ពលរដ្ឋជាច្រើនពាន់នាក់ចូលរួមបុណ្យខួប១០០ថ្ងៃបណ្ឌិត កែម ឡី ថ្ងៃទី១

ការរៀបចំដាក់បង្ហាញរូបសំណាកបណ្ឌិត កែម ឡី ក្នុងពិធីបុណ្យខួប១០០ថ្ងៃ នៅវត្តពោធិយារាម ហៅវត្តចាស់ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ នៅថ្ងៃទី១៤ ខែតុលា ឆ្នាំ២០១៦។ RFA/Chuop Sereyroth

ដោយ អាស៊ីសេរី RFA 2016-10-13

ប្រជាពលរដ្ឋពីតាមបណ្ដាខេត្តនាំគ្នាសម្រុកមកចូលរួមពិធីបុណ្យខួប ១០០ថ្ងៃ បណ្ឌិត កែម ឡី បណ្ដើរៗហើយ នៅព្រឹកថ្ងៃទី១៤ ខែតុលា។

ពិធីបុណ្យនេះ ប្រារព្ធឡើងនៅវត្តពោធិយារាម ហៅវត្តចាស់ ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ចាប់ពីថ្ងៃទី១៤ ដល់ថ្ងៃទី១៦ តុលា។

កម្មវិធីបុណ្យនៅព្រឹកថ្ងៃទី១៤ តុលា គណៈកម្មការបុណ្យមកជួបជុំគ្នាដើម្បីរៀបចំរោងជាដើម។ នៅម៉ោង ១១ព្រឹកនេះ គណៈកម្មការបុណ្យរំកិលរូបសំណាកបណ្ឌិត កែម ឡី ពីព្រះវិហារ មកកាន់រោងបុណ្យ។

លុះរសៀលកម្មវិធីនឹងជួបជុំអ្នកចូលរួមពីទីជិតឆ្ងាយ ដើម្បីធ្វើពិធីតាមបែបព្រះពុទ្ធសាសនា។

លោកបណ្ឌិត កែម ឡី ជាអ្នកស្រាវជ្រាវការអភិវឌ្ឍសង្គម ត្រូវបានខ្មាន់កាំភ្លើងបាញ់សម្លាប់នៅព្រឹកថ្ងៃទី១០ ខែកក្កដា ឆ្នាំ២០១៦ នៅឯស្ដារម៉ាត (Star Mart) ក្នុងស្ថានីយលក់ប្រេងឥន្ធនៈកាល់តិច (Caltex) កណ្ដាលរាជធានីភ្នំពេញ។ បណ្ឌិត កែម ឡី ត្រូវបានសាធារណជនជាច្រើនបានស្គាល់លោកតាមរយៈការវិភាគលើបញ្ហាសង្គម ស្ថានភាពនយោបាយ សិទ្ធិមនុស្ស ការអភិវឌ្ឍប្រទេសនៅលើប្រព័ន្ធផ្សព្វផ្សាយជាតិ និងអន្តរជាតិ ហើយលោកត្រូវបានពលរដ្ឋខ្មែរដែលគាំទ្រការវិភាគរបស់លោក ហៅថា ជាអ្នកវិភាគឯករាជ្យ ដែលនិយាយចំៗទាក់ទងនឹងភាពអសកម្មរបស់រដ្ឋាភិបាល និងបញ្ហាផ្សេងៗទៀត ទោះបីជាលោកបានដឹងជាមុនថា លោកប្រឈមនឹងការបាញ់សម្លាប់ដោយប្រការណាមួយក្ដី។

សូមរង់ចាំអាន និងស្ដាប់ព័ត៌មានពិស្ដារ...

Image may be NSFW.
Clik here to view.