Image may be NSFW.
Clik here to view.
ដោយ សុ ជីវី RFA 2016-10-13
ពលរដ្ឋមានបញ្ហាដីធ្លីនៅបឹងកក់ ប្រមាណ ៤០នាក់ ប្រមូលផ្ដុំគ្នាស្រែកតវ៉ានៅមុខការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នៅថ្ងៃទី១៤ ខែតុលា។ ពួកគេដាក់ញត្តិមួយទៅអ្នករាយការណ៍ពិសេសរបស់អង្គការសហប្រជាជាតិ អ្នកស្រី រ៉ូណា ស្មីត (Rhona Smith) ដើម្បីជួយអន្តរាគមន៍ទៅរដ្ឋាភិបាលអោយមានការដោះលែងស្ត្រីបឹងកក់ មួយរូប ដែលកំពុងជាប់ឃុំ។
ញត្តិស្នើសុំអន្តរាគមន៍របស់អ្នកមានជម្លោះដីធ្លីក្នុងតំបន់បឹងកក់ បានស្នើដល់អ្នករាយការណ៍ពិសេសទទួលបន្ទុកសិទ្ធិមនុស្សនៅកម្ពុជា អ្នកស្រី រ៉ូណា ស្មីត ជួយអោយមានការដោះលែងអ្នកស្រី ទេព វន្នី ពីពន្ធនាគារ និងទម្លាក់ចោលរាល់បទចោទប្រឆាំងរូបអ្នកស្រី។
ស្របគ្នានេះ ក្រុមអ្នកតវ៉ាបានស្រែកទាមទារថា អ្នកស្រី ទេព វន្នី ជាប់ពន្ធនាគារដោយអយុត្តិធម៌ ដែលចាំបាច់ត្រូវមានការដោះលែងអ្នកស្រីមកវិញ។ ពួកគេក៏អំពាវនាវដល់អ្នកស្រី រ៉ូណា ស្មីត អោយជួយដល់រឿងនេះ៖ «»។
ក្នុងញត្តិរបស់អ្នកសហគមន៍បឹងកក់ បានលើកឡើងថា អ្នកស្រី ទេព វន្នី ដែលជាតំណាងសហគមន៍បឹងកក់ បានជាប់ក្នុងឃុំរយៈពេល ៥៩ថ្ងៃមកហើយ។ អ្នកស្រី ទេព វន្នី ត្រូវបានអាជ្ញាធរចាប់ឃុំខ្លួនកាលពីល្ងាចថ្ងៃច័ន្ទ ទី១៥ ខែសីហា នៅពេលធ្វើយុទ្ធនាការថ្ងៃច័ន្ទពណ៌ខ្មៅ នៅក្នុងសហគមន៍បឹងកក់។ ភ្លាមៗនោះអ្នកស្រីត្រូវបានតុលាការផ្ដន្ទាទោសឲ្យជាប់ពន្ធនាគារចំនួន ៦ថ្ងៃ និងពិន័យជាប្រាក់ម្នាក់ ៨ម៉ឺនរៀល។ ប៉ុន្តែមកដល់ថ្ងៃទី១៩ ខែកញ្ញា សាលាដំបូងរាជធានីភ្នំពេញ បានសម្រេចផ្ដន្ទាទោសសកម្មជនដីធ្លីតំបន់បឹងកក់ ៤នាក់ រួមមានអ្នកស្រី ទេព វន្នី ផង ឲ្យជាប់ពន្ធនាគារក្នុងម្នាក់ចំនួន ៦ខែ ពីបទប្រមាថ និងប្រឆាំងអ្នករាជការសាធារណៈកាលពីឆ្នាំ២០១១ កន្លងទៅ។ លើសពីនេះ អ្នកស្រី ទេព វន្នី ក៏ត្រូវចោទប្រកាន់ពាក់ព័ន្ធនឹងអំពើហិង្សានៅក្បែរផ្ទះលោកនាយករដ្ឋមន្ត្រីកាលពីឆ្នាំ២០១៣។
តំណាងសហគមន៍បឹងកក់ អ្នកស្រី បូវ សោភា រំពឹងថា សំណើនៅពេលនេះ នឹងត្រូវអ្នករាយការណ៍ពិសេសរបស់អង្គការសហប្រជាជាតិលើកឡើងទៅកាន់រដ្ឋាភិបាលដើម្បីអោយមានការដោះលែងអ្នកស្រី ទេព វន្នី៖ «ព្រោះអីអ្នកស្រី ទេព វន្នី ១០០ភាគរយ ប្រឹងប្រែងតវ៉ារឿងដីធ្លីនៅតំបន់បឹងកក់...»។
សម្រែកទាមទាររបស់ក្រុមសហគមន៍បឹងកក់ បានជំរុញអោយមន្ត្រីរបស់ការិយាល័យឧត្ដមស្នងការអង្គការសហប្រជាជាតិ ចេញមកជួបអ្នកតវ៉ា និងបញ្ជាក់ថា នឹងនាំយកញត្តិទៅជូនអ្នករាយការណ៍ពិសេស ដែលកំពុងជាប់បេសកកម្មនៅខាងក្រៅការិយាល័យ។ មន្រ្តីរូបនោះបញ្ជាក់ថា ការិយាល័យឧត្តមស្នងការសហប្រជាជាតិនៅតែតាមដានបញ្ហារបស់អ្នកបឹងកក់នេះ៖ «អ្នករាយការណ៍ពិសេសរបស់អង្គការសហប្រជាជាតិ បានដឹងរឿងនេះ ហើយអ្នកស្រីបានជួបពិភាក្សាជាមួយអ្នកស្រី ទេព វន្នី កាលពីម្សិលមិញ...»។
បើទោះជាយ៉ាងណា តំណាងអ្នកតវ៉ាចំនួន ៤នាក់ ក៏ត្រូវអនុញ្ញាតអោយចូលទៅពិភាក្សាបន្ថែមពីញ្ញតិរបស់ពួកគេ។
ក្នុងលិខិតរបស់តំណាងសហគមន៍បឹងកក់ ក៏បានអំពាវនាវដល់អ្នកស្រី រ៉ូណា ស្មីត ឲ្យអន្តរាគមន៍បញ្ចប់ជម្លោះដីធ្លីរបស់ពួកគេដែរ។
អ្នកស្រី បូវ សោភា តំណាងសហគមន៍បឹងកក់ សង្ឃឹមថា នឹងទទួលបានផលល្អពីការស្នើសុំអន្តរាគមន៍នេះ បន្ទាប់ពីដឹងថា អ្នកស្រី រ៉ូណា ស្មីត បានទៅសួរសុខទុក្ខអ្នកស្រី ទេព វន្នី ដល់ពន្ធនាគាររួចហើយកាលពីថ្ងៃទី១៣ ខែតុលា៖ «ស្របពេលអ្នករាយការណ៍ពិសេសមកនេះ ខ្ញុំជឿជាក់ថា អ្នកស្រី ទេព វន្នី នឹងសេរីភាព...»។
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្ស នៅកម្ពុជា អ្នកស្រី រ៉ូណា ស្មីត បានមកដល់កម្ពុជា កាលពីថ្ងៃទី៩ ខែតុលា ដើម្បីធ្វើទស្សនកិច្ចសិក្សាវាយតម្លៃលើស្ថានភាពនយោបាយទូទៅ និងទិដ្ឋភាពផ្សេងៗនៃការរើសអើង។ ទស្សនកិច្ចរបស់អ្នកស្រីនឹងបញ្ចប់នៅថ្ងៃទី២០ ខែតុលា៕
Clik here to view.
ដោយ សុ ជីវី RFA 2016-10-13
ពលរដ្ឋមានបញ្ហាដីធ្លីនៅបឹងកក់ ប្រមាណ ៤០នាក់ ប្រមូលផ្ដុំគ្នាស្រែកតវ៉ានៅមុខការិយាល័យឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា នៅថ្ងៃទី១៤ ខែតុលា។ ពួកគេដាក់ញត្តិមួយទៅអ្នករាយការណ៍ពិសេសរបស់អង្គការសហប្រជាជាតិ អ្នកស្រី រ៉ូណា ស្មីត (Rhona Smith) ដើម្បីជួយអន្តរាគមន៍ទៅរដ្ឋាភិបាលអោយមានការដោះលែងស្ត្រីបឹងកក់ មួយរូប ដែលកំពុងជាប់ឃុំ។
ញត្តិស្នើសុំអន្តរាគមន៍របស់អ្នកមានជម្លោះដីធ្លីក្នុងតំបន់បឹងកក់ បានស្នើដល់អ្នករាយការណ៍ពិសេសទទួលបន្ទុកសិទ្ធិមនុស្សនៅកម្ពុជា អ្នកស្រី រ៉ូណា ស្មីត ជួយអោយមានការដោះលែងអ្នកស្រី ទេព វន្នី ពីពន្ធនាគារ និងទម្លាក់ចោលរាល់បទចោទប្រឆាំងរូបអ្នកស្រី។
ស្របគ្នានេះ ក្រុមអ្នកតវ៉ាបានស្រែកទាមទារថា អ្នកស្រី ទេព វន្នី ជាប់ពន្ធនាគារដោយអយុត្តិធម៌ ដែលចាំបាច់ត្រូវមានការដោះលែងអ្នកស្រីមកវិញ។ ពួកគេក៏អំពាវនាវដល់អ្នកស្រី រ៉ូណា ស្មីត អោយជួយដល់រឿងនេះ៖ «»។
ក្នុងញត្តិរបស់អ្នកសហគមន៍បឹងកក់ បានលើកឡើងថា អ្នកស្រី ទេព វន្នី ដែលជាតំណាងសហគមន៍បឹងកក់ បានជាប់ក្នុងឃុំរយៈពេល ៥៩ថ្ងៃមកហើយ។ អ្នកស្រី ទេព វន្នី ត្រូវបានអាជ្ញាធរចាប់ឃុំខ្លួនកាលពីល្ងាចថ្ងៃច័ន្ទ ទី១៥ ខែសីហា នៅពេលធ្វើយុទ្ធនាការថ្ងៃច័ន្ទពណ៌ខ្មៅ នៅក្នុងសហគមន៍បឹងកក់។ ភ្លាមៗនោះអ្នកស្រីត្រូវបានតុលាការផ្ដន្ទាទោសឲ្យជាប់ពន្ធនាគារចំនួន ៦ថ្ងៃ និងពិន័យជាប្រាក់ម្នាក់ ៨ម៉ឺនរៀល។ ប៉ុន្តែមកដល់ថ្ងៃទី១៩ ខែកញ្ញា សាលាដំបូងរាជធានីភ្នំពេញ បានសម្រេចផ្ដន្ទាទោសសកម្មជនដីធ្លីតំបន់បឹងកក់ ៤នាក់ រួមមានអ្នកស្រី ទេព វន្នី ផង ឲ្យជាប់ពន្ធនាគារក្នុងម្នាក់ចំនួន ៦ខែ ពីបទប្រមាថ និងប្រឆាំងអ្នករាជការសាធារណៈកាលពីឆ្នាំ២០១១ កន្លងទៅ។ លើសពីនេះ អ្នកស្រី ទេព វន្នី ក៏ត្រូវចោទប្រកាន់ពាក់ព័ន្ធនឹងអំពើហិង្សានៅក្បែរផ្ទះលោកនាយករដ្ឋមន្ត្រីកាលពីឆ្នាំ២០១៣។
តំណាងសហគមន៍បឹងកក់ អ្នកស្រី បូវ សោភា រំពឹងថា សំណើនៅពេលនេះ នឹងត្រូវអ្នករាយការណ៍ពិសេសរបស់អង្គការសហប្រជាជាតិលើកឡើងទៅកាន់រដ្ឋាភិបាលដើម្បីអោយមានការដោះលែងអ្នកស្រី ទេព វន្នី៖ «ព្រោះអីអ្នកស្រី ទេព វន្នី ១០០ភាគរយ ប្រឹងប្រែងតវ៉ារឿងដីធ្លីនៅតំបន់បឹងកក់...»។
សម្រែកទាមទាររបស់ក្រុមសហគមន៍បឹងកក់ បានជំរុញអោយមន្ត្រីរបស់ការិយាល័យឧត្ដមស្នងការអង្គការសហប្រជាជាតិ ចេញមកជួបអ្នកតវ៉ា និងបញ្ជាក់ថា នឹងនាំយកញត្តិទៅជូនអ្នករាយការណ៍ពិសេស ដែលកំពុងជាប់បេសកកម្មនៅខាងក្រៅការិយាល័យ។ មន្រ្តីរូបនោះបញ្ជាក់ថា ការិយាល័យឧត្តមស្នងការសហប្រជាជាតិនៅតែតាមដានបញ្ហារបស់អ្នកបឹងកក់នេះ៖ «អ្នករាយការណ៍ពិសេសរបស់អង្គការសហប្រជាជាតិ បានដឹងរឿងនេះ ហើយអ្នកស្រីបានជួបពិភាក្សាជាមួយអ្នកស្រី ទេព វន្នី កាលពីម្សិលមិញ...»។
បើទោះជាយ៉ាងណា តំណាងអ្នកតវ៉ាចំនួន ៤នាក់ ក៏ត្រូវអនុញ្ញាតអោយចូលទៅពិភាក្សាបន្ថែមពីញ្ញតិរបស់ពួកគេ។
ក្នុងលិខិតរបស់តំណាងសហគមន៍បឹងកក់ ក៏បានអំពាវនាវដល់អ្នកស្រី រ៉ូណា ស្មីត ឲ្យអន្តរាគមន៍បញ្ចប់ជម្លោះដីធ្លីរបស់ពួកគេដែរ។
អ្នកស្រី បូវ សោភា តំណាងសហគមន៍បឹងកក់ សង្ឃឹមថា នឹងទទួលបានផលល្អពីការស្នើសុំអន្តរាគមន៍នេះ បន្ទាប់ពីដឹងថា អ្នកស្រី រ៉ូណា ស្មីត បានទៅសួរសុខទុក្ខអ្នកស្រី ទេព វន្នី ដល់ពន្ធនាគាររួចហើយកាលពីថ្ងៃទី១៣ ខែតុលា៖ «ស្របពេលអ្នករាយការណ៍ពិសេសមកនេះ ខ្ញុំជឿជាក់ថា អ្នកស្រី ទេព វន្នី នឹងសេរីភាព...»។
អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្ស នៅកម្ពុជា អ្នកស្រី រ៉ូណា ស្មីត បានមកដល់កម្ពុជា កាលពីថ្ងៃទី៩ ខែតុលា ដើម្បីធ្វើទស្សនកិច្ចសិក្សាវាយតម្លៃលើស្ថានភាពនយោបាយទូទៅ និងទិដ្ឋភាពផ្សេងៗនៃការរើសអើង។ ទស្សនកិច្ចរបស់អ្នកស្រីនឹងបញ្ចប់នៅថ្ងៃទី២០ ខែតុលា៕
