Image may be NSFW.
Clik here to view.
ដោយ រដ្ឋា វិសាល RFA 2016-10-13
ជនជាតិដើមភាគតិចគ្រឹង មួយភូមិថ្មីទៀតនៅខេត្តរតនគិរី បានទទួលវិញ្ញាបនបត្រសម្គាល់កម្មសិទ្ធិដីសមូហភាពផ្លូវការពីក្រសួងរៀបចំដែនដី នគរូបនីយកម្ម និងសំណង់។ មន្ត្រីអាជ្ញាធរ និងតំណាងសហគមន៍ចាត់ទុកការចុះបញ្ជីដីធ្លីជនជាតិដើមភាគតិចជាកម្មសិទ្ធិសមូហភាពនេះនឹងជួយការពារដីធ្លីសហគមន៍ចៀសផុតពីការទន្ទ្រានកាន់កាប់ពីមជ្ឈដ្ឋានក្រៅសហគមន៍។
អ្នកភូមិប្រមាណ ១០០នាក់ រួមជាមួយមន្ត្រីមូលដ្ឋាន មន្ត្រីអង្គការសង្គមស៊ីវិល តំណាងក្រសួងពាក់ព័ន្ធបានចូលរួមពិធីចែកវិញ្ញាបនបត្រសំគាល់ដីធ្លីសហគមន៍ភូមិពីរក្នុងឃុំពយ ស្រុកអូរជុំ នៅថ្ងៃទី១២ ខែតុលា។
ពិធីសែនព្រេនបែបប្រពៃណី និងការប្រគុំតន្ត្រីគង រួមជាមួយរបាំចម្រៀងជនជាតិដើមភាគតិចត្រូវបានសហគមន៍រៀបចំធ្វើដើម្បីអបអរពិធីទទួលបានវិញ្ញាបនបត្រដីសមូហភាពដែលអ្នកភូមិទន្ទឹងរង់ចាំការកំណត់ផ្លូវច្បាប់តាំងពីឆ្នាំ២០១៣ ដើម្បីអភិរក្សដីធ្លីអ្នកភូមិកុំឲ្យមានការទន្ទ្រានយកតទៅទៀត។
Image may be NSFW.
Clik here to view.
ប្រធានសហគមន៍លោក រ៉ែវ ត្រេន បញ្ជាក់ថា សុវត្ថិភាពដីធ្លីមានសារសំខាន់ណាស់ក្នុងកិច្ចការពារវប្បធម៌ប្រពៃណី និងអត្តសញ្ញាណជនជាតិដើមភាគតិចដែលបច្ចុប្បន្នកំពុងប្រឈមទៅនឹងការបាត់បង់ដីកាន់តែច្រើន។ លោកបន្តថា សហគមន៍លែងភ័យខ្លាចបាត់បង់ដីតទៅទៀត ខណៈអ្នកភូមិទទួលបានវិញ្ញាបនបត្រផ្លូវការពីស្ថាប័នថ្នាក់ជាតិ៖ «»។
សហគមន៍ភូមិពីរបានចុះបញ្ជីកំណត់អត្តសញ្ញាណជាជនជាតិដើមភាគតិច និងចុះបញ្ជីជាសហគមន៍នីតិបុគ្គលទទួលស្គាល់ដោយក្រសួងអភិវឌ្ឍន៍ជនបទ និងក្រសួងមហាផ្ទៃ តាំងពីឆ្នាំ២០១០។ បច្ចុប្បន្នអ្នកភូមិជាង ១៦០គ្រួសារ រក្សាបានដីជាង ៨០០ហិកតារ ដើម្បីចុះបញ្ជីជាកម្មសិទ្ធិសមូហភាពសហគមន៍។
មេឃុំល្អក់ លោក យ៉ាម ប៉ាន កត់សំគាល់ថា ចាប់ពីសហគមន៍បង្កើតបានលក្ខន្តិកៈសហគមន៍រួចមកការលក់ដូរដីសហគមន៍បានបញ្ចប់។ លោកថា ការចុះបញ្ជីដីជាកម្មសិទ្ធិសមូហភាពធ្វើឲ្យមានសុវត្ថិភាព និងតម្លាភាពផ្ទៃក្នុងសហគមន៍ និងរក្សាដីធ្លីបាននៅគង់វង្សសម្រាប់កូនចៅជំនាន់ក្រោយ៖ «»។
នៅខេត្តរតនគិរី មានជនជាតិដើមភាគតិចចំនួន ៦៥សហគមន៍ បានចុះបញ្ជីកំណត់អត្តសញ្ញាណ និងចុះបញ្ជីសហគមន៍នីតិបុគ្គលនៅក្រសួងអភិវឌ្ឍន៍ជនបទ និងនៅក្រសួងមហាផ្ទៃ រួចហើយ។
អភិបាលខេត្តរតនគិរី លោក ថង សាវុន កត់សំគាល់ដែរថា តំបន់ជនជាតិដើមភាគតិចនៅខេត្តរតនគិរី មានការលំបាកផ្លូវធ្វើដំណើរចុះអនុវត្តគោលនយោបាយចុះបញ្ជីដីជូនប្រជាពលរដ្ឋ ជាពិសេសប្រជាពលរដ្ឋក៏ពិបាកចូលរួមជាមួយក្រុមការងារជំនាញនារដូវវស្សានេះ។ លោកអំពាវនាវសុំឲ្យមានការគាំទ្រពីថ្នាក់ជាតិបន្ថែមទៀតដើម្បីជំរុញការអភិវឌ្ឍនៅតំបន់ជនជាតិដើមភាគតិចបានរីកចំរើន៖ «»។
ដូចគ្នានេះដែរ រដ្ឋលេខាធិការក្រសួងដែនដីនគរូបនីយកម្ម និងសំណង់ លោក សរ សុវណ្ណ បញ្ជាក់ដែរថា សហគមន៍ត្រូវបង្កើតការយល់ដឹងពីលក្ខន្តិកៈ និងបទបញ្ជាផ្ទៃក្នុងរបស់ខ្លួនឲ្យបានច្បាស់លាស់ដើម្បីរួមចំណែកការពារដីធ្លីដែលបានចុះបញ្ជីរួចហើយ។ លោកថា ស្ថាប័នពាក់ព័ន្ធត្រូវត្រូវរួមគ្នាជួយពង្រឹងការយល់ដឹងសហគមន៍ជនជាតិដើមភាគតិចដើម្បីអនុវត្តគោលនយោបាយចុះបញ្ជីដីធ្លីសហគមន៍លើកស្ទួយសិទ្ធិជនជាតិដើមភាគតិច៖ «»។
បច្ចុប្បន្នមន្ទីររៀបចំដែនដី នគរូបនីយកម្ម និងសំណង់ ខេត្តរតនគិរី ចេញវិញ្ញាបនបត្រសំគាល់ដីសមូហភាពសហគមន៍បាន ៥សហគមន៍។ កំពុងស្នើសុំចំនួន ២៥សហគមន៍ និងចេញលិខិតបង្កករួច ១០សហគមន៍៕
Clik here to view.
ដោយ រដ្ឋា វិសាល RFA 2016-10-13
ជនជាតិដើមភាគតិចគ្រឹង មួយភូមិថ្មីទៀតនៅខេត្តរតនគិរី បានទទួលវិញ្ញាបនបត្រសម្គាល់កម្មសិទ្ធិដីសមូហភាពផ្លូវការពីក្រសួងរៀបចំដែនដី នគរូបនីយកម្ម និងសំណង់។ មន្ត្រីអាជ្ញាធរ និងតំណាងសហគមន៍ចាត់ទុកការចុះបញ្ជីដីធ្លីជនជាតិដើមភាគតិចជាកម្មសិទ្ធិសមូហភាពនេះនឹងជួយការពារដីធ្លីសហគមន៍ចៀសផុតពីការទន្ទ្រានកាន់កាប់ពីមជ្ឈដ្ឋានក្រៅសហគមន៍។
អ្នកភូមិប្រមាណ ១០០នាក់ រួមជាមួយមន្ត្រីមូលដ្ឋាន មន្ត្រីអង្គការសង្គមស៊ីវិល តំណាងក្រសួងពាក់ព័ន្ធបានចូលរួមពិធីចែកវិញ្ញាបនបត្រសំគាល់ដីធ្លីសហគមន៍ភូមិពីរក្នុងឃុំពយ ស្រុកអូរជុំ នៅថ្ងៃទី១២ ខែតុលា។
ពិធីសែនព្រេនបែបប្រពៃណី និងការប្រគុំតន្ត្រីគង រួមជាមួយរបាំចម្រៀងជនជាតិដើមភាគតិចត្រូវបានសហគមន៍រៀបចំធ្វើដើម្បីអបអរពិធីទទួលបានវិញ្ញាបនបត្រដីសមូហភាពដែលអ្នកភូមិទន្ទឹងរង់ចាំការកំណត់ផ្លូវច្បាប់តាំងពីឆ្នាំ២០១៣ ដើម្បីអភិរក្សដីធ្លីអ្នកភូមិកុំឲ្យមានការទន្ទ្រានយកតទៅទៀត។
Image may be NSFW.
Clik here to view.
ប្រធានសហគមន៍លោក រ៉ែវ ត្រេន បញ្ជាក់ថា សុវត្ថិភាពដីធ្លីមានសារសំខាន់ណាស់ក្នុងកិច្ចការពារវប្បធម៌ប្រពៃណី និងអត្តសញ្ញាណជនជាតិដើមភាគតិចដែលបច្ចុប្បន្នកំពុងប្រឈមទៅនឹងការបាត់បង់ដីកាន់តែច្រើន។ លោកបន្តថា សហគមន៍លែងភ័យខ្លាចបាត់បង់ដីតទៅទៀត ខណៈអ្នកភូមិទទួលបានវិញ្ញាបនបត្រផ្លូវការពីស្ថាប័នថ្នាក់ជាតិ៖ «»។
សហគមន៍ភូមិពីរបានចុះបញ្ជីកំណត់អត្តសញ្ញាណជាជនជាតិដើមភាគតិច និងចុះបញ្ជីជាសហគមន៍នីតិបុគ្គលទទួលស្គាល់ដោយក្រសួងអភិវឌ្ឍន៍ជនបទ និងក្រសួងមហាផ្ទៃ តាំងពីឆ្នាំ២០១០។ បច្ចុប្បន្នអ្នកភូមិជាង ១៦០គ្រួសារ រក្សាបានដីជាង ៨០០ហិកតារ ដើម្បីចុះបញ្ជីជាកម្មសិទ្ធិសមូហភាពសហគមន៍។
មេឃុំល្អក់ លោក យ៉ាម ប៉ាន កត់សំគាល់ថា ចាប់ពីសហគមន៍បង្កើតបានលក្ខន្តិកៈសហគមន៍រួចមកការលក់ដូរដីសហគមន៍បានបញ្ចប់។ លោកថា ការចុះបញ្ជីដីជាកម្មសិទ្ធិសមូហភាពធ្វើឲ្យមានសុវត្ថិភាព និងតម្លាភាពផ្ទៃក្នុងសហគមន៍ និងរក្សាដីធ្លីបាននៅគង់វង្សសម្រាប់កូនចៅជំនាន់ក្រោយ៖ «»។
នៅខេត្តរតនគិរី មានជនជាតិដើមភាគតិចចំនួន ៦៥សហគមន៍ បានចុះបញ្ជីកំណត់អត្តសញ្ញាណ និងចុះបញ្ជីសហគមន៍នីតិបុគ្គលនៅក្រសួងអភិវឌ្ឍន៍ជនបទ និងនៅក្រសួងមហាផ្ទៃ រួចហើយ។
អភិបាលខេត្តរតនគិរី លោក ថង សាវុន កត់សំគាល់ដែរថា តំបន់ជនជាតិដើមភាគតិចនៅខេត្តរតនគិរី មានការលំបាកផ្លូវធ្វើដំណើរចុះអនុវត្តគោលនយោបាយចុះបញ្ជីដីជូនប្រជាពលរដ្ឋ ជាពិសេសប្រជាពលរដ្ឋក៏ពិបាកចូលរួមជាមួយក្រុមការងារជំនាញនារដូវវស្សានេះ។ លោកអំពាវនាវសុំឲ្យមានការគាំទ្រពីថ្នាក់ជាតិបន្ថែមទៀតដើម្បីជំរុញការអភិវឌ្ឍនៅតំបន់ជនជាតិដើមភាគតិចបានរីកចំរើន៖ «»។
ដូចគ្នានេះដែរ រដ្ឋលេខាធិការក្រសួងដែនដីនគរូបនីយកម្ម និងសំណង់ លោក សរ សុវណ្ណ បញ្ជាក់ដែរថា សហគមន៍ត្រូវបង្កើតការយល់ដឹងពីលក្ខន្តិកៈ និងបទបញ្ជាផ្ទៃក្នុងរបស់ខ្លួនឲ្យបានច្បាស់លាស់ដើម្បីរួមចំណែកការពារដីធ្លីដែលបានចុះបញ្ជីរួចហើយ។ លោកថា ស្ថាប័នពាក់ព័ន្ធត្រូវត្រូវរួមគ្នាជួយពង្រឹងការយល់ដឹងសហគមន៍ជនជាតិដើមភាគតិចដើម្បីអនុវត្តគោលនយោបាយចុះបញ្ជីដីធ្លីសហគមន៍លើកស្ទួយសិទ្ធិជនជាតិដើមភាគតិច៖ «»។
បច្ចុប្បន្នមន្ទីររៀបចំដែនដី នគរូបនីយកម្ម និងសំណង់ ខេត្តរតនគិរី ចេញវិញ្ញាបនបត្រសំគាល់ដីសមូហភាពសហគមន៍បាន ៥សហគមន៍។ កំពុងស្នើសុំចំនួន ២៥សហគមន៍ និងចេញលិខិតបង្កករួច ១០សហគមន៍៕
