Image may be NSFW.
Clik here to view.
ដោយ រដ្ឋា វិសាល RFA 2016-10-16
គណៈកម្មការបង្ក្រាបទប់ស្កាត់បទល្មើសអាជីវកម្មរ៉ែនៃអាជ្ញាធរខេត្តរតនគិរី សម្រេចពិន័យជាប្រាក់លើជនជាតិវៀតណាម បីនាក់ដែលបានខួងយកគំរូសំណាកថ្មនៅស្រុកកូនមុំ ដោយគ្មានច្បាប់អនុញ្ញាត។ ក្រុមហ៊ុនវៀតណាម មួយបានជាប់ពាក់ព័ន្ធការជួលវៀតណាម ឲ្យខួងថ្មភ្នំគ្មានច្បាប់នេះ។
មន្ត្រីនគរបាលស្នងការដ្ឋានខេត្តរតនគិរី បានដោះលែងជនជាតិវៀតណាម បីនាក់ដែលត្រូវឃាត់ខ្លួនបណ្ដោះអាសន្នពាក់ព័ន្ធការខួងយកគំរូសំណាកថ្មភ្នំនៅឃុំត្រពាំងក្រហម ស្រុកកូនមុំ ខេត្តរតនគិរី ជាថ្នូរនឹងបង់ប្រាក់ពិន័យតាមច្បាប់រ៉ែ។
ការដោះលែងនេះ ធ្វើឡើងតាមការប្រជុំសម្រេចរបស់គណៈកម្មការបង្ក្រាបទប់ស្កាត់បទល្មើសរ៉ែនៃអាជ្ញាធរខេត្តរតនគិរី កាលពីថ្ងៃទី១៤ ខែតុលា ក្រោយពីមន្ត្រីមន្ទីររ៉ែបានធ្វើរបាយការណ៍បង្ហាញថា ជនជាតិវៀតណាម ទាំងបីនាក់នេះមិនមានកំហុសធ្ងន់ធ្ងរ ត្រូវអនុវត្តនីតិវិធីបង់ប្រាក់ពិន័យតាមច្បាប់រ៉ែកំណត់។
អ្នកនាំពាក្យសាលាខេត្តរតនគិរី លោក ញ៉ែម សំអឿន បញ្ជាក់ថា ក្រុមហ៊ុនវៀតណាម ឈ្មោះ ថាន់ ង្វៀង គឺជាអ្នកធានា និងបង់ប្រាក់ពិន័យទាក់ទិនកំហុសជនជាតិវៀតណាម ទាំងបីនាក់ ដោយសារក្រុមហ៊ុននេះបានរៀបចំបែបបទស្នើសុំច្បាប់ខួងយកគំរូសំណាកថ្មនៅតំបន់ភ្នំលាក់កាំភ្លើង ក៏ប៉ុន្តែជនជាតិវៀតណាម ជាកម្មកររបស់ក្រុមហ៊ុនបានខួងយកគំរូសំណាកថ្មមុនពេលអាជ្ញាធរផ្តល់លិខិតអនុញ្ញាត៖ «យើងពិន័យ ហើយយើងចាប់យកអ្វីទាំងអស់ ហើយយើងណែនាំក្រុមហ៊ុនគាត់ឲ្យធ្វើតាមច្បាប់»។
Image may be NSFW.
Clik here to view.
ជនជាតិវៀតណាម ទាំងបីនាក់ត្រូវបានសមត្ថកិច្ចនគរបាលស្រុកកូនមុំ ឃាត់ខ្លួនកាលពីថ្ងៃទី១២ ខែតុលា ខណៈប្រជាពលរដ្ឋនៅភូមិពីរ ឃុំត្រពាំងក្រហម ប្រទះឃើញជនជាតិវៀតណាម ៦នាក់ដាក់គ្រឿងម៉ាស៊ីនខួងថ្មពីរកន្លែងនៅជើងភ្នំលាក់កាំភ្លើង តាំងពីមុនរដូវបុណ្យភ្ជុំមកម្ល៉េះ។
ប្រធានមន្ទីររ៉ែ និងថាមពលខេត្តរតនគិរី លោក ហ៊ុន ប៊ុនថាន បញ្ជាក់ថា ជនជាតិវៀតណាម នេះមានកំហុសខួងយកគំរូសំណាកថ្មមុនពេលក្រុមហ៊ុនទទួលបានលិខិតអនុញ្ញាតពីស្ថាប័នពាក់ព័ន្ធ។ លោកទទួលស្គាល់ថា ក្រុមហ៊ុនវៀតណាម បានមកសម្របសម្រួលជាមួយមន្ទីរជំនាញរួចហើយ ដើម្បីរៀបចំឯកសារស្នើសុំបោះទីតាំងខួងយកគំរូសំណាកថ្ម ដើម្បីស្រាវជ្រាវគំរូសំណាកថ្មនៅតំបន់នោះផលិតជាថ្មការ៉ូ៖ «មិនមែនខួងធ្វើអាជីវកម្មទេ ខួងយកប៉ាន់ណា! ប៉ុណ្ណឹងអត់ដល់ថ្នាក់ពន្ធនាគារទេ ត្រឹមតែកសាងអប់រំ»។
ស្នងការរងប៉ូលិសខេត្តរតនគិរី លោក ជា ប៊ុនធឿន ឲ្យដឹងនៅថ្ងៃទី១៥ ខែតុលា ថា ប៉ូលិសសម្រេចដោះលែងជនជាតិវៀតណាម ជាបណ្ដោះអាសន្នកាលពីរសៀលថ្ងៃទី១៤ បន្ទាប់ពីឃាត់ខ្លួនពួកគេអស់រយៈពេល ៤៨ម៉ោង តាមការធានាខ្លួនពីតំណាងក្រុមហ៊ុន ដើម្បីយកប្រាក់មកបង់ពិន័យ។ លោកថា ជនជាតិវៀតណាម ម្នាក់ក្នុងចំណោមបីនាក់ដែលកាន់លិខិតឆ្លងដែនទេសចរណ៍ ត្រូវបានអប់រំណែនាំពីកំហុសគ្មានលិខិតអនុញ្ញាតពីក្រសួងការងារ។
អ្នកនាំពាក្យ និងជាអនុរដ្ឋលេខាធិការក្រសួងរ៉ែ និងថាមពល លោក ម៉េង សក្ដិធារ៉ា ចាត់ទុកវិធានការពិន័យជាប្រាក់របស់គណៈកម្មការបង្ក្រាប និងទប់ស្កាត់អនាធិបតេយ្យបទល្មើសរ៉ែនៃអាជ្ញាធរខេត្ត ថាជាវិធានការទន់ភ្លន់ និងជាជំហានដំបូង ដើម្បីព្រមាន និងអប់រំជនល្មើសឲ្យរាងចាល៖ «ឲ្យគាត់ធ្វើកិច្ចសន្យា ហើយដោះលែងទៅ ចាំដល់លើកទីពីរ យើងអនុវត្តតាមច្បាប់»។
ច្បាប់ស្ដីពីការគ្រប់គ្រង និងធ្វើអាជីវកម្មរ៉ែ មាត្រា៣៣ ចែងថា បុគ្គលណាធ្វើអាជីវកម្មរុករកធនធានរ៉ែគ្មានអាជ្ញាប័ណ្ណ ត្រូវពិន័យជាប្រាក់ពី ៥០ម៉ឺនរៀលដល់ ១លានរៀល។ ក្នុងករណីមិនរាងចាល ត្រូវពិន័យពី ១លានរៀលដល់ ២លានរៀល ឬត្រូវផ្ដន្ទាទោសដាក់ពន្ធនាគារពី ១ខែដល់ ១ឆ្នាំ ឬផ្ដន្ទាទោសទាំងពីរ។ ចំណែកមាត្រា៣៤ ចែងថា ត្រូវផ្ដន្ទាទោសពិន័យជាប្រាក់ពី ៥លានរៀលដល់ ១០លានរៀល ឬផ្ដន្ទាទោសដាក់ពន្ធនាគារពី ៦ខែដល់ ១ឆ្នាំ ឬផ្ដន្ទាទោសទាំងពីរ បុគ្គលទាំងឡាយដែលល្មើសមាត្រា៧ វាក្យខណ្ឌទី២ ដែលចែងថា មុនចូលទៅក្នុងតំបន់ជាកម្មសិទ្ធិរបស់រដ្ឋដែលកំណត់ជាតំបន់ការពារ តំបន់បម្រុងទុក ឬតំបន់ហាមឃាត់ ដើម្បីស្វែងរក និងជីកយករ៉ែ សម្បទានិកត្រូវមានការអនុញ្ញាតជាលាយលក្ខណ៍អក្សរពីស្ថាប័នមានសមត្ថកិច្ច ឬស្ថាប័នអន្តរក្រសួងមានតួនាទីគ្រប់គ្រងតំបន់នោះ៕
Clik here to view.
ដោយ រដ្ឋា វិសាល RFA 2016-10-16
គណៈកម្មការបង្ក្រាបទប់ស្កាត់បទល្មើសអាជីវកម្មរ៉ែនៃអាជ្ញាធរខេត្តរតនគិរី សម្រេចពិន័យជាប្រាក់លើជនជាតិវៀតណាម បីនាក់ដែលបានខួងយកគំរូសំណាកថ្មនៅស្រុកកូនមុំ ដោយគ្មានច្បាប់អនុញ្ញាត។ ក្រុមហ៊ុនវៀតណាម មួយបានជាប់ពាក់ព័ន្ធការជួលវៀតណាម ឲ្យខួងថ្មភ្នំគ្មានច្បាប់នេះ។
មន្ត្រីនគរបាលស្នងការដ្ឋានខេត្តរតនគិរី បានដោះលែងជនជាតិវៀតណាម បីនាក់ដែលត្រូវឃាត់ខ្លួនបណ្ដោះអាសន្នពាក់ព័ន្ធការខួងយកគំរូសំណាកថ្មភ្នំនៅឃុំត្រពាំងក្រហម ស្រុកកូនមុំ ខេត្តរតនគិរី ជាថ្នូរនឹងបង់ប្រាក់ពិន័យតាមច្បាប់រ៉ែ។
ការដោះលែងនេះ ធ្វើឡើងតាមការប្រជុំសម្រេចរបស់គណៈកម្មការបង្ក្រាបទប់ស្កាត់បទល្មើសរ៉ែនៃអាជ្ញាធរខេត្តរតនគិរី កាលពីថ្ងៃទី១៤ ខែតុលា ក្រោយពីមន្ត្រីមន្ទីររ៉ែបានធ្វើរបាយការណ៍បង្ហាញថា ជនជាតិវៀតណាម ទាំងបីនាក់នេះមិនមានកំហុសធ្ងន់ធ្ងរ ត្រូវអនុវត្តនីតិវិធីបង់ប្រាក់ពិន័យតាមច្បាប់រ៉ែកំណត់។
អ្នកនាំពាក្យសាលាខេត្តរតនគិរី លោក ញ៉ែម សំអឿន បញ្ជាក់ថា ក្រុមហ៊ុនវៀតណាម ឈ្មោះ ថាន់ ង្វៀង គឺជាអ្នកធានា និងបង់ប្រាក់ពិន័យទាក់ទិនកំហុសជនជាតិវៀតណាម ទាំងបីនាក់ ដោយសារក្រុមហ៊ុននេះបានរៀបចំបែបបទស្នើសុំច្បាប់ខួងយកគំរូសំណាកថ្មនៅតំបន់ភ្នំលាក់កាំភ្លើង ក៏ប៉ុន្តែជនជាតិវៀតណាម ជាកម្មកររបស់ក្រុមហ៊ុនបានខួងយកគំរូសំណាកថ្មមុនពេលអាជ្ញាធរផ្តល់លិខិតអនុញ្ញាត៖ «យើងពិន័យ ហើយយើងចាប់យកអ្វីទាំងអស់ ហើយយើងណែនាំក្រុមហ៊ុនគាត់ឲ្យធ្វើតាមច្បាប់»។
Image may be NSFW.
Clik here to view.
ជនជាតិវៀតណាម ទាំងបីនាក់ត្រូវបានសមត្ថកិច្ចនគរបាលស្រុកកូនមុំ ឃាត់ខ្លួនកាលពីថ្ងៃទី១២ ខែតុលា ខណៈប្រជាពលរដ្ឋនៅភូមិពីរ ឃុំត្រពាំងក្រហម ប្រទះឃើញជនជាតិវៀតណាម ៦នាក់ដាក់គ្រឿងម៉ាស៊ីនខួងថ្មពីរកន្លែងនៅជើងភ្នំលាក់កាំភ្លើង តាំងពីមុនរដូវបុណ្យភ្ជុំមកម្ល៉េះ។
ប្រធានមន្ទីររ៉ែ និងថាមពលខេត្តរតនគិរី លោក ហ៊ុន ប៊ុនថាន បញ្ជាក់ថា ជនជាតិវៀតណាម នេះមានកំហុសខួងយកគំរូសំណាកថ្មមុនពេលក្រុមហ៊ុនទទួលបានលិខិតអនុញ្ញាតពីស្ថាប័នពាក់ព័ន្ធ។ លោកទទួលស្គាល់ថា ក្រុមហ៊ុនវៀតណាម បានមកសម្របសម្រួលជាមួយមន្ទីរជំនាញរួចហើយ ដើម្បីរៀបចំឯកសារស្នើសុំបោះទីតាំងខួងយកគំរូសំណាកថ្ម ដើម្បីស្រាវជ្រាវគំរូសំណាកថ្មនៅតំបន់នោះផលិតជាថ្មការ៉ូ៖ «មិនមែនខួងធ្វើអាជីវកម្មទេ ខួងយកប៉ាន់ណា! ប៉ុណ្ណឹងអត់ដល់ថ្នាក់ពន្ធនាគារទេ ត្រឹមតែកសាងអប់រំ»។
ស្នងការរងប៉ូលិសខេត្តរតនគិរី លោក ជា ប៊ុនធឿន ឲ្យដឹងនៅថ្ងៃទី១៥ ខែតុលា ថា ប៉ូលិសសម្រេចដោះលែងជនជាតិវៀតណាម ជាបណ្ដោះអាសន្នកាលពីរសៀលថ្ងៃទី១៤ បន្ទាប់ពីឃាត់ខ្លួនពួកគេអស់រយៈពេល ៤៨ម៉ោង តាមការធានាខ្លួនពីតំណាងក្រុមហ៊ុន ដើម្បីយកប្រាក់មកបង់ពិន័យ។ លោកថា ជនជាតិវៀតណាម ម្នាក់ក្នុងចំណោមបីនាក់ដែលកាន់លិខិតឆ្លងដែនទេសចរណ៍ ត្រូវបានអប់រំណែនាំពីកំហុសគ្មានលិខិតអនុញ្ញាតពីក្រសួងការងារ។
អ្នកនាំពាក្យ និងជាអនុរដ្ឋលេខាធិការក្រសួងរ៉ែ និងថាមពល លោក ម៉េង សក្ដិធារ៉ា ចាត់ទុកវិធានការពិន័យជាប្រាក់របស់គណៈកម្មការបង្ក្រាប និងទប់ស្កាត់អនាធិបតេយ្យបទល្មើសរ៉ែនៃអាជ្ញាធរខេត្ត ថាជាវិធានការទន់ភ្លន់ និងជាជំហានដំបូង ដើម្បីព្រមាន និងអប់រំជនល្មើសឲ្យរាងចាល៖ «ឲ្យគាត់ធ្វើកិច្ចសន្យា ហើយដោះលែងទៅ ចាំដល់លើកទីពីរ យើងអនុវត្តតាមច្បាប់»។
ច្បាប់ស្ដីពីការគ្រប់គ្រង និងធ្វើអាជីវកម្មរ៉ែ មាត្រា៣៣ ចែងថា បុគ្គលណាធ្វើអាជីវកម្មរុករកធនធានរ៉ែគ្មានអាជ្ញាប័ណ្ណ ត្រូវពិន័យជាប្រាក់ពី ៥០ម៉ឺនរៀលដល់ ១លានរៀល។ ក្នុងករណីមិនរាងចាល ត្រូវពិន័យពី ១លានរៀលដល់ ២លានរៀល ឬត្រូវផ្ដន្ទាទោសដាក់ពន្ធនាគារពី ១ខែដល់ ១ឆ្នាំ ឬផ្ដន្ទាទោសទាំងពីរ។ ចំណែកមាត្រា៣៤ ចែងថា ត្រូវផ្ដន្ទាទោសពិន័យជាប្រាក់ពី ៥លានរៀលដល់ ១០លានរៀល ឬផ្ដន្ទាទោសដាក់ពន្ធនាគារពី ៦ខែដល់ ១ឆ្នាំ ឬផ្ដន្ទាទោសទាំងពីរ បុគ្គលទាំងឡាយដែលល្មើសមាត្រា៧ វាក្យខណ្ឌទី២ ដែលចែងថា មុនចូលទៅក្នុងតំបន់ជាកម្មសិទ្ធិរបស់រដ្ឋដែលកំណត់ជាតំបន់ការពារ តំបន់បម្រុងទុក ឬតំបន់ហាមឃាត់ ដើម្បីស្វែងរក និងជីកយករ៉ែ សម្បទានិកត្រូវមានការអនុញ្ញាតជាលាយលក្ខណ៍អក្សរពីស្ថាប័នមានសមត្ថកិច្ច ឬស្ថាប័នអន្តរក្រសួងមានតួនាទីគ្រប់គ្រងតំបន់នោះ៕