Image may be NSFW.
Clik here to view.
ដោយ ដែន អយុធ្យា RFA 2016-11-05
មន្ត្រីពាក់ព័ន្ធការងារចុះបញ្ជីឈ្មោះអ្នកបោះឆ្នោតថ្មី និងមន្ត្រីសង្គមស៊ីវិលឃ្លាំមើលការងារបោះឆ្នោតនាខេត្តព្រះសីហនុ បានអះអាងថា ដំណើរការចុះបញ្ជីឈ្មោះអ្នកបោះឆ្នោតឆ្នាំ២០១៦ មានរយៈពេលជាង ២ខែកន្លងទៅនេះ គឺមានដំណើរការជាធម្មតា ឬមិនមានបាតុភាពធំដុំកើតឡើងគួរឲ្យកត់សម្គាល់ទេ។ ប៉ុន្តែមន្ត្រីគណបក្សសង្គ្រោះជាតិ រិះគន់ថា ការផ្សព្វផ្សាយព័ត៌មានជុំវិញការងារចុះឈ្មោះបោះឆ្នោតឆ្នាំ២០១៦ របស់ស្ថាប័នរៀបចំការបោះឆ្នោត ជូនដល់ប្រជាពលរដ្ឋនៅតាមមូលដ្ឋាននានា គឺមិនបានទូលំទូលាយដល់ប្រជាពលរដ្ឋទេ។
ប្រធានលេខាធិការដ្ឋានរៀបចំការបោះឆ្នោតខេត្តព្រះសីហនុ លោក ហួត ផុន ផ្ដល់សម្ភាសន៍តាមទូរស័ព្ទឲ្យអាស៊ីសេរី ដឹងថា ការចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ គិតចាប់ពីថ្ងៃទី១ ខែកញ្ញា មកដល់ថ្ងៃទី៥ ខែវិច្ឆិកា មិនមានពាក្យបណ្ដឹងពីតំណាងគណបក្សនយោបាយផ្សេងៗធំដុំទេ។
បើទោះជាយ៉ាងណា ក៏មានបញ្ហាខ្លះៗ អាកាសធាតុនៅមូលដ្ឋាននេះ មានភ្លៀងធ្លាក់ជាប់មិនដាច់រយៈពេល ២ខែមកនេះ ជាហេតុនាំឲ្យប្រជាពលរដ្ឋមានការលំបាកក្នុងការធ្វើដំណើរទៅចុះឈ្មោះបោះឆ្នោត និងការចល័តការិយាល័យបោះឆ្នោតជាដើម។
លោក ហួត ផុន អះអាងថា គិតមកដល់ពេលនេះ ដំណើរការចុះបញ្ជីឈ្មោះបោះឆ្នោតឆ្នាំ២០១៦ មានដំណើរការល្អ និងទទួលបានអ្នកចុះឈ្មោះក្នុងបញ្ជីបោះឆ្នោតនៅតាមការិយាល័យចុះឈ្មោះបោះឆ្នោតទាំង ២៧ការិយាល័យ ទូទាំងខេត្តព្រះសីហនុ បានចំនួនសរុបជាង ៧៣ភាគរយរួចហើយ៖ «ពុំមានបញ្ហាអ្វីកើតឡើងពីការងារចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ នេះទេ ប៉ុន្តែយើងមានបញ្ហាខ្លះទៅលើការចុះឈ្មោះនៅការិយាល័យមួយនៅលើកោះរ៉ុង គឺមានភ្លៀងធ្លាក់ គឺមានការលំបាកក្នុងការិយាល័យការិយាល័យចុះឈ្មោះពីទីតាំងមួយទៅទីតាំងផ្សេងទៀត»។
អ្នកស្រី ជៀប សុធារី មន្ត្រីសង្កេតការណ៍ចុះឈ្មោះបោះឆ្នោតរបស់គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) និងជាអ្នកសម្របសម្រួលសមាគមអាដហុក (ADHOC) ប្រចាំខេត្តព្រះសីហនុ។ អ្នកស្រីទទួលស្គាល់ថា ការចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ នៅមូលដ្ឋាននេះ មានដំណើរការរលូន។
អ្នកស្រី សុធារី អះអាងថា ពលរដ្ឋគ្រប់អាយុបោះឆ្នោតភាគច្រើនមានការយល់ដឹងខ្ពស់ពីសារប្រយោជន៍នៃការចុះបញ្ជីឈ្មោះបោះឆ្នោត ហើយពួកគេបានទៅចូលរួមចុះឈ្មោះបោះឆ្នោតថ្មីឆ្នាំ២០១៦ មានចំនួនច្រើននៅតាមការិយាល័យចុះឈ្មោះនីមួយៗ ទូទាំងខេត្តព្រះសីហនុ៖ «ការចុះឈ្មោះនេះគាតសំគាល់ថា មិនកើតមានវិវាទធំដុំនោះទេ ហើយគណបក្សនយោបាយ ដែលបានចុះទៅសង្កេតការណ៍ចុះបញ្ជីឈ្មោះអ្នកបោះឆ្នោតឆ្នាំ២០១៦ ជាអចិន្ត្រៃយ៍នៅតាមការិយាល័យចុះឈ្មោះនីមួយៗ គឺមានគណបក្សសង្គ្រោះជាតិ និងគណបក្សប្រជាជនកម្ពុជា»។
ទោះជាបែបនេះក្តី ប្រធានគណៈកម្មាធិការប្រតិបត្តិគណបក្សសង្គ្រោះជាតិ ប្រចាំខេត្តព្រះសីហនុ លោក សុខ សាវ៉ាត និងជាសមាជិកក្រុមប្រឹក្សាខេត្តព្រះសីហនុ បានកត់សម្គាល់ថា ការងារផ្សព្វផ្សាយរបស់គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប ឲ្យពលរដ្ឋទៅចុះបញ្ជីឈ្មោះបោះឆ្នោតថ្មីនេះ គឺមិនបានទូលំទូលាយទេនៅតាមមូលដ្ឋាននានា ក្នុងខេត្តនេះ។
ជាងនេះទៀត សមត្ថកិច្ចនៅតាមមូលដ្ឋាននីមួយៗ មានការរើសអើងក្នុងការចេញលិខិតបញ្ជាក់អត្តសញ្ញាណ ឬលិខិតបញ្ជាក់ទីលំនៅជូនពលរដ្ឋ ដើម្បីយកទៅបង្ហាញក្រុមការងារចុះបញ្ជីឈ្មោះជាដើម៖ «សូមឲ្យអាជ្ញាធរមូលដ្ឋាននីមួយៗ មេត្តាជួយសម្រួលដល់ការធ្វើសំបុត្របញ្ជាក់អត្តសញ្ញាណជូនពលរដ្ឋ ដើម្បីតានទៅចុះឈ្មោះបោះឆ្នោតឲ្យបានរលូតទាំងអស់គ្នា ហើយសូមកុំរើសអើងពលរដ្ឋនេះ គាំទ្របក្សនេះ ឬបក្សនោះជាបន្តទៀត»។
យ៉ាងនេះក្តី លោក ហួត ផុន ប្រធានលេខាធិការដ្ឋានរៀបចំការបោះឆ្នោត ខេត្តព្រះសីហនុ ប៉ាន់ប្រមាណថា គិតមកដល់ថ្ងៃទី៥ ខែវិច្ឆិកា មានអ្នកចុះឈ្មោះសរុបជាង ១០ម៉ឺននាក់រួចហើយនៅតាមការិយាល័យចុះបញ្ជីឈ្មោះអ្នកបោះឆ្នោតទូទាំងខេត្តព្រះសីហនុ។ លោកបញ្ជាក់ថា ខេត្តជាប់ឆ្នេរសមុទ្រមួយនេះ អាចមានអ្នកមានសិទ្ធិបោះឆ្នោត ឬគ្រប់អាយុចុះឈ្មោះបោះឆ្នោតឆ្នាំ២០១៦ ប្រមាណ ១៣ម៉ឺននាក់។
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថា ការរៀបចំបញ្ជីឈ្មោះបោះឆ្នោតថ្មីឆ្នាំ២០១៦ មានរយៈពេល ៩០ថ្ងៃ គឺចាប់ពីថ្ងៃទី១ ខែកញ្ញា ដល់ថ្ងៃទី២៩ ខែវិច្ឆិកា។ បញ្ជីឈ្មោះបោះឆ្នោតថ្មីនេះ នឹងត្រូវប្រើប្រាស់សម្រាប់បម្រើឲ្យការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ នៅក្នុងឆ្នាំ២០១៧ និងបោះឆ្នោតជ្រើសតាំងតំណាងរាស្ត្រនៅឆ្នាំ២០១៨៕
Clik here to view.
ដោយ ដែន អយុធ្យា RFA 2016-11-05
មន្ត្រីពាក់ព័ន្ធការងារចុះបញ្ជីឈ្មោះអ្នកបោះឆ្នោតថ្មី និងមន្ត្រីសង្គមស៊ីវិលឃ្លាំមើលការងារបោះឆ្នោតនាខេត្តព្រះសីហនុ បានអះអាងថា ដំណើរការចុះបញ្ជីឈ្មោះអ្នកបោះឆ្នោតឆ្នាំ២០១៦ មានរយៈពេលជាង ២ខែកន្លងទៅនេះ គឺមានដំណើរការជាធម្មតា ឬមិនមានបាតុភាពធំដុំកើតឡើងគួរឲ្យកត់សម្គាល់ទេ។ ប៉ុន្តែមន្ត្រីគណបក្សសង្គ្រោះជាតិ រិះគន់ថា ការផ្សព្វផ្សាយព័ត៌មានជុំវិញការងារចុះឈ្មោះបោះឆ្នោតឆ្នាំ២០១៦ របស់ស្ថាប័នរៀបចំការបោះឆ្នោត ជូនដល់ប្រជាពលរដ្ឋនៅតាមមូលដ្ឋាននានា គឺមិនបានទូលំទូលាយដល់ប្រជាពលរដ្ឋទេ។
ប្រធានលេខាធិការដ្ឋានរៀបចំការបោះឆ្នោតខេត្តព្រះសីហនុ លោក ហួត ផុន ផ្ដល់សម្ភាសន៍តាមទូរស័ព្ទឲ្យអាស៊ីសេរី ដឹងថា ការចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ គិតចាប់ពីថ្ងៃទី១ ខែកញ្ញា មកដល់ថ្ងៃទី៥ ខែវិច្ឆិកា មិនមានពាក្យបណ្ដឹងពីតំណាងគណបក្សនយោបាយផ្សេងៗធំដុំទេ។
បើទោះជាយ៉ាងណា ក៏មានបញ្ហាខ្លះៗ អាកាសធាតុនៅមូលដ្ឋាននេះ មានភ្លៀងធ្លាក់ជាប់មិនដាច់រយៈពេល ២ខែមកនេះ ជាហេតុនាំឲ្យប្រជាពលរដ្ឋមានការលំបាកក្នុងការធ្វើដំណើរទៅចុះឈ្មោះបោះឆ្នោត និងការចល័តការិយាល័យបោះឆ្នោតជាដើម។
លោក ហួត ផុន អះអាងថា គិតមកដល់ពេលនេះ ដំណើរការចុះបញ្ជីឈ្មោះបោះឆ្នោតឆ្នាំ២០១៦ មានដំណើរការល្អ និងទទួលបានអ្នកចុះឈ្មោះក្នុងបញ្ជីបោះឆ្នោតនៅតាមការិយាល័យចុះឈ្មោះបោះឆ្នោតទាំង ២៧ការិយាល័យ ទូទាំងខេត្តព្រះសីហនុ បានចំនួនសរុបជាង ៧៣ភាគរយរួចហើយ៖ «ពុំមានបញ្ហាអ្វីកើតឡើងពីការងារចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ នេះទេ ប៉ុន្តែយើងមានបញ្ហាខ្លះទៅលើការចុះឈ្មោះនៅការិយាល័យមួយនៅលើកោះរ៉ុង គឺមានភ្លៀងធ្លាក់ គឺមានការលំបាកក្នុងការិយាល័យការិយាល័យចុះឈ្មោះពីទីតាំងមួយទៅទីតាំងផ្សេងទៀត»។
អ្នកស្រី ជៀប សុធារី មន្ត្រីសង្កេតការណ៍ចុះឈ្មោះបោះឆ្នោតរបស់គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ហៅកាត់ថា ខុមហ្វ្រែល (COMFREL) និងជាអ្នកសម្របសម្រួលសមាគមអាដហុក (ADHOC) ប្រចាំខេត្តព្រះសីហនុ។ អ្នកស្រីទទួលស្គាល់ថា ការចុះបញ្ជីឈ្មោះអ្នកបោះឆ្នោតថ្មីឆ្នាំ២០១៦ នៅមូលដ្ឋាននេះ មានដំណើរការរលូន។
អ្នកស្រី សុធារី អះអាងថា ពលរដ្ឋគ្រប់អាយុបោះឆ្នោតភាគច្រើនមានការយល់ដឹងខ្ពស់ពីសារប្រយោជន៍នៃការចុះបញ្ជីឈ្មោះបោះឆ្នោត ហើយពួកគេបានទៅចូលរួមចុះឈ្មោះបោះឆ្នោតថ្មីឆ្នាំ២០១៦ មានចំនួនច្រើននៅតាមការិយាល័យចុះឈ្មោះនីមួយៗ ទូទាំងខេត្តព្រះសីហនុ៖ «ការចុះឈ្មោះនេះគាតសំគាល់ថា មិនកើតមានវិវាទធំដុំនោះទេ ហើយគណបក្សនយោបាយ ដែលបានចុះទៅសង្កេតការណ៍ចុះបញ្ជីឈ្មោះអ្នកបោះឆ្នោតឆ្នាំ២០១៦ ជាអចិន្ត្រៃយ៍នៅតាមការិយាល័យចុះឈ្មោះនីមួយៗ គឺមានគណបក្សសង្គ្រោះជាតិ និងគណបក្សប្រជាជនកម្ពុជា»។
ទោះជាបែបនេះក្តី ប្រធានគណៈកម្មាធិការប្រតិបត្តិគណបក្សសង្គ្រោះជាតិ ប្រចាំខេត្តព្រះសីហនុ លោក សុខ សាវ៉ាត និងជាសមាជិកក្រុមប្រឹក្សាខេត្តព្រះសីហនុ បានកត់សម្គាល់ថា ការងារផ្សព្វផ្សាយរបស់គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប ឲ្យពលរដ្ឋទៅចុះបញ្ជីឈ្មោះបោះឆ្នោតថ្មីនេះ គឺមិនបានទូលំទូលាយទេនៅតាមមូលដ្ឋាននានា ក្នុងខេត្តនេះ។
ជាងនេះទៀត សមត្ថកិច្ចនៅតាមមូលដ្ឋាននីមួយៗ មានការរើសអើងក្នុងការចេញលិខិតបញ្ជាក់អត្តសញ្ញាណ ឬលិខិតបញ្ជាក់ទីលំនៅជូនពលរដ្ឋ ដើម្បីយកទៅបង្ហាញក្រុមការងារចុះបញ្ជីឈ្មោះជាដើម៖ «សូមឲ្យអាជ្ញាធរមូលដ្ឋាននីមួយៗ មេត្តាជួយសម្រួលដល់ការធ្វើសំបុត្របញ្ជាក់អត្តសញ្ញាណជូនពលរដ្ឋ ដើម្បីតានទៅចុះឈ្មោះបោះឆ្នោតឲ្យបានរលូតទាំងអស់គ្នា ហើយសូមកុំរើសអើងពលរដ្ឋនេះ គាំទ្របក្សនេះ ឬបក្សនោះជាបន្តទៀត»។
យ៉ាងនេះក្តី លោក ហួត ផុន ប្រធានលេខាធិការដ្ឋានរៀបចំការបោះឆ្នោត ខេត្តព្រះសីហនុ ប៉ាន់ប្រមាណថា គិតមកដល់ថ្ងៃទី៥ ខែវិច្ឆិកា មានអ្នកចុះឈ្មោះសរុបជាង ១០ម៉ឺននាក់រួចហើយនៅតាមការិយាល័យចុះបញ្ជីឈ្មោះអ្នកបោះឆ្នោតទូទាំងខេត្តព្រះសីហនុ។ លោកបញ្ជាក់ថា ខេត្តជាប់ឆ្នេរសមុទ្រមួយនេះ អាចមានអ្នកមានសិទ្ធិបោះឆ្នោត ឬគ្រប់អាយុចុះឈ្មោះបោះឆ្នោតឆ្នាំ២០១៦ ប្រមាណ ១៣ម៉ឺននាក់។
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសថា ការរៀបចំបញ្ជីឈ្មោះបោះឆ្នោតថ្មីឆ្នាំ២០១៦ មានរយៈពេល ៩០ថ្ងៃ គឺចាប់ពីថ្ងៃទី១ ខែកញ្ញា ដល់ថ្ងៃទី២៩ ខែវិច្ឆិកា។ បញ្ជីឈ្មោះបោះឆ្នោតថ្មីនេះ នឹងត្រូវប្រើប្រាស់សម្រាប់បម្រើឲ្យការបោះឆ្នោតជ្រើសរើសសមាជិកក្រុមប្រឹក្សាឃុំ-សង្កាត់ នៅក្នុងឆ្នាំ២០១៧ និងបោះឆ្នោតជ្រើសតាំងតំណាងរាស្ត្រនៅឆ្នាំ២០១៨៕