ពួកអាយ៉ងប្រជុំគ្នាដើម្បីយករបាយការណ៏ទៅជូនអង្គការលើទីក្រុងហាណូយដូចជាចាប់និងសម្លាម់ខ្មែរអ្នកស្នេហាជាតិនិរទេសមេបក្សប្រឆាំងជាដើម។ ~Reader
ម៉ិច ដារ៉ា ភ្នំពេញ ប៉ុស្តិ៍ | Tue, 25 October 2016
ភ្នំពេញៈ មេដឹកនាំគណបក្សប្រជាជនកម្ពុជាដែលជាគណបក្សកំពុងកាន់អំណាចកាលពីម្សិលមិញបានកោះប្រជុំសមាជិកគណៈអចិន្រៃ្តយ៍នៅទីស្នាក់ការធំរបស់គណបក្សក្នុងរាជធាធានីភ្នំពេញដើម្បីឆ្លងរបាយការណ៍មួយចំនួនប៉ុន្តែមិនមានព័ត៌មានលម្អិតពីបញ្ហានេះទេ។ នេះបើតាមអ្នកនាំពាក្យគណបក្សនេះ។
លោក សុខ ឥសាន មន្រ្តីអ្នកនាំពាក្យគណបក្សប្រជាជនបានឲ្យដឹងថាមានការប្រជុំសមាជិកគណៈអចិន្រៃ្តយ៍គណបក្សប្រជាជនកាលពីថ្ងៃចន្ទម្សិលមិញ ប៉ុន្តែលោកថា មិនបានដឹងសេចក្តីពិស្តារនៃកិច្ចប្រជុំនោះទេ។
លោកបានបញ្ជាក់ថា៖ «យើងមានការប្រជុំកាលពីល្ងាចមិញនេះ។ នេះជាការប្រជុំរបស់គណៈអចិន្រៃ្តយ៍ដែលមានសមាសភាព ៣០ រូប។ ល្ងាចមិញនេះប្រជុំឆ្លងរបាយការណ៍...ខ្ញុំគ្រាន់តែដឹងថាប្រជុំឆ្លងរបាយការណ៍»។
លោកបានឲ្យដឹងដែរថាការនៅក្នុងគណៈអចិន្រៃ្តយ៍នេះមានសមាសភាពចូលរួម ៣០ រូបហើយសុទ្ធតែជាថ្នាក់ដឹកនាំកំពូលរបស់គណបក្ស។
លោកបានបន្តឲ្យដឹងទៀតថា៖ «ជាថ្នាក់ដឹកនាំកំពូលៗមានសម្តេច ហ៊ុន សែន ជាប្រធាន និងអនុប្រធានពីររូបសម្តេច ស ខេង និង សម្ដេច សាយឈុំ...»។
បើទោះណាជាការប្រជុំនេះមិនមានការទម្លាយឲ្យដឹងលម្អិតពីរបៀបវារៈសំខាន់ក៏ដោយតែការជួបប្រជុំថ្នាក់កំពូលនេះបានកើតឡើងភ្លាមៗបន្ទាប់ពីទីស្តីការគណៈរដ្ឋមន្ត្រីបានចេញលិខិតឲ្យអគ្គនាយកដ្ឋានអន្តោប្រវេសន៍ក្រសួងមហាផ្ទៃរឹតបន្តឹងនៅតាមច្រកព្រំដែន និងច្រកទ្វារអន្តរជាតិនានាដែលក្នុងនោះរាប់ទាំងនៅតាមអាកាសយានដ្ឋានផងដែរដើម្បីទប់ស្កាត់កុំឲ្យប្រធានគណបក្សសង្គ្រោះជាតិលោក សម រង្ស៊ី ដែលកំពុងនិរទេសដោយខ្លួនឯងនៅក្រៅប្រទេសដោយមិនឲ្យវិលត្រឡប់ចូលស្រុកវិញខណៈដែលក្រុមអ្នកច្បាប់បានហៅទង្វើបែបនេះថាជាការខុសនឹងច្បាប់រដ្ឋធម្មនុញ្ញកម្ពុជា៕