Image may be NSFW.
Clik here to view.
ដោយ រដ្ឋា វិសាល RFA 2016-10-20
ប្រជាពលរដ្ឋជនជាតិដើមភាគតិចព្នង ជាង ២០នាក់ បាននាំគ្នាទៅសាលាក្រុងសែនមនោរម្យ ខេត្តមណ្ឌលគិរី ដើម្បីសុំឲ្យក្រុមសមត្ថកិច្ចនៅទីនោះជួយអន្តរាគមន៍រក្សាដីតំបន់កប់សពរបស់សហគមន៍។ ដីតំបន់នោះត្រូវជនជាតិដើមភាគតិចក្នុងភូមិជាមួយលក់ទៅឲ្យភរិយាអតីតប្រធានតុលាការខេត្ត ខណៈដីនោះមានផ្នូរដូនតា និងសាច់ញាតិដែលអ្នកភូមិគោរពបូជា។
មន្ត្រីសាលាក្រុងសែនមនោរម្យ ខេត្តមណ្ឌលគិរី នៅព្រឹកថ្ងៃទី២០ ខែតុលា បានយល់ព្រមទៅពិនិត្យកន្លែងកប់សពដែលអ្នកភូមិអះអាងថា ត្រូវបានអ្នកភូមិដូចគ្នាលក់ដូរប៉ះពាល់ផ្នូរសពសហគមន៍ជនជាតិដើមភាគតិច។
កាលពីថ្ងៃទី១៣ ខែតុលា ជនជាតិដើមភាគតិចព្នង ៦នាក់ តំណាងឲ្យអ្នកភូមិ ២២គ្រួសារ រស់នៅភូមិចម្ការតែ សង្កាត់ស្ពានមានជ័យ ក្រុងសែនមនោរម្យ បានដាក់ពាក្យប្ដឹងទៅការិយាល័យការពារសិទ្ធិមនុស្សសមាគមអាដហុក (ADHOC) ខេត្តមណ្ឌលគិរី ដើម្បីស្វែងរកកិច្ចអន្តរាគមន៍ទប់ស្កាត់ការលក់ដីតំបន់កប់សពសហគមន៍នេះ។
ប្រជាពលរដ្ឋម្នាក់ក្នុងចំណោម ២០នាក់ ដែលបាននាំគ្នាទៅសាលាក្រុង គឺអ្នកស្រី ខូយ គ្រាក់ បញ្ជាក់ថា ជនជាតិដើមភាគតិចម្នាក់ឈ្មោះ ព្លិ ជ្រីល រស់នៅភូមិចម្ការតែ ជាមួយគ្នាបានកាប់ឆ្ការព្រៃនៅតំបន់កប់សពកាលពីដើមសប្ដាហ៍ក្រោយពេលមួយថ្ងៃដែលអ្នកភូមិ ២២គ្រួសារ ដាក់ពាក្យប្ដឹងពីរករណីលក់ដីកប់សពនេះ។
អ្នកស្រីបន្តថា ការកាប់ឆ្ការព្រៃនេះធ្វើឲ្យអ្នកភូមិបារម្ភថា ផ្នូរសពសាច់ញាតិក្រុមគ្រួសារពួកគេនឹងត្រូវបំផ្លាញទើបនាំគ្នាទៅសាលាក្រុងដើម្បីសុំឲ្យសមត្ថកិច្ចនៅទីនោះជួយដោះស្រាយបញ្ហាឲ្យពួកគាត់៖ «ខ្ញុំទៅមើលថ្ងៃម្សិលនៅពាក់កណ្ដាលព្រៃខ្មោច ដល់ទៅមើលព្រឹកមិញអស់ហើយព្រៃខ្មោច។ ពួកខ្ញុំទាមទារយកដីហ្នឹងវិញ ហើយរក្សាព្រៃកប់ខ្មោចហ្នឹង»។
របាយការណ៍អង្កេតរបស់មន្ត្រីសមាគមអាដហុក ខេត្តមណ្ឌលគិរី ឲ្យដឹងថា ឈ្មោះ ព្លិ ជ្រីល បានព្រមព្រៀងលក់ដីតំបន់កប់សពនេះឲ្យភរិយាអតីតប្រធានតុលាការខេត្តមណ្ឌលគិរី គឺលោក លូ ស៊ូសម្បត្តិ ច្រើនឆ្នាំមកហើយ ប៉ុន្តែការលក់ដូរនេះត្រូវគេបិទបាំង ទើបប្រជាពលរដ្ឋមិនបានតវ៉ា។ រហូតបច្ចុប្បន្ន គ្រាដែលដីតំបន់នោះត្រូវបានអាជ្ញាធរប្រកាសចុះបញ្ជីកម្មសិទ្ធិជាប្រព័ន្ធទើបបែកធ្លាយថា ដីតំបន់កប់សពរបស់អ្នកភូមិនេះ មន្ត្រីមន្ទីរការិយាល័យសុរិយោដីក្រុងកំពុងរៀបចំចុះបញ្ជីជាកម្មសិទ្ធិទៅឲ្យភរិយាមន្ត្រីមានអំណាច គឺអ្នកស្រី ស្រីមុំ។
ទាក់ទិនករណីនេះ អភិបាលក្រុងសែនមនោរម្យ លោក ឡុង វិបុល ទទួលស្គាល់ថា មន្ត្រីសាលាក្រុងបានចុះពិនិត្យទីតាំងទំនាស់នោះហើយ និងបានណែនាំឲ្យប្រជាពលរដ្ឋអ្នកតវ៉ាដាក់ពាក្យប្ដឹងមកសាលាក្រុងដើម្បីសម្របសម្រួលបញ្ហានេះ។ លោកថា នឹងកោះហៅភាគីពាក់ព័ន្ធទាំងអស់ជួបដោះស្រាយបញ្ហានេះមុនអនុវត្តវិធានការច្បាប់៖ «អ៊ីចឹងហើយបានជាខ្ញុំបញ្ជូនអភិបាលរងក្រុងខ្ញុំដើម្បីសម្របសម្រួលឃាត់សកម្មភាពទាំងអស់ រង់ចាំជជែកគ្នាសិនធ្វើម៉េចឲ្យបងប្អូនទាំងពីរទទួលបានទាំងអស់គ្នា»។
ចំណែកមន្ត្រីសម្របសម្រួលសមាគមអាដហុក ខេត្តមណ្ឌលគិរី លោក សុក រដ្ឋា ចាត់ទុកការលក់ដូរដីកប់សពគឺជាអំពើខុសច្បាប់។ លោកស្នើសុំឲ្យសមត្ថកិច្ចសាលាក្រុងដោះស្រាយបញ្ហានេះដោយតម្លាភាពជូនប្រជាពលរដ្ឋ៖ «មិនត្រូវឲ្យមានការទិញលក់តាមអំពើចិត្តយកមកធ្វើជាផលប្រយោជន៍បុគ្គលនោះទេ។ មិនត្រូវមានទំនោរទៅលើភាគីអ្នកមានអំណាចមានលុយទេ»។
ទោះបីជាយ៉ាងណាក៏ដោយ តំណាងប្រជាពលរដ្ឋ ២២គ្រួសារ នៅរសៀលថ្ងៃទី២០ ខែតុលា បានធ្វើពាក្យប្ដឹងករណីលក់ដីកប់សពសហគមន៍នេះទៅការិយាល័យទទួលពាក្យបណ្ដឹងរបស់សាលាក្រុងរួចហើយ៕
Clik here to view.
ដោយ រដ្ឋា វិសាល RFA 2016-10-20
ប្រជាពលរដ្ឋជនជាតិដើមភាគតិចព្នង ជាង ២០នាក់ បាននាំគ្នាទៅសាលាក្រុងសែនមនោរម្យ ខេត្តមណ្ឌលគិរី ដើម្បីសុំឲ្យក្រុមសមត្ថកិច្ចនៅទីនោះជួយអន្តរាគមន៍រក្សាដីតំបន់កប់សពរបស់សហគមន៍។ ដីតំបន់នោះត្រូវជនជាតិដើមភាគតិចក្នុងភូមិជាមួយលក់ទៅឲ្យភរិយាអតីតប្រធានតុលាការខេត្ត ខណៈដីនោះមានផ្នូរដូនតា និងសាច់ញាតិដែលអ្នកភូមិគោរពបូជា។
មន្ត្រីសាលាក្រុងសែនមនោរម្យ ខេត្តមណ្ឌលគិរី នៅព្រឹកថ្ងៃទី២០ ខែតុលា បានយល់ព្រមទៅពិនិត្យកន្លែងកប់សពដែលអ្នកភូមិអះអាងថា ត្រូវបានអ្នកភូមិដូចគ្នាលក់ដូរប៉ះពាល់ផ្នូរសពសហគមន៍ជនជាតិដើមភាគតិច។
កាលពីថ្ងៃទី១៣ ខែតុលា ជនជាតិដើមភាគតិចព្នង ៦នាក់ តំណាងឲ្យអ្នកភូមិ ២២គ្រួសារ រស់នៅភូមិចម្ការតែ សង្កាត់ស្ពានមានជ័យ ក្រុងសែនមនោរម្យ បានដាក់ពាក្យប្ដឹងទៅការិយាល័យការពារសិទ្ធិមនុស្សសមាគមអាដហុក (ADHOC) ខេត្តមណ្ឌលគិរី ដើម្បីស្វែងរកកិច្ចអន្តរាគមន៍ទប់ស្កាត់ការលក់ដីតំបន់កប់សពសហគមន៍នេះ។
ប្រជាពលរដ្ឋម្នាក់ក្នុងចំណោម ២០នាក់ ដែលបាននាំគ្នាទៅសាលាក្រុង គឺអ្នកស្រី ខូយ គ្រាក់ បញ្ជាក់ថា ជនជាតិដើមភាគតិចម្នាក់ឈ្មោះ ព្លិ ជ្រីល រស់នៅភូមិចម្ការតែ ជាមួយគ្នាបានកាប់ឆ្ការព្រៃនៅតំបន់កប់សពកាលពីដើមសប្ដាហ៍ក្រោយពេលមួយថ្ងៃដែលអ្នកភូមិ ២២គ្រួសារ ដាក់ពាក្យប្ដឹងពីរករណីលក់ដីកប់សពនេះ។
អ្នកស្រីបន្តថា ការកាប់ឆ្ការព្រៃនេះធ្វើឲ្យអ្នកភូមិបារម្ភថា ផ្នូរសពសាច់ញាតិក្រុមគ្រួសារពួកគេនឹងត្រូវបំផ្លាញទើបនាំគ្នាទៅសាលាក្រុងដើម្បីសុំឲ្យសមត្ថកិច្ចនៅទីនោះជួយដោះស្រាយបញ្ហាឲ្យពួកគាត់៖ «ខ្ញុំទៅមើលថ្ងៃម្សិលនៅពាក់កណ្ដាលព្រៃខ្មោច ដល់ទៅមើលព្រឹកមិញអស់ហើយព្រៃខ្មោច។ ពួកខ្ញុំទាមទារយកដីហ្នឹងវិញ ហើយរក្សាព្រៃកប់ខ្មោចហ្នឹង»។
របាយការណ៍អង្កេតរបស់មន្ត្រីសមាគមអាដហុក ខេត្តមណ្ឌលគិរី ឲ្យដឹងថា ឈ្មោះ ព្លិ ជ្រីល បានព្រមព្រៀងលក់ដីតំបន់កប់សពនេះឲ្យភរិយាអតីតប្រធានតុលាការខេត្តមណ្ឌលគិរី គឺលោក លូ ស៊ូសម្បត្តិ ច្រើនឆ្នាំមកហើយ ប៉ុន្តែការលក់ដូរនេះត្រូវគេបិទបាំង ទើបប្រជាពលរដ្ឋមិនបានតវ៉ា។ រហូតបច្ចុប្បន្ន គ្រាដែលដីតំបន់នោះត្រូវបានអាជ្ញាធរប្រកាសចុះបញ្ជីកម្មសិទ្ធិជាប្រព័ន្ធទើបបែកធ្លាយថា ដីតំបន់កប់សពរបស់អ្នកភូមិនេះ មន្ត្រីមន្ទីរការិយាល័យសុរិយោដីក្រុងកំពុងរៀបចំចុះបញ្ជីជាកម្មសិទ្ធិទៅឲ្យភរិយាមន្ត្រីមានអំណាច គឺអ្នកស្រី ស្រីមុំ។
ទាក់ទិនករណីនេះ អភិបាលក្រុងសែនមនោរម្យ លោក ឡុង វិបុល ទទួលស្គាល់ថា មន្ត្រីសាលាក្រុងបានចុះពិនិត្យទីតាំងទំនាស់នោះហើយ និងបានណែនាំឲ្យប្រជាពលរដ្ឋអ្នកតវ៉ាដាក់ពាក្យប្ដឹងមកសាលាក្រុងដើម្បីសម្របសម្រួលបញ្ហានេះ។ លោកថា នឹងកោះហៅភាគីពាក់ព័ន្ធទាំងអស់ជួបដោះស្រាយបញ្ហានេះមុនអនុវត្តវិធានការច្បាប់៖ «អ៊ីចឹងហើយបានជាខ្ញុំបញ្ជូនអភិបាលរងក្រុងខ្ញុំដើម្បីសម្របសម្រួលឃាត់សកម្មភាពទាំងអស់ រង់ចាំជជែកគ្នាសិនធ្វើម៉េចឲ្យបងប្អូនទាំងពីរទទួលបានទាំងអស់គ្នា»។
ចំណែកមន្ត្រីសម្របសម្រួលសមាគមអាដហុក ខេត្តមណ្ឌលគិរី លោក សុក រដ្ឋា ចាត់ទុកការលក់ដូរដីកប់សពគឺជាអំពើខុសច្បាប់។ លោកស្នើសុំឲ្យសមត្ថកិច្ចសាលាក្រុងដោះស្រាយបញ្ហានេះដោយតម្លាភាពជូនប្រជាពលរដ្ឋ៖ «មិនត្រូវឲ្យមានការទិញលក់តាមអំពើចិត្តយកមកធ្វើជាផលប្រយោជន៍បុគ្គលនោះទេ។ មិនត្រូវមានទំនោរទៅលើភាគីអ្នកមានអំណាចមានលុយទេ»។
ទោះបីជាយ៉ាងណាក៏ដោយ តំណាងប្រជាពលរដ្ឋ ២២គ្រួសារ នៅរសៀលថ្ងៃទី២០ ខែតុលា បានធ្វើពាក្យប្ដឹងករណីលក់ដីកប់សពសហគមន៍នេះទៅការិយាល័យទទួលពាក្យបណ្ដឹងរបស់សាលាក្រុងរួចហើយ៕
