Image may be NSFW.
Clik here to view.
ដោយ ម៉ែន សុធីរ RFA 2016-10-20
ពលរដ្ឋរស់នៅឃុំថ្មអណ្ដើក ស្រុកចិត្របូរី ខេត្តក្រចេះ បង្ខំចិត្តប្រថុយគ្រោះថ្នាក់ឆ្លងស្ពានយោលមួយកន្លែងនៅមូលដ្ឋានរបស់ពួកគេ ដោយសារតែពុំមានជម្រើស។ អ្នកភូមិថា ប្រសិនបើអាជ្ញាធរនៅតែពន្យារពេលជួសជុល ឬកសាងស្ពាននេះទៀត នឹងបង្កគ្រោះថ្នាក់ដល់អ្នកដំណើរ ជាពិសេសសិស្សានុសិស្ស។
ពលរដ្ឋរស់នៅឃុំថ្មអណ្ដើក ស្រុកចិត្របូរី នៅថ្ងៃទី២០ តុលា អំពាវនាវឲ្យអាជ្ញាធររដ្ឋាភិបាលពន្លឿនជួសជុល ឬកសាងស្ពានមួយកន្លែងឈ្មោះ "ស្ពានព្រែកទេរ"ដែលមានសភាពទ្រុឌទ្រោមខ្លាំង ដើម្បីសម្រួលជីវភាពរស់នៅរបស់ពួកគេ។
ពលរដ្ឋម្នាក់ក្នុងចំណោមពលរដ្ឋជាច្រើនទៀត គឺលោក រុំ យាប ចាត់ទុកស្ពានមួយខ្សែនេះថាជាសរសៃឈាមសេដ្ឋកិច្ចអ្នកភូមិរាប់ពាន់គ្រួសារនៅតំបន់នោះច្រើនឆ្នាំកន្លងទៅ ក៏ប៉ុន្តែអ្នកភូមិព្រួយបារម្ភពីសុវត្ថិភាព ខណៈដែលស្ថានភាពស្ពាននេះទ្រុឌទ្រោមខ្លាំង។ លោកបន្តថា អ្នកភូមិមួយចំនួនបានដឹកកសិផល និងឈើប្រណិតតាមម៉ូតូលើសទម្ងន់ឆ្លងស្ពាន ក៏ជាផ្នែកមួយបណ្ដាលឲ្យស្ពាននេះរងការខូចខាតដែរ៖ «ការធ្វើដំណើរទៅវារលាស់ខ្លាំង ដល់ពេលយើងធ្វើដំណើរទៅវាលំបាកខ្លាំងហើយ និយាយរួមទៅលំបាកពលរដ្ឋធ្វើដំណើរតែម្តង។ វាប្រថុយខ្លាំង។ វាប្រឈមឧបសគ្គដូចជាទី១ ស្ពានអាចដាច់ ហើយទី២ ស្ពានវាទ្រុឌទ្រោមខ្លាំងវារលាស់»។
ស្ពានព្រែកទេរ កសាងឡើងនៅឆ្នាំ២០០៦ ឧបត្ថម្ភដោយប្រជាជនស្វីស ចំណាយទឹកប្រាក់សាងសង់ ២ម៉ឺនដុល្លារ។ ស្ពានយោលនេះមានទទឹងប្រហែល ១ម៉ែត្រ បណ្តោយ ៩៧ម៉ែត្រ និងជម្រៅជាង ២០ម៉ែត្រគិតត្រឹមផ្ទៃទឹកក្នុងខែវស្សា។
មេឃុំថ្មអណ្ដើក លោក ឯម លេន ទទួលស្គាល់ថា ស្ពាននេះមានស្ថានភាពទ្រុឌទ្រោម ក៏ប៉ុន្តែគម្រោងកសាងស្ពាននេះឡើងវិញ ត្រូវចំណាយថវិកាច្រើនហួសពីសមត្ថភាពធនធានរបស់អាជ្ញាធរឃុំ។ ហេតុនេះ លោកបានរាយការណ៍បញ្ហានេះទៅថ្នាក់លើរួចហើយ។ តែយ៉ាងណា លោកថាកន្លងទៅ អាជ្ញាធរឃុំបានរៃអង្គាសថវិកាពីពលរដ្ឋនៅមូលដ្ឋានជួសជុលបណ្ដើរៗដែរ។ លោកទទូចឲ្យរដ្ឋាភិបាល និងអង្គការសង្គមស៊ីវិល ជួយពន្លឿនកសាងស្ពាននេះដើម្បីធានាសុវត្ថិភាពប្រជាជន និងសម្រាលជីវភាពរស់នៅអ្នកភូមិ៖ «ប្រជាជននៅទីនេះសំណូមពរច្រើនឲ្យបានស្ពានថ្មី ហើយខ្ញុំក៏សំណើទៅតាមរយៈកិច្ចការរដ្ឋបាលជម្រាបជូនលោកអភិបាល និងស្រុកឲ្យបានជ្រាបថា ស្ពាននេះមានការទ្រុឌទ្រោមហើយ។ ចំណុចសំខាន់ ឃុំពុំមានលទ្ធភាពធ្វើទេ»។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង យល់ថា អាជ្ញាធររដ្ឋាភិបាលគួរតែចាត់វិធានការដោះស្រាយបញ្ហានេះជាបន្ទាន់ ដើម្បីបញ្ចៀសគ្រោះថ្នាក់។ លោកបារម្ភថា ប្រសិនបើអាជ្ញាធរនៅតែពន្យារពេលមិនដោះស្រាយបញ្ហានេះទេ មានន័យថា អាជ្ញាធររដ្ឋាភិបាលមិនបានប្រើប្រាស់វិធានការបង្ការឲ្យអស់លទ្ធភាព ក្នុងការការពារសុវត្ថិភាពពលរដ្ឋ៖ «ខ្ញុំមិនគិតថា អាជ្ញាធរនៅមូលដ្ឋានអត់ថវិកា គ្រាន់តែជួសជុលឲ្យវាមានលំនឹង រង់ចាំដោះស្រាយទ្រង់ទ្រាយធំ។ យើងគួរតែប្រើថវិការបស់ខេត្ត និងស្រុកសម្រាប់ការសាងសង់ ព្រោះអាជ្ញាធរខេត្តក៏មានថវិកាសម្រាប់ការសាងសង់ ឬជួសជុល»។
កាលពីឆ្នាំ២០១៥ កុមារម្នាក់បានរអិលធ្លាក់ពីលើស្ពាននោះ នៅគ្រាដែលគេត្រឡប់ពីសាលារៀនឆ្លងកាន់ស្ពាននេះ។
ឃុំថ្មអណ្ដើក ស្រុកចិត្របូរី ខេត្តក្រចេះ ឋិតនៅទិសខាងត្បូងនៃទីរួមខេត្តក្រចេះ ឆ្ងាយពីទីរួមខេត្តជាង ៤០គីឡូម៉ែត្រ។ ពលរដ្ឋរស់នៅទីនោះមានចំនួនជាង ១ពាន់គ្រួសារ ស្មើនឹងពលរដ្ឋជាង ៥ពាន់នាក់៕
Clik here to view.
ដោយ ម៉ែន សុធីរ RFA 2016-10-20
ពលរដ្ឋរស់នៅឃុំថ្មអណ្ដើក ស្រុកចិត្របូរី ខេត្តក្រចេះ បង្ខំចិត្តប្រថុយគ្រោះថ្នាក់ឆ្លងស្ពានយោលមួយកន្លែងនៅមូលដ្ឋានរបស់ពួកគេ ដោយសារតែពុំមានជម្រើស។ អ្នកភូមិថា ប្រសិនបើអាជ្ញាធរនៅតែពន្យារពេលជួសជុល ឬកសាងស្ពាននេះទៀត នឹងបង្កគ្រោះថ្នាក់ដល់អ្នកដំណើរ ជាពិសេសសិស្សានុសិស្ស។
ពលរដ្ឋរស់នៅឃុំថ្មអណ្ដើក ស្រុកចិត្របូរី នៅថ្ងៃទី២០ តុលា អំពាវនាវឲ្យអាជ្ញាធររដ្ឋាភិបាលពន្លឿនជួសជុល ឬកសាងស្ពានមួយកន្លែងឈ្មោះ "ស្ពានព្រែកទេរ"ដែលមានសភាពទ្រុឌទ្រោមខ្លាំង ដើម្បីសម្រួលជីវភាពរស់នៅរបស់ពួកគេ។
ពលរដ្ឋម្នាក់ក្នុងចំណោមពលរដ្ឋជាច្រើនទៀត គឺលោក រុំ យាប ចាត់ទុកស្ពានមួយខ្សែនេះថាជាសរសៃឈាមសេដ្ឋកិច្ចអ្នកភូមិរាប់ពាន់គ្រួសារនៅតំបន់នោះច្រើនឆ្នាំកន្លងទៅ ក៏ប៉ុន្តែអ្នកភូមិព្រួយបារម្ភពីសុវត្ថិភាព ខណៈដែលស្ថានភាពស្ពាននេះទ្រុឌទ្រោមខ្លាំង។ លោកបន្តថា អ្នកភូមិមួយចំនួនបានដឹកកសិផល និងឈើប្រណិតតាមម៉ូតូលើសទម្ងន់ឆ្លងស្ពាន ក៏ជាផ្នែកមួយបណ្ដាលឲ្យស្ពាននេះរងការខូចខាតដែរ៖ «ការធ្វើដំណើរទៅវារលាស់ខ្លាំង ដល់ពេលយើងធ្វើដំណើរទៅវាលំបាកខ្លាំងហើយ និយាយរួមទៅលំបាកពលរដ្ឋធ្វើដំណើរតែម្តង។ វាប្រថុយខ្លាំង។ វាប្រឈមឧបសគ្គដូចជាទី១ ស្ពានអាចដាច់ ហើយទី២ ស្ពានវាទ្រុឌទ្រោមខ្លាំងវារលាស់»។
ស្ពានព្រែកទេរ កសាងឡើងនៅឆ្នាំ២០០៦ ឧបត្ថម្ភដោយប្រជាជនស្វីស ចំណាយទឹកប្រាក់សាងសង់ ២ម៉ឺនដុល្លារ។ ស្ពានយោលនេះមានទទឹងប្រហែល ១ម៉ែត្រ បណ្តោយ ៩៧ម៉ែត្រ និងជម្រៅជាង ២០ម៉ែត្រគិតត្រឹមផ្ទៃទឹកក្នុងខែវស្សា។
មេឃុំថ្មអណ្ដើក លោក ឯម លេន ទទួលស្គាល់ថា ស្ពាននេះមានស្ថានភាពទ្រុឌទ្រោម ក៏ប៉ុន្តែគម្រោងកសាងស្ពាននេះឡើងវិញ ត្រូវចំណាយថវិកាច្រើនហួសពីសមត្ថភាពធនធានរបស់អាជ្ញាធរឃុំ។ ហេតុនេះ លោកបានរាយការណ៍បញ្ហានេះទៅថ្នាក់លើរួចហើយ។ តែយ៉ាងណា លោកថាកន្លងទៅ អាជ្ញាធរឃុំបានរៃអង្គាសថវិកាពីពលរដ្ឋនៅមូលដ្ឋានជួសជុលបណ្ដើរៗដែរ។ លោកទទូចឲ្យរដ្ឋាភិបាល និងអង្គការសង្គមស៊ីវិល ជួយពន្លឿនកសាងស្ពាននេះដើម្បីធានាសុវត្ថិភាពប្រជាជន និងសម្រាលជីវភាពរស់នៅអ្នកភូមិ៖ «ប្រជាជននៅទីនេះសំណូមពរច្រើនឲ្យបានស្ពានថ្មី ហើយខ្ញុំក៏សំណើទៅតាមរយៈកិច្ចការរដ្ឋបាលជម្រាបជូនលោកអភិបាល និងស្រុកឲ្យបានជ្រាបថា ស្ពាននេះមានការទ្រុឌទ្រោមហើយ។ ចំណុចសំខាន់ ឃុំពុំមានលទ្ធភាពធ្វើទេ»។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង យល់ថា អាជ្ញាធររដ្ឋាភិបាលគួរតែចាត់វិធានការដោះស្រាយបញ្ហានេះជាបន្ទាន់ ដើម្បីបញ្ចៀសគ្រោះថ្នាក់។ លោកបារម្ភថា ប្រសិនបើអាជ្ញាធរនៅតែពន្យារពេលមិនដោះស្រាយបញ្ហានេះទេ មានន័យថា អាជ្ញាធររដ្ឋាភិបាលមិនបានប្រើប្រាស់វិធានការបង្ការឲ្យអស់លទ្ធភាព ក្នុងការការពារសុវត្ថិភាពពលរដ្ឋ៖ «ខ្ញុំមិនគិតថា អាជ្ញាធរនៅមូលដ្ឋានអត់ថវិកា គ្រាន់តែជួសជុលឲ្យវាមានលំនឹង រង់ចាំដោះស្រាយទ្រង់ទ្រាយធំ។ យើងគួរតែប្រើថវិការបស់ខេត្ត និងស្រុកសម្រាប់ការសាងសង់ ព្រោះអាជ្ញាធរខេត្តក៏មានថវិកាសម្រាប់ការសាងសង់ ឬជួសជុល»។
កាលពីឆ្នាំ២០១៥ កុមារម្នាក់បានរអិលធ្លាក់ពីលើស្ពាននោះ នៅគ្រាដែលគេត្រឡប់ពីសាលារៀនឆ្លងកាន់ស្ពាននេះ។
ឃុំថ្មអណ្ដើក ស្រុកចិត្របូរី ខេត្តក្រចេះ ឋិតនៅទិសខាងត្បូងនៃទីរួមខេត្តក្រចេះ ឆ្ងាយពីទីរួមខេត្តជាង ៤០គីឡូម៉ែត្រ។ ពលរដ្ឋរស់នៅទីនោះមានចំនួនជាង ១ពាន់គ្រួសារ ស្មើនឹងពលរដ្ឋជាង ៥ពាន់នាក់៕
