សពអតីតនាយករដ្ឋមន្ត្រីលោក ប៉ែន សុវណ្ណ អាចនឹងត្រូវដង្ហែពីខេត្តតាកែវទៅបូជានៅភ្នំពេញ

សពអតីតនាយករដ្ឋមន្ត្រី និងជាតំណាងរាស្ត្រគណបក្សសង្គ្រោះជាតិ មណ្ឌលកំពង់ស្ពឺ លោក ប៉ែន សុវណ្ណ តម្កល់នៅគេហដ្ឋានរបស់លោកនាខេត្តតាកែវ ថ្ងៃទី៣០ ខែតុលា ឆ្នាំ២០១៦។ RFA/Cheu Sideth RFA/Cheu Sideth

ដោយ ម៉ម មុនីរតន៍ RFA 2016-10-30

គណៈកម្មការរៀបចំបុណ្យសពរបស់អតីតនាយករដ្ឋមន្ត្រី និងជាតំណាងរាស្ត្រគណបក្សសង្គ្រោះជាតិ មណ្ឌលកំពង់ស្ពឺ លោក ប៉ែន សុវណ្ណ អះអាងថា សពលោក ប៉ែន សុវណ្ណ អាចនឹងត្រូវដង្ហែពីគេហដ្ឋានរបស់លោកនាខេត្តតាកែវ ទៅបូជានៅរាជធានីភ្នំពេញ។

តំណាងរាស្ត្រគណបក្សសង្គ្រោះជាតិ លោក យ៉ែម បុញ្ញឫទ្ធិ និងជាសមាជិកគណៈកម្មការបុណ្យសព ឲ្យដឹងនៅថ្ងៃអាទិត្យ ទី៣០ តុលា ថា សពរបស់លោក ប៉ែន សុវណ្ណ អាចនឹងត្រូវដង្ហែពីខេត្តតាកែវ ទៅបូជានៅរាជធានីភ្នំពេញ ក្រោយពីគណៈកម្មការនៃរដ្ឋសភាទាំងពីរគណបក្ស ប្រជុំឯកភាពនៅថ្ងៃច័ន្ទ ទី៣១ តុលា ដើម្បីពិនិត្យលទ្ធភាពនៃការរៀបចំពិធីបុណ្យសពលោក ប៉ែន សុវណ្ណ។ គណៈកម្មការរៀបចំបុណ្យសព គ្រោងរៀបចំបូជាសពលោក ប៉ែន សុវណ្ណ នៅមុខវត្តបទុមវតី រាជធានីភ្នំពេញ។

លោក ប៉ែន សុវណ្ណ បានទទួលមរណភាពនៅម៉ោង ៧ និង ១៧នាទី យប់ថ្ងៃសៅរ៍ ទី២៩ តុលា ដោយរោគាពាធ ក្នុងជន្មាយុ ៨០ឆ្នាំ នាគេហដ្ឋានរបស់លោកនៅភូមិស្នោ សង្កាត់រកាក្នុង ក្រុងដូនកែវ ខេត្តតាកែវ។ លោកធ្លាប់ធ្វើជានាយករដ្ឋមន្ត្រីក្នុងរបបសាធារណរដ្ឋប្រជាមានិតកម្ពុជា ចាប់ពីឆ្នាំ១៩៧៩ ដល់ឆ្នាំ១៩៨១។

សូមរង់ចាំតាមដានព័ត៌មានពិស្ដារក្នុងកម្មវិធីផ្សាយយប់នេះ!

Image may be NSFW.
Clik here to view.

Image may be NSFW.
Clik here to view.