Image may be NSFW.
Clik here to view.
ដោយ ថា កិត្យា RFA 2016-10-30
សហគមន៍ជម្លោះដីធ្លីតំបន់បឹងកក់ និងបុរីកីឡា នឹងរៀបចំប្រារព្ធយុទ្ធនាការថ្ងៃច័ន្ទពណ៌ខ្មៅនៅសហគមន៍របស់ពួកគេ នៅថ្ងៃច័ន្ទ ទី៣១ ខែតុលា។ តំណាងសហគមន៍មើលឃើញថា អាជ្ញាធរនៅតែមិនយកចិត្តទុកដាក់ស្តាប់ និងដោះស្រាយកង្វល់របស់ពួកគេឡើយ ប៉ុន្តែអាជ្ញាធរនៅតែព្យាយាមរារាំងមិនឲ្យសហគមន៍បឹងកក់រៀបចំយុទ្ធនាការនេះ។
យុទ្ធនាការថ្ងៃច័ន្ទពណ៌ខ្មៅនៅសប្ដាហ៍ទី២៦ នេះ គឺសហគមន៍មានទំនាស់ដីធ្លីនៅសហគមន៍បុរីកីឡា និងសហគមន៍បឹងកក់ នឹងប្រារព្ធពិធីដោយមានរូបភាពខុសគ្នាកាលពីសប្ដាហ៍មុនៗ ដោយពួកគេរៀបចំធ្វើនៅសហគមន៍របស់ពួកគេរៀងៗខ្លួន ដើម្បីទាមទារឲ្យតុលាការដោះលែងមន្ត្រីសិទ្ធិមនុស្ស មន្ត្រី គ.ជ.ប និងទម្លាក់ចោលបទចោទប្រឆាំងសកម្មជនបឹងកក់ ព្រមទាំងរកយុត្តិធម៌ជូនបណ្ឌិត កែម ឡី។
តំណាងសហគមន៍បឹងកក់ លោកស្រី បូវ សោភា ឲ្យអាស៊ីសេរី ដឹងនៅថ្ងៃទី៣០ ខែតុលា ថា ក្រុមពលរដ្ឋបឹងកក់ នឹងប្រមូលផ្ដុំគ្នានៅព្រឹកថ្ងៃច័ន្ទ ទី៣១ ខែតុលា នៅម្ដុំបឹងកក់ ដោយមានសកម្មភាពតវ៉ា និងលើកស្លាករាប់ចំនួនថ្ងៃដែលតំណាងរបស់ពួកគេមួយរូប គឺអ្នកស្រី ទេព វន្នី ត្រូវបានអាជ្ញាធរចាប់ឃុំខ្លួន ព្រមទាំងរាប់ចំនួនថ្ងៃឃុំខ្លួនមន្ត្រីសង្គមស៊ីវិលផងដែរ៖ «ស្អែកយើងមានផ្ទាំងខ្មៅពីរផ្ទាំង ដោយមួយចំហៀងយើងដាក់រូបសង្គមស៊ីវិលដែលជាប់គុកទាំង ៥នាក់ ហើយមួយចំហៀងទៀតខ្ញុំលើករូបអ្នកស្រី ទេព វន្នី ហើយយើងរាប់ចំនួនថ្ងៃដែលពួកគាត់ជាប់ពន្ធនាគារ»។
ចំណែកប្រជាពលរដ្ឋរងគ្រោះដីធ្លីនៅសហគមន៍បុរីកីឡាវិញ ក៏នឹងរៀបចំយុទ្ធនាការថ្ងៃច័ន្ទពណ៌ខ្មៅដែរ ប៉ុន្តែមិនមានទ្រង់ទ្រាយធំដូចមុនៗឡើយ។
តំណាងសហគមន៍បុរីកីឡា លោកស្រី ស ស៊ន បញ្ជាក់ថា ទោះបីជាលំបាកយ៉ាងណា ក៏លោកស្រីមិនព្រមបោះបង់ ឬបញ្ឈប់យុទ្ធនាការថ្ងៃច័ន្ទពណ៌ខ្មៅនេះឡើយ។ លោកស្រីព្រមឈប់ ប្រសិនបើរដ្ឋាភិបាលដោះស្រាយតាមការទាមទាររបស់ពួកគាត់៖ «ទាមទារឲ្យដោះលែងមន្ត្រីអាដហុក (ADHOC) មន្ត្រី គ.ជ.ប និងអ្នកស្រី ទេព វន្នី ព្រមទាំងរកឃាតកដែលសម្លាប់លោកបណ្ឌិត កែម ឡី បង្ហាញកាមេរ៉ាសុវត្ថិភាព ហើយដោះស្រាយដីធ្លីដែលនៅសេសសល់»។
យុទ្ធនាការ «ថ្ងៃច័ន្ទពណ៌ខ្មៅ» ផ្ដួចផ្ដើមឡើងដោយក្រុមអង្គការសង្គមស៊ីវិល និងសកម្មជនដីធ្លី ដោយយកថ្ងៃច័ន្ទជាថ្ងៃធ្វើយុទ្ធនាការស្លៀកពាក់ពណ៌ខ្មៅ។ ថ្ងៃច័ន្ទតំណាងឲ្យថ្ងៃដែលសកម្មជនសិទ្ធិអង្គការអាដហុក (ADHOC) ៤រូប មានអ្នកស្រី លឹម មុន្នី លោក ណៃ វ៉ង់ដា លោក យី សុខសាន្ដ លោក នី សុខា និងអគ្គលេខាធិការរងរបស់ គ.ជ.ប លោក នី ចរិយា ត្រូវបានតុលាការចាប់បញ្ជូនទៅឃុំខ្លួននៅពន្ធនាគារ ពីបទសូកប៉ាន់សាក្សីទាក់ទងនឹងរឿងអាស្រូវស្នេហារវាងអ្នកនាង ខុម ចាន់តារាទី ហៅ ស្រីមុំ ជាមួយលោក កឹម សុខា ហើយពណ៌ខ្មៅតំណាងឲ្យសញ្ញាប្រកាសអាសន្ននៃការរំលោភសិទ្ធិមនុស្សក្នុងប្រទេសកម្ពុជា។
ជារឿយៗ អាជ្ញាធរចាប់ខ្លួនអ្នកចូលរួមយុទ្ធនាការថ្ងៃច័ន្ទពណ៌ខ្មៅ ដោយព្រមានមិនឲ្យចូលរួមសកម្មភាពនេះទៀត។
តំណាងសហគមន៍បឹងកក់ លោកស្រី បូវ សោភា សម្ដែងការសោកស្ដាយដែលអាជ្ញាធរ ជាពិសេសរដ្ឋាភិបាល មិនយកចិត្តទុកដាក់ស្តាប់ និងដោះស្រាយទុក្ខកង្វល់នានាដែលពួកគាត់លើកឡើង។ ផ្ទុយទៅវិញ អាជ្ញាធរ និងរដ្ឋាភិបាល បានចោទប្រកាន់ និងដាក់សម្ពាធលើពួកគាត់បន្ថែមទៀត៖ «ពួកយើងប្រៀបដូចជាកូនមួយដែលកើតមកត្រូវបានគេបោះបង់ចោល ហើយម៉ែឪមើលមកកូនខ្លួនប្រៀបដូចសត្រូវ ដូច្នេះពិតជាលំបាកមែនទែនសម្រាប់ពួកខ្ញុំ»។
ប្រធានគ្រប់គ្រងការិយាល័យស៊ើបអង្កេតសិទ្ធិមនុស្សនៃអង្គការសិទ្ធិមនុស្សលីកាដូ (LICADHO) លោក អំ សំអាត មានប្រសាសន៍ថា ការរារាំង និងការចោទប្រកាន់លើអ្នកប្រារព្ធធ្វើយុទ្ធនាការថ្ងៃច័ន្ទពណ៌ខ្មៅ ថាធ្វើបដិវត្តពណ៌រហូតឈានដល់ចាប់ខ្លួនសកម្មជនបឹងកក់ អ្នកស្រី ទេព វន្នី ជាដើមនោះ គឺបណ្ដាលឲ្យមានការរិះគន់រដ្ឋាភិបាលច្រើន ហើយបណ្ដាប្រទេសម្ចាស់ជំនួយ ក៏បន្ថែមលក្ខខណ្ឌលើកម្ពុជា ដែរ។ ដូច្នេះគ្មានចំណុចណាចំណេញសម្រាប់រដ្ឋាភិបាលឡើយ។ លោក អំ សំអាត ស្នើឲ្យរដ្ឋាភិបាល និងតុលាការ ពិចារណាលើបញ្ហាទាំងអស់នេះឡើងវិញ៖ «គោលនយោបាយឈ្នះៗដែលគណបក្សប្រជាជន ធ្លាប់តែប្រើប្រាស់ គួរតែដល់ពេលពិចារណាដែរ ពីព្រោះបើសកម្មជនការពារសិទ្ធិមនុស្សដែលតុលាការរកមិនឃើញអ្វីខុសទេ គួរតែដោះលែងឲ្យមានសេរីភាព ហើយបង្កើនការរកយុត្តិធម៌ជូនលោកបណ្ឌិត កែម ឡី ហើយពង្រឹងនីតិរដ្ឋនៅកម្ពុជា បានន័យថា ត្រូវតែអនុវត្តច្បាប់ឲ្យស្មើភាពគ្នា»។
ក្រុមប្រជាពលរដ្ឋមានទំនាស់ដីធ្លីនៅភ្នំពេញ ប្រកាសថា ពួកគាត់នឹងនៅតែបន្តតវ៉ា ប្រសិនបើអាជ្ញាធរនៅតែមិនដោះស្រាយបញ្ហាដែលពួកគាត់កំពុងទាមទារទេនោះ៕
Clik here to view.
ដោយ ថា កិត្យា RFA 2016-10-30
សហគមន៍ជម្លោះដីធ្លីតំបន់បឹងកក់ និងបុរីកីឡា នឹងរៀបចំប្រារព្ធយុទ្ធនាការថ្ងៃច័ន្ទពណ៌ខ្មៅនៅសហគមន៍របស់ពួកគេ នៅថ្ងៃច័ន្ទ ទី៣១ ខែតុលា។ តំណាងសហគមន៍មើលឃើញថា អាជ្ញាធរនៅតែមិនយកចិត្តទុកដាក់ស្តាប់ និងដោះស្រាយកង្វល់របស់ពួកគេឡើយ ប៉ុន្តែអាជ្ញាធរនៅតែព្យាយាមរារាំងមិនឲ្យសហគមន៍បឹងកក់រៀបចំយុទ្ធនាការនេះ។
យុទ្ធនាការថ្ងៃច័ន្ទពណ៌ខ្មៅនៅសប្ដាហ៍ទី២៦ នេះ គឺសហគមន៍មានទំនាស់ដីធ្លីនៅសហគមន៍បុរីកីឡា និងសហគមន៍បឹងកក់ នឹងប្រារព្ធពិធីដោយមានរូបភាពខុសគ្នាកាលពីសប្ដាហ៍មុនៗ ដោយពួកគេរៀបចំធ្វើនៅសហគមន៍របស់ពួកគេរៀងៗខ្លួន ដើម្បីទាមទារឲ្យតុលាការដោះលែងមន្ត្រីសិទ្ធិមនុស្ស មន្ត្រី គ.ជ.ប និងទម្លាក់ចោលបទចោទប្រឆាំងសកម្មជនបឹងកក់ ព្រមទាំងរកយុត្តិធម៌ជូនបណ្ឌិត កែម ឡី។
តំណាងសហគមន៍បឹងកក់ លោកស្រី បូវ សោភា ឲ្យអាស៊ីសេរី ដឹងនៅថ្ងៃទី៣០ ខែតុលា ថា ក្រុមពលរដ្ឋបឹងកក់ នឹងប្រមូលផ្ដុំគ្នានៅព្រឹកថ្ងៃច័ន្ទ ទី៣១ ខែតុលា នៅម្ដុំបឹងកក់ ដោយមានសកម្មភាពតវ៉ា និងលើកស្លាករាប់ចំនួនថ្ងៃដែលតំណាងរបស់ពួកគេមួយរូប គឺអ្នកស្រី ទេព វន្នី ត្រូវបានអាជ្ញាធរចាប់ឃុំខ្លួន ព្រមទាំងរាប់ចំនួនថ្ងៃឃុំខ្លួនមន្ត្រីសង្គមស៊ីវិលផងដែរ៖ «ស្អែកយើងមានផ្ទាំងខ្មៅពីរផ្ទាំង ដោយមួយចំហៀងយើងដាក់រូបសង្គមស៊ីវិលដែលជាប់គុកទាំង ៥នាក់ ហើយមួយចំហៀងទៀតខ្ញុំលើករូបអ្នកស្រី ទេព វន្នី ហើយយើងរាប់ចំនួនថ្ងៃដែលពួកគាត់ជាប់ពន្ធនាគារ»។
ចំណែកប្រជាពលរដ្ឋរងគ្រោះដីធ្លីនៅសហគមន៍បុរីកីឡាវិញ ក៏នឹងរៀបចំយុទ្ធនាការថ្ងៃច័ន្ទពណ៌ខ្មៅដែរ ប៉ុន្តែមិនមានទ្រង់ទ្រាយធំដូចមុនៗឡើយ។
តំណាងសហគមន៍បុរីកីឡា លោកស្រី ស ស៊ន បញ្ជាក់ថា ទោះបីជាលំបាកយ៉ាងណា ក៏លោកស្រីមិនព្រមបោះបង់ ឬបញ្ឈប់យុទ្ធនាការថ្ងៃច័ន្ទពណ៌ខ្មៅនេះឡើយ។ លោកស្រីព្រមឈប់ ប្រសិនបើរដ្ឋាភិបាលដោះស្រាយតាមការទាមទាររបស់ពួកគាត់៖ «ទាមទារឲ្យដោះលែងមន្ត្រីអាដហុក (ADHOC) មន្ត្រី គ.ជ.ប និងអ្នកស្រី ទេព វន្នី ព្រមទាំងរកឃាតកដែលសម្លាប់លោកបណ្ឌិត កែម ឡី បង្ហាញកាមេរ៉ាសុវត្ថិភាព ហើយដោះស្រាយដីធ្លីដែលនៅសេសសល់»។
យុទ្ធនាការ «ថ្ងៃច័ន្ទពណ៌ខ្មៅ» ផ្ដួចផ្ដើមឡើងដោយក្រុមអង្គការសង្គមស៊ីវិល និងសកម្មជនដីធ្លី ដោយយកថ្ងៃច័ន្ទជាថ្ងៃធ្វើយុទ្ធនាការស្លៀកពាក់ពណ៌ខ្មៅ។ ថ្ងៃច័ន្ទតំណាងឲ្យថ្ងៃដែលសកម្មជនសិទ្ធិអង្គការអាដហុក (ADHOC) ៤រូប មានអ្នកស្រី លឹម មុន្នី លោក ណៃ វ៉ង់ដា លោក យី សុខសាន្ដ លោក នី សុខា និងអគ្គលេខាធិការរងរបស់ គ.ជ.ប លោក នី ចរិយា ត្រូវបានតុលាការចាប់បញ្ជូនទៅឃុំខ្លួននៅពន្ធនាគារ ពីបទសូកប៉ាន់សាក្សីទាក់ទងនឹងរឿងអាស្រូវស្នេហារវាងអ្នកនាង ខុម ចាន់តារាទី ហៅ ស្រីមុំ ជាមួយលោក កឹម សុខា ហើយពណ៌ខ្មៅតំណាងឲ្យសញ្ញាប្រកាសអាសន្ននៃការរំលោភសិទ្ធិមនុស្សក្នុងប្រទេសកម្ពុជា។
ជារឿយៗ អាជ្ញាធរចាប់ខ្លួនអ្នកចូលរួមយុទ្ធនាការថ្ងៃច័ន្ទពណ៌ខ្មៅ ដោយព្រមានមិនឲ្យចូលរួមសកម្មភាពនេះទៀត។
តំណាងសហគមន៍បឹងកក់ លោកស្រី បូវ សោភា សម្ដែងការសោកស្ដាយដែលអាជ្ញាធរ ជាពិសេសរដ្ឋាភិបាល មិនយកចិត្តទុកដាក់ស្តាប់ និងដោះស្រាយទុក្ខកង្វល់នានាដែលពួកគាត់លើកឡើង។ ផ្ទុយទៅវិញ អាជ្ញាធរ និងរដ្ឋាភិបាល បានចោទប្រកាន់ និងដាក់សម្ពាធលើពួកគាត់បន្ថែមទៀត៖ «ពួកយើងប្រៀបដូចជាកូនមួយដែលកើតមកត្រូវបានគេបោះបង់ចោល ហើយម៉ែឪមើលមកកូនខ្លួនប្រៀបដូចសត្រូវ ដូច្នេះពិតជាលំបាកមែនទែនសម្រាប់ពួកខ្ញុំ»។
ប្រធានគ្រប់គ្រងការិយាល័យស៊ើបអង្កេតសិទ្ធិមនុស្សនៃអង្គការសិទ្ធិមនុស្សលីកាដូ (LICADHO) លោក អំ សំអាត មានប្រសាសន៍ថា ការរារាំង និងការចោទប្រកាន់លើអ្នកប្រារព្ធធ្វើយុទ្ធនាការថ្ងៃច័ន្ទពណ៌ខ្មៅ ថាធ្វើបដិវត្តពណ៌រហូតឈានដល់ចាប់ខ្លួនសកម្មជនបឹងកក់ អ្នកស្រី ទេព វន្នី ជាដើមនោះ គឺបណ្ដាលឲ្យមានការរិះគន់រដ្ឋាភិបាលច្រើន ហើយបណ្ដាប្រទេសម្ចាស់ជំនួយ ក៏បន្ថែមលក្ខខណ្ឌលើកម្ពុជា ដែរ។ ដូច្នេះគ្មានចំណុចណាចំណេញសម្រាប់រដ្ឋាភិបាលឡើយ។ លោក អំ សំអាត ស្នើឲ្យរដ្ឋាភិបាល និងតុលាការ ពិចារណាលើបញ្ហាទាំងអស់នេះឡើងវិញ៖ «គោលនយោបាយឈ្នះៗដែលគណបក្សប្រជាជន ធ្លាប់តែប្រើប្រាស់ គួរតែដល់ពេលពិចារណាដែរ ពីព្រោះបើសកម្មជនការពារសិទ្ធិមនុស្សដែលតុលាការរកមិនឃើញអ្វីខុសទេ គួរតែដោះលែងឲ្យមានសេរីភាព ហើយបង្កើនការរកយុត្តិធម៌ជូនលោកបណ្ឌិត កែម ឡី ហើយពង្រឹងនីតិរដ្ឋនៅកម្ពុជា បានន័យថា ត្រូវតែអនុវត្តច្បាប់ឲ្យស្មើភាពគ្នា»។
ក្រុមប្រជាពលរដ្ឋមានទំនាស់ដីធ្លីនៅភ្នំពេញ ប្រកាសថា ពួកគាត់នឹងនៅតែបន្តតវ៉ា ប្រសិនបើអាជ្ញាធរនៅតែមិនដោះស្រាយបញ្ហាដែលពួកគាត់កំពុងទាមទារទេនោះ៕