេះ។ ទន្ទឹមគ្នានេះ លោកបញ្ជាក់ថា នឹងឆ្លៀតឱកាសរកទីកន្លែងសម្រាប់ផ្ញើម៉ូតូ ដើម្បីរកប្រាក់ចំណូលដោះស្រាយជីវភាពគ្រួសារនៅក្នុងពិធីកម្សាន្តសប្បាយនេះ៖ «បាទ! ចាំយាមម៉ូតូ ទាល់តែម៉ោង ៦រសៀលបានគេយកមកផ្ញើច្រើន។ ហើយពេលទូកកំពុងប្រណាំងមិនសូវមានទេ ពេលនោះយើងឆ្លៀតទៅមើលគេប្រណាំងទូកបានហើយ»។
ស្រដៀងគ្នានេះដែរ ពលរដ្ឋម្នាក់ទៀតខណៈអង្គុយចងផ្លែឈូកលក់នៅចំណុចរង្វង់មូលសេះស ក្រុងបាត់ដំបង គឺលោក យ៉ុន យ៉ាន ថ្លែងថា ការប្រណាំងទូកនៅដងស្ទឹងសង្កែនាក្រុងបាត់ដំបង ទាក់ទាញភ្ញៀវទេសចរមកលេងកម្សាន្តច្រើន ហើយលោករំពឹងថា នៅក្នុងឱកាសនោះ របរលក់គ្រាប់ឈូករបស់លោក នឹងលក់បានប្រាក់ចំណូលច្រើន។ បុរសសម្បុរស្រអែមវ័យ ៣០ឆ្នាំរូបនេះ គាំទ្រឲ្យអាជ្ញាធរខេត្តបាត់ដំបង រៀបចំការប្រណាំងទូកជាលក្ខណៈប្រពៃណីខ្មែរឲ្យបានរៀងរាល់ឆ្នាំបន្តទៅមុខទៀត៖ «បាទ! មានមនុស្សច្រើនមកទស្សនាការប្រណាំងទូកតាំងពីស្រុកឆ្ងាយៗ និងពីបណ្ដាខេត្តមួយចំនួនទៀតនៅជាប់ខេត្តបាត់ដំបង ក៏មកមើលប្រណាំងទូកនេះដូចគ្នាដែរ»។
Image may be NSFW.
Clik here to view.
នៅក្នុងពិធីប្រណាំងទូកនេះមានការដាក់តាំងពិព័រណ៍ទំនិញរបស់ជនជាតិថៃ និងខ្មែរមួយចំនួននៅតាមដងស្ទឹងសង្កែត្រើយខាងលិច និងនៅត្រើយខាងកើត។ រថយន្តដឹកទំនិញរបស់ជនជាតិថៃ ជាច្រើនគ្រឿង បានបញ្ចេញទំនិញរបស់ខ្លួនដាក់តាមតង់បណ្ដើរៗចាប់ពីរសៀលថ្ងៃទី៩ តុលា។
មន្ត្រីគណៈកម្មការរៀបចំពិធីប្រណាំងទូកនៃសាលាខេត្តបាត់ដំបង លោក ហុង ឆេត មានប្រសាសន៍ថា ការប្រណាំងទូកជាលក្ខណៈប្រពៃណីខ្មែរនៅដងស្ទឹងសង្កែ ធ្វើឡើងចំនួន ២ថ្ងៃ គឺចាប់ពីថ្ងៃទី១៥ ដល់ថ្ងៃទី១៦ តុលា។ ទន្ទឹមគ្នានេះដែរ លោកបញ្ជាក់ថា ដើម្បីកំដរនៅក្នុងពិធីនេះឲ្យមានភាពអ៊ូអរអធិកអធម នៅពេលរាត្រីមានការប្រគំតន្ត្រីចំនួន ៣កន្លែងចែកជូនភ្ញៀវជាតិ និងអន្តរជាតិបានទស្សនាកម្សាន្តរៀងរាល់រាត្រី និងមានការដាក់តាំងពិព័រណ៍ទំនិញចំនួន ៧ថ្ងៃ គឺចាប់ពីថ្ងៃទី១០ ដល់ថ្ងៃទី១៦ តុលា៖ «បាទ! មានអុជកាំជ្រួច និងមានសម្ដែងតន្ត្រី ដូចជានៅមុខផ្សាររាត្រី មុខដើមពោធិ៍ នាគបាញ់ទឹក និងនៅក្បាលស្ពាន ស ខេង ត្រើយខាងកើតទល់មុខវត្តកណ្ដាលមួយកន្លែង ដើម្បីឲ្យប្រជាពលរដ្ឋបានមើល ហើយដើម្បីកាត់បន្ថយការកកស្ទះចរាចរណ៍ផង»។
ទោះបីជាយ៉ាងនេះក្ដី មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តបាត់ដំបង លោក យិន ម៉េងលី កត់សម្គាល់ថា ការប្រណាំងទូកនេះហាក់ពុំបានផ្ដល់ផលប្រយោជន៍ធំដុំដល់ប្រជាពលរដ្ឋនៅក្នុងខេត្តបាត់ដំបង ឡើយ។ លោកបន្ថែមថា ហេតុដែលមិនផ្ដល់ផលប្រយោជន៍ដល់ពលរដ្ឋ ពីព្រោះនៅក្នុងពិធីនេះ អាជ្ញាធរអនុញ្ញាតឲ្យបរទេសដាក់តាំងទំនិញរបស់ពួកគេលក់ច្រើនជាងទំនិញរបស់ពលរដ្ឋខ្មែរ ដែលនាំឲ្យប្រាក់ចំណូលពីការទិញទំនិញរបស់អ្នកមកទស្សនាការប្រណាំងទូក ធ្លាក់លើដៃជនបរទេស៖ «យើងសាទរនឹងការរៀបចំនេះ ក៏ប៉ុន្តែយើងចង់ឲ្យការរៀបចំនេះ បង្ហាញនូវផលិតផល ឬក៏ស្នាដៃរបស់ពលរដ្ឋខ្មែរឲ្យបានច្រើនជាងផលិតផលរបស់គេដែលនាំចូលមកយើង ល្អជាង»។
ទូកដែលចូលរួមការប្រកួតរយៈពេល ២ថ្ងៃនេះមានចំនួន ២៦គ្រឿង ក្នុងនោះមានទូកអុំបើកឆាក ៤គ្រឿង ទូកអុំបុរសខ្នាតអន្តរជាតិចំនួន ៨គ្រឿង ទូកខ្នាតអន្តរជាតិផ្នែកនារី ៣គ្រឿង ទូកអុំផ្នែកបុរសប្រពៃណីខ្នាតខ្លី ៨គ្រឿង និងទូកងប្រពៃណីជាតិ ៣គ្រឿង។ មន្ត្រីសាលាខេត្តបាត់ដំបង បញ្ជាក់ថា ទូកដែលទទួលបានជ័យលាភីឆ្នើម អាជ្ញាធរខេត្តនឹងបញ្ជូនទៅប្រកួតក្នុ